|
Re: صرف بزخي في عقد قران بت البشير (صور ليست للنشر) (Re: خالد العبيد)
|
بمزرعة الحاج بشير محمد عيد بالجريف غرب ، تناول عدد كبير من وجهاء العاصمة وكبار المسؤولين بالدولة وأصدقاء الأسرة ، طعام الغداء بمناسبة عقد قران المهندس محمد حاج بشير على كريمة الشهيد ابراهيم شمس الدين والسيدة الأولى وداد بابكر حرم رئيس الجمهورية . ومساء ذات اليوم الجمعة تم عقد القران في التاسعة مساءاً بالمسرح الخارجي لمعرض الخرطوم الدولي . والعروس (فاطمة ابراهيم شمس الدين) طالبة جامعية تدرس اللغة الصينية ، ويعمل العريس محمد حاج بشير مهندساً وتخرج من الجامعة الإسلامية . وقد عقد القران على يد الشيخ احمد علي الإمام مستشار رئيس الجمهورية لشؤون التاصيل ، وكان وكيل العروس السيد الرئيس عمر البشير ، ووكيل العريس الاستاذ علي عثمان محمد طه ، نائب رئيس الجمهورية . وكان الحضور كبيراً يتقدمه من السادة والقادة السيدين الصادق المهدي ومحمد عثمان الميرغني . وعدد كبير من سفراء ورجالات السلك الدبلوماسي ، الي جانب الوزراء الاتحاديين والولائيين وقادة الحزب والدولة . وكان الحفل الكبير في صالتين منفصلتين في معرض الخرطوم الدولي ، وتخللته اناشيد دينية واغاني حقيبة شدى بها الفناون فرفور والبنا وفرقة الصحوة ، وبحسب صحيفة الوطن يذكر ان الجيرة بالجريف غرب هي التي ربطت منذ فترة طويلة بين الأسرتين الكبيرتين . جعله الله زواجا مباركاً وسعيداً ، وخالص التهاني للأسرتين الكريميتين ،وللسيدة الأولى ولفخامة رئيس الجمهورية والد الجميع .
نقلا عن موقع النيلين
غايتوا يا الجبلابي بالغت في دي, بوست غير موفق
| |
|
|
|
|
|
|
Re: صرف بزخي في عقد قران بت البشير (صور ليست للنشر) (Re: د.نجاة محمود)
|
البوست لذيذ وطاعم، لو سيدو ما داير يبلع، أنا ببلّع بالإنابة؛ أجمل مافي البوست هي تصاوير البلّح، والله شوقتونا للبلد والنخيل والنيل، وآآآآآآه؛ هجو يقول مافي بلّح في الأردن، تزعل تراجي ثم تعود للب الموضوع، يطلع واحد جار للعريس وحضر العرس وأكل العشا وقتل الأسد، وأكّد بأنّ الصحن ما كبير، والكبير الجمل، حيث انه الأمور جاطت شديد، وأبو العريس تاجر كبير، وأبو العروس -الحالي- رئيس وضارب مال الشعب، وأوكامبو ما قدمو ليهو الدعوة، وعمر النفاي، حمّر نص الفرخة، ليأكد بأنّ الصحّن كان ما كبير شديد.. ____ جئنا لنتفرّج في صوّر البزّخ فوجدنا "عُدِل بواسطة"، والقحة ولا صمّة الخشُم، غايتو إتأملنا في "التعديل بواسطة" صاحب البوست وتمينا الباقي خيال، والعاقبة عندكم في المصرات..
| |
|
|
|
|
|
|
Re: صرف بزخي في عقد قران بت البشير (صور ليست للنشر) (Re: Marouf Sanad)
|
ياجبلابي إنت بالطريقة دي حتدخل زُمرة الناس البعملوا شنو عشان يعملوا شنو ديلك بتاعين د.مصطفى محمود في كلامه الكتير داك ... ما بتاع الأجندات ... ولا هو زاتو ماعارف ... يا أخوانا واحد يجيب لينا كوبي بيست فاهمة .. أها بــ نص فرختكـ ده إنت مليت الباندويث وعطلت عدد من المناضلين عن النضال ... وإحتمال تتسبب في خسارة حزب الأُمة لدائرة أو دائرتين ...وتفقدهم كم صوت في النسبية والمرأة وده كلوا لأنك مشغول بـ نص الفرخة ...يعني خليت الشقة كلها وقعدت في أُوضة زي ما قال (عادل إمام)
| |
|
|
|
|
|
|
Re: صرف بزخي في عقد قران بت البشير (صور ليست للنشر) (Re: Ahmed musa)
|
Quote: والله إحترنا ... تقول بت البشير تطلع بت مرتو ... تقول صور ليست للنشر وتجي تقول حفاظاً على شنو ماعارف تقول صرف بذخي وصور ويقولوا ليك المصدر تقول (قالوا لي) ... طيب ياخ سؤال فرعي : إنتو خلاص جهزتوا للإنتخابات ؟؟؟ يعني بقيتو جاهزين وفاضين لعرس بتزوجة الرئيس ؟؟؟؟ |
الأخ أحمد موسى ..
سؤال وجيه ..
الناس دي ما عندها برنامج انتخابي من أصلو ..
وسبب البهدلة هي الإحباط الشديد .. وشتات الأمر ..
| |
|
|
|
|
|
|
Re: صرف بزخي في عقد قران بت البشير (صور ليست للنشر) (Re: omer osman)
|
Quote: طيب يا اسمارتي وقت عارفه عدد ابناء ابراهيم شمس الدين
اثنين مالك ما عرفتي انه ليهم اخت؟؟؟؟ |
تراجى حبيبة البى....مشتاقين. و الله اللى انا قاصداهم ما ابناء ابراهيم شمس الدين..انا اصلا ما عارفه ابراهيم شمس الدين عندو اولاد (او بنات ) قدر شنو. و انا قلت ابناء بالتبنى .. و ما اظن البشير اتبنى اولاد شمس الدين. اللى انا قاصداهم اطفال (لماكنت بعرفهم ) هسى بيكونوا بقو ناس كبار. اطفال من جنوب السودان...ولدين متبنيهم البشير من زمااااان قبل 89 بزمن. ما تقولينى كلام ما قلتو!
| |
|
|
|
|
|
|
Re: صرف بزخي في عقد قران بت البشير (صور ليست للنشر) (Re: د.نجاة محمود)
|
Quote: من الاشياء الغريبة التى قالها لي محدثي
ان البلح الذي قدم في العقد جلب من الاردن
والذي اغاظنى أن والد العريس من اكبر تجار البلح ويملك مزارع ضخمة للتمور ويدعي (حاج بشير |
الاخ العزيز الجبلابي.. فقط اريد ايضاح شئ وهو ان والد العريس هو الاستاذ والمربي وعالم فى مجاله الاستاذ حاج بشير ولقد تلقى دراسات عليا بانجلترا وكان معلم بمعهد الكليات التكنلوجية وهو ليس بتاجر بلح فقط كما تفضلت بل كانت له ابحاث قيمة فى تحسين التمور بصورة علمية وعندما امتلك هذه المزرعة فى الستينات كانت هذه المنطقة فضاء بجوار مقابر الجريف من الجهة الشمالية ومنزل المرحوم عبدالله محي الدين الجنيد كانوا اول من سكنوا وعمروا تلك البقعة ومن الجه الغربية كانت عبارة عن زرائب ابقار ومن الجه الجنوبية كان يسكن فضل الله حاج الصائم مدير الارصاد الجوى فى ذلك الحين وابنه عامر كان دفعتنا فى المدرسة وناس عادل وحاتم المفتى وامام مزرعة العم حاج بشير كان ميدان فريق الريح وكانت تقام فيه مباريات رابطة الناشئين ان حاج بشير من الذين خدموا السودان بهمة وبعرق جبينهم فهو من اوائل الذين طورو مزارع الدواجن بصورة علمية قبل الشركة الكويتية وكانت كل الخرطوم وام درمان وبحرى يأتى دجاجه من مزرعة حاج بشير لقد كان ابنه الصادق حاج بشير دفعتنا فى مدرسة الجريف غرب المتوسطة وهم اسرة معروفة فى منطقة الجريف غرب لقد عمرو هذه الارض ومعهم العم الاستاذ المرحوم عبدالله محي الدين الجنيد لأ علم لي بأسرة ابراهيم شمس الدين ولكن اعرف اسرة حاج بشير عن قرب فهم انقياء واصفياء وفوق كل الشبهات وحاج بشير رجل بر واحسان اذكر ونحن كنا صقار فى روابط الناشئين وكنا نسير رحلات فى العطلات المدرسية فكان من الذين نطرق ابوابهم فكان نعم الاب كان يعطي بسخاء.
سيف الدين محمد جبريل من ابناء الجريف غرب
| |
|
|
|
|
|
|
Re: صرف بزخي في عقد قران بت البشير (صور ليست للنشر) (Re: AnwarKing)
|
Quote: منو الشهوّد إبراهيم شمس الدين؟ |
يا زول خليك في هندسة كمبيوترك دي ، وما تجي شايت ضفاري
الراجل شهيد وبكل ما تحمل الكلمة من معنى داير ايات نجيب ليك داير احاديث نجيب ليك دير قوالات ساي برضو نجيب ليك
----------------------------------- كيفك يا أخونا الزمان ليك وحشة والله قربت افتح بوست اسأل منك
| |
|
|
|
|
|
|
Re: صرف بزخي في عقد قران بت البشير (صور ليست للنشر) (Re: خالد العبيد)
|
الاخت الكريمة د.نجاة و الاسرة ، الله يبارك فيك ، و الله انا لا اعرف هذا المعتصم و لكن احتراما لاهلنا فى الجبلاب احترمت اشياء كثيرة يجهلها معتصم ، و الله هذه البنت اعمامها من المسلماب و السروراب قادرين على ان يجعلوها تمشى على رمال من ذهب . ولكن الغرض مرض. كان بالامكان الرد من خلال صور بروفايلة و كلها قزاز ولكننا لم نتعود على السلوك الشخصى للافراد . معتصم عيب و اختشى وطالب بسحب البوست ، او نفذ تهديدك ونزل الصور ، اهلنا الجبلاب ما بيعرفو الخوف .
| |
|
|
|
|
|
|
Re: صرف بزخي في عقد قران بت البشير (صور ليست للنشر) (Re: د.نجاة محمود)
|
Quote: Quote: أنا جار العريس و حضرت العرس فى الصالة الذهبية وكان عرس زيو وزى كتير من الأعراس وأنا كملت صحن الكوكتيل كلو رغم إنى ما من الناس الأكالين يا جماعة مافى داعى للمبالغات
{يا أيها الذين آمنو إن جاءكم فاسق بنبأ فتبينوا أن تصيبوا قوماً بجهالة فتصبحوا على مافعلتم نادمين}
الأخ معتصم الجبلابي أنت محل تقديرنا وإحترامنا ولكن مصدرك يبدوا أنه صاحب غرض أو عنده مشكلة في تقييم أحجام الأشياء ... نتوقع منك إعتذاراً لزوجة يتيمة من حقها الفرح ...مسها موضوعك وياريت لو طالبت بحذفه |
| |
|
|
|
|
|
|
Re: صرف بزخي في عقد قران بت البشير (صور ليست للنشر) (Re: د.نجاة محمود)
|
Quote: عادة الزوج يتكفل بالدعوة كاملة الا اذا حصل حاجة جديدة في مروقنا من السودان |
طبعا اهل العروس لازم يدخلو يدهم في جيبهم.. والبشير اضافة لي ده خصص ليها طائرة تقلها من الخرطوم الي القاهرة وبالعكس
Quote: بقى الابو يدفع كل حاجة (سجمنا عندنا 3 بنات) |
بي كلامك الفوق بتطفشي العرسان وتبورى بناتك ساي
Quote: حى لو البشير دفع لربيبته هو يعمل منذ السبعنات معقول ما يكون موفر ليه شوية قروش بقت على قروش الشعب المافيشة دي؟؟؟؟ |
من السبعينات مابصرف
Quote: اذا دفع البشير تكلفة الزواج كلها يشكر عليها انه قام على يتيمة وزوجها افضل زواج وجبر بخاطرها.ز دي محمدة وما باب نبيشة.. |
يعنى هسه اليتمي الفي السودان بس بت شمس الدين مافي كم وعشرين ضابط اعدمهم البشير قاعد يتكفل بايتامهم مافي مئات الالاف قتلهم البشير في دارفور قاعد يسأل من يتاماهم
Quote: عشان كدا الانقاذ حتحكم تاني 20 سنة... لانه دا مستوى النضال فلانة جابو ليها فرخة وفلانة جابو ليها ندي القلعة |
الاموال البتصرف دى لو ماكلها جزء منها اموال الشعب وبعدين الطيارة الرسلوها بيها دي حقتنا عشان كده مابنسكت ليهم..ودي كلمة حق لدي سلطان جائر..
بعدين يقعد عشرين سنة او اربعين الحكم من الله هو يعطى وينزع الحكم ممن يشاء لكن طول ماهم قاعدين نحن مابنسكت وبعدين حسابه لرب العالمين ولكن كم من طاغية وظالم ومتجبر كيف كانت نهايته ودونك صدام
Quote: اي زول يزوج بته كما يشاء هذا ماشأن عام دا شأن خاص بالاسرة |
اي بس مابقروشنا وطائرات الدولة
| |
|
|
|
|
|
|
Re: صرف بزخي في عقد قران بت البشير (صور ليست للنشر) (Re: معتصم مصطفي الجبلابي)
|
ههههههههههههه يا معتصم و الله مصدرك كاذب ما كان فى طيارة لتجهيز العروس ، بعدين فعلا لو ما بتخاف افتح بوست مخصوص ونزل صور العرس .
اخ معروف المقصد البلح رطب او جاف . تعالى الله يا شيخنا عن ما ترمة اليه.
يا تراجى الاردن ما فيها تمر مميز عشان يستوردهو للزواج.
خالد العبيد ، الكلام البتقول فيهو ده ما بشبهك ، كرت شنو و تحفة شنو.
اها يا معتصم عمك الصادق كان بى هنالك مصدر ما وصلك المعلومة صاح .
شوف يا معتصم عمرى ما بحب العكلته ، بس البوست عمرى ما بخليهو يحتل لى تحت ، حتى يتبين الكذب والدجل و التجارة باعراض الناس .
| |
|
|
|
|
|
|
Re: صرف بزخي في عقد قران بت البشير (صور ليست للنشر) (Re: هجو الأقرع)
|
Quote: شوف يا معتصم عمرى ما بحب العكلته ، بس البوست عمرى ما بخليهو يحتل لى تحت ، حتى يتبين الكذب والدجل و التجارة باعراض الناس . |
مابترضي الكلام في اعراض الناس لكن بتخرس خشمك لما الموضوع يكون فيه كتيل ناس..الالآف الناس ماتو وكتلهم البشير وماقلت بغم...
عليك الله دائما خلي البوست فوق عشان الشرفاء يقروهوا
| |
|
|
|
|
|
|
Re: صرف بزخي في عقد قران بت البشير (صور ليست للنشر) (Re: هجو الأقرع)
|
Quote: ههههههههههههه يا معتصم و الله مصدرك كاذب |
بي حليفته كمان طبعا القسم مابهمكم كتير ما تفعلونه افظع واشنع
Quote: يا تراجى الاردن ما فيها تمر مميز عشان يستوردهو للزواج.
|
يعنى في بلح امس رقبتو ماكان في.. عموما راجع رابط البلح بتاع الاردن فوق بتلقي ان اجود انواع البلح متوفرة في الاردن المجهول والبرحى والخستاوي...
المهم
شكرا جزيلا لقد اثبت اين الكذب
| |
|
|
|
|
|
|
Re: صرف بزخي في عقد قران بت البشير (صور ليست للنشر) (Re: معتصم مصطفي الجبلابي)
|
الاخت دنيا المليك سأل رسولنا الكريم يوما الصحابي الجليل اباذر الغفاري رضي الله عنه
يا أبا ذر كيف أنت اذا أدركك أمراء يستأثرون بالفيء؟ فأجاب قائلا: اذن والذي بعثك بالحق, لأضربن بسيفي . وقيل في السيرة:انه وبعد الفتوحات الإسلامية في عهد الفاروق عمر والسلطة والثروات في الأقطار الأسلامية بدأت الأموال تفسد المجتمع ، والسلطة والجاه وغيرها فكان أبو ذر يتوجه إلى أقاليم المسلمين و ولاتها ويحذرهم من السلطة والمال ومعارضا للولاة ، فكان يردد (بشّر الكانزين الذين يكنزون الذهب والفضة بمكاو من نار تكوى بها جباههم وجنوبهم يوم القيامة ).. طبعا انا بعتبر الموضوع ليس له خصوصية وفيه انتهاك لحرمة المال العام وتسخير ممالكات الشعب لمصالحهم الخاصة ..ولو كانت الشخصية غير عامة فما كان لي الشغلة بيهم لكن دي طائرات الشعب وقروشو بعدين الكيزان ديل اكثر الناس تدخلا في خصوصيات ومحارم الاشخاص ففي بداية حكمهم اتو بواحدة من بريطانيا ودفعو ليها قروش عشان تقول هي زوجة الصادق المهدى وفي المنبر هذا تطرق الناس لزواج ابن الصادق وحاولوا ان يسخروا من الاجراءات التى صاحبت الزواج..هو عموما ده ما رد لكن كشف لممارسات اهل النظام.. يجوعو الشعب ويخمو في قروشو .. وكان في واقعة حصلت في بداية عهد الانقاذ في مسجد الجامعة (الخرطوم)كان الامام يخطب في الناس ان يصبروا علي البلاء ويربطو البطون..فقام رجل بعد الصلاة بعد ان استأذن الامام وجه ليه كلامو قال ليه يامولانا انت بتقول للناس اصبروا واربطوا البطون وانا كان قبل عدة ايام جانى ضيف ومشيت البقالة عشان اشتري لي حويجات ااكل بيها الضيف لقيت اتنين بيشترو في حاجات من البقالة ولما جاء الدفع الاتنين كانوا بيتجابدوا واي واحد يقول حايدفع الحساب وكان ثمن المشتروات ٦٠ الف فقال انت كنت احد الشخصين وكان الامام هو الراحل حاج نور ربنا بغفر ليه..
فالقصة يا اختى انهم ديل اناس مستحوذين علي مقالد الامور واموال الدولة ويبرطعو فيها زى ماعايزين ويجو يقولو ا لينا هي لله هي لله لا للسلطة ولا للجاه....
ختاما اتى عقيل الي اخيه امير المؤمنين علي رضوان الله عليهم فسأل علي رضي الله ان يعطيه دين مسترد من بيت مال المسلمين فذهب علي واخذ بعض الدنانير ووضعهم في النار حتى حمو ثم وضعهم في جراب من قماش وقدمها لاخيه عقيل فلم يستطع امساكها لسخونتها فقال هي كذلك عند الله او كما قال..فكان الرد شافيا وكافيا وترك عقيل النقود رضي الله عنهم.. مع تحياتى
| |
|
|
|
|
|
|
Re: صرف بزخي في عقد قران بت البشير (صور ليست للنشر) (Re: ود محجوب)
|
انا بصراحة ضد الزج بالأبناء و الأسر و الأمور الشخصية في المواضيع العامة حتى لو كانت بت الرئيس , العرس اتعمل بمال الشعب هي في النهاية ما عندها ذنب و بعدين المستوى بتاع العرس الإنت بتتكلم عنه - ده بقى مستوى كل الأعراس في السودان و يمكن في اعراس بتعمل بمستوى اعلى من الإتعمل في عرس بت الرئيس و حكاية الرئيس عاقر و ما ادراك دي حاجة بتاعة ربنا مافيها شماتة
| |
|
|
|
|
|
|
Re: صرف بزخي في عقد قران بت البشير (صور ليست للنشر) (Re: معتصم مصطفي الجبلابي)
|
Quote: تهمكم اعراض ناس البشير لكن في ارواح الناس لاتحركون ساكنا
|
يازول قول بسم الله بشير منو ؟؟؟ أنا بتكلم عن (بت) يتيمة دايرة تفرح ... إنت شلت فرحها ولافي بيه في البورد عشان أهلها ختو نص فرخة !!! البت دي عندها أعراض ولا لا ؟؟؟ بعدين قصة الصور دي مافهمتها !!! يعني إنت قصدك (عايز) الصور ؟؟؟ طبعاً (عايزها) ما عشان إنت كضاب ولاصادق ... لا ...بس عشان تخلي الناس هي التحكم ببذخية الحفل والطعام من عدمه ...!!!!
| |
|
|
|
|
|
|
Re: صرف بزخي في عقد قران بت البشير (صور ليست للنشر) (Re: معتصم مصطفي الجبلابي)
|
Quote: أنا بتكلم عن (بت) يتيمة دايرة تفرح ... |
استاذ احمد موسى, يتيمة و لا بنت شهيد? موش شهداء احياء عند ربهم يرزقون??? الم يمت مئات الالاف من المؤمنين فى الجنوب و اقيمت لهم مراسم عرس الشهيد? يا اخوى, ابناء ايتام بكونوا الجنوبين الكفار الما بروحوا جنة يا اخوى. يتيمة!!! ابوها شهيد قاعد فى الجنة و يتمتع بحور العين و بابحار من النبيذ يا اخوى و عائلتو ما شاء الله بيربيها الرئيس نفسه. كم من اسر شهداءكم اهدها الله هذه النعمة فى الدنيا ?
| |
|
|
|
|
|
|
Re: صرف بزخي في عقد قران بت البشير (صور ليست للنشر) (Re: Ahmed musa)
|
Quote: ياخ ده زول بتكلم في نص فرخة بعتقد إنها بزخ أها الجاب الجنوب والشمال شنو ؟؟؟؟ بعدين أقول بت يتيمة تقول لي يتمية ولا أبوها شهيد ... أنا بتكلم عن البت ما عن أبوها شهيد أو نبي ... فهمتني ؟؟؟؟ ما أظنك !!!! |
المسالة تتعلق بما آلت إليه حالة السودان. استخفاف بعقول البسطاء من خلال استخدام الاديان السماوية لتحكم فيهم. اين هى الاخلاقيات التى يدعو اليها الدين الاسلامى? هل يحتكم هولاء لاحكام الدين الاسلامى و شعاراته التى يرفعونها? كيف يتسنى لفخامة الرئيس ان يتبنى ابناء و هذا محروم لعامة المؤمنين الا باتباع قواعد فقهية صارمة? و هل هذا النوع من الزواج فيه شئ اسلامى? و لماذا التحسس لان البت يتيمة و انت تعرف ان والده حيا يرزق عند ربنا و لا موش متاكد? وانا جيبت شئ من عندى? هذا هو الموضوع و هذا هو المحور الغير مباشر للنقاش و ليست قطعة جداد او حبة عجوة و انت تعرف ذلك لانك لست بساذج و لم تاتى هنا الى هذا البوست للتحاور حول كوكتيلات الزواج. لست عنصرى و لا احترم اى انسان عنصرى و اتحداك ان تاتى بشئ عنصرى كتبته هنا. المسالة اكبر من كوكتيل او كوك تيل.
| |
|
|
|
|
|
|
Re: صرف بزخي في عقد قران بت البشير (صور ليست للنشر) (Re: Zakaria Joseph)
|
ههههههههههه يالله نبدء شغل العكلته ، مالك سحبت و عدلت فى الموضوع ، طبعا التعديل متاخر بعد العصرة كان تشيل نصف الفرخة ، عشان مش معقول نصف فرخة مع صحن تشبع خمسة اشخاص ، شوف فى هذا المكان ذكر ان من اللحم الحيى لاسرتى قتل بواسطة جهاز الامن ، فكيف اسكت عن القتل ، اها عشان نصدقك بس جيب رابط واحد اننى يثبت اننى ساندت القتل ، هاك دى اتسلى بيها وليس للفخر يوم اعدمت الانقاذ بعض الضباط فى العشرة الاواخر ويومها كانت تسحب الجوازات ، كان لى شرف استنكار هذا الامر على صحفات الراية القطرية ، فى نفس التوقيت مع مولانا عبدالمنعم المكى شفاه الله . يالله اثبت اننى سكتت على القتل او سوف اخاطبك بكلمة الكضاب ، دونك الارشيف يا هذا .
| |
|
|
|
|
|
|
Re: صرف بزخي في عقد قران بت البشير (صور ليست للنشر) (Re: Zakaria Joseph)
|
شكلك حاشر مواضيعك حشر هنا يا زكريا جوزيف ... يازول أرجع أقرأ البوست كويس وفتش بين السطور عن موضوعاتك المصر تحشرها هنا ... نفس الكلام تقوله هنا وهناك ولو كان الموضوع كورة تجي شايل كلامك ده تفضية وتنتظر شايل عكاز الجنوب منتظر شمالي يعدي فوق الخط ...!!! زكريا أخوي والله انا وقفت من تعاطي السياسة هنا كُرهة في مدعين الفهم (زيك) كدة ... خليت قصة السياسة دي لكن أظنها مكتوب تلاقيك في دربك
| |
|
|
|
|
|
|
Re: صرف بزخي في عقد قران بت البشير (صور ليست للنشر) (Re: Ahmed musa)
|
ههههههههههههههههه شوف يا معتصم ، تعال النقول ليك مصدرك كاذب فى موضوع ......... 1 الطيارة دى من الاساس ما فى طيارة ولا البنية ودها القاهرة .
ثانى البنية سموها على حبوبتها الخالة الحاجة فاطمة بت ابراهيم وهى متحجبة ، وهى اصلا ما متعودة على ( هيك ) امور ما بتنفع مع بنت المسلماب .
ثالثا عشان ما نقول ليك يا كضاب ، شوف لينا متى سافرت الى القاهرة وكم جثمت (جسمت) الطيارة فى مطار القاهرة ، والشباين ديل بنات منو .
رابعا لى بكرة الليلة كفاك .
| |
|
|
|
|
|
|
Re: صرف بزخي في عقد قران بت البشير (صور ليست للنشر) (Re: هجو الأقرع)
|
Quote: الطيارة دى من الاساس ما فى طيارة ولا البنية ودها القاهرة |
لكن ما بالغت يا هجو ياخي نص الفرخة وأحمد موسى بلعها ليهو بعد تلاتل وبلح الأردن وبلها ليهو وهبة بعد تعب شديد والكروت وبلعتها ليهو د.نجاة
أها عاد الطيارة دي ح يقدر يبلعها كييييف؟
والمصيبة الكبيرة ...........القاهرة والله مصيبة مصيبة يا الجبلابي
| |
|
|
|
|
|
|
Re: صرف بزخي في عقد قران بت البشير (صور ليست للنشر) (Re: د.نجاة محمود)
|
Quote: الصورة سمحةجدا لسيدتين محجبات ومحترمات وفرحانات وسمحات |
محجبات و سمحات و محترمات!!! يعني الما محجبات, ما سمحات و ما محترمات???
بيان الظلامية سيبي الحسادة و الغيرة...
أنا عندي 750 صورة من بنات البورد يهزا و يرزا من دون حجاب و محترمات جدا
و القال ليك منو الحجاب بصنع محترمات....???
| |
|
|
|
|
|
|
Re: صرف بزخي في عقد قران بت البشير (صور ليست للنشر) (Re: Kostawi)
|
كــذب و نفاق زيادة عن اللزوم
سمعنا بي مساعد الياي و الآن عرفنا مساعد الكذاب
جيبو لينا صور نُص الفرخة و العروس نازلة من الطائرة الرئاسية و معاها الإشبينات علشان الوهم دا ما إكون كذاب و منافق
و الله نحن مشكلتنا في النضال العشوائي و المناضلين العشوائين ديل
ليهم حق اليومين ديل الأمنجية و الكيزان شغالين إبلعو في الوهم بوستاتهم ساي
و قلناها قبل كدا ناس الأحزاب ما عندهم شئ إقدموهو لي الشعب المسكين علشان كدا شغالين نضال عشوائي في غيرهم
ليك الله يا الشعب السوداني
| |
|
|
|
|
|
|
Re: صرف بزخي في عقد قران بت البشير (صور ليست للنشر) (Re: ABUHUSSEIN)
|
الاخ ABUHUSSEIN
ياخي مافي داعي للنبذ والسب والنعل انا عموما مابجارى الاساليب هذه ممكن نختلف وممكن كلامى غلط او كلامك لكن ماتصل لدرجة الاساءة الشخصية بيننا في المنبر علي الاقل بتجمعنا زملاة المنبر ولو ماكان مافي احترام للحاجات دي فخلي اللغة ترتقي الي مستوي انك اب ورب اسرة
مع تحياتى
| |
|
|
|
|
|
|
|