|
Re: تسـلمن يا بنات عوض خوجلى ومرحب بماجدة (Re: رأفت ميلاد)
|
منى/منال/ماجدة/مبروكة (مبروكة دي من عندي) .. ولعوا بخور التيمان و أربطوا الحبة السوداء في طرف توب الزراق بتاع الوالدة .. ناس المنتدى ده سحاريييييييييين ... أنا أدوني فرد عين انقلبت من عرديب لي قرض .. دحين أعملن حساباتكن .. (طبعا حساباتكن دي جمع مؤنث سالم) ..
| |
|
|
|
|
|
|
Re: تسـلمن يا بنات عوض خوجلى ومرحب بماجدة (Re: محمد ابراهيم قرض)
|
اخى العزيز محمد تحياتى
لك وشكرا ليك كتير على ترحبيك بس حكايه اننا ننفذ الوصفه بتاعتك الانت قلتها بصراحه وزعل مامعانا وصفتك دى فيها الشكك كانت بتنفع كانت نفعت معاك انت وكان مااخاف الكضب احتمال هى الذادت معاك الامور ذى ماقلت انت انا مابتكلم عن الحبه السوده انا بتكلم عن توب الزراق وكده
تسلم وربنا يديك العافية
| |
|
|
|
|
|
|
مرحب .. حبابك .. سلامات (Re: رأفت ميلاد)
|
نقول شنو لآل خوجلى وأخوات الشهيد ديل اسياد بلد عدييييييييل وماجدة ست بيت ماها ضيفة
وفى بيتها_ بعد إذنها_ بنقول ( مرحب .. حبابك .. سلامات )
ويا ماجدة وصلى سلامى لمنال ومنى
| |
|
|
|
|
|
|
Re: مرحب .. حبابك .. سلامات (Re: عاطف عمر)
|
سعدية وعاطف
سلامات انشالله الاولاد كلهم بخير
انت عارف ياعاطف الجماعة ديل هم فى ذات نفسهم ذى مابيقولو اظنهم حوصو واما سيد البيت انابرضو بفتش عليه مالاقيه وغايتو بعد ساعه كان ماظهر بنديه ساعه تانيه بتاعت فارق الوقت بعد كده نقوم نفتش ونبارى البوستات كان نسمع لينا خبر عنه
تحياتى ليك ولسعديه والاولاد
| |
|
|
|
|
|
|
Re: مرحب .. حبابك .. سلامات (Re: ماجدة عوض خوجلى)
|
09-01-2007, 10:00 ص
جمال السنوسي
.
ماجدة العزيزة
اها انا اول من يدخل هنا
صغير وجاهل
جهلة شديدة خلاص .. .. .
جمال
جمال السنوسى
كيفيك انا الله لاوراك المقصود عموما بالتاكيد ماانت
انا رديت عليكم هنا علشان ماهاواصل فى التانى
| |
|
|
|
|
|
|
Re: مرحب .. حبابك .. سلامات (Re: ماجدة عوض خوجلى)
|
أخي الكريم النبيل رأفت :
تحية عطرة ،
استسمحك عذراً بالقاء التحية والترحيب ببنت الخليفة وأخت الشهيد وأخت وصديقة الملكة منى والأميرة منال وخالت الجمال الإلاهي الآية آية وبنت حلتي الطيبة الأصيلة ( ماجدة ) .
ألف مليون مرحب ماجدة نزلتي أهلاً وحللتي سهلاً ومرحباً بك في بيتك وعقبال مديحة إن شاء الله وماما جارة ، وسـلام .
شكراًَ يا رأفت يا أصيل ، ....
أخوكم ومحبكم
عماد محمود امتداد الدرجة الثالثة مربع ( 3 )
| |
|
|
|
|
|
|
Re: مرحب .. حبابك .. سلامات (Re: عماد محمود علي)
|
اهلابيك وسهلا عماد كيف اخبارك
والاهل كلهم وناس الامتداد عارف ياعماد انا لمن مشيت مع الخليفه الله يرحمه السنه القبل الفاتت مشيانا الامتداد فى الاولى قبل الدفن
بتصدق انا لغايه ماوصلنا انا ماعرفته بقى حاجه غريبه غايتو ماالامتداد بتاع زمان واضح انو كل حاجه فيه اتغيرت انا شفته بس مرة واحده تانى ماشفته على العموم لوربنا سهلا انا بمشى فى نهايه شهر اتنين وانشالله لازم امر عليه سبحان الله شوف الامتداد الجميل المليان بالناس الحلوين واضح انو ظروف الحياة فرقتم الاهل كلهم اخبام شنو ياعماد انشالله تمام
تحياتى ليك وماتقطع مننا
| |
|
|
|
|
|
|
Re: مرحب .. حبابك .. سلامات (Re: ماجدة عوض خوجلى)
|
Quote: انت عارف ياعاطف الجماعة ديل هم فى ذات نفسهم ذى مابيقولو اظنهم حوصو واما سيد البيت انابرضو بفتش عليه مالاقيه وغايتو بعد ساعه كان ماظهر بنديه ساعه تانيه بتاعت فارق الوقت بعد كده نقوم نفتش ونبارى البوستات كان نسمع لينا خبر عنه |
يا ستى البوسـت بتاعك تمليك . معاك لحظة بلحظة وبسـعادة فى متابعة مداخلاتك اللطيفة الذكية والزكية (أبضاي) زى ما بقولوا السـوريين.
| |
|
|
|
|
|
|
Re: مرحب .. حبابك .. سلامات (Re: رأفت ميلاد)
|
ويييييين يا عمدة الشوق بحر كل سـنة وإنت طيب يا ملكQuote: استسمحك عذراً بالقاء التحية والترحيب ببنت الخليفة |
نحن النسـتميحك عزرآ ونرحب معاك يا أمير
تحياتى لكل الأهل والأحباب
أخوك
رأفت
| |
|
|
|
|
|
|
Re:يا أيتها الروح اللطيفة ترفقي بنا!! (Re: رأفت ميلاد)
|
العزيزة ماجدة 1) الشوايقة عجبوني وسروا بالي .. أنا سألت مجرد سؤال بريء عن موضوع القُرّاصة وكنت حأسال عن موضوع الشاي هسه ما حأقدر بعد ما قطمنتيني في سؤال القراصة.. وخايف إذا سألت يُحوّر سؤالي وأنا دائماً حسن النية وأتوجه بالأسئلة من باب الإستزادة في العلم والمعلومة .. عشان ممكن الواحد ينافس في من يكسب المليون وسؤال زي ده عدم الإجابة عليه ويكونوا الشايقية سبب غنى لواحد زيي ويكون ليهم نصيب في الجائزة البقت مليونين!! 2) أجابتك على السؤال على طريقة فسر الماء بالماء .. أنا إسمي أبوبكر وده إسم واحد مركب وما عندي ولد إسمو بكر حتى أكنى به يعني شنو كل أبو عندو أبو أنا أعرف أن الإبن له والد وله جد أول وثاني وثالث.. إنتو يا رباعي النغم ما توحدوا الأسماء .. جزاكم الله خيراً.. وحلوة حكاية أم رشيرش ون وتو وتري وفور إنتو ال(4M) بقيتو. مطلوب مزيد من التوضيح يا أم رشيرش ، وإنتي أم رشيرش نمبر كم؟
| |
|
|
|
|
|
|
Re: مرحب .. حبابك .. سلامات (Re: AmroKamal)
|
سلام ليك انت انشالله تسلم من كل شر
كتر خيركم كتير على ترحيبك بى والله ماقصرتو معاى انت وباقى الاخوات والاخوان فعلا حسستونى انى ماغريبه فى نصكم
سلام من منى ومنال
| |
|
|
|
|
|
|
Re: مرحب .. حبابك .. سلامات (Re: Muna Khugali)
|
عيـد سعيـد ليك يا رأفت والأسرة.. عيد سـعيد مولانا عادل والأسـرة.. عيد سـعيد لكل المسيحين الشرقيين.. ولينا إحنا علشان بناكل خبيزهم الحلو..
وعادل رزق والاسرة
وادمون مفيد وفكتوريا والاولاد وانشالله السنه الجايه ربنا يحقق ليكم كل الامانى ويخليكم معلش ياجماعه جاولت اسرق ورد منى ماقدرت وعملت المحاوله فى محل تانيى برضو مانجحت معاى
| |
|
|
|
|
|
|
Re: مرحب .. حبابك .. سلامات (Re: Manal Awad Khugali)
|
صفصف ازيك كيفيك
انتى لمن تشتكى من البرد الحجيه تقول شنو بختكم
اخوى هايص وانا مالايص عارفه والله العظيم انا لى كم يوم ماشفت بابى من بره شكلو شنو
غايتو انا لازمتنا اجى السودان انشالله باجى فى شهر اتنين الجاى لوربنا سهل سلمى على الفكه العندك وعلى الحجية الكبيرة
الجو سخييييف شدييد- تعالى شوفى السخف الجدجد هنا والله الجنينه القدر الليله وبعد بكره التحت بيتى دى والشجر الكبير القدام شباك غرفتى طوالى صفقه واحده مافى ولونا اسود تقول مضروبه بوهيه وبرد يقطع النخرة عديل ومع الضباب بس بيت الشياطين غايتو اسوء من كده انا ماشوفت الابيت البعوض بتاع المرجعيات
| |
|
|
|
|
|
|
Re: مرحب .. حبابك .. سلامات (Re: ماجدة عوض خوجلى)
|
Quote: وعادل رزق والاسرة
وادمون مفيد وفكتوريا والاولاد وانشالله السنه الجايه ربنا يحقق ليكم كل الامانى ويخليكم معلش ياجماعه جاولت اسرق ورد منى ماقدرت وعملت المحاوله فى محل تانيى برضو مانجحت معاى |
والله الأقباط عندكم . أعلمك السـرقة تعلمينى الشكل وأكل الفتة أجيب ليك وردة من ورود منى
تختى الماوس فى نص الصورة وتضغطى باليمين تظهر ليكى البيانات دى
تختارى آخر واحدة فى المربع الأحمر (ما عارفا بالإنجليزى) المهم الأخيرة وتضغطى عليها تظهر عندك التانية دى
تختاري نمره (1) adress وتظلليها بالماوس وبعد التظليل تضغطى اليمن عليها وتعملى copy فى نمرة (2) وتكونى شلتيها بالماوس
تفتحى فى مكان الرد وتابعى الصورة الأخيرة
تضغطى نمرة (1) image يظهر معاك مسـتطيل فوق . أمسحى الفيه فى نمرة(2)وضعى الماوس عليه وأضغطى باليمين وإختارى فى المربع الجديد وسميتو (3) إختارى paste فى محل (4) بعد كده أضغطى (ok (5 تظهر معاك النتيجة داخل حقل الإجابة (6)
بإضافة الرد تظهر وردة منى
يا دى وردة منى
المهمة ما صعبة مع التكرار تبقى سهلة وإتعلمى السرقة من الـ google بنفس الطريقة
| |
|
|
|
|
|
|
Re: مرحب .. حبابك .. سلامات (Re: رأفت ميلاد)
|
ْ رافت
انت وين اصلو عيدكم ده مك يوم
انت بتقول اها دى فرصة علشان اعيد على كل من جورج صباغ واسرته ويوسف عزيز
والله يارأفت انا عندى علاقات واسعه معاهم
ولاماخايفه ليكم من العين كنت ذكرت كل الاسامى هنا
كنت دايرة اخت ليك كم وش كده من بتعين ابله ظاظا بس لسه ماعرفت
اسرق الوشوش وماعايزين نخت اصلى علشان مايجيب لينا الهوا بالرغم من انة متوفر بشدة الايام دى ساكت طلبك تحت الدراسه وبردعليك اقعد عافية
| |
|
|
|
|
|
|
Re: تسـلمن يا بنات عوض خوجلى ومرحب بماجدة (Re: انعام حيمورة)
|
كل سنة وانتم طييبين تاني
كل سنة وانت بخير يا استاذرافت - عيدية خاصة لك -
منال بطلي حركات اللخبطة والحويص دي خليكي حلوة-
مديحة جات رجعت لندن ولا لسة?
Quote: غايتو انا لازمتنا اجى السودان انشالله باجى فى شهر اتنين الجاى لوربنا سهل سلمى على الفكه العندك وعلى الحجية الكبيرة
|
نمشي سوا إنشاء اللة -
أنا منو? منال ولا مني ? إنت مشيت وين يا عاطف عمر?
| |
|
|
|
|
|
|
Re: تسـلمن يا بنات عوض خوجلى ومرحب بماجدة (Re: لؤى)
|
مني قالت زهجانة وعايزة تعمل حفلة .. قلتن شنو يا إخـوات وأخـوان الشهيد?
ماجـدة عليك الله بطلي حركات..أسه صفصف هنا وينو?
مني قالت اتصلت بعاطف عمر وسعدية قالت راسه واجعه وعيونه ابو يرجـعوا مكانهم .. وبتجلفكم تبطلوا البتسوهو ده علشان عاطف بقي زي سعـدالدين..الوقت كله بيقول أنا مين وأنا فين!
منال
| |
|
|
|
|
|
|
Re: تسـلمن يا بنات عوض خوجلى ومرحب بماجدة (Re: Muna Khugali)
|
Quote: انا شايفه عاطف ده ليه زمن ماظاهر بصراحه كده انا قلبى محسسنى مشيتو نفذتو مشروعى براكم |
عارفة يا منال استفتي قلبك ولو أفتوك المشروع فعلاً بدأ وحقك محفوظ حنمسكك توكيل الخرطوم أها قصرنا معاك ؟؟
Quote: إنت مشيت وين يا عاطف عمر? |
عارفة يا منى الأيام دي امتحانات السمستر بانتهازية مكشوفة صاحبتك سعدية قالت أتولى أنا متابعة مذاكرة ( محمد الأمين ) طبعاً القراية فيها الزعل--- قوم اقرا ---- يلا عيد الدرس دا تاني ---- وسيادتها عاوزة تبيض وجهها وتصدرني أنا للمشاكل . صاحبنا ( محمد الأمين ) ضاق بي ذرعاً قام قال لى " يا خي إنت ما تقوم تشوف أصحابك ناس سودانيزأونلاين أكيد مشتاقين ليك " وبرضو ما في طريقة .
Quote: عاطف دا أنا ذاتي ما عندي فكرة مشى وين لكن لا مشينا مع بعض ولا نفّذنا أيّ مشروع وأنا منتظرك لدراسة الجّدوى |
يا لؤى يا أخي خلاص أنا توكلت على الله و( فتيت ليها ) الموضوع زي ما اتفقنا حنديهم توكيل الخرطوم .
Quote: مني قالت اتصلت بعاطف عمر وسعدية قالت راسه واجعه وعيونه ابو يرجـعوا مكانهم .. وبتجلفكم تبطلوا البتسوهو ده علشان عاطف بقي زي سعـدالدين..الوقت كله بيقول أنا مين وأنا فين! |
كلك ذوق يا ماجدة اتصالك جاء في وقته ما لم تستطع سعدية أن تحكيهو ليك من شدة الضحك . إنو عدوى ( الحويص ) قد انتقلت عندنا للبيت . فمرة ننادي ( هديل ) ونكون قاصدين ( أسيل ) ومرة نلاطف ( ومضة ) باسم ( أريج ) .
أنا كنت عاوز أقول شنوووووووو ؟؟
| |
|
|
|
|
|
|
Re: تسـلمن يا بنات عوض خوجلى ومرحب بماجدة (Re: عاطف عمر)
|
خلاص جد جد بلاش لخبطة وقت الموضوع بقي فيهوا إستثمار وتوكيل وفلة
شوف يا لؤي آنا حاكلم منال علشان تقدم المساعدة الازمة-
وانا حاصيغ ليكم إتفاقية شراكة بإعتبار إنة أحد آطراف الشراكة موجود هنا معانا في لندن-
لكن إنتوا عارفين الزمن دة صعب - آي حاجة لازم بتمن - الحياة في السودان قاسية وقاسية جدآ - يلا وروني حاخد كم ?
ولا إية رايك يا آبلة ماجدة ?
آنا منو يا عاطف ? منال ولا مني ?
| |
|
|
|
|
|
|
Re: تسـلمن يا بنات عوض خوجلى ومرحب بماجدة (Re: لؤى)
|
لؤى
عليك الله ده كلام انا اقول ورينى يعنى حاجه ابوسريع كده
الفايده شنو لمن انا اقعد ابارى خيوطك دى واحفظا القيامه بتكون قامت
وكل زول اتعلم وبعدين كل واحد يسرق من التانى كتر خيرك كتير لؤى بعد نشوف حكايه الفلة شوفت انا ماشيه سريع كيف
| |
|
|
|
|
|
|
Re: تسـلمن يا بنات عوض خوجلى ومرحب بماجدة (Re: رأفت ميلاد)
|
رافت ... اها انا هنا وما زائغ لكن صحباتك فتحو لي كبري يفوت فيل ابو زلومة مش بربري زي لما تداخلت يوم اجتمعن ....انا ماني قدر اهلنا الشايقية بس غناهم سمح وعندهم حاجات سمحة كتير لكن لو قبلو عليك مساخة سكر كوبا ومدغشقر وكنانة ما يكفي ....
| |
|
|
|
|
|
|
Re: تسـلمن يا بنات عوض خوجلى ومرحب بماجدة (Re: abubakr)
|
السلام عليك ياناس ياحلوين
ابوبكر كيفك عنك طيب طبعا دى بالشايقى
اصلو الايام دى طالع التوب وكده
رأفت ياشكال وجاى تقولى علمينى الشكل واضح انك كنت قاصد الشكل البفرزو بيهو الناس من هدوما
رأفت ولؤى عندى مشكله فى البوست بتاع الجهل مصيبه بعد اخر مداخله ماقادره ارد على اى زول
وبعدين فجاتنا كده بقى للبوست ده اهميه قصوى عليكم الله ساعدونى
| |
|
|
|
|
|
|
Re: تسـلمن يا بنات عوض خوجلى ومرحب بماجدة (Re: osly2)
|
هووووووووي يا بنات الخوجلي أحسن ليكن تبطلن البتعملوا فيهو ده .
هسع عليك الله يا رافت يا أخوي ده سوعال بتسعل ده ، ما ياني كل يوم لي أسبوع كامل ماشي وجاي من عند دكتور العيون ، شيء كشف كمبيوتر وشيء عملية ليزك وشيء عملية ليزر وشيء عدسات ونظارات كمان . غايتو أنا ما عارف أنا عائز حق العملية الدكتور قال لي العملية بـ 7000 ريال وبعد تحانيس غايتو خلاهن 6000 ريال . حق الليموزين ماشي وجاي أربع مرات في اليوم أنا خليتو ليكن علشان ماما نورة ما تزعل مني ، بس حق العملية لازم تدفعنو غصباً عليكن حوصتوا بينا جنس تحويص ، هسع الدكتور زاتو حوص معاي وقال لي عاد أنا نان البيعمل لي العملية منو . غايتو يا رأفت يا أخوي أنا بديهن أسبوع واحد فقط لو بنات الخوجلي ديل ما سددن الـ 6000 ريال دي أنا ياني الرافع فيهم شكوه ما يهن هم السبب في الحصل لي ده كله .
تخريمة :
تعرف يا رأفت يا أخوي أنا شكيتن على الله ، العوض على الله . قضية شنو البكسبا أنا ما ياها منال محامية شاطري بالحيل يعني ح أخسر كمان حق المحامي . شكيتكن على الله يا بنات الخوجلي . حقي أنا بعرف أخدو كيف قضايا مو عايز خليتهابس أنتظرني كويس .
| |
|
|
|
|
|
|
Re: تسـلمن يا بنات عوض خوجلى ومرحب بماجدة (Re: عماد محمود علي)
|
أخي الراقي الجميل الحبيب رأفت
تحية قلبية عطره عزيزي ،،، ،،،
Quote: ويييييين يا عمدة الشوق بحر كل سـنة وإنت طيب يا ملك |
تعيش أن شاء الله يا أصيل ، شقونا محيط وساحل كمان ، موجود بس صاحباتك ديل حوصن بي جنس تحويص غايتو أعمل حسابك منهن ديل يودنك البحر ويجيبنك عطشان أنا عارفن كويس ما ياني جارن من زمااااااااان . هووووووي يا بنات الخليفة بطل سواتكن ديل أحسن لكن .
شكراً عزيزي ولك مني الود والاحترام .
| |
|
|
|
|
|
|
Re: تسـلمن يا بنات عوض خوجلى ومرحب بماجدة (Re: رأفت ميلاد)
|
الأخ الحبيب رأفت تحياتي وكل سنة وانت طيب
آل عوض خوجلي أسرة امتدادية أصيلة وعريقة ولهم في كل القلوب أمكنة الارتياح والطمأنينة تعشقهم من أول نظرة .. البنات كانن نموذج الأدب والاستقامة الاولاد كانوا مثال الأخوة والصداقة والمرجلة .
مرحب ماجدة الماجدة .. جيتي واكتملت بيك اللوحة .. ( وبالمنى منالنا المجد)
تخريمة : يا اخواتي وين معتصم بالله سلّمن عليهو كتييييييييييير قولن ليهو امير الجمري قال ليك شتتت الناس الأزمان والظروف ولماهم هذا المنبر فحاول عضّد سواعدنا وسواعد اخواتك ديل بدخولك لهذا العالم الاسفيري الجميل
دمت رأفت ودمتن أخواتي العزيزات
| |
|
|
|
|
|
|
Re: تسـلمن يا بنات عوض خوجلى ومرحب بماجدة (Re: امير عوض الجمري)
|
امير والله ياامير مازادتنا الغربه الا تعلق اكتر واكتر بالامتداد وناس الامتداد
الحلوين ومتسامحين ومترابطين بينم تراحم وحب واحترام شكرا ليك كتير ياامير
تحياتى لبهجه والفكه بتاعتكم وتقبل تحيات الجميع
معتصم هو وزوجته فى القاهرة عندو ولد وبت مصطفى زمنال
| |
|
|
|
|
|
|
Re: تسـلمن يا بنات عوض خوجلى ومرحب بماجدة (Re: لؤى)
|
Quote: حوصت يادوب ولامن رب العالمين خلقك خلقك محوص |
هووووووي يا ماجدة هوووووووووي
أنا حركات الشوايقة دي بعرفها كويس ، عاملة يعني ما عارفة علشان تزوقي من دفع فاتورة الدكتور !!! لا يا شاطرة أنا حوصت بعمائلكم دي إنت وبقية آل خوجلي ( منى ، منال ) ح تدفعوا الفاتورة ولا .................
منال :
يعني عاملة طناش !!! بوريك بعدين .
منى :
من لقى أحبابه نسى أصحابة . طيب نشوف الثقل قدام .
| |
|
|
|
|
|
|
Re: تسـلمن يا بنات عوض خوجلى ومرحب بماجدة (Re: عماد محمود علي)
|
عماد اخوى كيفينك
اواعاك تكون بس يكون اتنقلت ليك العدوة عبر الانترنيت (طبعا دى جديدة) وحصلك لطف من ناحيه الشايقيه
مالك جايب السيرة هسه ناس ابله ظاظا يجونا ونقع فى كلاماتانى تانيه
رسل الفاتورة ولايهمك قروش التمر لليلى ماكملت
عليكم الله تانى كان ختيت لى الخشم الشين ابوسنيناتن كوبارا ده خاصه بعد مابقى علامة الجوده عند ناس حبايبنا
| |
|
|
|
|
|
|
Re: تسـلمن يا بنات عوض خوجلى ومرحب بماجدة (Re: رأفت ميلاد)
|
أخي الراقي رأفت
صباح الخير ، ،،
تعرف يا رأفت أنا لليلي عيوني ما بقن كويسات ، البنات ديل سونلي صاخوته في راسي دي . عايزك تحذرن لي يدفعن لي حق العمليي ما يقعدن يماطلن كدي لحدي ما أروح شمار في مرقي .
Quote: عليك الله تقول لمنال مطنشة وتقول آنا عاملة تقيلة - معقول بس كلامك ممكن يكون حقيقة |
هييي هسه صحي إنت منو فيهن ، يا بنات الخليفة الله يكافينا شركن .
| |
|
|
|
|
|
|
|