|
Re: رحلة بورداب الدوحـــــــــــة (Re: ebrahim_ali)
|
الأخ إبراهيم علي
تحياتي لا أدعي إمتلاكا لتفويض بالإجابة نيابة عنهم، كما لا أرى في ما ورد في مداخلتك إلا عتاب محب للمجموعة، ولكنه أيضاً يدفعني (متطوعا)، أن أجيب على أسئلتك من باب المحبة لك ولمن ذكرتهم : * أن الإنضمام للمنبر والمشاركة بالكتابة هي الهدف الأساسي من وجودنا هنا. * أن الجميع هنا ومع إختلاف رؤاهم وأراءهم ظلوا يتحركون بمبادرات شخصية تطرح عبر هذا المنبر، ولا أعتقد أن أحد الموجودين قد تعمد أن يقصي أي شخص (على حد علمي). * أن جميع الفعاليات التي ذكرت بعضها هنا ينطبق عليها ما ورد أعلاه، وأضيف عليها بأن معظم الذين إختفوا إختفوا لظروف تخصهم، أو لأن ما يدور بالمنبر لم يروق لهم، وليس لأنهم لاقوا الإهمال من بورداب الدوحة. *أعتقد أن كل من شارك في هذا المنبر ولو ببوست واحد هو مننا وفينا، وله حق المشاركة في جميع كل الأنشطة المعلن عنها عبر هذا البوست. * ونيابة عن الجميع أدعو كل الإخوة الذين ذكرتهم من بورداب الدوحة، وأضيف إليهم بهاء الدين، وخال فاطمة، ومن نعرفهم ولا نعرفهم، أدعوهم بإسم الأخوة هنا، لتنشيط عضويتهم، وخاصة الكاتب الأديب أمير تاج السر والصديق وزميلي جعفر عباس. وفي تفقدك دا يا إبراهيم (يا ظلامي) نسيت (ماريل5.
| |
|
|
|
|
|
|
Re: رحلة بورداب الدوحـــــــــــة (Re: ودرملية)
|
Quote: Quote: ما قلنا ليكم انحن حريم زمن كوندوليزا رايس !!!!!
لا أدرى ماذا أقول.......
أنا الرجل الخفى........و بس.......
و الله أجيب ليكم "كشـــة".... و لا شنو يا أبو ســاندره و الامير بدر الدين الامير.....ما تلحقونى.....
معاوية الطيب ودرنى........
______________________________________ حتى نلتقى ...مرحب بكم جميعـــاً
بالمناسبة....بعد الرحلة مباشرة....
كلكم معزومين معاى فى البيت...... و بيتى قريب من مكان الرحلة
حتى تتم الفرحة و يتم اللقاء و التعارف و أمتداد هذأ الحب الجميل
و لو ما شالكم الراس بعد القلب...يشيلكم البيت....ياحب
بعد أن أخبرتهم بانكم قادمون
"ساكت" و قاعد فى الخور الجميل......
أولادى ....بقولوا مرحبيكم لا تخذلونا...أرجوكم
واخيراً.......لو ماجيتوا...لا جايين و "لا حاجة" دى ليك صديقى المنطط عينيك
تصويت جاد و خاصة أن الرحلة سوف تنتهى فى الساعة التاسعة من المكان الاول....و تبدأ عند بيتى
|
| |
|
|
|
|
|
|
Re: رحلة بورداب الدوحـــــــــــة (Re: ودرملية)
|
مازلنا في انتظار التقارير النهائية من السيدة الرئيس والسيد المقررة بغية منا في درء الحواجز بين كوادر المنظمة ..عليه نتمني ان تكون التقارير علي مدار الشية .. قف .. ولانشغالنا بحملتنا الشعواء ضد المدعو (كيكي) نرجو من كل افراد المنظمة (يتكوموا) كل وفق رغبته من غير عبث اوشمارات ودغري وعليهم ان يكونوا واضحين ولا يعتمدوا علي المؤثرات الخارجية و(خسوسا) من طابخ المؤمرات الدولي بدالدين الامير عليه بلغت والله شاهد في مُلكو.. *** الساحر الفنان المبدع والموسيقار الكبير ودرملية في لحظة رجفة نادرة جدا جدا
| |
|
|
|
|
|
|
Re: رحلة بورداب الدوحـــــــــــة (Re: ودرملية)
|
صديق الرجل الخفي يارجل سلامات وعوافي تظل ياسيدي انيق الحضور برغم غيابك (بزعم الجغرافيا) ونظل نحن نشتاق لناحية مضاربكم الوريفة ..لجلسة حالمة وونسة ونقرشت ضحكات .. سنكون هناك وتكون انت هنا ..(اشير الي قلبي)
| |
|
|
|
|
|
|
Re: رحلة بورداب الدوحـــــــــــة (Re: ودرملية)
|
سلام .. طيب ..
معاوية الطيب : ما معانا خرخرة .. شنو العزابة بخمسين و عامل فيها مسخن , هسه أقول ؟؟؟؟ تدفعوا زيكم و زي المسلمين وللا بنطالب بالقوانين العرفية .
و بعدين دقيقة بالله .. إنتو يا كافي البلا ما بتشاوروا ليكم جمعية عمومية وللا حتى ساكت تقدموا إقتراحات أونلاين هنا و تشاورا ( قواعدكم ) ؟؟ .. طوالي تووووف تشوتوا لينا الحاجات !!! نذيع المارشات العسكرية يعني وللا كيف ؟؟ .
السيدة الرئيسة ( راندوك ) .. أسلحة بدر الدين للدمار الشامل من القوارير ( الحية ) خليها .. بدر ترسانتو مليانة أسلحة أشد فتكا .. و نعنشةً .. ( و بعدين الصواريخ العابرة للقارات دي زااااتا هي البتلحق أمات طه .. شغلي الإيواكس كويس يا ريس )
سؤال تكتيكي : هل هناك أم فتفت .. أو مرارة .. كبدة نية .. أو أي نوع من التحليات الزي دي ؟؟ .. الكلام ليك يا المنطط عينيك .
| |
|
|
|
|
|
|
Re: رحلة بورداب الدوحـــــــــــة (Re: Emad Abdulla)
|
سلامات وعوافي مافي مرارة وام فتفت .. يافقر انت .. انعن زيتك وزيت البتكيف ليك زاتو . اسمع لكن في حلة زابطة انا تدفع كم اسرق ليك منها صحن مدنكل .. بعدين ياخي مشتاقين شنو شايتنا في اصفارك .. ماتديها شوية حنية تديك تواصل وكدا .. معزتي يافقر
| |
|
|
|
|
|
|
Re: رحلة بورداب الدوحـــــــــــة (Re: nadus2000)
|
كان مكتوبه في ورق لف انت قريتها كيف ووين ... والا امكن مرت عليك البرنسيسه اللابسه كاب رهيفه وبتنقد وانا البتورط
لكن ما تقولي امس شايل فايلك البرتقالي الفولنتيري معهد التنميه الادارية انا كنت هناك وفولنتيري زيك ... فايل برتقالي وبطاقة هلالابيه قال IT&T تكنولوجيا في الشاشة واتصال بصديق ختوني في القائمه الرهيفه انا من فصيلة Slimness
| |
|
|
|
|
|
|
Re: رحلة بورداب الدوحـــــــــــة (Re: Emad Abdulla)
|
Quote: واحد صاحبنا إتزوج حنكوشة , أخوه عزابي في مصر , عزمهم عشا في شقته و عمل ليهم فضلة خيرك حلة ( القطر قام ) . و باتو عندو الليلة ديك . تاني يوم الحنكوشة الشرفانة حلة ( القطر قام السمحة معشعشة فوق راسا المكلوج , تقول لراجلا : زوزي .. قلت ليكااا ( الحنكوشات بقولوها كده يا ود رملية .. أسكت إنت بس , شن خبرك ) : قلت ليكااا .. أنا عايزة البتاعة ديكاااا ( ديكاااا يعني ديك .. ديييييييييك ياود رملية .. أسمع ساكت بس ) قال ليها : هي شنو يا ماما؟؟ ( الرجال بيقولو لنسوانهم الحنكوشات يا ماما .. إنت يا ود رملية خشمك و عندك .. ولا كلمة ) . : ديكاااا .. اللي إتعشينا بيها ديكااااا .. ( ود رملية .. هُُسسسس ) : ما عرفتها حبيبتي .. ( الرجال في شهر العسل بيقولو كده , نحنا مالنا !! ) ديكااااا .. لما عجبتني البتاعة ديت ( .. عبد الرحيم .. ديت يعني : دي .. سمح ؟؟ ) : ياتا يا توتة ؟؟ ( .. هوووي ها .. ودرملية , توتة ده الإسم البيدلعوا بيهو النسوان .. أي مرة قول ليها يا توتة .. كان إسمها ست النفر وللا فرحين وللا السرة .. ولا نيفين , بس أمسك في توتة دي قوي .. عرفت ؟؟ ) : ديكاااا .. الإسمها ( القتار خلاس ح يتحرك ) ..
أها , من اليوم داك وأنا باكل أم فتفت و مرارة و كمونية و كبدة نية و ... بسسسسسسسسس داير تأكلني آخر عمري ( القطار خلاص ح يتحرك ) يا ود رملية ؟؟؟ |
هلا ....هلا
الدنقلاوي لمن يتكلم الباقين يقعدوا ويسمعو بس وده حالتو (نص مكنه)
| |
|
|
|
|
|
|
Re: رحلة بورداب الدوحـــــــــــة (Re: بورداب الدوحة)
|
Quote: سؤال تكتيكي : هل هناك أم فتفت .. أو مرارة .. كبدة نية .. أو أي نوع من التحليات الزي دي ؟؟ .. الكلام ليك يا المنطط عينيك . |
كبدة قاعود بيج لم يبلغ الفطام ، هشة وطرية ومقرمشة وأم فتفت واردة من سوق الناقة ألم اقل لك اطلق نوق الفلاة وأنخ { جمالك } عند سفح الجبل
أو تذكر تلك الكبدة النية التي دارت بها الصحاف في الخور عند صديق عمر سنعيد إنتاجها مرة اخرى والدكوة سودانية وصلصة الدليخ حبشية والمراويد بركاتية
| |
|
|
|
|
|
|
Re: رحلة بورداب الدوحـــــــــــة (Re: محمد أبوعاقلة الطريفي)
|
يا بوب ..
مكنة دنقلاوية ستاندرد وحاة سيدي علي .. و دفع خلفي كمان .. إنت و الموصلي عاملين فيها شاحنات يعني ؟؟
عبدالجليل ..
أحلى ما فيك يا صاحبي .. إنت .
و بعدين يا شباب .. ممكن أستعين على ( بلاويكم ) بصديق ؟؟؟؟ و السيرة الح تتحرك دي فيها دلوكة و غنا و : الليلة يا هي يا بلالي ياهي .. سواقنا زينة و حالف ما يدلينا .. وللا سيرة جبهجية ساكت ؟؟؟
- واحد قريبنا راكب في سيرة و البنات منفعلات يلبعن في الدلوكة , تقوم الدلوكة تتشرط . وقفو في محطة فيها زول بيبع دلاليك , قريبنا قاعد جنب الشباك .. ( و كان ما بيعرف يقرا ) , الدلاليك مكتوب عليها ( 1000 مبروك ) . كل الدلاليك مكتوب فيها كده , كبيرة وصغيرة . البنات نزلو شالو واحدة صغيرونة كده . زولنا قال ليهم ( بثقة معاها قندفة ) : ما تشيلوا ليكم واحدة كبيرة شوية يا وهم إنتو .. ما ياهو كلو نفس السعر .. 1000 جنيه .
أبوساندرا .. كبدة إبل كيف ؟؟ .. أم فتفت ببح يا أخو .. كمال كيلة و كده .
| |
|
|
|
|
|
|
Re: رحلة بورداب الدوحـــــــــــة (Re: Emad Abdulla)
|
سلامات وعوافي ياعمدة حرم الحلة غيرك مافي زول يهبشا .. بعدين القال ليك منو القطر قام .. حلة عديل كدا تقول لي قطر قام .. سيبك من احلام امفتفت والذي مثلها فهي اشبه بالعنقاء في سوق ام دفسو... اركز معانا في الحلة وسيب الجرس ...
| |
|
|
|
|
|
|
Re: رحلة بورداب الدوحـــــــــــة (Re: ودرملية)
|
من ضمن فقرات الترفيه فى برنامج رحلة اليوم
مناظرة بعنوات الاتجاه المعكس بين المبدع الكبير كيكى
ومدعى الابداع ود رملية - يديرها بدرالدين الامير بجانب تحريشات أبوساندرا
همسة : المحظورين من حضور المناظرة - بيان - صلاح عبدالله ومعاوية الطيب
| |
|
|
|
|
|
|
Re: رحلة بورداب الدوحـــــــــــة (Re: رقم صفر)
|
الأعزاء بورداب الدوحه ..
بوركتم ثم بوركتم .. وبوركت أيامكم العامرات ..
وا حسرتاه !! ويا أسفى على بنى وطنى .. وكم أنا
حانق على هذه ( النزله ) .. التى حرمتنى لماكم
إنشاله ما تنزل على صليح .. كنت قد إعتزرت فى
صباح اليوم لعزيزى : أبوساندرا وللعزيزات ساندرا
ماهيتاب .. ساره ونيابةً عن بناتى أيضاً ... وذلك
نسبه إلى توقع بعض القادمين من السودان مساء
هذا اليوم .. ولقد إعتزرت أيضاً صباح اليوم للأخ
العزيز : أبوبكر الأمين لتبليغ الجميع بالغ حزنى
وأسفى على عدم تمكننا من القدوم .. وزى ما قال الأخ
صلاح عبدالله: إن حظى كدقيقٍ !! ده مش كدقيقٍ يا أبوصلاح!
ده كمسحوقٍ دقيقٍ ذاتو !.. ولكننى راض .. لعله عقابى
على جفوتى وجفائى !! .. تمنياتى لكم بكل السعاده ..
مامون
| |
|
|
|
|
|
|
|