LOoOoOoooooooooooooooooOoOOoOoOoOoOoOLZ كميات والله خصوصا الاولى تعرف يا اساسي يوم قاعد في الشغل و احد زميلي قال لي تعال اقرا النكات دي و قريتا و ضحكتاو اتعرفتا على سودانيز اون لاين لاول مره في اليوم دا بي سبب هذه القفشات ادام الله عليك الفرفشه قول امين
والله ناس البورد ديل ما خلو فينكت المساطيل حاجه اقوم اديكم واحده من اولاد عمهم السكارى
قالو واحد يوماتي على الله يمشي يسكر يقيف لمبه و في روايه اخرى قالو بيقيف شبط يمرق من بيت ست العرقي يترمي فوق الحمار و الحمار بعد داك عارف السكه اها قامو لمو ليك فيهو ناس النظام العام بقى كلو يوم يلط يركب الحمار يستتنوهو ليك يسوقوهو القسم يجلدوهو يلط يركب الحمار يستتنوهو ليك يسوقوهو القسم يجلدوهو يلط يركب الحمار يستتنوهو ليك يسوقوهو القسم يجلدوهو
اها يا زول الجلد كتر عليهو قرر يعتزل الشغلانه و فعلا وقف ليك زي شهر كدا يوم جات ليك مطره نعنشتو ليك قال الليله لو 1000 جلده زاتو ما مشكله مشى وقف لمبه طلع اترمى فوق الحمار اها لا ناس نظام و لا يحزنون مافي اي زول مستنيهو نسوهو ليك زاتو رقد ليك فوق العحمار و غبا اعتماددا على انو الحمار عارف الدرب اها يا زول الحمار تنقش تنقش تنقش وداهو ليك القسم من كتر ما اتعود يمشي هناك لمو ليك فيهو الجماعه :يا زول انت جابتك كشه :لا :كبسه :لا :صادوك في الشارع :لا :اها الجابك شنو :جابني المعفن دا *قصدو الحمار* مسكوهو جلدوه ليك الاربعين جلده اول ما طلع من القسم حدر للحمار بي زعل وقال ليهو :انشاء الله يديوك وكيل عريف
LOooooooooOoOoOoOolz انشاء الله بس تكوزن عجبتكم النكته السلبه دي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة