|
أخير خضر الطيب خضر عريسا.. مبروك
|
الجمعة القادمة، عقد قران العزيز القنان خضر الطيب خضر بالسودان. الأهل والأحباب بالدويم والخرطوم يزفون التهنئة للعزيز خضر. بورداب الرياض يهنئون. بورداب الدويم يهنئون. (بيت مال وعيال)، عديلة يا بيضا، خضر العريس أنا عاجبني لي. هاتفني وزف لي الخبر. لم أجد ما أقوله له، ولازلت. لأول مرة أحس أنني تلميذ ضعيف، في حصة التعبير، يحاول انتقاء الكلمات، يأكل القلم الرصاص بأسنانه، يفتل شعره ولا يستطيع كتابة شيء. خضر أتمنى لك السعادة وجمعكما الله على خير. زواج مبارك إن شاء الله
|
|
|
|
|
|
|
|
ٍٍSoma .. ويسعدك (Re: soma)
|
ويسعدك كمان ونشوفك في بيت عدلك ويسعدكل الحبان وكل البورداب...مع ملاحظة فرصة واحدة فقط لكل عازب.. طبعا الجاري في الكلام زي ما قلتي تغلبها بالمال وتغلبك بي العيال لكن! خضر ده شقي . ده يغلبها في العيال برضو.
| |
|
|
|
|
|
|
الشايقي شفت عمايل خضر (Re: أحمد الشايقي)
|
الأستاذ أحمد المحامي ما بتقصر في الواجب لكن عندي شكوى وأحسن ما تسويها قضية رسمية، يعني حلوها وديا كده. المدعو خضر الطيب حتى الآن ما بيرد على المهنئين، الحفلة هاجة والمعازيم يقوموا ويقعدوا وسعادة العريس لي هسه ما شرف. نقول شنو؟ هو الزين مش فقدوه يوم عرسو ما لقوه؟ .. الله يستر!
| |
|
|
|
|
|
|
إدريس خليفة.. يهنيء مرتين (Re: ادريس خليفة علم الهدي)
|
إدريس صباح الخير سعيد بي زيارتك. لم يفتك يا غالي أن تثبت تهنئتك في بوست الدويم3 وتثبته في هذا البوست. لفتة! وكده حتنافس عصام أحمد في الكأس، أما فرنسا الظاهر لي أسه نائم والكلام ليك يا المغمض عينيك. شكرا إدريس نيابة عن العريس.. لغاية الآن أنا وزير غير رسمي.. وزير شعبي والعريس نائم.
| |
|
|
|
|
|
|
إدريس خليفة.. يهنيء مرتين (Re: ادريس خليفة علم الهدي)
|
إدريس صباح الخير سعيد بي زيارتك. لم يفتك يا غالي أن تثبت تهنئتك في بوست الدويم3 وتثبته في هذا البوست. لفتة! وكده حتنافس عصام أحمد في الكأس، أما فرنسا الظاهر لي أسه نائم والكلام ليك يا المغمض عينيك. شكرا إدريس نيابة عن العريس.. لغاية الآن أنا وزير غير رسمي.. وزير شعبي والعريس نائم.
| |
|
|
|
|
|
|
العريس.. معتمرا.. كلام سر مهم جدا (Re: ابي عزالدين البشري)
|
هاتفني خضر، مزمعا السفر مساء الأربعاء بالطائر معتمرا. لحدي هنا ما في مشكله، وخضر راجل ملتزم ( وبيحب الله ورسوله) لكن! نفسي أعرف خضر دا ما شي الكعبة، يدعو بي شنو؟ الراجل عندو دعوة مهمة في اليومين ديل. عموما ربنا يوفقه وكان عرفت حاجة ( راكوبة وفي الخريف).
| |
|
|
|
|
|
|
Re: العريس.. معتمرا.. كلام سر مهم جدا (Re: ابي عزالدين البشري)
|
الأخ العريس خضر الطيب
ألف مبروك ، وربنا يتم على خير ، وانشاء الله بيت مال وعيال.
أستاذنا أبي عزالدين .. شكراً على هذا الخبر الطيب المفرح الجميل بعقد قرآن خير الشباب وشيخهم الأخ الفنان خضر ، ود الدويم.
ويا أخوي خضر ، بتاعين الشمارات قالوا سمعوك وأنت تهاتف سعيدة الحظ وتهمس ليها :
أتخيلك يا حلوة زي نسمة سحر .. جيتي ومعاي حلمي المطوّل منتظر .. بعده الجميل .. عشقك زمان جواي رحل .. يتناها في الأعماق أمل .. ضمخ رؤاي إحساس نبيل .. أذهل طيوف خاطري القبيل ..
ولمن سمعتَ زغرودة صديقتها عبر موبايلك ، سخّنت عاطفياً وترنمت بكلمات ازهري محمد علي :
وأنا بيكي ماليني الكلام .. حرَّكت ليك .. عصب السكون .. جلبت ليك الغيم رحط .. طرَّزت ليك النيل زفاف .. حرقت ليك الشوق بخور .. وفرشت ليك الريد لحاف .. لا السكة بيكي بتنتهي .. ولا معاك مليت طواف ..
Quote: نفسي أعرف خضر دا ما شي الكعبة، يدعو بي شنو؟ |
هل عرفت يا استاذنا حا يدعو بي شنو ؟ أنا بتخيل (الاخراج) هناك كالتالي : بعد الدعاء المعهود والمتعارف عليه ، سوف يدخل في غفوة صوفية ، تتخللها حروف النخلي :
في عينيك عشم باكر .. ما إنتي القمر كلو .. والشمس والوشاحة ورود .. وزغرودة بتزف للناس .. خبر زمنا جديد مولود .. لقيت غيرك بضيع إسمي .. وأكون أنا حي وزي مفقود .. وفي عينيك عشم باكر ..
وبعد عودته الظافرة من العمرة بإذن الله ، سوف تبدأ رحلة الهمس القلبي بينه وبينها، ليحدد لها موعد أوبته لاكمال المراسيم :
وأفتش ليك حناني معاي .. أماني تصارع المكتوب .. عشانك .. لا مسافة تطول .. ولا بتصعب معاكي دروب .. وقلبي عليك .. وراجع ليك .. أجيك فارساً يشق .. صمت المتاهة الطال .. مواعدِك بي حكاوي الشوق .. وبي شمساً وراها منال .. وبي فرحاً يغرِّد في سماك ألحان .. ويجيب البهجة للأطفال ..
و.. السيناريو من عندي والإخراج مؤكد من عند عريسنا خضر ، والحضور كل آل حوش بكري والدويم .
أخي خضر .. تاني وتالت ورابع .. أقول ليك ألف ألف مبروك ، وفرحانه بيك كل النجوم .
مع مودتي ،
( ليمو )
| |
|
|
|
|
|
|
Re: أخير خضر الطيب خضر عريسا.. مبروك (Re: ابي عزالدين البشري)
|
اليوم الأبيض المتل اللبن( دا اليوم الدايرنو ليك يا خضر)
يا عديله يا بيضا يا ملائكة سيري معا أستاذنا أبي
أجمل خبر لهذا اليوم خبر زواج الأخ خضر، كأني استنشق رائحة البخور وأرى الدارة تفور برقيص الحسناوات وعرضة الجنيات وزغاريد الأمهات. التهنئة نزفها صادقة للأخ العريس مع أصدق الأمنيات بحياة زوجية هانئة وذرية صالحة.
والتحية ليك أخي أبي الوزير( وزير العريس).
| |
|
|
|
|
|
|
Re: أخير خضر الطيب خضر عريسا.. مبروك (Re: خضر الطيب)
|
أيووووووووي أيووووووووووووي مبروك يا خدر الطيب ان شاء الله بيت مال وعيال الا يا خدر اخوي تعال النسألك مالك قاعد لي هسة دحين أنا وانت ما ندايد . ويا ناس البوست أنا برضو ما انا برضو سمعت ليكم خدر بتكلم مع العروس في التلفون وبراحة بقول ليها
مالي ارك في كل شئ كأنك كل البشر وأنك درب بغير انتهاء واني خلقت لهذا السفر
شوية كدا سمعت العروس تقول ليه
بريدك قبل ما أعرفك
بس فجأة صاحبنا شافني قال لي انت هنا من متين قلت ليه أنا هنا من يومك البديت السفر
مبرووووووك وتاني أبقا اتكلم واقفل الغرفة أصلوا انحنا بنجي زي الكدايس لا حس ولا خبر
| |
|
|
|
|
|
|
Re: أخير خضر الطيب خضر عريسا.. مبروك (Re: خضر الطيب)
|
تحياتي
الف مبروك خضر الطيب جينا نبارك ونقول (مبروك عليك ) وبيت مال وعيال.
نصيحتي ليك احتفظ بهذا الصحفة وبعد عشرة عشرين سنة من الزواج تعال راجع ليها لتتذكر هؤلاء الذين شاركوك فرحتك
هل تصدق مازلنا نحتفظ في ارشيف الاسرة بالكشف الذي تم في زواج والدى منذ اكثر من اربعين سنة ..منهم من دفع جنيه ومنهم من دفع خمسة جنيه يا لها من ذكريات عذبة
تحياتي هشام حامد العبيد
| |
|
|
|
|
|
|
Re: أخير خضر الطيب خضر عريسا.. مبروك (Re: ابي عزالدين البشري)
|
استاذنا الاديب الاريب / عبد الحليم التلب
لك التحية والتقدير
تعلم تمام العلم باننا نطوع التكنلوجيا ونلعب بها كما العازف على ازرار الاورغن او الاكورديون
وهذه نعمة نحمد الله عليها ولكننا نعجز وتعجز الكلمات وتتقزم في ان تجاريكم في بحركم هذا ,
فيا استاذي رفقا بنا لكي لانشعر بعجزنا عن الرد عليكم فقد لخصت بمداخلتك هذه كل مايعتمل
بدواخلنا فلك التحية مجددا ...
| |
|
|
|
|
|
|
Re: أخير خضر الطيب خضر عريسا.. مبروك (Re: خضر الطيب)
|
خضر العريس أن عاجبني ليو سيرتو بالخميس أنا عاجبني ليو
يا خضر أخوي أصلو الفرح مات فينا من زمان والغربة فعلت فينا فعلتها( قتلت فينا المشاعر والأحاسيس) . لحظات الفرح في حياتنا بقينا نسترقها إستراق : يعني خبر جميل زي ده، خبر زواج ببعث في نفوسنا الأمل وبذكرنا بشيء إسمه الفرح : الفرح اللي كنا بنحسو زمان: أيام كانت الدنيا حلوه خيره وفير وناسه طيبين، يا حليل أيام زمان يا أخوي خضر، أيام كان فينا الفرح معشعش وساكن والآن الفرح بقى مننا بعيد طاش وطافش. ما داير أفسد عليك فرحتك وبهجتك وابشر يا أخوي ابشر بالخير ويلا زغروده يا بنات.
| |
|
|
|
|
|
|
Re: أخير خضر الطيب خضر عريسا.. مبروك (Re: خضر الطيب)
|
الاخ العزيز خضر الطيب خضر لك الود و التقدير و الاعزاز الف الف الف مبروووووووووووووووك تهانينا و بيت مال و عيال
اخوانى البورداب اسمحوا ان احى المونتير و المبدع و الفنان خضر على مشاركاته و مساهماته المتواصلة فى انجاح العديد من السهرات التلفزيونية التى تم بثها ضمن برامج المنوعات بالقناة الفضائية السودانية و كان اخرها سهرة (عودة الفرح المهاجر )التى اخرجها و اشرف عليها و كانت بمناسبة عودة الفنان عبد الرحمن عبد الله للساحة الفنية . التحية للاستاذ خضر و للتيم الذى نفذ السهرة . الاخ خضر كل الزملاء فى انتظار تفاصيل برنامج الزواج من حنة و عيزومة و حفلة و سيره مع حبى و تقديرى معاوية التوم
| |
|
|
|
|
|
|
Re: أخير خضر الطيب خضر عريسا.. مبروك (Re: ابي عزالدين البشري)
|
Quote: اخي الحبيب / جاد
لك التحية والتقدير
مرورك يشرفنا وحضورك يزيد هذا البوست بهاءا لك اجمل التحايا ايها ابهي ... وعقبال نبارك ليك فرح العيال |
اليوم داخل هذا البوست على نية ألفها معاك .. قلت الزول ما بتطفر في التهنئة بتاعتي بي جاي وبي جاي لي شنو أنا أصلي كاتبا بقلم رصاص H3
لكن طلعت حريف .. وقلبت الجِرة على التهنئات ..
يا زول قلوبنا معاك .. وأتمنى لك أعلى مراتب السعادة الزوجية ..
مبروك يا عريس ..
أبشر والله ...
تاني ..
جاد
| |
|
|
|
|
|
|
Re: أخير خضر الطيب خضر عريسا.. مبروك (Re: ابي عزالدين البشري)
|
اخي الحبيب / معتز القريش
ياسلاااااااااااام يامعتز والله حققت لي امنية غالية جدا اني اشوف امنية ومحمد ومؤمن ,
وبالمناسبة واضح انو مؤمن دا ماشي على خطاك , ومحمد صورة مصغرة من عمو الفرزدق , والامورة دي
مالاقي ليها شبه لانكم انتو ماشاء الله بيتكم كان كلو عذابا ماعندكم اخوات امنية دي امسك فيها
قوي بتنفعك العذابة محمد ومؤمن ديل بكره بكبرو واكيد حيهاجروا ,, ربنا يحفظم ليكم
قول ليهم جدو خضر بسلم عليكم بوسة بوسة وخلوا بالكم من المدرسة والمواظبة وان شاء الله
ماتعرفوا حاجة اسمها دفتر العياده عشان ماتطلعوا ذينا , وعاطر تحياتي للسيده الفضلى
والدتهم , دي بي سببك ح تدخل الجنة اكيد ربنا يجعل صبرها عليك في ميزان حسناتا
وان شاء الله تحضروا فرح احفادكم ,,
كت اووت :
انت المشكلة انك حجيري مابظهر عمرك الحقيقي ذي عصام ترفس تقول كنتو مقرشين عيني بارده
| |
|
|
|
|
|
|
Re: أخير خضر الطيب خضر عريسا.. مبروك (Re: ابي عزالدين البشري)
|
اخي الفنان / طارق ابوعبيده
حضورك يمثل الفن الجميل بموسيقاه وصوتك ذو الطبقات المتعددة ايها المبدع الانيق , حوى هذا
البوست كل المبدعين من كتاب وادباء وشعراء وهذا شرف لايدانيه شرف , اتشرف بكم جميعا وتزدان
افراحنا بوجودكم , عقبال ماتفرحو انت والسيده الفضلى بارعة بالاموره لقاء
كت اووت :
بالمناسبة اسم ( خدر ) دا عجبني عندك يامولانا بس انشاء الله حقوق الطبع محفوظة لانك انت اكبر
مني سنا ... مسن يعني وتسلم ياراقي
| |
|
|
|
|
|
|
Re: أخير خضر الطيب خضر عريسا.. مبروك (Re: ابي عزالدين البشري)
|
اخي الحبيب / اسماعيل وراق
لك التحية والتقدير
لاتتصور سعادتي بوجودكم ومشاركتكم ومباركتكم , فانتم اهلي وعزوتي فلك اجمل مافي هذا الفرح
ماعدا العروسة ولو عاوز زيها ركز معاي شوية وقوي قلبك
منتظرين اتصالك ..وما حصل عسى المانع خير ,,, لعلك بخير
| |
|
|
|
|
|
|
خالد التلب خضر جبان.. (Re: خضر الطيب)
|
المبدع التلب لك التحية وشاكر زيارتك. قلت إنك سمعت شمار العريس بتكلم مع (..) وقال ليها وقالت ليه.. والله كذب لانو خضر.. لماضه ساكت معانا نحن.. لكن ما يعرف يتكلم في حضرة (..) و الأيام دي أي تلفون كان ما عرف سيدو ما بيرد ليه.. تكتيكات أمنية. وكان مغالطني جيب خضر وخلي يطلب الرقم في قدامي.. شايفو عرقان كيف؟ ما قلت ليك أحسن نقفل الموضوع ده وندخلو بيتو بالسترة... امكن عينو بعد داك تقوى
| |
|
|
|
|
|
|
Re: أخير خضر الطيب خضر عريسا.. مبروك (Re: خضر الطيب)
|
خضر الطيب مبروك
وان شاء الله بيت مال وعيال
تغلبها بالمال وتغلبك بالعيال.
ويا ترى العروس من المترزقات(رزق الهبل على المجانين )ولا من نساء شرق افريقيا الرائعات؟؟؟؟؟
لانه هذا ما كتبته من قبل:
Quote: بالمناسبة النسوان السودانيات وانا مابقول كلهم لكن بقول اغلبهم ..مترزقين ساي بس
يعني رزق الهبل على المجانين ... لكن والله ماعندهم اي حاجة ممكن ترغب رجل عاقل فيهم
|
Quote: الاخ محمد عكاشة
لك التحية والتقدير
لا ارى ان هنالك اي وجه شبه بين المراة السودانية والمراة الاثيوبية . حيث ان الاخيرة
غير انها تتمتع بقدر من الاحترام فهي متجددة في نفسها وبيتها , لدي صديق متزوج من
اثيوبية لما تدخل بيتهم تحس انك فعلا في بيت من حيث النظافة والترتيب ورائحة العطور
التي تفوح منه تجبرك على عدم التفكير في مغادرة المنزل , والاثيوبية كلما تراها تحس
بانها على وشك الخروج وهي في كامل زينتها , اما المراة السودانية فحدث ولاحرج ,
اديها بس السنة الاولى من الزواج ,وبعدها تعال شوف والعجب لوجابت اطفال يبقى انت رحمة
الله عليك والله الاكل في تلتله
. في المرة الجاية لماتقارن المراة السودانية ممكن تقارنا بالتشادية ولا النيجيرية ولا
الكاميرونية ابعد من شرق افريقيا حيث النساء الرائعات
|
تحياتي لك واتمنى لك التوفيق
واكيد سودانيه
بس حبيت اذكرك ما قلتوا ما شغالين بيها,وما منها فائده.
نسألك بعد سنه وان شاء الله نلقاك بترفل في السعاده
والعروس الله يكفيها شر لسانك الطويل.
الاخ محمد عكاشة
لك التحية والتقدير
لا ارى ان هنالك اي وجه شبه بين المراة السودانية والمراة الاثيوبية . حيث ان الاخيرة
غير انها تتمتع بقدر من الاحترام فهي متجددة في نفسها وبيتها , لدي صديق متزوج من
اثيوبية لما تدخل بيتهم تحس انك فعلا في بيت من حيث النظافة والترتيب ورائحة العطور
التي تفوح منه تجبرك على عدم التفكير في مغادرة المنزل , والاثيوبية كلما تراها تحس
بانها على وشك الخروج وهي في كامل زينتها , اما المراة السودانية فحدث ولاحرج ,
اديها بس السنة الاولى من الزواج ,وبعدها تعال شوف والعجب لوجابت اطفال يبقى انت رحمة
الله عليك والله الاكل في تلتله
. في المرة الجاية لماتقارن المراة السودانية ممكن تقارنا بالتشادية ولا النيجيرية ولا
الكاميرونية ابعد من شرق افريقيا حيث النساء الرائعات .
الاثـيـوبية ســاحـرة...فـاتن...وأفضـل من الســـودانية !!!!!
تراجي.
(عدل بواسطة Tragie Mustafa on 07-14-2006, 01:58 PM) (عدل بواسطة Tragie Mustafa on 07-14-2006, 01:59 PM)
| |
|
|
|
|
|
|
Re: أخير خضر الطيب خضر عريسا.. مبروك (Re: ابي عزالدين البشري)
|
الاستاذه / تراجي
لك التحية والتقدير
والله مشرفانا بي حضورك ... ومشكورة ومأجورة على بحثك عن مداخلاتي ... وماتنسي انو العروس حتقرا
الكلام دا اللي انتي نقلتيهو هنا ... لكن ح اقول ليها كنت عذابي وكان لازم اقول كده
انا طبعا ماقلت كلهن ياتراجي ..والبعض منهن انا لقيتا الكنت بفتش ليها .لقيناهو البنحلم بيهو
يوماتي .وعقبال لي اولادك ..
تحضري فرحهم وتسعدي بيهم يارب ...بس لازم يتزوجو سودانيات ...دي وصية ميت ياتراجي
| |
|
|
|
|
|
|
Re: أخير خضر الطيب خضر عريسا.. مبروك (Re: خضر الطيب)
|
الأخ العزيز والزميل الفنان خضر
ألف مبروووووووووووووووك ياعريس
وإن شاء الله تغلبك بالعيال وتغلبها بالمال الوفير
مع أمنياتنا الطيبة بحياة زوجية سعيدة
ولازم حفل شامل كامل الدسم بمناسبة وداع العزوبية
مع مودتي ...
عثمان سيداحمد وكل أعضاء فرقة المسرح السوداني بالرياض
| |
|
|
|
|
|
|
Re: أخير خضر الطيب خضر عريسا.. مبروك (Re: عثمان سيد أحمد)
|
العزيز خضر
الف مبروك
ولسه عايزه اشاغلك واقول لك ما قلتوا نوبه؟؟؟؟
Quote: ...بس لازم يتزوجو سودانيات |
شايفاك قلت الروب وسليت الرايه البيضاء.
يازول الف مبروك وبركه القيت نصفك الحلو
وربنا يكمل لكم
وصدقني السودانيات طيبات ومافي زيهم بالذات للسوداني.
مبروك عليك
وحنقرض على كده لانو كان زدنا وورينا العروس باقي بوستاك
وانك كنت عايز تكشحنا وكتبت (نحو بورد خالي من النساء)
والبورد هين
الا النسوان اقتحموك في بيتك تتخارج وين تاني؟؟؟؟
معزتي وكان قريبه كان حضرت العرس.
تراجي.
| |
|
|
|
|
|
|
Re: أخير خضر الطيب خضر عريسا.. مبروك (Re: خضر الطيب)
|
يا أخوانا هووووووووي الحكاية سخنت وخضر الطيب خاف على عرسو اطرشقك ـ انا مشغول اليومين ديل في تحويل مكتبي وراجع ليكم ويا استاذ ابي أنا مصر على معلومتي عن توفيق . وكان ما انت استاذي كان قلت ليك أتحداك
| |
|
|
|
|
|
|
Re: أخير خضر الطيب خضر عريسا.. مبروك (Re: ابي عزالدين البشري)
|
الاخت العزيزه / انعام عبد الحفيظ
لك التحية والتقدير
افتقدتك في من افتقدت من الاخوة الزملاء والزميلات , وانا متاكد انكم مابتقصروا وعودتونا على
نشر الفرح والمشاركه الفعالة لك عظيم امتناني , ونتمنى ان نسمع عنك قريبا لنبارك ونهنئ
وعقبالك
| |
|
|
|
|
|
|
شكرا لكل هؤلاء.. شكرا لكل البورداب (Re: ابي عزالدين البشري)
|
أتوجه بشكري لك من بارك وعلق معاوية التوم عبد الله عقيد هشام عبيد تراجي هيثم أبو إدريس تونا إنعام عبد الحفيظ علي بازرعة معاوية التوم هيثم عبد العزيز عثمان محمدين عبد الرحمن عزاز نزار يوسف أبو بكر الأمين خدر الطيب برير معتز خلف الله (فردة العريس) أحمد معتصم إسماعيل وراق (صاحب العريس) عثمان سيد أحمد إبراهيم عدلان (الذي لا تفوته مناسبة) إسحاق بله الأمين عصام أحمد التلب ناذر غادة عبد العزيز منى خوجلي أحمد الشايقي(جار العريس) عادل عثمان أبو ريش كمال عباس أحمد أبو إدريس نون كمال عباس وشكر خاص للخال حمزاوي وإن شاء الله نبارك ليكم كل جديد
| |
|
|
|
|
|
|
تم العقد بحمد الله .. خضر محصن (Re: ابي عزالدين البشري)
|
وسط فرحة الأهل والأصدقاء بالسودان تم عقد زواج الأخ خضر الطيب فنرجو له حياة زوجية سعيدة. أصبح خضر محصنا. وعليه يجب دخوله للملف الخاص به وتغيير المعلومات، وأي تلاعب سيتم الإبلاغ عنه فورا للجهات المختصة بالسودان والبلاغ يقدم للسيد النائب العام شخصيا.
| |
|
|
|
|
|
|
|