Bader Eldeen والله أنا فرحت فرح لمن إنتهى جوازي الأزرق القديم داك مش لأنو فيهو مخالفات ولا ضرائب ولا عشان صورتي القبيحة ديك فرحت لأني إتخلصت من حرف ال[E] لأنو بي صراحة كان غايظني ومحرق روحي وطبعاً لأنو أغلب اسماء السودان مركبة (زي شمس الدين وسيف الإسلام وقمر الدولة) فكلها لمن يكتبوها تلقى [E] السجم دي محكرة في حين إنو لو نطقها بالعربي بلقاها فيها ضمة في حرف الراء ولا عندكم رأي تاني؟؟؟
تصدق في جوازي الجديد برضو شلخوني E في حين إنو في معاملات خارجية بيكتبوني Jalaladdin و في رواية أخرى Jalaluddin غايتو تعال نكون حزب إسمو حزب المشلخين E ) أرقد عافية
05-15-2004, 10:42 AM
THE RAIN THE RAIN
تاريخ التسجيل: 06-20-2002
مجموع المشاركات: 2761
تعرف دى واحدة من الحاجات المحيرانى والله، ليه السودانيين بختو الحرف ده فى مكان ال "ألف" فى السماء المعرفة، وده استخدام وصناعة مصرية مية فى المية لأنه المصريين فى الدارجية بتاعتهم وحتى كمان فى الفصحى، بكسروا الألف الأولى من الكلمات، يعنى نحن بنقول مثلا
اَلليل- ALLAIL
أما المصريين فبقولو إلليل - ELLAIL
وبكتبوها حسب ما هم بنطقوها، يعنى السودانيين ما عندهم أى عذر فى الشغلانة دى، لأنه لمن يستخدموها زى ما المصريين بعملو، بكونو ارتكبو خطأين، الأول فى النطق والتانى فى الكتابة، لأنه أى صوت مسموع لمن تجى تكتبه مفروض تكتبه زى التماثل الصوتى بتاعه تماما والإسمه ال TRANSCRIPTION يعنى لو عايزين نكتب إسمك يا بدر الدين زى ما هو منطوق تماما، مفروض يكون كده BUDRUDDEEN
حرف ال E هو الحرف الخامس فى الأبجدية اللاتينية، وفى اللغة الإنجليزية وزى ما درسونا ليهو فى ال PHONOLOGY هو من الأصوات اللينة أو ال VOWEL ARICULATED SOUNDS
ولمن يجى فى أول الكلمة يا اما بتنطق زى ما فى نطق الكلمة العربية "ايه" ايه اسباب جفاك - ايه لازم الزعل وزى ما فى الكلمة الإنجليزية END, EGG, EVOLUTE, وده الغالب
أو يتنطق "يو" ودى حالات قليلة جدا زى مافى نطق "يوسف" بالعربى وبالإنجليزى زى ما فى , EUROPE, EUTECTIC, EWE كوز أو ابريق يعنى
أو كمان يتنطق زى أول كلمة "إنت" بالكسرة على الألف وزى ما فى EXCISE, EXCURSION
واذا جا فى آخر الكلمة، فدائما بكون صامت وما منطوق، إلا الا جات مرتين زى مافى SEE, GUARANTEE ففى الحالة دى بتتقال زى نطق حرف ال "يا" العربى
واللغة الإنجليزية طبعا مرت بتلات مراحل، القديمة والمتوسطة والحالية، وكل الحروف الزائدة حاليا أو الما منطوقة جات من ايام الإنجليزية القديمة لأنها كانت منطوقة فى المرحلة ديك، يعنى الحروف اللينة كلها كانت بتتنطق
ما عايزين نخش فى تفاصيل ما ليها لزوم طبعا، وليك التحية يا BUDRUDDEEN
05-15-2004, 10:44 AM
Ahlalawad Ahlalawad
تاريخ التسجيل: 02-05-2002
مجموع المشاركات: 2832
البدري .. أظرف من ئييك (your E) صديقي الذي ينتهي إسمه بـ الحاج .. طبعا تكتب حسب رواية الدوري (El Hag) فكان الهنود ينادونه مستر إيلهاق .. يلحقنا ويفزعنا إن شا الله .
05-15-2004, 12:00 PM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
الغالي نيوبي سلام وإكرام أشكرك كتير على الطلة وإن شاء الله ما نجيك في E
الشقيق Jalal Eldeen أنا برقد عافية بس غيروا لي الE وجيبوا لي بطانية وأطفوا لي النور تسلم لي يا مريودي
الملئ المترع أبوذر سلام بعدد زخاتك
Quote: ما عايزين نخش فى تفاصيل ما ليها لزوم طبعا، وليك التحية يا BUDRUDDEEN
والله يالمطر ما فضل لي إلاَّ أقول ليك هاك سن الحمار وأديني سن الغزال أي نقوم بعملية إحلال وتبديل مراكز بأن نجعل كلامك إنت يكون البوست وكلامي يكون المداخلة شكري وتقديري لك أيها الثري
أهل العوض والجمال سلامي ليك وللهاق صديقك الهقني أنا داير أنشرط بالضحك يديك العافية يا Ahal Elawad
05-17-2004, 01:00 PM
aboalkonfod aboalkonfod
تاريخ التسجيل: 05-04-2003
مجموع المشاركات: 534
حرف E هين ... الكلام في صورتك الشينة الطممت بطن ناس الداخلية والخارجية وبقية الوزارات .. أنا ما عارفك إنت شايلو كيف ولا مستحملو كيف .. التقول مُركب ليك قناع نصيحتي ليك .. شيل معاك ليمونة .. وأدي جارك .. أنا غايتو بزرع لي حوض .. لمن تفكر تزورنا.. غايتو البتعرسك ليها .. الجنة
علي الطلاق ألقى لي ربطة مسوايك وكيلو لحم ...!!!... أحسن من العضام البتتهوزز دي
ترا الحِريف الليلو إتعرف .. الله يسترك مع .. حوتك
05-18-2004, 07:56 AM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
لمن تعطس قول الحمد لله حبيب قلبي أبوالقنفد سلاااااااااااااااااام إنت ضنبك دا اصلو كدي ولا عملت ليهو عملية [circumcises] جهز ليمونك وأنتظرني عشان أنا بريدك سااااااااااااااكت
05-22-2004, 12:11 PM
aboalkonfod aboalkonfod
تاريخ التسجيل: 05-04-2003
مجموع المشاركات: 534
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
بدرالدين شنا
ابو جهينة
THE RAIN
Ahlalawad
aboalkonfod
فيس بوك
تويتر
انستقرام
يوتيوب
بنتيريست