|
|
|
 Re: يا جماعة الايام دى نحن بتاعين كورة وهلال ساى مافى حد يعكر صفانا (Re: هشام المجمر)
|
يا وليد .. روق وسيب الهلال فى حالو
حسدك .. بكتلك .. والقصار ما طالو
المتلك كتار .. غير الودار ما نالو
وكتين "داريو" شب وأخد شبالو
"الحضرى" انبرش .. و(ات) انبرش قبالو
اسحق "الكرنقو" ما فى قون برتالو
صاروخ انطلق قسما يمين، بشمالو
"سيدا" الأنيق .. قائد جميله خصالو
ولدنا "قودوين" ساق الدفاع بى حالو
"كلاتشى" انفرد وحظو عاند ابالو
"جاستن" يا الأواكس .. مغطى ديمه مجالو
"ود يوسف" نحل وراقى فى ارسالو
"ود جبريل" يا ملك، الحضرى (نقنق) مالو؟
الفاروق "عمر" .. النص ملاهو جلالو
"معز" .. حارس أمين ومافى مثالو
هلالنا فوق وما الذ جمالو
فى افريقا اسم الزعيم يحلالو
بطل القرن ما قدر اتصدالو
الاقوان الثلاثة بهدلت برجالو
اربعين عام مافى غلب هفالو
محللين الرياضة تغزلو فى حالو
عرب افارقة قالو مش امثالو
الشعب انتشى والفرح حالالو
الى الصبح تغلى امدر وشمالو
الولايات غنت هلا لى.. هلالو
فى الغربة كل زول لافح شالو
البورد لونو ازرق والبياض شفالو
بوستات كتبت فى الزعيم ودلالو
صحاف الصحف تغنى بدلالـو
يومين انغلب ونيتو ما تصفالو
قال ارهبناهم بفكى وكمان دجالو
الهيلتون مو سكن مريح للابطالو
الصحاف شطح والزعيم ما رتالو
تجتوج الحبيب فوقك ود بلالو *
غير جمال هلالك دموعى ما سالو
ابقوتة الراوى الطريق ضوالو
سودانا الوطن..للهموم حمالو
شوف نجيمك غاب.. والبدر هلالو
الحاشية:-
* ود بلال شيخ مشهور فى النيل الابيض ,له بنية
بالقرب من القطينة
| |
 
|
|
|
|
|
|
|
|
Re: يا جماعة الايام دى نحن بتاعين كورة وهلال ساى مافى حد يعكر صفانا (Re: مزاحم الضوي)
|
Quote: هو ايه الفرق بين الهلال
والقانون
والهندسه!!!!!! |
مزاحم
الطب الجراحة
لكن اجيك من الاخر...
هالك الكلام دا
فى عشق الهلال..
عندما ينتصر الهلال يسعد جماهيره وتتفتح الأزاهير وتغرد العصافير ويسود السلام الاجتماعي في أنحاء الوطن، وتختفي الخلافات الزوجية والمشاكل الأسرية والصراعات الاجتماعية والغيرة المهنية والاحتكاكات والمشاجرات، ويصحو الناس مبكرين ويذهبون إلى مكاتبهم وأعمالهم ومصانعهم لأداء أعمالهم بنفوس منشرحة، فيرتفع الإنتاج ويتحسن الاقتصاد ويتحقق الرخاء والازدهار اللذين ظل الشعب السوداني يبحث عنهما منذ أن نال استقلاله قبل 50 عاماً•• واختتم مقاله بتمني انتصار الهلال على الدوام لتحقيق السلام والوئام الذي يدفع السودان إلى الأمام
منقول ..
| |
|
|
|
|
|
|
| |
هشام المجمر
إسماعيل وراق
حسن طه محمد
essam&amal
abdulgafar mohd saeed
Safia Mohamed
abuguta
مزاحم الضوي
الصادق صديق سلمان
أبوالزفت
omar altom
فيس بوك
تويتر
انستقرام
يوتيوب
بنتيريست