|
|
 عــــريـس الهنــــا
|
جينا من عرس اخت ام الخير...انا فتران فتر شديد ومتمني متين اصل العنقريب.... دخلتنا البيت وما رقدت في العنقريب عديل علا القى ام الخير واقفة عند راسي وتبكي... اتخلعت وقمت صنقرت..... لا حول الله يا ام الخير مالك؟... برضو تبكي وتقول الليلة يا صفية اختي يا المابتستاهلي... يعرسوكي لي دا الزول....الليلة يا صفية انتي كدي سمحة..ويشيلوكي ويجدعوكي فنن من كراعك......عليك الرسول يا سجيمان شفت شناة العريس دا؟..... قلت لها والله يا ام الخير انا ماشفت اي حاجة.... ابوكي من قلت السلام عليكم ماسكني نضم...ويشكي من امك لحدي ما الحفلة انتهت...... العريس مالو؟..... قالت وهي تبكي والدموع نازلات اربعه اربعه.....يا سجيمان انا اول ما شفتو ... شفتو من ضهرو من قفاهو..... واتهجمت يا سجيمان...قلت يا ربي الزول دا عندو اربعة اضنين....وقربت منو وقربت...وانا اعاين لي قفاهو...لقيت عندو اضانين يا ربي لك الحمد علا الاتنين التانين الشفتهن بي ورا ديل..... ديل اتاريهن طرف نخريهو..... نخريهو يا سجيمان ماليات وشيهو لمن دفقن.....غايتو يا صفية اختي قسمتك مسكينة ....ويا قول المقالة لو مكتوب لك ابنخرين لابد تراهو العين... سكتنا علي النخرين قلنا دي خلقة ربنا... علا البنطلون يا سجيمان.... البنطلون رابطو في نص بطنو..في الكرش... ناديت عصام اخوي قلت لو امشي صلح لي عريس السجم دا بنطلونو دا ونزلو ليهو تحت شوية.....يمشي عصام... ويصلح لو البنطلون والعريس والعروس ينزلو يرقصو.... وعريسنا الما بيشبه الوليدات دا...ما رقص عديل علا نشوف لك البنطلون ينصل...ويتملص ويجي في ركبو...وهو في رقيصو.. وقدر ما في مرا... قبلت غادي.... عاد الليلة فضيحتنا فضيحة....وهو المسجم المرمد ما جايب خبر...لحقو عصام ووقفو وقعد يرفع في البنطلون... العريس حلف ما يلم كرعيهو علي بعضن عشان يرفع البنطلون حتين يا الله ويا امين....لملم كرعيهو....ويا سجيمان...الجبهه ناطه من الراس مترين وملصقات فيها عيون....غايتو اول مرة اشوف لي زول عينو مركبات في السقف......وطول ماهو قاعد في الكوشة جنب العروس فاتح خشمو... و يعاين للعروس...داير ياكللا....ودخل اخواني ديل وحات الله في ضفورون من المعاينة الللعروس
الليلة يا حليلك يا صفية اختي يا البتشبهي العنبة
........... يا العرسوكي لي دي ...........الحطبة
خليتا تبكي في بكاها ومشيت براحة علي مراية الدولاب وقعدت اعاين لي نفسي......وبيني وبين نفسي قلت اظنها ام بله اخت ام الخير الكبيرة يوم شافتني وانا عريس... تكون ادمست...وملت راسا واطا.....وتقلِد مرا مرا وتجعر.....
رجعت قلت لها يا ام الخير استغفري واسكتي.... اصلكم انتو عائلة ربنا قاعد يختبر ايمانكم بالناس الشينين......وماجورين ان شاء اله
|
|
 
|
|
|
|
|
| العنوان |
الكاتب |
Date |
| عــــريـس الهنــــا | سجيمان | 03-23-04, 01:26 PM |
| Re: عــــريـس الهنــــا | abas | 03-23-04, 01:40 PM |
| Re: عــــريـس الهنــــا | سجيمان | 03-23-04, 04:03 PM |
| Re: عــــريـس الهنــــا | دورنقاس | 03-23-04, 01:43 PM |
 Re: عــــريـس الهنــــا | HOPEFUL | 03-23-04, 01:57 PM |
| Re: عــــريـس الهنــــا | سجيمان | 03-23-04, 08:14 PM |
| Re: عــــريـس الهنــــا | ابو جهينة | 03-23-04, 02:01 PM |
| Re: عــــريـس الهنــــا | سجيمان | 03-23-04, 08:52 PM |
| Re: عــــريـس الهنــــا | سجيمان | 03-23-04, 07:28 PM |
| Re: عــــريـس الهنــــا | ali othman | 03-23-04, 02:22 PM |
 Re: عــــريـس الهنــــا | ترهاقا | 03-23-04, 02:46 PM |
| Re: عــــريـس الهنــــا | سجيمان | 03-24-04, 06:20 AM |
| Re: عــــريـس الهنــــا | سجيمان | 03-23-04, 09:58 PM |
| Re: عــــريـس الهنــــا | كبسيبة | 03-23-04, 02:47 PM |
| Re: عــــريـس الهنــــا | سجيمان | 03-24-04, 07:19 AM |
| Re: عــــريـس الهنــــا | حبيب نورة | 03-24-04, 07:20 AM |
| Re: عــــريـس الهنــــا | صديق الموج | 03-23-04, 04:33 PM |
| Re: عــــريـس الهنــــا | manubia | 03-23-04, 05:25 PM |
| Re: عــــريـس الهنــــا | سجيمان | 03-24-04, 01:06 PM |
| Re: عــــريـس الهنــــا | سجيمان | 03-24-04, 07:29 AM |
| Re: عــــريـس الهنــــا | Tabaldina | 03-23-04, 07:56 PM |
| Re: عــــريـس الهنــــا | المسافر | 03-24-04, 08:31 AM |
| Re: عــــريـس الهنــــا | سجيمان | 03-24-04, 01:18 PM |
| Re: عــــريـس الهنــــا | سجيمان | 03-24-04, 01:13 PM |
| Re: عــــريـس الهنــــا | كوليل | 03-24-04, 09:16 AM |
| Re: عــــريـس الهنــــا | كوليل | 03-24-04, 09:16 AM |
| Re: عــــريـس الهنــــا | سجيمان | 03-24-04, 01:28 PM |
| Re: عــــريـس الهنــــا | كوليل | 03-24-04, 09:16 AM |
| Re: عــــريـس الهنــــا | Raja | 03-26-04, 03:39 AM |
| Re: عــــريـس الهنــــا | سجيمان | 03-26-04, 12:45 PM |
| Re: عــــريـس الهنــــا | maia | 03-26-04, 12:12 PM |
| Re: عــــريـس الهنــــا | ترهاقا | 03-26-04, 12:24 PM |
| Re: عــــريـس الهنــــا | سجيمان | 03-26-04, 12:56 PM |
| Re: عــــريـس الهنــــا | سجيمان | 03-26-04, 12:53 PM |
|
| |
سجيمان
فيس بوك
تويتر
انستقرام
يوتيوب
بنتيريست