يا فرحنا..هالة حسن بلندن!

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 22-09-2018, 02:45 PM الصفحة الرئيسية

مكتبة منى عوض خوجلى(Muna Khugali)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
28-06-2009, 08:53 AM

Hala Hassan

تاريخ التسجيل: 25-06-2008
مجموع المشاركات: 3023

للتواصل معنا

FaceBook
تويتر Twitter
YouTube


Re: يا فرحنا..هالة حسن بلندن! (Re: نبيل عبد الرحيم)

    Quote: سلام يا شباب ..
    سافرت لى كم يوم روما يا منى وده القطعنى منكم .. ده غير مشروع الشكل الشغال ..


    أوووووه،
    رافت ميلاد،،
    حمدالله على السلامة،،
    قلت لى كنت فى روما؟؟
    ماشاء الله،،،،

    طيب أحلى روما و لا الخرتووم؟؟؟
    غايتو إلا تجى الخرتوم شوية،،
    عشان عينك (تتعود) على الجمال الكتير دة،،
    إييييييه،،،،،

    Quote: كيف يا هاله الخرتوم بعد البرداية ديك .. تلقاكى قلتى ياحليلا من الحراية بتاعتكم ..


    يا حليل البرداية و بس؟؟
    أنا قعدت أسبوع فى البداية،
    أتلمس طريقى (داخل ) البيت،،
    و فاكرة ناس البيت متعودين على السخانة الغير طبيعية دى،،

    لكن بينى و بينك،
    ما أظن زول يقدر يتأقلم معاها ولو بعد 100 سنة،،،


    غايتو،
    لغاية ما ننزل الصور،،،
                   |Articles |News |مقالات |بيانات

29-06-2009, 01:22 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: يا فرحنا..هالة حسن بلندن! (Re: Hala Hassan)

    Quote: غايتو،
    لغاية ما ننزل الصور،،،


    يادي الصور ويوم الصور!

    أهم حاجه صورة الراجل ابو جنازير..
    ومن ثم بعد ذلك يأتي الرجل الفراشة..
    ثم من بعد ذلك الرجل الشحات..
    وفي الآخر خالص بعد ما تتعبي من نزيل الصور..جيبي صورة الراجل البيكوجن الحاجات..
                   |Articles |News |مقالات |بيانات

29-06-2009, 11:40 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: يا فرحنا..هالة حسن بلندن! (Re: Hala Hassan)

    Quote: طيب أحلى روما و لا الخرتووم؟؟؟
    غايتو إلا تجى الخرتوم شوية،،
    عشان عينك (تتعود) على الجمال الكتير دة،،
    إييييييه،،،،،



    شوف يارافت في أسئله كده سياسيه..ممكن ترميك فيها وتروح في داهيه..
    مثل هذا السؤال العحيب..
    بتقوليك احلي روما ولا الخرطوم؟!
    روما شنو كمان؟
    ده حتي برجها مايلّّ!

    يعني لو قلت روما يتكون زول ما بتحب الوطن و"ترابه"
    تحب بلد معقوله استغنت عن ترابها ورصفت شوارعها؟؟
    وبعدين ممكن برضه تتهم بانك متحيز دينيا علشان انت مسيحي..

    اسه هو ذاته يا ناس في مناسبة للمقارنه؟؟


    طبعا أحلي الخرطوم!!



    علي فكره يا هاله انا راجعه السودان للاستقرار..
    وفي بالي مشروعين مهمين تتفرع منهم مشروعات اخري..
    عايزه اعمل سايفون لكل بيت..لانه بصراحه الحاصل ده فضيحة بتسبب امراض وبلاوي كتيرة..
    يعني الناس تاخد حمام وتنضف وبعدين تطلع وتوسخ الشارع؟؟
    ما بتبقي..
    وكمان في نفس الوقت تكلفة السايفون فوق مقدرتهم,,يبقي لازم السايفونات تتعمل بواسطة ممول..
    انا بقي الممول ده..بس منتظرة اللوتري ..
    والمشروع التاني كان قبل سنتين كده ناقشته في بوست احدي الزميلات..عن الحمير..
    عايزين نجيب بامبرز للحمير..بدل ماهم كمان ماشيين يتمختروا في الشوارع ويلوثوا البيئه!

    المشاريع كثيره والله بس كفايه ديل دلوقتي..اسه يكون في زول لطشهم!
                   |Articles |News |مقالات |بيانات

28-06-2009, 09:18 AM

Hala Hassan

تاريخ التسجيل: 25-06-2008
مجموع المشاركات: 3023

للتواصل معنا

FaceBook
تويتر Twitter
YouTube


Re: يا فرحنا..هالة حسن بلندن! (Re: نبيل عبد الرحيم)

    يا منى كيفك؟
    و كيف العيال؟؟؟

    يعنى ما أتذكرتى الوصية؟؟

    تانى ح تقولى لى ياتو وصية؟؟

    عموما، كلمى ماما جارة،
    أنا نيتى كانت كويسة،
    لكن أعتمدت على (منى) و بس،،،،،

    هى ح تفهم،،،،،

    Quote: اسه انا يا دي..بس قابلاك منتظرة الأرشفه علشان تنزلي بوست جديد..
    وبعدين بالله بس أمشي حضري الصور في الجهاز..واستني يومين تلاثة تلقي فيهم ساعتين بتاعة كهرباء تنزلي في البوست كم صورة قبل
    الكهرباء ما تقطع..ولا الكومبيوتر يحصل ليه اية حاجه..

    هو بينى و بينك دى حاجة تانية بعد ما خلاص حصلنا الأرشفة،
    احسن ننتظر مرة واحدة،،
    لكن الايام الفاتت،
    كلو كان حاصل،
    مشاكل تقنية و مشاكل بوردية ،،
    ومشاكل(غير ذلك)،،،
    و الحمدلله على كل ذلك،،،،

    لكن فكرة برضو،،
    أحضر الصور،
    عشان التنزيل فى الجهاز يكون سريع،،،




    و فى إنتظار منال برضو،،
    توصل بالسلامة،،،،
                   |Articles |News |مقالات |بيانات

29-06-2009, 11:04 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: يا فرحنا..هالة حسن بلندن! (Re: Hala Hassan)

    Quote: يا منى كيفك؟
    و كيف العيال؟؟؟

    يعنى ما أتذكرتى الوصية؟؟

    تانى ح تقولى لى ياتو وصية؟؟

    عموما، كلمى ماما جارة،
    أنا نيتى كانت كويسة،
    لكن أعتمدت على (منى) و بس،،،،،



    تصدقي يا مؤمنه ما اتذكرت وصيتك الا ساعة ماقريت كلامك؟؟
    اصلك انتي من الاول غلطانه..
    انتي عارفه كيف اصبحت كثيرة الشرود والذهول واسير بقيادة ياسين؟؟
    ورأيتي كيف هو حالي في اي جلسة حتي ولو خلسة..يكون هو بها..
    أغني له من غلبي انا والعذاب وهواك..عايشين لي بعضينا..
    وهو يزيد في لكماته وضرباته وشدي من شعري حين تتاح له الفرصهّّ
    معقوله بس اتذكر؟؟
    والمصيبه انك لسه بتوصيني أكلم ماما جارةّ
    علي كل حال ماما مسافره بكره وبترجع باذن الله بعد شهرين..
    ابقي اتذكري انتي كلميها..
                   |Articles |News |مقالات |بيانات

30-06-2009, 06:48 AM

Hala Hassan

تاريخ التسجيل: 25-06-2008
مجموع المشاركات: 3023

للتواصل معنا

FaceBook
تويتر Twitter
YouTube


Re: يا فرحنا..هالة حسن بلندن! (Re: Muna Khugali)

    سلام يا منى،،
    و السلام الكتير لماما جارة،
    تمشى و ترجع بالسلامة باّذن الله،،،

    طبعا يا جماعة،
    ياسين دة (ماما) منى شايلة حسه (ساااكت)،،
    لو تشوفوه ولد هادى و مؤدب و مطيع كيف،،

    العيبة ما بتطلعش من بئه (خشمو)،،،


    اه ه ه من الظلم اه ه ه ه،،،،
                   |Articles |News |مقالات |بيانات

30-06-2009, 07:47 AM

Hala Hassan

تاريخ التسجيل: 25-06-2008
مجموع المشاركات: 3023

للتواصل معنا

FaceBook
تويتر Twitter
YouTube


Re: يا فرحنا..هالة حسن بلندن! (Re: Hala Hassan)

    Quote: شوف يارافت في أسئله كده سياسيه..ممكن ترميك فيها وتروح في داهيه..
    مثل هذا السؤال العحيب..
    بتقوليك احلي روما ولا الخرطوم؟!
    روما شنو كمان؟
    ده حتي برجها مايلّّ!

    لسه ما عدلوووه؟؟
    ياخى الناس دى كسلانة بشكل،،،


    لكن يا منى،
    الموضوع دة ما إستدراج،،
    دة (إستظراف)،،،
    يعنى السؤال دة إجبارى هنا فى الخرتوم (حسب الثقافة السائدة)،
    الواحد لازم يتسألوه بعد ما يرجع من أى سفر،،،
    طبعا بطريقة مباشرة أو غير مباشرة،،،



    Quote: طبعا أحلي الخرطوم!!

    أهو إنتى كشفتى الإمتحان،،،،


    Quote: علي فكره يا هاله انا راجعه السودان للاستقرار..
    وفي بالي مشروعين مهمين تتفرع منهم مشروعات اخري..
    عايزه اعمل سايفون لكل بيت..لانه بصراحه الحاصل ده فضيحة بتسبب امراض وبلاوي كتيرة..
    يعني الناس تاخد حمام وتنضف وبعدين تطلع وتوسخ الشارع؟؟
    ما بتبقي..
    وكمان في نفس الوقت تكلفة السايفون فوق مقدرتهم,,يبقي لازم السايفونات تتعمل بواسطة ممول..
    انا بقي الممول ده..بس منتظرة اللوتري ..
    والمشروع التاني كان قبل سنتين كده ناقشته في بوست احدي الزميلات..عن الحمير..
    عايزين نجيب بامبرز للحمير..بدل ماهم كمان ماشيين يتمختروا في الشوارع ويلوثوا البيئه!


    غايتو يا منى،
    دوريها كويس (فى مخك) قبل ما تقررى،،

    أما بالنسبة للمشاريع أعلاه،
    فأنا أعتقد أنهم بحوجة لدراسة جدوى من بيت خبرة معتمد،
    و المشروع الأول لا بد أن يرتكز على مصدر تمويل ضخم،
    و ارباحه (الدنيوية) غير مضمونة،،
    فأرجو إعادة التفكير،،،
                   |Articles |News |مقالات |بيانات

30-06-2009, 10:39 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: يا فرحنا..هالة حسن بلندن! (Re: Hala Hassan)

    Quote: روما شنو كمان؟
    ده حتي برجها مايلّّ!



    Quote: لسه ما عدلوووه؟؟
    ياخى الناس دى كسلانة بشكل،،،


    كسلانه بس؟
    والمشكله في ناس شايفه الكسل ده وما بتعلق عليه
    شاكرين يجوا علينا احنا الغلابه ويقولوا علينا كسلانين!


    علي كل حال "الحال المايل" ما بيعجب زول!
                   |Articles |News |مقالات |بيانات

02-07-2009, 12:38 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: يا فرحنا..هالة حسن بلندن! (Re: Hala Hassan)

    Quote: علي فكره يا هاله انا راجعه السودان للاستقرار..
    وفي بالي مشروعين مهمين تتفرع منهم مشروعات اخري..
    عايزه اعمل سايفون لكل بيت..لانه بصراحه الحاصل ده فضيحة بتسبب امراض وبلاوي كتيرة..
    يعني الناس تاخد حمام وتنضف وبعدين تطلع وتوسخ الشارع؟؟
    ما بتبقي..
    وكمان في نفس الوقت تكلفة السايفون فوق مقدرتهم,,يبقي لازم السايفونات تتعمل بواسطة ممول..
    انا بقي الممول ده..بس منتظرة اللوتري ..
    والمشروع التاني كان قبل سنتين كده ناقشته في بوست احدي الزميلات..عن الحمير..
    عايزين نجيب بامبرز للحمير..بدل ماهم كمان ماشيين يتمختروا في الشوارع ويلوثوا البيئه!




    Quote: غايتو يا منى،
    دوريها كويس (فى مخك) قبل ما تقررى،،

    أما بالنسبة للمشاريع أعلاه،
    فأنا أعتقد أنهم بحوجة لدراسة جدوى من بيت خبرة معتمد،
    و المشروع الأول لا بد أن يرتكز على مصدر تمويل ضخم،
    و ارباحه (الدنيوية) غير مضمونة،،
    فأرجو إعادة التفكير،،،


    ايوه طبعا لازم ندرس اهداف المشروع والفايده منو..
    أماكن تغطيته ..اي الجغرافيا..محل وجوود الحمير..
    الاسعار والقدره علي تغطيتها بالنسبه للمستهلك..والمستهلك هنا قصد به صاحب الحمار وليس الحمار..
    كذلك الفايده العامه والخسارات..
    أرباحه الدنيويه دي نشوف بعد دراسة الجدوي..
    لأن البامبرز لا يجب الاستغناء عنه بعد الاستعمل..
    في حاجه اسمها سماد..
    يعني بدل ما نبيع المخلفات في شوال لوحدها..نلم البامبرز في شوال..واخده بال حضرتك؟؟

    يللا..انتي عليك دراسة الجدوي..والممول عليه البامبرز..
    وانا علي ابيع السماد..
    يبقي نضفنا الحمير ومعاهم الشوارع..
    خلقنا سوق للبامبرز الحيواني..بمصانعه ومصنعيه وبائعيه..
    والسماد ماتنسي..توفر السماد وساعد علي نمو الزراعه بشكل سريع وقوي ومنتشر..
    الفائده الماليه والأرباح..

    هيا بنا نلعب!
                   |Articles |News |مقالات |بيانات

30-06-2009, 05:18 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: يا فرحنا..هالة حسن بلندن! (Re: Hala Hassan)

    Quote: طبعا يا جماعة،
    ياسين دة (ماما) منى شايلة حسه (ساااكت)،،
    لو تشوفوه ولد هادى و مؤدب و مطيع كيف،،

    العيبة ما بتطلعش من بئه (خشمو)،،،

    اه ه ه من الظلم اه ه ه ه،،،،



    آيه ما سمعتك وانت بتقولي ماما مني!
    ياسين بيناديها آيه وبيناديني مني..
    عارفه لقيتها ليك بتشاكل فيه وتغريه وتقول ليه وهي بتأشر علي نفسها..

    آيام يور مام..شي اذ يور جراند ما..انا ماما
    قول ماما..
    وهو يعاين ليها ويجر يده منها عايز يجي جاري لي..
    قعد يكورك ويقول ماما..لما وصلتها..سألتها..
    ده شنو الهبل البتعملي فيه ده؟؟
    لكن يا ماما هو لازم يعرف اني انا امه وانتي حبوبته..
    أها طيب هو هايفهمك كيف؟؟

    هو شايفني بناديك آيه..اناديكي برضه ماماعلان يتعلم يقول ليك ماما؟؟
    خلاص بالمرة كمان خلي عبد الرحيم يناديكي ماما!
    ورحت غايظاها ليك وقبلت لياسين اناديه..

    تعال حبيبي..
    تعال لماما يا روح ماما..

    وبس!
                   |Articles |News |مقالات |بيانات

30-06-2009, 05:27 PM

الرفاعي عبدالعاطي حجر
<aالرفاعي عبدالعاطي حجر
تاريخ التسجيل: 27-04-2005
مجموع المشاركات: 14684

للتواصل معنا

FaceBook
تويتر Twitter
YouTube


Re: يا فرحنا..هالة حسن بلندن! (Re: Muna Khugali)

    منى خوجلي
    كيفنكـ
    تحياتي لك
    وعن هالة حسن وبعد التحية اقول لك انني التقيها تقريبا يوم قندهار
    زولة تضع في خاطركـ احساس بالأخوة الصادقة زولة تحس للوهلة الاولى
    بأنها اختك الأكبر ولو كنت تكبرها بأجيال تحياتي لهالة حسن وكل من
    في حضرتكـ بلا شكـ ينزع الى الفرح تقديري لكل حضوركـ (او كما قال
    الجميل عماد محمود).



    ........................................................حجر.
                   |Articles |News |مقالات |بيانات

01-07-2009, 11:47 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: يا فرحنا..هالة حسن بلندن! (Re: الرفاعي عبدالعاطي حجر)

    Quote: منى خوجلي
    كيفنكـ
    تحياتي لك
    وعن هالة حسن وبعد التحية اقول لك انني التقيها تقريبا يوم قندهار
    زولة تضع في خاطركـ احساس بالأخوة الصادقة زولة تحس للوهلة الاولى
    بأنها اختك الأكبر ولو كنت تكبرها بأجيال تحياتي لهالة حسن وكل من
    في حضرتكـ بلا شكـ ينزع الى الفرح تقديري لكل حضوركـ (او كما قال
    الجميل عماد محمود).



    ........................................................حجر.


    مرحب يا رفاعي كيف حالك؟؟

    أصله هو سبب العلاقه القويه بيني وبين هاله هو الكلام القلتو انت ده..
    وأجمل العلاقات بتجي احيانا بالصدفه..
    يعني تجمعك الظروف بزول وانت من حظك تتكلم معاه وتشعر بقيمته وقربه..
    هاله انسانه طيبة وبت ناس طيبين..يعني بنت "اصول"
    وأهم حاجه فيها وعيها ومعرفتها..
    بس فيها عيب كده..


    جنها تمشي السوق!

    كرا علي مرورك الكريم..
                   |Articles |News |مقالات |بيانات

01-07-2009, 12:55 PM

Hala Hassan

تاريخ التسجيل: 25-06-2008
مجموع المشاركات: 3023

للتواصل معنا

FaceBook
تويتر Twitter
YouTube


Re: يا فرحنا..هالة حسن بلندن! (Re: Muna Khugali)

    Quote: يعني تجمعك الظروف بزول وانت من حظك تتكلم معاه وتشعر بقيمته وقربه..
    هاله انسانه طيبة وبت ناس طيبين..يعني بنت "اصول"
    وأهم حاجه فيها وعيها ومعرفتها..


    دة بس من اصلك و كرمك يا منى،،

    أسكتى اسكتى يا شيخة،

    أنا مش ادرة أتكلم،،،،،،،



    Quote: بس فيها عيب كده..


    جنها تمشي السوق!

    أهو دة بقى الداء اللى من غير دواء،،،
    إلا القروش تقطع ولا الطيارة تقيف فى باب البيت،،،،



    الله المستعان،،،،
                   |Articles |News |مقالات |بيانات

01-07-2009, 04:10 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: يا فرحنا..هالة حسن بلندن! (Re: Hala Hassan)

    Quote: أهو دة بقى الداء اللى من غير دواء،،،
    إلا القروش تقطع ولا الطيارة تقيف فى باب البيت،،،،



    الله المستعان،،،،


    ونعم بالله..

    بيني وينك الشوبينج او بالأصح صرف القروش بيريح..
    يا سلام كده علي الواحدة لما تكون ماليه محفظنها قروش ولا تخشي الفقر..وتمشي البقاله عشان تجيب حاجة واحدة..
    ترجع البيت وهي محمله بكل ما لا تحتاجه والمحفظه فاضية..
    متعه والله يا هاله..

    بس هي فين المحفظه التجيب النفس وتضيع الزهج؟؟
                   |Articles |News |مقالات |بيانات

02-07-2009, 11:42 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: يا فرحنا..هالة حسن بلندن! (Re: Hala Hassan)

    Quote: العيبة ما بتطلعش من بئه (خشمو)،،،


    اه ه ه من الظلم اه ه ه ه،،،،


    ايوه صحيح..
    وهل حدث ان قلت ان العيبه تطلع من خشمه؟؟
    كلا وكلا..
    دي بتطلع من ايده!
    يعني خبطه ورا التانيه!

    الليله وين يا هاله؟؟
    مافي كهربا؟؟
                   |Articles |News |مقالات |بيانات

01-07-2009, 10:13 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: يا فرحنا..هالة حسن بلندن! (Re: Hala Hassan)

    Quote: يا منى كيفك؟
    و كيف العيال؟؟؟



    اسكتي يا هاله..
    موش حبوبة عبد الرحيم أخدت ياسين يبيت معاها أمس؟؟
    والله البيت بقي موجش بشكل بعد مامشي!!

    وبعدين حبوبته دي بتتكلم كتير خالص..
    وياسين يتحرك كتير خالص..
    مسكينه شقتهم ومساكين جيرانهم!
    ........
    ........

    عارفة نسب الاجانب ده وخاصه الانجليز فيه جوانب عمليه جدا..مع انها مخجلة جدا لينا كسودانيين..
    يعني بروتوكولات ضيافه وحركات نسابه مافينا..
    عارفه المره الفاتت حبوبته دي جات الظهريه..والظهريه يعني غدا..
    وانا ما كنت عارفه انها جايه..يعني لسه ماطبخت..
    بس اول ماجات اتحرجت جدا وشاكلت آيه..
    ليه ما تكلميني انها جايه؟؟
    ردت علي ببرود الانجليز..أيوه والله يا أختي صارت مثلهم!
    قالت في هدوء وهي مندهشة من انزعاجي..

    كالم داون ماما..واتز ذا بروبلم؟؟

    البروبلم اني لسه ما طبخت ودي مواعيد الغدا..وعيب نجيب أكل من بره!

    مافي مشكله نجيب غدا من بره..الناس ديل ما بيفكروا زينا..
    لكن هي ذاتها جايبه ساندوتشها معاها..
    كيف يعني جايانا وجايبه غداها معاها؟؟
    ايوه هي طوالي بتشيل اكلها في شنطتها!

    في اللحظه ديك يا هاله لقيتها بتطلع كيس غداها ..قزازة مويه وساندويتش..
    وتمشي علي الفريزر تخت مويتها وبعدين تشيل الساندوتش تقعد تاكل فيه!


    طيب مافيش حتي اتفضلوا؟؟

    يحيا النسب الانجليزي!
                   |Articles |News |مقالات |بيانات

01-07-2009, 12:51 PM

Hala Hassan

تاريخ التسجيل: 25-06-2008
مجموع المشاركات: 3023

للتواصل معنا

FaceBook
تويتر Twitter
YouTube


Re: يا فرحنا..هالة حسن بلندن! (Re: Muna Khugali)

    رفاعى عبد العاطى،

    Quote: وعن هالة حسن وبعد التحية اقول لك انني التقيها تقريبا يوم قندهار
    زولة تضع في خاطركـ احساس بالأخوة الصادقة زولة تحس للوهلة الاولى
    بأنها اختك الأكبر ولو كنت تكبرها بأجيال تحياتي لهالة حسن وكل من
    في حضرتكـ بلا شكـ ينزع الى الفرح تقديري لكل حضوركـ (او كما قال
    الجميل عماد محمود).


    أكيد لقاءنا دة كان من حسن حظى،
    و إنا اللى كسبناكم أخ و صديق عزيز،،

    و منى تستاهل كل هذا الكلام الجميل و اكثر،،



    أدام الله المحبة و المودة،،،
                   |Articles |News |مقالات |بيانات

01-07-2009, 01:01 PM

Hala Hassan

تاريخ التسجيل: 25-06-2008
مجموع المشاركات: 3023

للتواصل معنا

FaceBook
تويتر Twitter
YouTube


Re: يا فرحنا..هالة حسن بلندن! (Re: Muna Khugali)

    Quote: موش حبوبة عبد الرحيم أخدت ياسين يبيت معاها أمس؟؟
    والله البيت بقي موجش بشكل بعد مامشي!!

    وبعدين حبوبته دي بتتكلم كتير خالص..
    وياسين يتحرك كتير خالص..
    مسكينه شقتهم ومساكين جيرانهم!

    ههههههههههههههههههه،
    والله يا منى ضحكتينى،
    بعد ما كنت ح ارأف (دى يكتبوها إزاى دى) على حال ياسين حبيبى،
    لكن بينى و بينك،
    ما بتجيه عوجة تب،،

    خليهم يتأدبوا شوية،
    و يعرفوا إنو الله حق،،،

    طبعا، دى ما شماتة،
    لكن عدالة الهية إنو أمورهم تتلخبط و ما يعرفوا ينظموا يومهم كيف؟؟

    المشكلة الوحيدة فى (الخطة) دى،
    إنو أبوه يكون معاه،
    و ياسين (يضطر) يسمع الكلام،،،
                   |Articles |News |مقالات |بيانات

02-07-2009, 01:51 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: يا فرحنا..هالة حسن بلندن! (Re: Hala Hassan)

    Quote: ههههههههههههههههههه،
    والله يا منى ضحكتينى،
    بعد ما كنت ح ارأف (دى يكتبوها إزاى دى) على حال ياسين حبيبى،
    لكن بينى و بينك،
    ما بتجيه عوجة تب،،

    خليهم يتأدبوا شوية،
    و يعرفوا إنو الله حق،،،

    طبعا، دى ما شماتة،
    لكن عدالة الهية إنو أمورهم تتلخبط و ما يعرفوا ينظموا يومهم كيف؟؟

    المشكلة الوحيدة فى (الخطة) دى،
    إنو أبوه يكون معاه،
    و ياسين (يضطر) يسمع الكلام،،،



    أراف بتتكتب زي ما كتبتيها والهي بقي تتقري صح من رأفه وما يفتكروها من (أرفه)...
    وزمان نتيجة ىخر السنه يتم الاعلان عنها كده..
    غدا تظهر نتائح الامتحانات..يبقي بقي الناس تمشي تلقاها لسه ما اتعلقت..
    يسألوا يقولوا ليهم النتايج شويه عليها علشان في نلس دخلوا نتايجهم لجنى (الرأفه)
    شايفه كيف..الرأفه دي من رحمه..تلقي المصححين عاميلين زي البيلموا تبرعات علشان يوزعوها علي المساكين..
    يعني يلقوا مني مثلا ناقصه نمرتين في ماده..والسقوط في ماده يعني اعادة السنه..
    يقوموا يستعبطوا والرحمه دافعهم..يقولوا لا..أكيد لو راجعنا تصحيح الورقه بنلقي حل..
    أحيانا يلقوا حل فعلا واحيانا لا يجدون..
    يعني واحد ساقط باكتر من نمرتين يبقي مافي فايده..
    وبس..
    أها دي بقي الرأفه!

    علي فكره بكره الارشفه وانا برضه باستعبط!
                   |Articles |News |مقالات |بيانات

01-07-2009, 01:10 PM

Hala Hassan

تاريخ التسجيل: 25-06-2008
مجموع المشاركات: 3023

للتواصل معنا

FaceBook
تويتر Twitter
YouTube


Re: يا فرحنا..هالة حسن بلندن! (Re: Muna Khugali)

    Quote: عارفة نسب الاجانب ده وخاصه الانجليز فيه جوانب عمليه جدا..مع انها مخجلة جدا لينا كسودانيين..
    يعني بروتوكولات ضيافه وحركات نسابه مافينا..
    عارفه المره الفاتت حبوبته دي جات الظهريه..والظهريه يعني غدا..
    وانا ما كنت عارفه انها جايه..يعني لسه ماطبخت..
    بس اول ماجات اتحرجت جدا وشاكلت آيه..
    ليه ما تكلميني انها جايه؟؟
    ردت علي ببرود الانجليز..أيوه والله يا أختي صارت مثلهم!
    قالت في هدوء وهي مندهشة من انزعاجي..

    كالم داون ماما..واتز ذا بروبلم؟؟

    البروبلم اني لسه ما طبخت ودي مواعيد الغدا..وعيب نجيب أكل من بره!

    مافي مشكله نجيب غدا من بره..الناس ديل ما بيفكروا زينا..
    لكن هي ذاتها جايبه ساندوتشها معاها..
    كيف يعني جايانا وجايبه غداها معاها؟؟
    ايوه هي طوالي بتشيل اكلها في شنطتها!

    في اللحظه ديك يا هاله لقيتها بتطلع كيس غداها ..قزازة مويه وساندويتش..
    وتمشي علي الفريزر تخت مويتها وبعدين تشيل الساندوتش تقعد تاكل فيه!


    طيب مافيش حتي اتفضلوا؟؟

    يحيا النسب الانجليزي!


    تعرفى يا منى،
    قصتك دى تنفع تتدرس (لعبر) كتييرة،،

    كر على يا منى و قعدتى جعانة؟
    ولا طلبتى و خليتيها تتفرج عليكى؟؟



    يا ربى كان سندويتش شنو؟؟؟
                   |Articles |News |مقالات |بيانات

01-07-2009, 02:37 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: يا فرحنا..هالة حسن بلندن! (Re: Hala Hassan)

    Quote: يا ربى كان سندويتش شنو؟؟؟


    أموت وأعرف!
    شكله كده كان زي المزروع فيه شجره!!
    خضار كتير ظاهر منه!

    المهم اتفرجنا عليها وهي بتاكل ولما خلصت قلت ليها والكذب يملا فمي..
    بلز نيكست تايم دونت برينج يور فود ويز يو..
    يو نو..وي الويز كوك!!

    عالم كذابة بشكل!

                   |Articles |News |مقالات |بيانات


[رد على الموضوع] صفحة 3 „‰ 3:   <<  1 2 3  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de