|
|
 Re: الكابلي وحجازي وغياب الموضوعية بقلم كمال (Re: كمال الهدي)
|
محمد الفاتح قصدوه لانه ناجح واثبت انه مدرب كبير حقيقة ومن مباراتين فقط .... ضم لعيبة في االتشكيلة كانوا مركونين اتكلموا عنهم بالشطب او الاعارة وانهم ما في قامة الهلال وكلام كتير محبط لللعيبة.. واثبتوا انهم الاجدر بارتداء شعار الهلال والمنتخب..
رجل فاهم وزول كورة بالجد وشجاع وبتحدي نفسه عشان يطلع من اللعيبة احسن ماعندهم .. وده حالته بي 60% من المستوى اللي هو ساعي ليه على حسب ما صرح .ز وما اكتفى بما قدم وما اشرك من لعيبة مركونين ظلما بل اضاف لعيبة من الرديف بشة والفادني والصيني.
الناس البتكتب الفارغة وعاملين فيها مدربين اكتر من المدربين غرضهم يكتبوا اي كلام كاكل عيش .. الجمهور شايف اي حاجة ومبسوط جدا مما قدمه الفاتح.
محمد الفاتح عندو فكر تدريبي عالي ووالله حرام وعيب كبير يجي مدرب اجنبي والهلال عندو من ابنائه واحد زي حجازي.
الزول الناجح دائما بقصدوه في بلدنا العجيبة دي . وحقو زي ما ذكرت يا استاذ كمال حجازي يركز بس على شغله لانه كلامه بانهم شككوا فيه بيزيد في الهبالة البسوها العاملين فيها صحفيين كورة ويديهم فرصة في التمادي.
ما تشتغل بي زول ياحجازي الناس شايفة والكورة زي المسرح بيجي فيها الفنان او الممثل يا اقنع الجمهور ولا مانفع ومشي شاف ليه حاجة تانية.
* اغرب شيء الصحفيين ديل بتكلموا عن عدم التدخل في الشان الفني وحقو يكونوا لجنة فنية .. وفي نفس الوقت هم عندهم راي في اللاعب المفروض يتشطب والما من قامة الهلال و ... الخ.
|
|
 
|
|
|
|
فيس بوك
تويتر
انستقرام
يوتيوب
بنتيريست