|
|
 مــاذا نهـــدى فى عــيد الحــــب
|
عـيد الحب علي الأبواب .. وإتعودنا أن نقدم هدايا للناس البنحبهم .. طبعا الهدية لازم تكون مغلفة .. في حلقتنا اليوم عايزين نقدم طريقة مبتكرة و طريفة لتغليف الهدايا .. هـل ممكن تتخيلو هدية مغلفة بكديسة .. طريقة سهلة وبسيطة فقط جهزوا مكونات التغليف التالية:
1. كديسـة متوسطة الحجم والعمر
2. ورق تغليف الهدايا المتعارف عليه
3. صندوق عشان تخت جو اهو الهدية
4. شريط لاصق شفاف
5. شريط ملون .. يفضل اللون اللبني لأنو ما تشنق مع الكديسة البيضاء
6. وطبعا الهدية موضوع التغليف
بعد كدا ممكن نبدأ التغليف في 40 خطوة كما مبين أدناه:
1. تأكد انو التربيزة البنلف فيها الهدية فاضية و نضـيفة
2. أمشي الدولاب وطلع الكيس الفيهو الهدية و ما تنسي تقفل باب الدولاب
3. طلع الشوال الفيهو الكديسة من دولاب الحمام
4. من دولاب المطبخ طلّع ورق لف الهدايا
5. طلع الكديسة من الشوال
6. جيب شريط لاصق و شفاف من درج المكتبة
7. أفرش ورق اللف علي التربيزة وخت عليهو الهدية
8. جيب شريط ملون من الدرج و ما تنسي تطلع معاك الكديسة الخليناها المرة الفاتت في الدولاب
9. طلّع الهدية من الكيس
10. طلّع الكديسة من الشوال
11. أفتح صندوق الهدية وتأكد من وجودها
12. طلّع الكديسة من الصندوق الكانت فيهو الهدية ورجع الهدية في مكانها
13. أفرش ورق اللف في التربيزة عشان تقطع المقاس العايزو
14. ركّز شديد وأقطع ورق اللف في خطوط مستقيمة
15. الورقة القطعتها أولا اجدعها في الزبالة لأنو الكديسة شرطتها لمن حاولت تلعب بالمقص .. المسكينة افتكرته فار
16. أقطع ورقة ثانية بعد ما ترجع الكديسة في الشوال
17. خت الهدية فوق الورقة القطعتها بالمقاس المناسب
18. أرفع أطراف الورقة لتبدا عملية التغليف
19. طرف الورقة ما بصل راس الهدية لأنو الكديسة دخلت بين الورقة و الهدية .. طلّع الكديسة وحاول تاني
20. حاول في خلال عشرين دقيقة تفك الشريط اللاصق من حول الكديسة .. ممكن تستعمل طرف المقص
21. لصق الورقة بالشريط اللاصق وتأكد أنو الكورنات تكون مستقيمة
22. أبدأ مطاردة الكديسة في الصالة عشان تقلع منها الشريط الملون
23. حاول تلف الشريط الملون بإتجاهين متعاكسين
24. فك الشريط الملون من الهدية وأجدع الورقة في الزبالة لأنو الكديسة شرطتها لمن كانت بتخربش الشريط الملون
25. كرر الخطوات من 12-22 عشان تختصر الوقت وما تخسر الورقة الأخيرة
26. عشان تكسب الزمن و ما تفقد الورقة الأخيرة ممكن تفط الخطوات 12-16 بـس جيب صندوق اصغر بالضبط قـدر الورقة الأخيرة
27. أدخل الهدية في الصندوق وأربطها بالشريط
28. فك الشريط وأفتح الصندوق و طلّع الكديسة
29. خت كل معدات التغليف و الهدية في كيس وأمشي في أوضة مقفولة
30. أدخل الأوضة وأقفل الباب كويس وطلّع أدوات التغليف من الكيس
31. طلّع الكديسة من الصندوق وافتح الباب أجدع الكديسة و أقفل الباب
32. أفرش ورقة التغليف طبعا حا تواجهك صعوبة لأنو التربيزة هنا صغيرة بس انت اجتهد
33. أقفل الصنوق جيدا ثم لفة بورقة التغليف وثبت بالشريط اللاصق و أربطها بالشريط الملون
34. لصّق كارت علي الصندوق وأكتب الكلام العاوزو .. ونحن بنهنيك علي إنجازك الرايع
35. أفتح الباب وأمشي المطبخ أعمل ليك فنجان قهوة وأدى الكديسة حليب
36. بتحتاج لربع ساعة عشان تفتش عـن الكديسة .. قبل ما تكتشف الحقيقة المعروفة
37. فك ورقة التغليف و أفتح الصندوق و طلّع الكديسة
38. أدى الكديسة الحليب وأرجع الأوضة وتأكد انك قفلت الباب كويس
39. في لحظة تقديمك الهدية إبتسم إبتسامة عريضة .. هو كمان بحاول يبتسم عشان يخفي اشمئزازو من الهدية المبشتنة زى وشـّك
40. أحلف أنك السنة الجاية تطلب من صاحب محل الهدايا يديك ليها ملفوفة و مافي داعي تتعب نفسك
|
|
 
|
|
|
|
|
|
|
|
Re: مــاذا نهـــدى فى عــيد الحــــب (Re: مجدى عوض)
|
--------------------------------------------------------------------------------
بمناسبة قدوم عيد الحب....النصراني....اللي أنفرض علينا في أوطاننا....وأصبح واقع ملموس نراه كل عام في 14-2-من كل سنه....أسمحوا لي أن أكتب نبذه مختصره ومنقوله عن أصل التسميه لهذا العيد الرومانسي
هناك روايات كثيره حول فالنتاين..ولكن أشهرها ماذكرته بعض الكتب ....أن القسيس فالنتاين كان يعيش في أواخر القرن الثالث الميلادي تحت حكم الإمبراطور الروماني كلاوديس الثاني....والذي قام بإعدام فالنتاين..وكان سبب إعدامه لهذا القسيس أنه عارض بعض أوامر الإمبراطورالروماني...مثل الدعوه إلى النصرانيه...وملاحظة الإمبراطور أن العزاب أشد صبرا في الحرب عكس المتزوجون فهم يرفضون الذهاب لجبهة المعركه ....فأصدر أمرا يمنع فيه عقد أي قرآن.....غير أن هذا القسيس عارض هذا الأمر وأستمر في عقد الزيجات في كنيسته سرا حتى أكتشف أمره...فأعتقل وزج به في السجن...هناك تعرف هذا الراهب إلى أبنة أحد حراس السجن ..وكانت تعاني من مرض معين وطلب والد الفتاة من القسيس بأن يقوم بشفائها....وبالفعل تم شفائها على يديه....ووقع بعد ذلك في غرامها..وقبل أن يعدم كتب
لها بطاقه عنوانها....من المخلص فالنتاين.
| |
|
|
|
|
|
|
| |
humida
ياسر مكاوي
Abuobaida Elmahi
Ehab Eltayeb
فيس بوك
تويتر
انستقرام
يوتيوب
بنتيريست