|
أبو الحسين... بينكم عضو جديد يا أحبتي هلاَّ رحبتم به؟؟؟
|
إخوتي الكرام في ديار المعرفة والثقافة والفكر...
(الأُون لاين دوت كوم)...
صبحكم الله بالخير والرضا...
أبو الحســـــــــين... اليوم تغمره السعادة وترفرف (رايات هناهُو) وقد وصلته للتَوْ كلمة مروره وجوازه للدخول إلى عالمكم الجميل...
الغرض... الإستفادة منكم والنهل من فيض معرفتكم...
والوعد... ستجدون مني كل ما تُقر به عينكم من ود وتقدير وإحترام...
كل أملي أن أجد منكم قولة مرحب وإتفضل ولا داخُل وحبابك عشرة بلا كشرة...
كما لا يفوتني أن أشكر الأخ بكري الذي إستجاب لطلبي وأعطاني العضوية لأكون أحد زهرات الأون لاين الناضرة...
للأخ بكري... ولكم جميعاً إخوتي الكرام... قواسيب مودتي...
أبو الحســـــــــــــين...
|
|
|
|
|
|
|
|
Re: أبو الحسين... بينكم عضو جديد يا أحبتي هلاَّ رحبتم به؟؟؟ (Re: الزنجي)
|
Quote: أهلا بك أملا متقدا و ضاءا بين أهلك و عشيرتك ، و نحن نعبر لك عن فرحتنا بقدوووومك فإطلالتك البهية هى التى تخلق فينا الأمل ، فمرحبا بك يا عزيزى ، و ننتظر مساهماتك النيرة .
و لك الود |
الحِبيب الزنجي...
يا ألف شكر لك على حفاوة الترحيب...
وأوعدك بأن فرحتك هذه ستستمر على الدوام...
اللهم أشملني بهذا الدعاء .. (اللهم يسر لي أمري وأحلل عقدة من لساني يفقه قولي)...
كيمان مودتي لك...
أبو الحســـــــــــــين...
| |
|
|
|
|
|
|
Re: أبو الحسين... بينكم عضو جديد يا أحبتي هلاَّ رحبتم به؟؟؟ (Re: أبو الحسين)
|
يا أبا الحسين
عليك المودة وغيث الترحاب
أبو الحسن البعرفو أنا
شايقى متنكر فى هيئة نخلة سامقة وخضرا ومعطاءة
ونضميهو سليل فراديس الطنابير الشجية
زولا طيب وزين وخاتى الشين
لا مغروف ولا ملهوف
إتلاقينا "ذات صفاء" فى واحدة من ديار الأحباب العوالى، وبعد داك فرقت بينا الليالى
إنت ياكا ذاتو
ولا أبو حسينا حَسين آخر
وفى كلا الحالتين
أدخل بى قدمين روحك الإتنين، واتوهط وين ما داير، وكان ما شالتك الفجه، بنفرش المطارف والحشايا على قول المتنبى، فتخير أعلى الأماكن وأكثرها ندى وأقعد فيهو
وآلاف المراحب بيك
وأبقى عافية وسعادة
| |
|
|
|
|
|
|
Re: أبو الحسين... بينكم عضو جديد يا أحبتي هلاَّ رحبتم به؟؟؟ (Re: أبوذر بابكر)
|
ابو الحسين .. ابو الحسين
انت ابو الحسين اللي اعرفوا انا
ابو الحسين صاحبي الزمان في سودانيات
ابو الحسين بتاع الخبر - المنطقة الشرقية وبالعكس
مرحب .. مرحب الف مرحب
كيف لا نرحب بك .. وانت القريب ونحن دائماً نرحب بالغرباء
سودانيز اولاين منورة والله .. كدي نخلي الكلام دا جانب
ادخل لي جوه وجر الكرسي دا وتعال احكي لي من اخر نقطة كان التواصل فيها
لك خالص الود والتقدير ...
| |
|
|
|
|
|
|
Re: أبو الحسين... بينكم عضو جديد يا أحبتي هلاَّ رحبتم به؟؟؟ (Re: أبو الحسين)
|
Quote: يا أبا الحسين
عليك المودة وغيث الترحاب
أبو الحسن البعرفو أنا
شايقى متنكر فى هيئة نخلة سامقة وخضرا ومعطاءة
ونضميهو سليل فراديس الطنابير الشجية
زولا طيب وزين وخاتى الشين
لا مغروف ولا ملهوف
|
الحِبيِّب إبن العم أبو ذر...
أولاً تشكُّرات تشَكُّرات نيابةً عن أبي الحســــــــين الإنت مدحتو في الإقتباس الفوق دا... دي نمرة واحد...
Quote: إتلاقينا "ذات صفاء" فى واحدة من ديار الأحباب العوالى، وبعد داك فرقت بينا الليالى
إنت ياكا ذاتو
ولا أبو حسينا حَسين آخر
|
ثانياً: أبشِّرك يا اخوي أنا ياني أبو الحســــــــين ذااااااااتو صديقك وحبيبك الآتي من ديار الأحباب العوالي...
وكم غمرتني السعادة وأنا أجد أحبابي وأصدقائي كُثُر في هذه الديار العامرة بوجودكم...
ثالثا: كيمان... قواسيب مودتي لك حتى تستغيث...
أبو الحســــــــــــــين...
| |
|
|
|
|
|
|
Re: أبو الحسين... بينكم عضو جديد يا أحبتي هلاَّ رحبتم به؟؟؟ (Re: أبو الحسين)
|
السلام عليكم الأخ ابو الحسين آلاف المراحب بقدومك لشيخ المنابر وعسى أن تقدم له ويقدم لك كل جميل ومفيد وربما بعضنا يعرفك من خلال مشاركاتك النشطة في منابر أخرى الله يديك الزمن وطولة البال مزاح خفيف لإختبار صلاحيتك وصبرك لمعارك الأون لاين... أبو الحسين دى ... لقب لأسمك (على) ، أم كنية لولدك الحسين ، والا قمت لقيت اسمك كده؟؟ غايتو في بلدنا ... بعض الناس ينطقون السين صاداً فيقلبون المعنى لوصف مخلوق سريع الحركة وفي غاية النشاط... ربما ستكون مثله نشاطاً .. تحياتي ومرحب بك مرة أخرى ........................ وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
Re: أبو الحسين... بينكم عضو جديد يا أحبتي هلاَّ رحبتم به؟؟؟ (Re: أبو الحسين)
|
Quote: ابو الحسين .. ابو الحسين
|
أيي أبو الحســــــــين ... أبو الحســــــــــين...
Quote: انت ابو الحسين اللي اعرفوا انا
|
يا هو ذاااااااااااتو...
Quote: ابو الحسين صاحبي الزمان في سودانيات
ابو الحسين بتاع الخبر - المنطقة الشرقية وبالعكس
|
بي ذااااااااااتو وصفاتو...
Quote: مرحب .. مرحب الف مرحب
كيف لا نرحب بك .. وانت القريب ونحن دائماً نرحب بالغرباء
سودانيز اولاين منورة والله .. كدي نخلي الكلام دا جانب
ادخل لي جوه وجر الكرسي دا وتعال احكي لي من اخر نقطة كان التواصل فيها
لك خالص الود والتقدير ... |
دا ياهو عَهْد معرفتي بيكم يا وليد يا أبا إيمان...
وياها المحرية فيكم أهل الكرم والجود... وأنا سعيد جداً بأنني بينكم الآن أما الكُرسي دا موضتو بقت قدييييييييييمة يا اخوي...
أنا جايب لي عِنِيقْريب هَبَّابي وجاييك بي روااااااااااقة بس الأشوف محل أدَقْدِق فيها أوتادي دي لزوم التثبيتة يعني...
قواسيب مودتي لك ولبتنا أُم إيمان... وجميع بورداب الرياض...
أبو الحســـــــــــــــين....
| |
|
|
|
|
|
|
Re: أبو الحسين... بينكم عضو جديد يا أحبتي هلاَّ رحبتم به؟؟؟ (Re: أبو الحسين)
|
Quote: أبو الحسين شرفت الديار و نتمي ان تطيب لك الاقامة خاصة في التوترات الحالية
|
تسلم يا فيصل يا اخوي...
وحقيقة يا اخوي لمن تاوقت ولقيت ليك البورد دا عجاجو قايم...
إتشهدت وإستغفرت لكن الحمد لله باصرت كدي لقيت لي نفاج في قلوبكم والحمد لله تراني مواصل معاكم وبإذن الله أكون عند حسن ظنكم...
ويا هلا بيك أخ وصديق...
ولك كميات مودتي...
أبو الحســــــــــــــين...
| |
|
|
|
|
|
|
Re: أبو الحسين... بينكم عضو جديد يا أحبتي هلاَّ رحبتم به؟؟؟ (Re: أبو الحسين)
|
Quote: مرحب اخونا ابو الحسين أهلا بيك بيننا في سودانيز اونلاين.
جيت في أياما البورد عجاجه رابط لف ليك شال واعمل حسابك مايجيك عكاز.
شرووم |
الحِبيِّب شروم...
نهارك سعيد يا اخوي...
وأنا سعيد إني بينكم...
وحقيقة جيت في أيام عجاجةً قايمي... بس يا اخوي أخوك مدرَّع بي حصن الحسن والحسين...
قواسيب مودتي...
أبو الحســــــــــــين...
| |
|
|
|
|
|
|
Re: أبو الحسين... بينكم عضو جديد يا أحبتي هلاَّ رحبتم به؟؟؟ (Re: أبو الحسين)
|
الزول قال::
Quote: مزاح خفيف لإختبار صلاحيتك وصبرك لمعارك الأون لاين... أبو الحسين دى ... لقب لأسمك (على) ، أم كنية لولدك الحسين ، والا قمت لقيت اسمك كده؟؟ غايتو في بلدنا ... بعض الناس ينطقون السين صاداً فيقلبون المعنى لوصف مخلوق سريع الحركة وفي غاية النشاط... ربما ستكون مثله نشاطاً .. |
وأنا أقول ليهو...
أيها الزول الظريف أسئلتك مشرووووووووووعة ومن حقك... أما أبو الحســــــــين... فدي كُنية وأبشرك الحســـــــين ما موجود... وأُم الحســـــــين يا دوووووووووب خطوبة وإنشاء الله الزواج السنة الجاية لو ربنا حيانا... أما الكُنية ليش الحســـــين بالذات ومفروض يكون إسمي علي... لا لا لا ... أنا إسمي جمال أبريــــــــدة... وإسم الحســــــين دا عاجبني شديد خلااااااااااس للصحابي الإمام الحســــــين بن علي (عليه السلام) وأيضاً إبن عمي صاحبي شديد إسمه الحسين... فما بين الحســـــين بن علي عليه السلام والحسين صاحبي عجبني الإسم وإنشاء الله لمن إتزوج ويجيني ولد بالسلامة أسميهو الحسين...
أما أبو الحصين... فربنا يدينا نشاطو ونكون بينكم عند حسن الظن يااااااااااارب...
قواسيب مودتي لك وللجميع...
أبو الحســـــــــــــــين...
| |
|
|
|
|
|
|
Re: أبو الحسين... بينكم عضو جديد يا أحبتي هلاَّ رحبتم به؟؟؟ (Re: أبو الحسين)
|
الأخ أبو الحسين
ألف مرحب بيك في (ديار بكري) العامرة ، وحتى لو كنت من ناس (ديار بكر) ، برضو بنرحب بيك ، أصلو باقي ناس الشرقية غرامهم (شيعي) وحبهم لآل البيت زينا لا يخفى على أحد . والدليل آلوولو وسموه (أبو الحسين) .
يا جمال دنيانا ومنبرنا ، مرحب بيك وبإضافاتك الثرة وبقلمك الرصين .
ألف مراحب بيك ، ولأنك جيت (والدنيا فايري مصادمة) إذن ركِّــز في كلام أخونا شرووم الفوق داك وأعمل بيهو .
تحياتي ،
( ليمو )
| |
|
|
|
|
|
|
Re: أبو الحسين... بينكم عضو جديد يا أحبتي هلاَّ رحبتم به؟؟؟ (Re: أبو الحسين)
|
Quote: كنا فرشنا السكة ورود لو كلمتنا كان بلجية خطوة عزيزة ويوم موعود دا الخلاك تتطرانا شوية ...... ...... ....... ..... جيت واكتملت بيك اللوحة بكرى الجابك لينا هدية |
عبد الدائم يا قريبي...
تشكرات تشكرات على حفاوة الترحيب...
وسعادتي فاقت الحدود وأنا أخ وصديق وحبيب بينكم
لك قواسيب مودتي...
أبو الحســــــــــــــين...
| |
|
|
|
|
|
|
Re: أبو الحسين... بينكم عضو جديد يا أحبتي هلاَّ رحبتم به؟؟؟ (Re: أبو الحسين)
|
Quote: يا ابا الحسين
ولعلك تعيينا في انتشال هذا البورد من عثراته
متفائل بقدومك لعلك تنقل لنا بعض من آداب آل سودانيات
فهم قوم زو خلق وعلم واهل جود وكرم |
صديقي ود العُمدة...
نهارك سعيد يا اخوي...
وكلامَك الفوق دا... علي نَذُر من يومي الجيت...
ومعاً إنشاء الله إلى منبر ملؤه الحُب والتسامح والود والصفاء...
قواسيب مودتي...
أبو الحســـــــــــــين...
| |
|
|
|
|
|
|
Re: أبو الحسين... بينكم عضو جديد يا أحبتي هلاَّ رحبتم به؟؟؟ (Re: أبو الحسين)
|
ابو الحصين
حبابك واليوم السعيد الينا جابك
يا مراحب يا ود عمي
طبعا "ودعمي" دي لزوم البوهية وكدة
تعرف يا حبيب بالجد ربنا اداك حاجة كدة خلي الناس تحبك
يا بختك ... حب الناس ما حاجة بسيطة
طبعا انا بهاظر فيك وعامل صاحبك وكدة
اسمع بالله اشرح لي اول كلمة في الشايقية معناها شنو
الله يديك العافية وما تنسي الجماعة البيهنوك
| |
|
|
|
|
|
|
Re: أبو الحسين... بينكم عضو جديد يا أحبتي هلاَّ رحبتم به؟؟؟ (Re: أبو الحسين)
|
Quote: تحية طيبة للجميع
ابو الحسين ، و قبل الترحيب بك ، هو سؤال يجب ان اطرحه
هل انت ابو الحسين الناطق الرسمي لـ موقع سودانيز اوف لاين دوت كوم؟
و لنا عودة |
الحِبيب محمد الأمين...
هلا بي ترحيبك وهلا بأسئلتك المباغتة قبل الترحيب...
أيوة أنا ياني ذاااااااااتي الناطق الرسمي بإسم موقع الأُوف لاين دوت كوم... بي ذاتي وصفاتي...
كميات مودتي...
أبو الحســـــــــــــــين...
| |
|
|
|
|
|
|
Re: أبو الحسين... بينكم عضو جديد يا أحبتي هلاَّ رحبتم به؟؟؟ (Re: أبو الحسين)
|
Quote: العزيز أبو الحسـين
مرحب بيك ألف
أهلآ وسهلآ وإضافة حقيقية
رأفت ميلاد
|
الحِبيب الصديق رأفت...
شكراً لترحابك وسعيد جداً إني بينكم ووسطكم...
أما موضوع صبحكم الله بالخير والرضا دي...
حقيقة أنا شافيها من السعوديين...
لكن قلت لي المذيع وقفوهو عشان جاب منو في برنامجو... دي مبالغة وياااااااااربي كان جاب هناي داك يعملو ليهو شنو؟؟؟ يأشرولو خروج نهائي؟؟؟!!!
قواسيب مودتي...
أبو الحســـــــــــــين...
| |
|
|
|
|
|
|
Re: أبو الحسين... بينكم عضو جديد يا أحبتي هلاَّ رحبتم به؟؟؟ (Re: احمد العربي)
|
الأح أبو الحسين حبابك والجاب يجيب عقابك أم الحسين والحسين..أبصم بالغشرة إنك إضافة ثرة جدا ..لكن تعال ..دا شنو؟؟؟ Quote: لأكون أحد زهرات الأون لاين الناضرة... |
لما تكون إنت زهرتنا الناضرة...ناس منى خوجلي ولنا مهدي وباقي الحلوات يكونوا شنو؟؟؟؟؟ ياخي قول إنت تبقى ليناعنكوليبه..عكاز في نهايته صاموله..عموما حبابك ألف
| |
|
|
|
|
|
|
Re: أبو الحسين... بينكم عضو جديد يا أحبتي هلاَّ رحبتم به؟؟؟ (Re: أبو الحسين)
|
Quote: أهلاً بالعزيز أبو النسب شرفتنا وآنستنا ونورتنا أدخل لا جوة واتوهط مودتنا ليك قواسيب ... قواسيب |
نسيبي الغالي أبو أحمد...
سعادتي لا تُوصف وأنا بي جواركم...
والدارة منورة بيكم...
لا داخُل دي لا توصينا عليها... بس أها إتحكرت تَبْ... بس إنشاء الله ألقى لي مجال في قلوب الإخوة الأعضاء أقعد فيهو...
كميات مودتي...
أبو الحســـــــــــــين...
| |
|
|
|
|
|
|
Re: أبو الحسين... بينكم عضو جديد يا أحبتي هلاَّ رحبتم به؟؟؟ (Re: أبو الحسين)
|
Quote: مرحبابك يا أبو الحسين وأهديك وأبناء العباس "محمد وحسين" والزبير ود الفضل "سا قتنا الظروف لدار العذاب والغربة" أتمنى لك إقامة طيبة |
الحبيِّب إبن العم د. يس...
أشكرك على حفاوة الترحيب...
وهديتك وصلت للإخوة أبناء العباس محمد والحســـــــين والزبير...
لكن باقيلك غربتهم الطالت دي منها خلاص تاني؟؟؟
غايتو إن كان يبقى السلك الحِنيِّن دا يأثر فيهم ماب أعرفو...
قواسيب مودتي...
وربنا يسعدكم أينما كنتم ظروف وأبعدت الناس من أهلها وحنان بلدها...
ربنا يعدل الحال وكلللللللللللكم تجو راجعين بالسلامة غانمين وتامين ولامين...
أبو الحســـــــــــــين...
| |
|
|
|
|
|
|
Re: أبو الحسين... بينكم عضو جديد يا أحبتي هلاَّ رحبتم به؟؟؟ (Re: أبو الحسين)
|
Quote: جمال أب ريدة مرحبتين حبابك واليوم السعيد الليلي جابك
نورت الدار ....
Quote: مرحب وإتفضل ولا داخُل وحبابك عشرة بلا كشرة... أبو قصي |
صديقي العزيز أبو قصي...
يا مرااااااااااااحب وتشكرات على حفاوة الترحيب...
وسعيد جداً إني بينكم وفي دياركم العامرة بيكم...
قواسيب مودتي...
أبو الحســــــــــــــــين...
| |
|
|
|
|
|
|
Re: أبو الحسين... بينكم عضو جديد يا أحبتي هلاَّ رحبتم به؟؟؟ (Re: أبو الحسين)
|
Quote: أبو الحسين
حبابك عشرة ونورت المنبر
وأكيد سوف تكون لإضافة حقيقية للمنبر
ونريد لحروفك وكلماتك أن تكون مترعة
بالحب والجمال والفنون جميعها وروائع
الإبداع بكل ضروبه 00
اهلا ومرحبا أبو الحسين 000
مع مودتي 000 |
الحِبيب ود سيد أحمد...
تشكرات على هذا الترحاب الجميل...
وأوعدك بأنني سوف أكون ناثراً للحب والجمال معكم في هذه الدوحة الغَنَّاء...
ولك كميات مودتي...
أبو الحســـــــــــين... [blue
| |
|
|
|
|
|
|
Re: أبو الحسين... بينكم عضو جديد يا أحبتي هلاَّ رحبتم به؟؟؟ (Re: أبو الحسين)
|
Quote: من شفع صغار يا دوبنا ماسكين الشطر نتربى ما فتنا البلد بالمره حبها قام معانا وشبا
ساقتنا الظروف يا صاحى لى بلد العذاب والغربه فارقنا البلد نتباكى احكام الزمان صح صعبه
مرحب ابو الحسن والحسين باعتبار ما يكون |
الحِبيِّب إبن العم كمال...
تشكرات على حفاوة ترحيبك...
ودي ياها المحرية فيكم يا ناسنا ناس أُوسلي...
قواسيب مودتي...
أبو الحســـــــــــــين...
| |
|
|
|
|
|
|
|