عادل أمين ممكن تجي بي جاي و معاك سودانك الجديد؟

Quote: الاخ / عادل شايفك متجدع وقايل نفسك كشفت الذرة ،،، باين عليك حافظ ليك كلمات وتمط فيها ،،، ولذلك نديك حبه حبه فقط أجلس وتعلم ،، وزى الكلام دة ما تقولو تانى

الاخ العزيز كمال
تحية طيبة
ما نشرته اعلاه هو قطع ادبية ممتازة ومزخرفة..ولكنها ليست مشروع دولة مدنية فدرالية ديموقراطية.. لا نظريا ولا تطبيقيا
بعدين الناس كانو في اخر ديموقراطية مازومة1965-1968 مشغولين بالشيوعيين والاستاذ محمود محمد طه...ولم ترتبط كل المراحل للديموقراطيات الزائفة السابقة بالتنمية البشرية
واتحداك هسه من الجيلي لحدت حلفا القديمة مرورا بكل الحواضر والقري التي دفنتها الرمال لو انجز الحزب الاتحادي الديموقراطي مشروع او مدرسة او مستشفى ..لان التنمية لغة ارقام وليس اوهام...ومع كل اسف اقول ليك ان الزعيم الازهري والزعيم الهندي لم يكن لهم مشروع سياسي حقيقي قائم على اساس فكري حقيقي....ومشروع الدولة المدنية الفدرالية الديموقراطية موجود فقط عند الفكرة الجمهورية والحركة الشعبية...عشان كده تلقاهم الاثنين منسجمين تماما حتى هذه اللحظة
وانتو يا ناس السودان القديم رافعين شعار(كلام الحب كلو قلتوهو بس كلامي انا ما عرفتوه)

وفعلا نحن بنتعلم ونعرف سبب تخلف السودان عندما تقدمو لنا دروسكم السخية في الاستلاب والتفكير بعقول الاخرين وتوهم الانجازات..وانكار الاخفاقات وتؤكدو ان الديموقراطية لم تكن موجودة اصلا في السودان كنظام سياسي رشيد فقط بل وعيا وسلوكا..

ونحول مقالاتك المنقولة دي لناس حزب الامة يفتشو لي فيها مشروع دولة مدنية فدرالية ديموقراطية....لانو نظري ضعيف شوية.... البوست ده معني باشياء محددة
هل يوجد مشروع السودان الجديد؟
وما هي القوى السياسية المؤهلة لانجازه؟