|
|
 هي الله أداني إجازة ... وإن شاء الله يديني لقاء ببورداب الخرطوم
|
ستحرمني هذه الإجازة من التواصل معكم لأكثر من تلاتين يوما ولكنني أسال الله أن يسهل ويدبر لقاء ببعضكم من بورداب الخرطوم عشان أشوف رجال بقامة الهملايا ونساء لهن رحيق كما بشرني بذلك أخي وصديقي أبوحراز عبر ذلك البوست عقب عودتة المترعة بالدهشة والإعجاب ببورداب الخرطوم
|
|
 
|
|
|
|
|
|
|
|
Re: هي الله أداني إجازة ... وإن شاء الله يديني لقاء ببورداب الخرطوم (Re: بدرالدين شنا)
|
Quote: تمشي وتجي بالسلامه ونشوفك بعدالاجازه حتقول شنو عن
بورداب الخرتوم |
كدي خلينا نشوف جكتهم أول حاجة في البوست دا
البوست دا نازل من أمبارح ودخلوا زي 44 نفر مافي زول عبرني غيرك إنتي يابت الجزيرة ياختي لا زولاً يقول مع السلامة ولا زولاً يقول مرحب عاينت في مراية البورد لقيت روحي ضعيييييييييييييييف
جزاك الله خير الجزاء على هذه اللقمة التي سترت عورة جوعي وضعفي
| |
|
|
|
|
|
|
|
|
|
Re: هي الله أداني إجازة ... وإن شاء الله يديني لقاء ببورداب الخرطوم (Re: بدرالدين شنا)
|
بدر الدين .. في الإجازة أرجو أن تتونس لينا مع الوالدة (أمك يعني) وسلم عليها وخلي بالك منها طول أيام الاجازة ..
برضو أكرر مع سجيمان .. مترعة يعني شنو ؟ وبالمرة أشرح لينا معاني الكلمات التالية: الاندياح ، الشفق الأخضر ، التموسق المنمق .. أتمنى لك إجازة سعيدة وضرائب ملغية ، قالوا الحكومة الجديدة أول ما تمسك الحكم حا تلغي الضرائب ..
| |
|
|
|
|
|
|
|
|
|
Re: هي الله أداني إجازة ... وإن شاء الله يديني لقاء ببورداب الخرطوم (Re: بدرالدين شنا)
|
أخوي بدر الدين
أولاً الله بدي الجنه ، وإنت تستاهل إجازة في الهونولولو أو هاوي أو هاو آر يو حتى ، والأخيرة دي من جكس أفكاري طبعاً. والإجازة إبتداء هي شوية راحة بعد عام مضني في غربة أكثر ضناً يا ضنيناً بالوعد ، وعلى زعم الخواجات أن الإجازة هي RR وهي بالتأكيد مش ماركة العربات الفارهة روزلرويس إنما إختصاراً لعبارة Rest & Relaxation وهي راحة وإستجمام يا أخي البدري كما تعلم أو لا تعلم لا مشكله. والراحة والإستجمام تتمثل في مظهرك كمسافر لابس ليك شورت برمودا يعني لغاية الركبة ما بطال وقميص مزركش زي واحدة من لوحات الفنان العالمي فنسنت فان جوخ أو لوحة وجه السيدة للفنان رامبرانت التي بيعت بمبلغ عشرين مليون جنيه إسترليني مش سوداني طبعاً فقط لا غير ، لا أحسن غير . – والله يا البدري العالم دي ماشه معاها يرسمو ليك حاجة كده يعرفوها براهم وبرضو يجو يقول لينا اللوحة الفلانية بيعت في مزاد سوزبي بمبلغ إثني عشر مليون دولار أمريكي – عالم تقدر الفن والجمال بصحيح – وعشان كدي يا البدري عند عودتك من الإجازة إن شاء الله مارس هواية الرسم يمكن بعد ألف وتسعمائة سنة من الآن تكون لوحاتك ورسوماتك عليها القيمة وتورث ناس بدر الدين التاسع عشر مليارات الدينارات السودانية بعد خرف طبعا.
المهم من مظاهر الإجازة أيضاً أن تكون الشنطة يا دوب توزن حوالي العشرة كليوجرامات فقط لا غير على أن تلبس في الظهر وأن تعتمر قبعة أو قلنسوة أو baseball cap وتكون بتستخدم بطاقات فيزا وماستر كارد يعني قروش كاش ما معانا ونسسيت طبعاً يا تلبس مع الشورت بوت لغاية نص الساق لغاية ما تلتف الساق بالساق أو تلبس صندل أو شبط وضروري تلبس معاه جوارب يعني لازم تتبهدل عشان تقنعني إنك سائح وماشي إجازة وما تنسي شوف ليك كدوس إن شاء الله تتسلف كدوس الخواجه زميلك في الشغل.
إجازة سعيدة ملؤها الصحة والتوفيق والسداد وربنا يكفيك عوارض الطريق من مسقط إلى الحلاوين ويكيفك شر ناس المطار ما يطلع إسمك محظور ويكفيك شر ناس الخطوط ما يطبقو فيك لعبة الكراسي ويكفيك أولاً وأخيراً شر ناس مجمع المغتربين اللهم آمين.
| |
|
|
|
|
|
|
|
|
|
Re: هي الله أداني إجازة ... وإن شاء الله يديني لقاء ببورداب الخرطوم (Re: بدرالدين شنا)
|
الشقيق الذي أشقاني غيابه أبوجهينة
| Quote: على كل أنا يوم واحد شهر سبعة ( الموافق 27 من شهر برمهات ) بكون هناك |
معقول أنا أكون سعيد لدرجة التقيك؟؟ .. لالا .. وبعدين (برمهات) دي إنت قايلني أنا ماشي الهند؟؟؟
أنا سعيد بي عودتك
الغالي عمر الماحي
أشكرك على هذه الكلمات الطيبات وإن شاء الله تسعد إنت بي أهلك ومالك وولدك وعملك
الرشاشة عباس صديقي
سلام وحلو كلام
| Quote: وماشي عشان تحضر افتتاح الرد كاسل |
نحن ماشين نفتتح حاجات كتيرة بس الصبر وماشين كمان نستقبل مدرب الهلال التونسي
ملئ الحرف ملا عمر
سلام مضبب
| Quote: إجازة سعيدة ملؤها الصحة والتوفيق والسداد وربنا يكفيك عوارض الطريق من مسقط إلى الحلاوين ويكيفك شر ناس المطار ما يطلع إسمك محظور ويكفيك شر ناس الخطوط ما يطبقو فيك لعبة الكراسي ويكفيك أولاً وأخيراً شر ناس مجمع المغتربين اللهم آمين |
آمين يا رب العالمين
والله يا ملا عمر إنت ما بتنفات ولكن لأهلي علي حق والدتي زي ما قال أهل العوض وزوجتي وأولادي
لكم تحياتي
| |
|
|
|
|
|
|
|
|
|
Re: هي الله أداني إجازة ... وإن شاء الله يديني لقاء ببورداب الخرطوم (Re: بدرالدين شنا)
|
وأنا أقرأ المقال مرة أخرى إستوقفتني عبارة ستحرمني هذه الإجازة فتبادر إلى ذهني قول الشاعر سيذكرني قومي إذا جد جدهم ، سوف نفتقدك دون شك أخي بدر الدين حتى لو كنت شين ستبقي بدراً خاصة في بلد الكهرباء فيها أصبحت 10 فولتات فقط لاغير وسيظل مكانك شاغراً ولن يملؤه غير بدر الدين أبو أواب والبت ما بجيب إسمها لأنو نطقها صعب والكي بورد حقي ما فيهو تشكيل حروف وحا توقعني في مشكلة وتتشاكل علينا الكلمات ويقومو يشاكلوني.
| |
|
|
|
|
|
|
|
|
|
Re: هي الله أداني إجازة ... وإن شاء الله يديني لقاء ببورداب الخرطوم (Re: بدرالدين شنا)
|
العزيز خضر حسين سلام
الله يسعدك دنيا وآخرة أمين يارب العالمين
حبيبي القريب لي قلبي صديق الموج سلام
| Quote: (الخرطوم)مع انو ناس النايل بور ديل ما بقعدوا فيها كتير |
كتير؟؟؟
إنت عارف أنا رووت التذكرة بتاعتي
Muscat .. My Wife .. Muscat
قال خرطوم قال
ملاي آه من غلبي
ياخونا عليكم الله الملا عمر دا أنا بخليهو ليكم هنا شيلوا منو لكن ما تكملوا علي عشان أنا عايزو بعد أرجع بالسلامة
يا ملا كان غلبك إسم الصغير (رُبى) في الكبيرة إسمها غادة
| |
|
|
|
|
|
|
|
|
|
Re: هي الله أداني إجازة ... وإن شاء الله يديني لقاء ببورداب الخرطوم (Re: SAdo7)
|
سلامات
وعوافي
بدرالدين الشين شديد
والله خالص الاماني ليك باجازة سعيدة وانا واحد من الذين سيفتقدونك والحسنة الوحيدة في غيابك انو الزملاء المصريين هنا ما ح يسالوني تاني من البضحكني شنو وانا مابعرف اشرح ليهم كلامك فبضحك لحدي مابقوا بيستغربوا وانت عارف كريزتم قدر شنو..لكن برضو والله غيابك حار شديد بالرغم من اني بتابع بوستاتك بالرقراق مابقدر ارد عليها ماعارف ليه..
كل الحب لك وللاهل كلهم واجازة مدنكلة انشاء الله.
اسمع بتاكل كبدة ابل..خسمتك بالنبي اكان بتاكلا تجيب ليك نص كيلو كدا وتظبط ليهو شطة بالدكوة شرط التوم يكون كتير وبعد ماتنتهي منها اوعا تمشي زيارة لي اي زول تكل في البيت عشان شوية بتكون مشغول ..
كل حبي
Quote: إنتو قايلني أنا الكتيابي ولا الرحمابي
قال التموسق قال
دايرين تمسِّقوا علي البوست دا ولا شنو؟؟؟ |
| |
|
|
|
|
|
|
|
|
|
Re: هي الله أداني إجازة ... وإن شاء الله يديني لقاء ببورداب الخرطوم (Re: بدرالدين شنا)
|
صديق الموج سلام
| Quote: هلا..هلا..يا الشديد!!!!!!!ده النضم،،، |
قول ما شاء الله ما تيبسني .. لك حبي وبقية مداد شناتي
راوية الحبيبة سلام
| Quote: بتجيبو الاجازات الطويله دى من وين |
إنتي عندك زوجة في السودان؟؟؟
الحبيب فرح سلام
بالمناسبة الصورة معبرة جداً مع الإسم
فرح إنت بتبقى لينا ولا شنو؟؟؟
العزيزة تيتا سلام
| Quote: نحن فى الانتظار واهلا بيك يا شنا |
وين بتتلاقوا عادةً؟؟؟
أشكرك على الترحيب والإنتظار وتحياتي لي آلاء
الجريفاوي ولدنا سلام
أها الفرصة جات عشان نتلاقا وأقول ليك حاجة لازم تجي الحلاوين يوم تسعة يوليو عشان في عرس (رشا) وأكيد حاتم حا يجي ولازم لازم لازم تجي معاه
أخي وصديقي صادوح سلام
أشكرك على هذه التمنيات والكلمات الطيبات وسافتقدكم قطع شك
لك تقديري
زولي البريدو ود رملية سلام
عاجبني إصرارك على هذه التحية منذ أن عرفتك
بالمناسبة غالباً أمشي رفاعة أتفقد بعض الأصدقاء وربما سالت عن أهلك ولكن كيف لي أن أعرف الإسم كاملاً طالما المسنجر ما شغال نشوف ليها طريقة
الغالي ناجي الزبير الملك سلام
| Quote: لكن حرم كان ما جيتنا الا نكون شالين وش القباحة معاك |
يازول يا رائع تأكد تماماً أنني سأتصل بك وسوف أراك واستمتع بك وياريت بعد داك تلمني بي باقي البورداب إذا كان بيناتكم تواصل أو مكان معين وتلفونك بطرفي وحبك أيضاً في معييتي
| |
|
|
|
|
|
|
|
|
|
Re: هي الله أداني إجازة ... وإن شاء الله يديني لقاء ببورداب الخرطوم (Re: بدرالدين شنا)
|
المحبوب صديق الموج سلام
| Quote: يا بدر شايل كل ده معاك انت ماك شايل هدايا للاهل والا شنو |
ذكرتني أول إجازة مشيت فيها السودان وصلت نص الليل تاني يوم من الدغش جاتني مرة من حلتنا وكانت تحتاج المساعدة قالت لي
الرسول ما جبت معاك قروش؟؟؟
ود رملية الشفت سلامات وعوافي
| Quote: وعشان تمشي لي اهلنا اخوك في رفاعة |
يوم الخميييييس إلاَّ ما نلقى حق البانطون من فوق ليكم
أنا أتشرف بزيارة أهلك بس قول البحر ينستر معاي
| |
|
|
|
|
|
|
|
|
|
Re: هي الله أداني إجازة ... وإن شاء الله يديني لقاء ببورداب الخرطوم (Re: عبدالله)
|
سلامات
وعوافي
يابدرالدين بينستر البحر معاك في شان انو الخريف لسة ماجمع وليداتو
عليك الله كان ماسقتا وليداتك وقعدتا ليك يومين في بلدنا السمحة ديك اصلوا شوف زول يمشي السودان ومايزور رفاعة وكوستي بيكون عندو مشكلة عدييييييييلة كدا
وهناك ممكن تلاقي كل زملانك القدامي او علي اسوء فرض اهلم وانشاء الله تكون بريتنا وبريتم
مع فايق احتراماتي
كدي اهبش ايميلك امكن تلقالك فيهو شيتن مننا
| |
|
|
|
|
|
|
|
|
|
Re: هي الله أداني إجازة ... وإن شاء الله يديني لقاء ببورداب الخرطوم (Re: بدرالدين شنا)
|
أخي بدر السماء أبو أخت أواب – عشان ما أدخل في حيص بيص -
يا أخوى بطل الحركات بتاعتك دي وربط عفشك وحضر إيصالات الضرائب والزكاة وأعمل حسابك من الخواجات وما تفتكر إنهم ناس كويسين وبقدرو العشرة – يعني أعقلها وتوكل على الله – وما تخلي قفاك أعوج تقوم ترجع تلقى ختو في حتتك واحد تاني وتقعد اليوم كله تغني للخواجه وبالعربي طبعاً – حليل الخوه الما قدر عشانه ، لأنو الزمن ده الإجازة خاصة الأكثر من شهر ونص بترجع صاحبه الحله ، وقبل هذا وذاك أكد حجزك وما تتجهجه لغاية ما الطياره تفوتك.
| |
|
|
|
|
|
|
|
|
|
Re: هي الله أداني إجازة ... وإن شاء الله يديني لقاء ببورداب الخرطوم (Re: بدرالدين شنا)
|
الصديق الصدوق ملا عمر
والله قلت كلام مهم وباين عليك زولاً ماك هين وملحلح الله يكفيك عين الحساد ويحفظ زرعك من الجراد ويلمك على أهلك البعاد ويا حليل ناس آمنة وسعاد
عليك الله يا ملا أرجاني في البورد دا لمن أرجع أنا ماشي مشوار السودان هنا وراجع
العزيز شدييييد وليد طه
سلامي وإحترامي
| Quote: انت معاى فى السفرية ذاتا؟ |
لا والله .. نحن رواتبنا بي الميات وإنتو بالآلاف لأنو ريالنا بساوي عشرة قدر ريالكم
سأتصل بك وأقابلك واستمتع بيك يا ظريف
لك إحترامي
| |
|
|
|
|
|
|
|
|
|
Re: هي الله أداني إجازة ... وإن شاء الله يديني لقاء ببورداب الخرطوم (Re: JAD)
|
أخي أهل العوض لي حدهم
أسمح لي بأن تكون مداخلتي هذه هي الأخيرة لي في بوست الأخ بدر الدين هذا في منتدانا هذا ولحين عودة الأخ بدر الدين من إجازته السنوية معافى مبسوط أربعة وعشرين قيراط ونصف القيراط على مقياس ريختر.
وما جعل تعليقي هذا لازماً وربما متعدياً هو أن الأخ عبد الله أيده ضرب لنا مثلاً تمر الفكي جمبك ومشتهي ولما كان المثل قد ضربه أخي عبد الله ضربة قاضية كان لابد من الحجازة وأن أصبح حجازاً طالني العكاز أو لم لا فالمثل كما تعلم رواه شهين بن أبيهتمر الفكي السيدو شايلو ومشتهى وراوية الأخ عبد الله أقرب إلى جمبك ومشتهيك يا عيون وبرغم مرارة الفراق ولو كان مؤقتاً نترك لبدر الدين بعض من الوقت حتى لا تفوته الطياره ، الإعلان النهائي والأخير لرحلة الخطوط الجوية السودانية رقم أى حاجه والمتجهة بمشئة الله إلى الخرطوم على حضرات السادة المسافرين على متن هذه الرحلة صلاة الإستخارة والدعاء حتى تقلع الرحلة في مواعيدها ، نيابة عن الخطوط الجوية السودانية وقائد الطائرة الكابتن أب حراز نتمنى لكم رحلة سعيدة.
| |
|
|
|
|
|
|
|
|
|
Re: هي الله أداني إجازة ... وإن شاء الله يديني لقاء ببورداب الخرطوم (Re: بدرالدين شنا)
|
الملا عمر ... ياخ والله بالخت ... غايتو أنا لا أقدر على مجاراة هذا السيل الابداعي .. مخيّر بدر الدين فهو صاحب البوست .. ما بالنسبة للمثل فقد أورده أساسي في جامعه معلقاً لإن شهين بن أبيه لم يسمع من شنتير .. إلا أنه كان يراسله عن طريق البريد المحكي (إيميل) .. لكن سودانير قديما كان لها عادة مفيدة جداً ألا وهي أن يأتي قائد الطائرة إلى حين الركاب المتجمهرين ويصيح بهم : يا خوانا إنتو كم؟ فإذا قالوا عشرة أو أضعاف العشرة ، ناداهم أن توكلوا على الله ، يللا .. نمشي .
| |
|
|
|
|
|
|
|
|
|
Re: هي الله أداني إجازة ... وإن شاء الله يديني لقاء ببورداب الخرطوم (Re: Ahlalawad)
|
أخي أهل العوض
أول الحكي كما تقول شيري الغائبة الحاضرة = والذي نفسه بغير جمال لايري في الوجود شيئاً جميلاً -
ها أنت تستفزني وتجرجرني جرجرة من ربطة عنقي الإجبارية والتي إقتضتها ضرورات أباحت لي من قبل أن أرتدي البنطلون وأحشي القميص وأحتسي مشروب أحمر قاني اللون يسميه أهل البندر مجازا (فيمتو) ، فأنت تدعي بهتاناً وإفكا أن شهين بن أبيه لم يقل هذا المثل فها أنت أصلحك الله أخي بهذا الزعم أذنت بحرب لا هوادة فيها فقد روت Fox News وشقيقتها CNN وقبلهما Sky News في Breaking News لا بريك إعلاني على شاكلة بريكات LBC أن قبيلة شهين إتحدت مع قبيلة دشين وتعاهدا في وادي أب شوش على قتالكم وحشدوا في سبيل ذلك عشرة حمير مسومة وبعيرين وبنت لبون وشاة تيعر وعناق شهباء وبعضاً من كلاب الحي شديدة المراس وتسلحوا بجميع أنواع العصي المضببة والفؤوس ذات الرؤوس التقليدية وبعض الأسلحة الخفيفة من سكاكين وخراريت – جمع خراته سالم – وهي كل عصا خضراء تؤلم عند الضرب بها ولا تسبب أذى جسيم وهي بالضرورة من الأسلحة الغير محرمة دولياً بحسب إتفاقيات جنيف ومعاهدات الحد من إنتشار الجلافه القروية.
وأقف هنا لأمرين ، أولهما أنني ربماأفوت الطياره على الأخ بدر الدين والأمر الآخر أنني بعونكم وسندكم ودعمكم أتهجم وأتجنى عل بوست الأخ بدر الدين وأودر عليهو إجازتو.
| |
|
|
|
|
|
|
|
|
|
Re: هي الله أداني إجازة ... وإن شاء الله يديني لقاء ببورداب الخرطوم (Re: almulaomar)
|
اولا بى التبادى دى اجازه والله الكلمتنى بيهو؟؟
نمره اتنين والله متوسف وسف شديد انو ما رديت ليك ختابك
الاخرانى
عمنى كنت قاطع الكترون وهيدروول؟؟
صلاح ومعتصم اولاد بتول فى الحله ليهم دور
والتلفون فى بيت تماضر بت بتول علا ما حافظ الرقم؟
لكن فاروق بوصلك وتلفونه 562654
وانا فى قفاك بجى بخلى لمن المطر اجى والعينه الاولى تصح
وليك وامانى وغاده واواب
سلام ومحبه
والله اعدل ختونك محل ما تقبل
بركة سيدى ومولاى
ووداعة ما تمضع فيك وتكفى شر الشينه البتجيك
ووداعة لا تحرق ولا تغرق
وسلم على الحلاوين الحلوين
انور ود بتول
| |
|
|
|
|
|
|
|
|
|
Re: هي الله أداني إجازة ... وإن شاء الله يديني لقاء ببورداب الخرطوم (Re: بدرالدين شنا)
|
الغالي جاد سلام
جاد يا من جاد بأطيب الحديث وأكرمنا بوداعه ووداعته
لك شكري وحبي
الملا عمر سلام
| Quote: أخي أهل العوض لي حدهم |
أيواااااااااا الحمد لله قال أخي أهل العوض ما قال أخي بدرالدين عشان ما يورطني بالرد على سربعته التي لا قبل لي بها ولن أطولها
حبيب قساي أهل العوض
| Quote: مخيّر بدر الدين فهو صاحب البوست |
يعني كان رديت ليهو الله بحاسبك؟؟؟
إنت مالك كعب كدي
أنور ود بتول الخاتي القول
سلاااااااااااااام ليك ولأسرتك
| Quote: لكن فاروق بوصلك وتلفونه 562654 |
لا خلاس التلفون دا بوصلني تب وبلاقيهم وبسلم عليهم وبطمئنهم عليك إن شاء الله
لك والله كان إتعجلت وجيت هسع السودان كنت بلاقيك وببل شوقي بي شوفتك
ودعتك للخالقك ما يفارقك
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
بدرالدين شنا
bint algazeira
Osama Mirghani
سجيمان
Ahlalawad
ابو جهينة
omer almahi
abas
almulaomar
خضر حسين خليل
صديق الموج
الزنجي
حبيب نورة
Rawia
فرح
Ibrahim Algrefwi
SAdo7
ودرملية
JAD
شمهروش
فيس بوك
تويتر
انستقرام
يوتيوب
بنتيريست