كتب الكاتب الفاتح جبرا المتوفرة بمعرض الدوحة
|
Re: *** أمس بمسقط 000ليلتنا كانت صوفيه*** (Re: معاذ منصور)
|
حبابكم.. الاخ الكريم حامد البدوى كيفنك واريت حالك زين حاشاك ياخوى من الطرش والسرحان لكن بينى وبينك الغربه دى والعيشه المزحومه العايشنها فيها .. تخلى الزول يجلى من اى شىء الشكيه لى الله .. لافيها كيف اصبحتو ..ولا كيف امسيتو ؟ ولا المطايبه بالحيطه ..ولا المناوله بالشىء الموجود والبركه فى كل الحاجات القلتها دى يعلم الله .. عشان كده عقولنا بقت زى الماكينه.. تعمل ليها (( اب ديت )) تشتغل يومين تلاته .. تنساها امورك تتوقف بعامل النسيان .. برضو اصحح ليك المعلومه بالنسبه للشاعره سميه سميه طلحه شاعره لها نكهه خاصه .. اتمنى ان تتحاح لك الفرصه وتسمعها يوما.. وهى الشاركت مع مولانا الطاهر الدرديرى فى تلك المحاضرة اختك سومه ..هى انا والعياذ بالله من كلمة انا .. اسماء الجنيد .. كنا مع بعض فى ندوة اخونا د/ احمد طراوه الله يطراه بالخيرلو تتذكر كانت عن الاغنية السودانية ودور المرأة على ما اذكر .. فى مسرح نادى الجاليه بمسقط لك التحايا اخى حامد وان شاء الله تعوض الفاتك فى ندوات قادمه ان شاء الله وحبابك من تانى ..
*** اخى معاذ منصور اهلا ومرحب بى طلتك اخى الكريم والف شكر على كلامك البشرح الصدر نتمنى دوما ان نلتقى فى ساحات الذكر تحت راية الاخاء والمحبه بالنسبه للاستاذ/ ماهر العبيد .. حقيقه ما حصل لى الشرف بالتعرف عليه لذلك لا اقدر ان ااكد لك كان يومها موجودا ام لا ؟ واتمنى ان يكون من الحضور فى تلك الليله البديعه مثل الاستاذ الروحانى ماهر العبيد نتمنى ان ينضم لاعضاء النادى .. لكى ينفحنا ويحدثنا عن اهلنا المجاذيب اصحاب الفكر والذكر فى كل مكان.. حبابك اخى معاذ وحباب استاذك الجليل.. وشكر على المشاركه والمعلومه القيمه
|
|
|
|
|
|
|
العنوان |
الكاتب |
Date |
*** أمس بمسقط 000ليلتنا كانت صوفيه*** | soma | 12-13-05, 03:12 PM |
Re: *** أمس بمسقط 000ليلتنا كانت صوفيه*** | aosman | 12-13-05, 11:56 PM |
Re: *** أمس بمسقط 000ليلتنا كانت صوفيه*** | قرشـــو | 12-14-05, 01:22 AM |
Re: *** أمس بمسقط 000ليلتنا كانت صوفيه*** | الزاكى عبد الحميد | 12-14-05, 02:08 AM |
Re: *** أمس بمسقط 000ليلتنا كانت صوفيه*** | soma | 12-14-05, 05:39 AM |
Re: *** أمس بمسقط 000ليلتنا كانت صوفيه*** | حامد بدوي بشير | 12-14-05, 05:59 AM |
Re: *** أمس بمسقط 000ليلتنا كانت صوفيه*** | معاذ منصور | 12-14-05, 01:00 PM |
Re: *** أمس بمسقط 000ليلتنا كانت صوفيه*** | soma | 12-15-05, 10:51 AM |
Re: *** أمس بمسقط 000ليلتنا كانت صوفيه*** | ازرق | 12-15-05, 11:06 AM |
Re: *** أمس بمسقط 000ليلتنا كانت صوفيه*** | soma | 12-15-05, 01:00 PM |
Re: *** أمس بمسقط 000ليلتنا كانت صوفيه*** | سهام نابرى | 12-15-05, 01:30 PM |
Re: *** أمس بمسقط 000ليلتنا كانت صوفيه*** | soma | 12-15-05, 02:38 PM |
|
|
|