كتب الكاتب الفاتح جبرا المتوفرة بمعرض الدوحة
|
|
 ماعارف مواعيدى انا ولا مواعيد الناقل الوطنى لو بسبب حبى لسودانيزاون لاين وبقال
|
ماعارف بسبب مواعيدى انا وفاكر لسه سودانير مواعدها الغير مذبوطة
ولا بسبب فتحت بوست واعجابى بسودانيزاون لاين والونسة مع بقال شدتنى
ولا دا لعنة الزهاوى حلت على
خلصت من الاخ بقال حوالى الساعة التاسعة وتوجهت صوب المنزل وشلت شنطتى وجبتى التاكسى والتحرك مباشرة صوب المطار للتوجه للسودان الارض المليون ميل
واذا بضابط الدخول امام مدخل الصالة يقول لى بان الميزان اغلق والركاب الان بعد قليل سوف يتوجهون نحو الطائرة
حزنت حزن شديد لدرجة بانى بكيت بكاء شديد وخاصة بانى احلم بان اكون اليوم فى السودان
نسبة لمواضيع كثيرة الحقها وبى لغة الشباب برامج الف هناك
غايتو ماعارف اعمل شنو
توجهت مباشرة لمكتب سودانير للمطار وتمى تغير الحجز واقوم غدا صباحا التوجة لمكتب سودانير بوسط البلد لتغير الحجز لطائرة الغد لكن زعلان شديد
لانى مضرب على كورة الهلال والمريخ التى لن اتابعها لاعبر الراديو ولا عبر التلفاز ولا من داخل الاستاد لانى كنت مستعد لدخول المباراة ومشاهدة الهلال العظيم
لكن كل تاخيرة فيها خيرة
وغايتو يابقال مفروض تعوضنى تدفع لى اقل شى حق تغير الحجز
ولكن ياوطنى بكرة معاك واجمل شى انى حصل صباح الجمعة
ونجيب الجرائد من الصباح بدل النت الكل يوم دا نشوف جريدة قوون وماذا كتب رمضان احمد السيد عن فوز الهلال العريق وايضا صحيفة المشاهد وماذا كتب شجرابى عن الهلال وصحيفة الكابتن ونشوف الدسوقى ماذا يقول ونجيب الصدى ونشوف مزمل ابوالقاسم ببر الهزيمة للمريخ
ونجيب صحيفة الوفاق نشوف محمد طة ماذا يكتب وماننسى جريدة اخبار اليوم وجريدة الراى العام والصحافة واجيب الانتباهة نشوف احونا الطيب مصطفى ماذا يقول يابقال هو والصادق الرزيقى
وافطر الفطور الماخمج ملاح نعيمية وعصيدة وفول بالجبنة وفسيخ ونسة الاعمام والخالات يوم الجمعة ومرارة
والتوجه لجامع السيد عبدالرحمن (مسجد الانصار )لاغداء فريضة الجمعة والتبرك ببركة سيدى الامام
ونرجع نتغداء غداء كارب جدا لحمة شية وملاح امرقيقة بكسرة لذيذة
عازمك يوم الجمعة غداء يالمغتربين منو فيكم جاى
|
|
 
|
|
|
|
|
| العنوان |
الكاتب |
Date |
| ماعارف مواعيدى انا ولا مواعيد الناقل الوطنى لو بسبب حبى لسودانيزاون لاين وبقال | محمد عادل | 08-16-06, 03:45 PM |
| Re: ماعارف مواعيدى انا ولا مواعيد الناقل الوطنى لو بسبب حبى لسودانيزاون لاين وبقال | محمد عادل | 08-16-06, 04:08 PM |
 Re: ماعارف مواعيدى انا ولا مواعيد الناقل الوطنى لو بسبب حبى لسودانيزاون لاين وبقال | Eng. Mohammed al sayed | 08-16-06, 04:19 PM |
| Re: ماعارف مواعيدى انا ولا مواعيد الناقل الوطنى لو بسبب حبى لسودانيزاون لاين وبقال | محمد عادل | 08-16-06, 04:22 PM |
| Re: ماعارف مواعيدى انا ولا مواعيد الناقل الوطنى لو بسبب حبى لسودانيزاون لاين وبقال | Eng. Mohammed al sayed | 08-16-06, 04:30 PM |
| Re: ماعارف مواعيدى انا ولا مواعيد الناقل الوطنى لو بسبب حبى لسودانيزاون لاين وبقال | محمد عادل | 08-16-06, 04:32 PM |
| Re: ماعارف مواعيدى انا ولا مواعيد الناقل الوطنى لو بسبب حبى لسودانيزاون لاين وبقال | محمد عادل | 08-16-06, 10:21 PM |
| Re: ماعارف مواعيدى انا ولا مواعيد الناقل الوطنى لو بسبب حبى لسودانيزاون لاين وبقال | ود المايقوما | 08-17-06, 03:18 AM |
| Re: ماعارف مواعيدى انا ولا مواعيد الناقل الوطنى لو بسبب حبى لسودانيزاون لاين وبقال | محمد عادل | 08-17-06, 07:52 AM |
| Re: ماعارف مواعيدى انا ولا مواعيد الناقل الوطنى لو بسبب حبى لسودانيزاون لاين وبقال | Adrob wad Elkhatib | 08-17-06, 09:43 AM |
|
| |
محمد عادل
فيس بوك
تويتر
انستقرام
يوتيوب
بنتيريست