|
|
 Re: أريد حلآ ! أرجووووكم ساعدوني !! (Re: محمد أبوالعزائم أبوالريش)
|
الأستاذ عادل سمير
في البداية مرحب بيك في هذا الوطن الاسفيري (اسم الدلع للمنبر)، ووالله انت باين عليك شديد، فالسؤال دا نحن سالناه لنفسنا بعد ما فات فينا الفوات، وبالمناسبة ما تفرح فأنت أيضا فات فيك فيك الفوات، وهذا ادمان لا علاج منو، الا القبر، يعني لا بتنفع فيهو ارادة ولا أنتي بايوتيك، وأنا متأكد حتى الناس الانسحبوا، فقد توقفوا من الكتابة إلا أنهم لم ولن يتوقفوا من المتاوقة والقراية بالشبابيك، يعني كل ما تشوف عدد الزوار كبير، تأكد ديل 90% منهم لأعضاء حردانين.
فعفوا يا أستاذ -ونصيحة من واحد من الحرس القديم- ودي ساهل تعرفها من تاريخ الانضمام المكتوب في أسفل صورة العضو، يعني أنا وصديقنا تمبس دا أولاد حجة أقصد بوست واحد وهناك كثر.....وأنا حاولت كثيرا الاقلاع دون جدوى، وكل القدرت عليهو انو أشركت المدام "أبنوسة"، فأنتقلت لها العدوى ولو ما حاشوها بالبوليس "ظروف العمل"، كان لا هسع تلقى شكلتنا مدورة في زح لي من الكمبيوتر، ولي تكتب في بوستي، وخاصة انو كتير ما كنا ننسى تعمل log out، فتلقى نفسك نزلت بوست باسمها والعكس صحيح.
وكان يا اخوي بوستاتتك لذيذة كدة، فما أظن في زول حيجيب ليك عرق "كره" للسايبر،
بس كان د.المعز دا قعد واكتشف لينا دوا لهذا الادمان، أنا عايزوا حصريا عشان أسقيهوا لبعض الأعضاء هنا، أخليهم يزازوا بي برة بس.
وبعدين تعال للدوحة، عشان تحس الاحساس القالوا ليك الجماعة ديل فوق، لما تلاقي ليك بوردابي...وخاصة لما يكون من بورداب الدوحة....وديل جرعة المحبة عندهم زايدة.
| |
 
|
|
|
|
|
|
|
 Re: أريد حلآ ! أرجووووكم ساعدوني !! (Re: nadus2000)
|
| Quote: أشركت المدام "أبنوسة" |
الاخ nadus2000 !
أول الإسم دا من شنو ؟!
تاني شكرآ على نصائحك المهببة البتودي في ستين داهية دي !! انا شاعر بإحساس نبيل إنو دي حتكون ميتة وخراب ديار !!
مدد ياشيوخ السايبر !!
لك قواسيب مودتي !!
عادل سمير
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: Adel Sameer Tawfiq)
|
مولانا..
أوعك تسمع كلام نادوس و تخلي المدام تشترك هنا..عارف ليه؟
أول ما إشتركت كان زوجى المصون يتابع ما أكتبه و يُثني و يُبدى إعجابه بكل كتاباتي..
بعد شوية إبتدأ ينقنق ..
فلان ده قال ليك رائعة..لزومو شنو؟
فلان ده حايم في بوستك..قصدو شنو؟
فلان ده ما قلت ليك ما أشوفك حايمة جنب بوستو!!!
و كدا.
قلت ليهو يا ممكوني...العلاقات الإسفيرية دي وهمية..والكلام ده نصو و أحياناً كلو مجاملة و كان ما مصدقني إشترك إنتَ زاتَك.
أها قام الزول إشترك معاي في إحدى القرى المجاورة...و ممكوني - صلاة النبي فوقو - حالم و شاعر و كلامو زي العسل.
بقت بوستاتو كلها جكس..و كلها شوق و هيام و كسٌير عجيب. و ممكوني في حالة فرح و نشوة طوال اليوم....و الخشم من الأضان للأضان!!
قال لي و الله يا دوبي يا ممكونة إقتنعت بكلامك..فعلاً دي مجاملات و علاقات وهمية!!!
حسي البيقنعني أنا شنو؟؟!!!
| |
|
|
|
|
|
|
|
|
 Re: أريد حلآ ! أرجووووكم ساعدوني !! (Re: mamkouna)
|
| Quote: قال لي و الله يا دوبي يا ممكونة إقتنعت بكلامك..فعلاً دي مجاملات و علاقات وهمية!!! |
مبالغة ياممكونة (من غير رائعة بعدين تودونا في داهية) !!
أنا كت حاسي انو الضحك حيشرطني !!
نادوس دا شكله حاقد !!
قٌواسيب حبي !! (أنا ماعارف قواسيب دي تقوم تطلع قلة أدب والا حاجة ، أبو الحسين قاعد يكتبها وعاجباني !!
عادل
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: abubakr)
|
| Quote: ما عرفتو انو في البكان الانا فيه المحاكمات اونلاين ( دة كلام جد) |
طيب يا أبوبكر السجن كيف ووين ؟؟!!
| Quote: ما تقول لسه بتليسو الجرجار الاسود المفتوح |
دي إهاااانة محكمة عدييييييييل ، وحندفعك التمن غالي !!
| Quote: ؟؟ما شفت القيزموز والقادكيتس والكوميونيكترز والفويز ركوقنيشن وحتي البي اس بيplaystation portable بتاع الاطغال الفيه ويرلس wifi |
يعني حسه ال Update (البتسويه دوللي.....)
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: Adel Sameer Tawfiq)
|
Quote: شيخي ابو قوتة..ِ
امبارح بوستاتي الخايف عليها طارت فجأة !!
مدد.. |
مولانا
عادل
ياخوى بوستاتك دى بكون شالهم عفريت
زورهم الوادى ..لكن لقاهم كويسات
الوادى دا يسمى الخور...لو مشيت هناك
بصيبك زكام..
لكن نصحتى ليك باقى الشهر دا والبعدو لو عندك بوستات جميلة صبنها للسنة الجديدة
عشان لو نزلتها الان بعد 1/1/2007 بتمشى الارشيف
والارشيف دا زى ارشيف ناس الاحصاء لو كان عندك شهادة ميلاد مفقودة
الا يطلعوك من مواليد 1/1 ..
لكن فى ناس متمقدرين بوستاتهم عملو ليها مكاتب..والمكتبة دى بكون مرسوص فيها
بوستاتك القديمة لسنين عددا..قافلها ومفتاحك فى جيبك..والمفتاح هو رسوم
مبدئية بدفعها لمالك السرفر..ولو شافك زول كويس مصاقر البورد 24 ساعة بعملها ليك
اكرامية...
شفت كيف المدد دا..
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: Adel Sameer Tawfiq)
|
| Quote: طيب يا أبوبكر السجن كيف ووين ؟؟!! |
ومين قال دة زي بتاعكم .. دة فيهو كومبيوترات للنزلاء و قاعات بيزنيس للنزلاء المعسريين والمسجونيين لقضاياء مالية عشان يتابعو البيزنيس ويحلو ديونهم
| Quote: دي إهاااانة محكمة عدييييييييل ، وحندفعك التمن غالي !! |
نتقابل في المحكة عشان تشوف البرابرة يعملو فيكم كلكم شنو .. تهينو الرداء القومي بتاع الكنداكات وكمان تشقوه وتستعملوه لا غراض اخري ...وتقول ثمن غالي .. شوف جنيات رماة الحدق بيسو فيكم شنو .. من المحكمة الي التاهييل المهني عدييل ...
| |
|
|
|
|
|
|
| |
nadus2000
Adel Sameer Tawfiq
mamkouna
الطيب شيقوق
abubakr
abuguta
فيس بوك
تويتر
انستقرام
يوتيوب
بنتيريست