|
Re: تمبس ومعتصم دفع الله كل عام وانتما كما تحبان (Re: لؤى)
|
أحبتي معتصم وتمبس
كل عام وأنتم بألف خير وخير ، وتسلموا إن شاء الله ، ومد الله في عمركم وجعله عمر عبادة وصلاح وفرح وهناء ، ونسأله الكريم بأن لا يحرمنا منكم .
بس يا جماعة عايزين التورته والجاتوه وشاي الحليب والحلاوة ، والشمع عليّ أنا ما تخافوا ويا معتصم لازم تجيب معاك تمبس التمرين الجاي ده وتجيبوا الحاجات دي معاكم علشان نحتفل بيكم في الميدان الأخضر ، خضر الله أيامكم . وفرج كربتكم السفنجاوية .
شكراً يا أنعام .
أها فتكم بعافية تب .
| |
|
|
|
|
|
|
Re: تمبس ومعتصم دفع الله كل عام وانتما كما تحبان (Re: عماد محمود علي)
|
والله يا جماعة حكاية أعياد الميلاد دي مفروض الواحد ما يفرح بيها كتير أو كمان يحتفل بها يا جماعة الخير... العزيزان تمبس ومعتصم من قاطني صحراء نجد وكما تعلمون يوم نجد بألف يوم.. الشئ الثاني يعني الواحد لما يحسب أيامه في كل عيد ميلاد مفروض يكون مدبرس شويه لأنها محسوبة من عمره... ولا أنا غلطان يا حمزاوي.. . . ورغم فهمي الخاص لأعياد الميلاد إلا أنني لا أملك غير أن أقول ربنا يعطي القمرين النيرين العزيزين الصدوقين الأخ تامبا ورفيق دربه معتصم طول العمر والسعادة. محبكما... ود وراق
. . شكراً أنعام..
| |
|
|
|
|
|
|
Re: تمبس ومعتصم دفع الله كل عام وانتما كما تحبان (Re: إسماعيل وراق)
|
الحبيب أبومحمد .. تعرف في اليوم داك وكان إثنين ليلة ثلاثاء وكالعادة أخوك ما بقدر يفوت التمرين .. مشيت وبدأت الساعات الأولى من السنة الجديدة ومرت كسابقاتها مع نفسي ولوحدي .. وكما تعلم وعشت في نجد وصحرائها كمية الأحزان ولولا وجود الأحباب هنا لكنا عدم .. الشكر لكل من كتب حرفاً مهنيئاً وإتصل كذلك فهم نعد الأحبة ونعم الأصحاب ..
كل سنة وأنت طيب يا صديق .. وكل الأماني الطيبة ..
محبتي ..
| |
|
|
|
|
|
|
Re: تمبس ومعتصم دفع الله كل عام وانتما كما تحبان (Re: عماد محمود علي)
|
الأحبة معتصم وتيمبس
لكما عميق الود وعظيم التقدير
وكل عام وكل شهر وكل يوم وكل لحظة وأنتم بألف خير .. وكل ثانية وأيامكم فرحة وطرب وبهجة ومسرة متواصلة .. وأتمنى لكما دوماً كل الصحة والسعادة لأنكما مثلما قالت الأخت إنعام : ( من أكثر الأعضاء الذين يجبروننا على عدم مغادرة البورد بما يبثانه من جمال ينبع من جمال نفسيهما ، لأنهم في دواخلنا نحبهم لتمسكهم بالجمال الذي ينثرانه في هذا الزمن الكئيب ) .
فأنتما فعلاً وحقاً ريحانة البورد ، لحلو روحيكما وطيب معشركما ، يا من تصنعون وتنثرون المباهج والأفراح في حياتنا :
دقوا مزيكة الحواري .. ورقصوا البنوت أعرضوا .. النخل زايد في عرضو وفي علاوهو .. يحكي للدنيا الجميلة .. إنو معتصم وتيمبس .. سر ثباتو وسر بهاهو ..
فأنتما نوارة حوش بكري وشمعاته المضيئة ، وعقبال لمن تطفوا 100 شمعة وشمعة لأن حالكم وحالنا هو مثلما أخبرنا فيصل محمد صالح حين صاحت شياطين شعره :
طوبى للرجال العصافير .. كلما حط طائرهم فوق غصن .. غنوا بشجي الكلام .. بديع الصور .. وبؤساً لنا نحن الرجال الشجر .. كلما جرفتنا شجون المنافي .. تهاوت جذور الكلام .. جفت ينابيعنا .. وأرهقتنا ليالي السفر ..
و .. سنة حلوة لكليكما .. مع جزيل الشكر والامتنان للأخت انعام وهذه اللفتة الكريمة والمعبرة .
( ليمو )
| |
|
|
|
|
|
|
Re: تمبس ومعتصم دفع الله كل عام وانتما كما تحبان (Re: عماد محمود علي)
|
وأنت بألف خير يا عماد .. ولا يحرمنا منك برضو ..
مشكلتك يا عمدة جيت متأخر لقيت الجماعة ما خلو حاجة في التورتة والحاجات الحلوة .. لكن ليك على نوعدك بحاجة خاصة ليك .. كل ما أقول لي تمبس يلا نمشي التمرين مع بعض يدق جرس ويقول لي تعبان .. زمان صاحبنا دا كان رياضي وحارس مرمى فقري شديد هسي بقى يجليها ثابتة ..
شكراً جميلاً يا صديق ..
محبتي ..
| |
|
|
|
|
|
|
يازوق يافن يانغم (Re: انعام عبد الحفيظ)
|
بسم الله الرحمن الرحيم السلام عليكم ورحمة الله وبركاته الشقيقة انعام والمحتفي بهما صديقي -تشديد وفتح علي الياء الاخيرة- علاء صديق من الزمن الجميل ومعتصم ود اهلي -طبعا معتصم من اسرة مشهورين بي اولاد الحليلة -رغم انهم من قريتي التكلة والقلقالة ونحن من الحليلة -ساعود للتفصيل لاحقا - كل عام وانتما بخير
ياو الحليلة كيف اخبار محمد وعبد الرحمن
شكرا يا انعام يازوق يافن يانغم
زين العابدين -الحليلة
| |
|
|
|
|
|
|
Re: يازوق يافن يانغم (Re: elhilayla)
|
تمبس النضـير كل سـنة وانت اكثر نضـارا
معتصـم الحبيب كل سـنة وانت اجـمل
بس يا تمبس لمتين يعني نقع نقول ليك
السنة الجاية عـريس السـنة الجاي عـريس
يا راجل ريقنا دا نـشـف وبتنا الحاجزنها ليك دي بعد كدا
بقينا خايفين عليها من البورة وكـدا طبعا لو ما كنت
ود دفعة كنت قلت ليك 14/4 سـنة كم ؟؟؟
| |
|
|
|
|
|
|
Re: يازوق يافن يانغم (Re: elhilayla)
|
قريبي زين العابدين .. تحياتي يا زول يا زين .. والشوق كتير والله .. إفتقدناك في الفترة السابقة .. حمدلله على سلامة العودة .. وكل عام وأنت طيب وبألف خير ..
محمد وعبدالرحمن طيبين وبيسلموا عليك .. عبدالرحمن سيغادرنا اليوم الثلاثاء عائداً إلى أرض الوطن .. وأظنه سيطيب له المقام هناك .. صلاح شقيقه معنا هنا في المنبر " شتات " وهو بيكتب من فترة طويلة ..
تحياتي لكل من بطرفك .. كن طيب وبألف خير ..
| |
|
|
|
|
|
|
Re: تمبس ومعتصم دفع الله كل عام وانتما كما تحبان (Re: انعام عبد الحفيظ)
|
هسي بلاي ياتمبس كنتا تحلم يوم من الايام تجي بت تقول ليك كل سنة وانتا طيب؟؟ انتا السنينك كانت هبتلي ساااااااااااي ماشة مابين الرصيرص والموردة زي الطمي .. كتر خير بكري والله
معتصم دفع الله
هسي لو واحد من ناس القلقالة قرا الكلام ده ومشى فتاهو في الحلة..وقعد يكورك: (معتصم ود ناس دفع الله ساوينلو عيد ميلاد ياناس الحلة هوووووووووووووي ..)
حيعملو ليك استجواب في حوش المحلية ..
من المؤكد انو انعام دي تتمتع بخيال هندي ..
قال عيد ميلاد قال؟؟ تاني مرة ماتمشو معاي
| |
|
|
|
|
|
|
Re: تمبس ومعتصم دفع الله كل عام وانتما كما تحبان (Re: Ehab Eltayeb)
|
أهي بلاد العم سام تفعل كل هذا الغياب يا صديق .. أيهاب الحبيب .. وأنت طيب وبألف خير .. ربنا يحقق أمنياتك .. مشتاقين كتير والله .. ما أجملها من أيام كانت بصحبتكم الكريمة .. ليتها تتكرر قريباً ..
Quote: ومن الصدف ان عيد ميلادي يأتي بعدهما مباشرة 16 اغسطس |
شمعتان ووردتان .. الأولى ليك .. والتانية برضو ليك ..
محبتي بلا حدود ..
| |
|
|
|
|
|
|
Re: تمبس ومعتصم دفع الله كل عام وانتما كما تحبان (Re: معتصم دفع الله)
|
سلامات وعوافي جئت متأخرا .. او كعادتي ... كل عام وانتم تزرعون في براح الورح ازهاركم الندية .. وتنشرون في فضاءنا رحيق الحنين ... كل عام وانتم تنسجون في الذاكرة ملامحكم الجميلة .. وكل عام والفرح "معربد" بنواحيكم الوريفة .. وكل عام والحب مورق في بواديكم .. وكل عام وانتم اصدقائي .. محبتي تمبس ومعتصم .. شكرا انعام ..
| |
|
|
|
|
|
|
|