هي من الليلة ديك يوم ركبت فوق دبابتك ورفعت لينا البندقية وختيت ناسك في كل الأماكن الإستراتيجية وأدمنت الفشل الذريع إشتريت شوية من الذمم الضعيفة هى بس شرعية زايفة مأجورة ومشرية ويوم إنفصل الجنوب والسياسات ماشة بالمقلوب بقيت بتصرف من طرف عشان تأمن مقعدك من جهاز بطشك لحميدتي وجنجويدك جندتهم وشغلتهم عشان تحمييك ونسيت الناس والصحة والتعليم والخدمات لراحتك وأشعلت نيران الحروب والفتنة بمواقفك ياخي ما ترحم شوية سيبنا خلاص وأرحل قلنا ليك رجعونا محل ما انقذتونا لكن حسة بنقول ليك بس إنتو خلونا برانا بنرجع نفسنا بايدينا فكونا عكس الريح وبنتصرف بس إنتو خلونا اتركونا وارحمونا بنقول ليك الصراحة نظامك فاقد للشرعية ما عندو شعبية وإنت ملاحق جنائيا ومعزول دوليا ومنبوذ داخليا ومتسلط أمنيا ونظامك فاشل سياسيا وفاسد إقتصاديا نظام مشعل للحروب وراحت ليهو كل الدروب بيستعمل الاسلحة الكيماوية والقنابل العنقودية نظام بقى مصدر خطر على جميع البشر ما خلاص ارحل قد أدمنت الفشل الناس تعبوا خلاص ودايرين الخلاص وكل الناس بتنادي بالأمن والإستقرار لا للحرب والدمار هي من الليلة ديك من يوم فكرت وركبت دبابتك ما خلاص ارحل بنقولها ليك بالبلدي خلاص سيبنا وارحل ومن كل ربوع السودان دارفور وكردفان الشمالية والنيل الأزرق والنيل الأبيض والجزيرة كسلا والقضارف بس هو ما عارف خلاص سيبنا وارحل وسلام ليكي يا بلدي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة