|
Re: هل هناك من أمر على عثمان بفض المؤتمر الصحفى (Re: ود محجوب)
|
يا ود المحجوب ... تحياتى
لا شك أنهم هذه الأيام منزعجين للغاية فى موضوع القوات الدولية وهذا طبعا بما كسبت أياديهم وما صنعوهوا بالشعب السودانى من آلام وعذابات ورفعوا شعارات الكذب والخداع وانى أتساءل ألم يكن الحال أفضل قبل السلام مع الجنوب ... فبرغم الحرب وقبل استخراج البترول كان جالون البنزين بثلاثة آلاف ونصف أما الآن وبعد وقف الحرب واتفاقية السلام والدولة البترولية تعال شوف ارتفاع الأسعار فى كل شئ والشى المؤسف هبوط الدولار ... (يعنى هم المتسيطرين على الاقتصاد الوطنى وجوع كلبك يتبعك)
والله يا ود المحجوب بقت ما فارقة معانا يفض المؤتمر ولا هو ذاتو تفيض روحو الطاهرة .. بس همنا كلو تجى القوات الدولية عشان تضع حد لانتهاكات حقوق الانسان والقتل والتشريد والتهجير بعد أن فشل الاتحاد الافريقى ونتمنى أن تكون القوات الدولية قريبة من تنفيذ محمكمة لاهاى....
بالله عليك يا ود المحجوب ثمانية عشر عاما ماذا أضافت للسودان ولشعب السودان غير الفقر والمرض والجوع والبطالة... وهم يتصارعوا فى كرسى السلطة... الترابى بجهة والصادق المهدى بجهة وعمر البشير بجهة .. هو السودان ده حقهم ... ما كفاية متاجرة بالدين وباسم الله والآن يريدون باسم الله أيضا أن يموت الشعب فى حرب لا ناقة له فيها ولا جمل... كل ما دخلوا فى مأزق استنجدوا بالشعب صاحب البطولات وما أن زالت المحنة نسوا أن لولا الشعب لما كانت هنالك حكومة وعادوا ليمارسوا معه القمع... وفى اعتقادى أن الشعب فيه نسبة كبيرة جدا مغشوشة ومخدوعة لا يدرون ويدرون أنهم لا يدرون ... لقد سلبت حقوقنا كسودانيين أهل بلد وظل الأجنبى بالسودان هو ابن البلد... ان المخرج الوحيد هو أن يرزقنا الله بحاكم يخاف الله فى شعبه ويعمل على تحقيق العدالة والمساواة ونشر القيم الفاضلة والمحبة بين كل السودانيين بمختلف أطيافهم و أشكالهم وتوزيع ثروات السودان على كل سودانى ومجانية التعليم والعلاج والاستمتاع بالصحة العامة طالما أن المال موجود وطالما أننا سلة غذاء العالم...وياريت لو أى حاكم أو محافظ أو أى مسئول سرق من أموال الشعب يكون عبرة لمن لا يعتبر ... مش يخلوهو ويحموهو عشان هو من الأسرة الفلانية أو الحزب الفلانى وده كلو على حساب الشعب السودانى.... يا ود المحجوب ان بلادى فيها ظلم لا يعلم مداهو الا الله ... انهم فتية الانقاذ الذين جاءوا من أجل الشعب
|
|
|
|
|
|
|
|
|