|
Re: ازيكم و كيفنكم: بي مناسبه اني جديده و سغيره و جاهله (Re: محمد حسين آدم)
|
رحاب ..
مرحب بيك ..
إنت ما صغيرونة ، ولا جاهلة .. شكلك ما شاء الله عليك ( تفتيحة ) .. بس ( شليقة ) عشان مشيتي ( المولد ) إنت البيوديك محل المدافرة دي شنو كان ما شلاقة منك ؟؟ وبعدين تعالي هنا !! (سغيرة) دي كيفن عاد مع الـ( PhD ) دي ؟؟ يطرشنا بالبيعملوا دكتوراه قبل ما يكملوا الثانوي !!! ( سغير أنا ) يا رحوبة .. أسمعي نصيحتي ، وادخلي محل الناس الحلوين وفرحانين ، وما بتجيك عوجة تب .. وأعملي حسابك أوعي تباري الجداد البودي ( الكوشة ) ..
مرحب بيك تاني ..
صلاح عبدالله
| |
|
|
|
|
|
|
Re: ازيكم و كيفنكم: بي مناسبه اني جديده و سغيره و جاهله (Re: Salah Abdulla)
|
رحاب ازيك ..و حبابك عشرة .
اسمعوا يا شباب .. فى راجلين كبار و غلاد سجلوا معانا فى البورد هناجداد . فاتحين ليهم بوستين قدر الضربة .. الاتنين غاتسات بسرعة البرق .. اها الما جا بهناك عاد اتلوم و عملها ظاهرة .. وكدة . ياللا راجينكم
**** قبل ما امشى.. لانى مستعجل و كدة : رحاب .. شيلى كلمة PhD دى من بروفايلك .. اسمعى كلامى .. اول كعة ح تضطرى تناقشى رسالتك دى كلها هنا تانى .
| |
|
|
|
|
|
|
Re: ازيكم و كيفنكم: بي مناسبه اني جديده و سغيره و جاهله (Re: برهان تاج الدين)
|
حبابك عشرة يا بنيّة يا " سغنّونة " و " ناقشة ".
أّمل أن تطيب أوقاتك بيننا.
طارق الفزاري
ود زينب
و أسمعي كلامي، سيبك من نصيحة اللي قبلي، مع احترامي الكبير ليهو: أتركي بروفايلك ذي ماهو.
و يكون أفضل لو حدّدتي تخصّصك العلمي. فالزملاء في المنبر قد يلجأون لاستشارتك في مسألة ما
مرتبطة بمجال تخصّصك، ان استدعي الأمر.
| |
|
|
|
|
|
|
Re: ازيكم و كيفنكم: بي مناسبه اني جديده و سغيره و جاهله (Re: Rihab Khalifa)
|
صلاح عبدالله سلامات ابوي، صدق، من ناحيه البوردات دي، انا جاهله شديد اي، الشلاقه دي ما بتختاني، النحدثك
هههههههها، و الله ما قايله حكايه العمر دي بتجيب ليها ونسه لذيذه كده، انا بقول ليك حاجه و انتا احكم في حكايه العمر دي، لكن بتصدق يا مؤمن انه استاذتي في الجامعه من مواليد اوائل السبعينات و اسي عندها دكتوراه ليها سته سنين؟ و استاذتي دي ما شاذه في الحته دي، اسسسسي تجي تقول لي يمكن انتي اكبر من استاذتك عليكم الله النكت لي حته الدكتوراه دي منو اسي، سيد المكان ده داير ليهو زرزره و جاب لينا الهوا
| |
|
|
|
|
|
|
Re: ازيكم و كيفنكم: بي مناسبه اني جديده و سغيره و جاهله (Re: Rihab Khalifa)
|
شكل الترحيب دا والرد عليه ما ح ينتهي يارحاب بسهولة دا ..
يعني ح تصاقري الكمبيوتر دا ليل نهار لا شغل لا مشغلة ولا نوم كمان ..
شفتي العطش الإسفيري دا ؟؟
المهم ما ح يدوك فرصة تكتي موضوع جديد إلا بعد العيد .. والكتب ليك تاني ح يكتب رد على ردك .. والساقية لسه مدورة وما ح تقيف إلا في المحطة الوسطى .
المهم ح تضطري تفتحي صفحتين من ذات البوست في الشاشة .. وتشوفي يمين وتكتي شمال . عشان تتجنبي حكاية أكتب أرسل .. إستعيد .. رد ودي ما ح تنتهي ..
المهم دي أمطار إستوائية لأنك أعلنتي أنك صغيرة وجاهلة (( يهني طاشة )) وديك كلهم أهل الهداية والرشاد من الترحيبيين .
المهم أدخلي في الموضوع توش .. وعلى كل المنتدى دا على خلاف المنتديات ديك .. ديك سهلة صغيرة بين بيتين .. ودي سهلة كبيرة لا تستطيعي مشاهدة البيوت التي في الجانب الآخر من سعة البون .
والدليل على كلامي دا أن بعض الذين كانوا معك هناك هم أصلا هنا .. متخندقين ويأتون لزيارتكم في مواسم الهدهدة هنا ..
المهم ألف مرحبا بك .. وقولي بسم الله وأكتبي ليك موضوع قبل الخريف الجاي .. أو على الأقل قبل الضحية ..
=
| |
|
|
|
|
|
|
Re: ازيكم و كيفنكم: بي مناسبه اني جديده و سغيره و جاهله (Re: Omayma Alfargony)
|
عذرا رحاب .. ان اتت تحيتي بمقدمك الكريم متأخرة بعض الشيء أو كثيرا .. لم انظر الي تاريخ البوست .. ولكن كمايبدو يا عزيزتي انك اضفتي هما جديدا الي همومك .. سودانيزاونلاين .. منتدي فوق العادة .. ليس كما خبرتي دوما .. ستدخلين عالم كل شئ فيه مباح .. وقد تقام عليك وصاية وتنصب لك مشنقة ان اتبعتي الحق الذي عهدتك عليه .. اتمني ان تتحلى بروح رياضية .. وان لا يأخذ منك الامر أكبر من حجمه ..
كوني دوما كما انتي ..
| |
|
|
|
|
|
|
|