كتب الكاتب الفاتح جبرا المتوفرة بمعرض الدوحة
|
Re: تم إفتتاح كــافتريا سودانيز أونلاين..مبروووك (Re: Frankly)
|
عصام يا رائع
ما قلنا ما ممكن تغادر عرفته ليه؟؟؟؟
لانك اضافه حقيقه للمنبر.
ياله يا غالي منتظرنك
انا حاجي اتفرج مباراة الختام لكأس العالم عندك هنا في كافتريتك.
بس اتمنى يكون (التدخين ممنوع)
وحاليا عايزه
واحد فول (بالسمن البلدي) وشمار وثوم وصلحه.
عارف (السمن البلدي) يعني شنو في شرق السودان؟؟؟؟
هذا يعني (سمن الغنم) وهو اغلي واقيم في الشرق من (السمن البقري).
تراجي.
| |
|
|
|
|
|
|
Re: تم إفتتاح كــافتريا سودانيز أونلاين..مبروووك (Re: Tragie Mustafa)
|
مرحبا بك Tragie Mustafa
Quote: وحاليا عايزه
واحد فول (بالسمن البلدي) وشمار وثوم وصلحه.
|
وده طلبك علي العين والراس
بس بي زيت السمسم لحدي ما تشوفي لينا تاجر نتعاقد معاهو علي السمنة
Quote: عارف (السمن البلدي) يعني شنو في شرق السودان؟؟؟؟
هذا يعني (سمن الغنم) وهو اغلي واقيم في الشرق من (السمن البقري).
|
دي معلومة هامة جدا وأتمني أن نوفره في الكافتريا عندنا قريبا جدا.
ومن ناحية (ناس الكيف ) ديل عندهم حتة مخصصة ليهم عشان برضو نحنا عاوزين الناس كلها تجينا.
وفي إنتظار تشريفك مباراة النهائي معانا
************************************
نحن نقدم أرقي الخدمات...زيارة واحدة تكفي
| |
|
|
|
|
|
|
Re: تم إفتتاح كــافتريا سودانيز أونلاين..مبروووك (Re: خدر)
|
خضر مرحب بيك
وشرفت الكفتريا
ال47 كوز ديل بتاعين عرديب؟؟
نديك هسه كولا كيف معاك ؟
كدي جرب الكولا بتاعتنا دي ..حاجة خطرة جدا..
تلاتة قزازات ما كتيرة عليك
*********************************
متعاقدون مع شركة الكولا بتاعة الكوكا والبيبسي
| |
|
|
|
|
|
|
Re: تم إفتتاح كــافتريا سودانيز أونلاين..مبروووك (Re: عصام أحمد)
|
Quote: نديك كدي الصحن ده وحلي بالجبنة معاهو |
أسمع يا زول الفول الجايب صورتو مرشوشة جنبو الجبنة دة مضبلن و مسود ما منجض بي كم فص ثوم سالمين و قبضة عدس و كم بلحة با تحسن الطلبات يا بنفتح كافتيريا جندرية من سيدات و آنسات سودانيز أونلاين و نبوّر ليك كافتيريتك دي..أها شن قولك؟
| |
|
|
|
|
|
|
Re: تم إفتتاح كــافتريا سودانيز أونلاين..مبروووك (Re: lana mahdi)
|
مـــرحب ..مرحب بيك يا لنا وشرفتي الكافتريا
Quote: با تحسن الطلبات يا بنفتح كافتيريا جندرية من سيدات و آنسات سودانيز أونلاين و نبوّر ليك كافتيريتك دي..أها شن قولك؟ |
شايفا الناس الفي الصورة دي؟
قالوا ليك نحنا تاني طوالي في كافتريا سودانيز..
هاكي جق العرديب ده
شرفتي
| |
|
|
|
|
|
|
Re: تم إفتتاح كــافتريا سودانيز أونلاين..مبروووك (Re: عصام أحمد)
|
عصام احمد
عزيز عيس طلب (مشكل):
Quote: يا عصام ممكن عصير مشكل خلطة.. |
و(مشكل ) دي قالوا بقت بتخوف ناس الحكومه جدا
لانهم سألوا عن (جبهة الخلاص) انها تتكون من منو؟؟؟
قالوا ليهم دي (مشكل )فيها العلماني والاسلامي ...و......و هلمجرا.
وهم قالوا عايزين يعرفوا (هلمجرا )ده يل منو؟؟؟
تحياتي.
تراجي.
| |
|
|
|
|
|
|
Re: تم إفتتاح كــافتريا سودانيز أونلاين..مبروووك (Re: فيصل محمد خليل)
|
فيصل
مرحب .مرحب بيك
وشرفت الكافتريا
يا سلاااام ياخ التركين بالقراصة ! البتزا جنبوا زي اللالوب مع البلح
الولد هسه بيجهز ليكم حاجة خاصة كده
دقايق بس
التركين وجبة عبارة عن سمك مملح يؤكل نيئاً من غير طهي وهي وجبة شهية قديمة مستمرة حتي اليوم في
ربوع الشمال الحبيب .
تحياتي
| |
|
|
|
|
|
|
Re: تم إفتتاح كــافتريا سودانيز أونلاين..مبروووك (Re: ALGARADABI)
|
اخويا عصام انا عاوز اسفر العيال في الصيفية وعاوز الطالبات تصلني للبيت ممكن ! واقترح تقديم قائمة المأكولات الخفيفة والسلطات ( الزلطة) على قول اهل الخليج .. التركين!! والاتر.. والكشرنيق.. والكابيدة ضمن الاقتراح يكون قي قائمة الصحن اليومي آخر الاسبوع .. للنوبيين .. وضيف (الدكاي ) .. يعني بالبلدي حاجة كده زي والشربوت في القائمة ( الطلبات خاصة) !!
وسؤال مهم .. اخبار الوصلة... هل لديكم اعتراف ضمني بضرورة تقديم الوصلة ... يعني واحد كمل صحن الطلب !! بندوه حاجة يكمل بيها حنة الرغيف..!!
| |
|
|
|
|
|
|
Re: تم إفتتاح كــافتريا سودانيز أونلاين..مبروووك (Re: ALGARADABI)
|
ALGARADABI
مرحب مرحب
والكفتريا نورت بيك
نحنا عندنا جزء لكل جزء
وناس التدخين والشيشة في الركن الغربي من الكافتريا وفي حتة مفتوحة فيها هواء
ده كلو عشان منو؟؟
مــا عشانكم إنتو
الكولا دي حاجة خطرة جدا بالليمون!!
أول مرة بالسودان هنا في كفتريتنا دي..مش خطيرين؟ تحياتي
| |
|
|
|
|
|
|
Re: تم إفتتاح كــافتريا سودانيز أونلاين..مبروووك (Re: أحمد الشايقي)
|
أحمد الشايقي نورت الكفتريا
والدنيا دي كلها فيها الناس (اتنين اتنين)
وياريت طوالي معانا بي جاي
ودي حتتكم
الكلام ده كلو لي منو؟
مــا ليكم انتو
.. بس إنتو تعالوا طوالي ..وخليكم زباين
ــــــــــــــــــــــــــــــــــــــــــــــــــــــــــــ نعمل علي راحة زبائننا ..ومن معهم
| |
|
|
|
|
|
|
Re: تم إفتتاح كــافتريا سودانيز أونلاين..مبروووك (Re: عصام أحمد)
|
Quote: و(مشكل ) دي قالوا بقت بتخوف ناس الحكومه جدا لانهم سألوا عن (جبهة الخلاص) انها تتكون من منو؟؟؟ قالوا ليهم دي (مشكل )فيها العلماني والاسلامي ...و......و هلمجرا. وهم قالوا عايزين يعرفوا (هلمجرا )ده يل منو؟؟؟ تحياتي. تراجي. |
جيد انه تجاهـــل ردك .. هذا البوست .. يعلم صاحبـه ( لماذا فتحــه ) .. مثل هذا الكلام أرجو أن تذهبي به إلى مكان آخر .. حتى لا تفسدي الروح الودية للبوست
| |
|
|
|
|
|
|
Re: تم إفتتاح كــافتريا سودانيز أونلاين..مبروووك (Re: فيصل نوبي)
|
البتاع يا للي فتحت البتاع فتحك على مقفول لأن أصل البتاع واصل على موصول فأى شئ في البتاع الناس تشوف على طول والناس تموت في البتاع فيبقي مين مسؤول ؟ وإزاي حتفتح بتاع في وسط ناس بتقول بأن هذا البتاع جاب الخراب مشمول لأنه حتة بتاع جاهل غبي مخبول أمر بفتح البتاع لأنه كان مسطول ! وبعد فتح البتاع جابوا الهوا المنقول نكس عشوش البتاع وهد كل أصول وفات في غيط البتاع قام سمم المحصول وخلا لون البتاع أصفر حزين مهزول وساد قانون البتاع ولا عله ولا معلول فالقاضي بتع البتاع فالحق ع المقتول والجهل زاد في البتاع ولا مقري ولا منقول والخوف سرح في البتاع خلا الديابه تصول ويبقي البتاع في البتاع والناس صايبها ذهول وأن حد قال دا البتاع يقولوا له مش معقول وناس تعيش بالبتاع وناس تموت بالفول وناس تنام ع البتاع وناس تنام كشكول آدي اللي جابه البتاع جاب الخراب بالطول لأنه حتة بتاع مخلب لراس الغول باع البتاع بالبتاع وعشان يعيش على طول عين حرس بالبتاع وبرضه مات مقتول
أحمد فؤاد نجم
dear isam mabrouk an aawiz betaa bil al salatta all my love to you if at all possible a glass of red wine mustafa
| |
|
|
|
|
|
|
Re: تم إفتتاح كــافتريا سودانيز أونلاين..مبروووك (Re: سفيان بشير نابرى)
|
يا عصام نحن ناس الضرائب دايرين الاتى: دمعة الجريح دمعة انفلونزاء الطيور بى الطوة دمعة زاد الجقاجق بى البصل المنشف وكان داير تخارج نفسك سريع خت ليك ضلع كبير فى ضهرية العربية لا من شاف ولا من درى. ولو عندك راى تانى بكرة حا اجوك ناس الزكاة واللحوم(الشئون) الهندسية ولا رز لمن افطر.
| |
|
|
|
|
|
|
Re: تم إفتتاح كــافتريا سودانيز أونلاين..مبروووك (Re: ali elhassan)
|
Quote: يا عصام نحن ناس الضرائب دايرين الاتى: دمعة الجريح دمعة انفلونزاء الطيور بى الطوة دمعة زاد الجقاجق بى البصل المنشف وكان داير تخارج نفسك سريع خت ليك ضلع كبير فى ضهرية العربية لا من شاف ولا من درى. ولو عندك راى تانى بكرة حا اجوك ناس الزكاة واللحوم(الشئون) الهندسية ولا رز لمن افطر. |
رائع وانا معاك نص بالنص جقمة بى جقة كمان ياريت لوعصام يزيد عليها شوية فلة ليك السلام والتهانى اخ ... عصام بوست يريح ..........
| |
|
|
|
|
|
|
Re: تم إفتتاح كــافتريا سودانيز أونلاين..مبروووك (Re: عصام أحمد)
|
Quote: و(مشكل ) دي قالوا بقت بتخوف ناس الحكومه جدا لانهم سألوا عن (جبهة الخلاص) انها تتكون من منو؟؟؟ قالوا ليهم دي (مشكل )فيها العلماني والاسلامي ...و......و هلمجرا. وهم قالوا عايزين يعرفوا (هلمجرا )ده يل منو؟؟؟ تحياتي. تراجي.
|
Quote: جيد انه تجاهـــل ردك .. هذا البوست .. يعلم صاحبـه ( لماذا فتحــه ) .. مثل هذا الكلام أرجو أن تذهبي به إلى مكان آخر .. حتى لا تفسدي الروح الودية للبوست تمبس
|
عزيزي الاخ تمبس عزيزتي الأخت تراجي،
تحياتي،
أود أن أوضح فقط:
أخوكم عايش خارج السودان منذ عام 1979 ومسجل غياب عن السودان.. لا أفهم في السياسية السودانية ولا أحب الخوض في مناقشة الأمور السياسية. عندما دخلت على موضوع الأخ عصام كنت أبحث عن زوايا معينة أستريح فيها من هموم الغربة وآلآمها وأتعرف على المزيد من الأخوة السودانيين. وحينما ذكرت في تعليقي بكلمة (مشكل) كنت أعني معناها الحرفي وليس الحركي لأنني ببساطة لا أفهم في اللغة التي تستخدم اليوم. وحسب فهمي بأن الأخ عصام أيضا تجاوزني وقصد عدم الرد على تعليقي لأنه فهمني خطأ.
| |
|
|
|
|
|
|
Re: تم إفتتاح كــافتريا سودانيز أونلاين..مبروووك (Re: Saifeldin Gibreel)
|
الســـادة والسيدات الافاضل شكرا علي تلبيتكم دعوتنا
ونعتزر علي التوقف يوم أمس نسبة لتضامننا مع صحيفة السوداني ضد قرار مجلس السخافة
(إنشاء الله تكونوا جبتوا معاكم سندوتشات؟)
ونبدأ بتلبية طلباتكم ويريت نقدر
...بالنسبة لطلبك أخي عزيز فإنني لم أتجاهله ورددت عليك بإسم (أبو العز) ولم أفهم سوي مــا قصدته أنت ..وإذا أخطأت فلك العتبي حتي ترضي أخي..يمكنك مراجعة تاريخ الرد بجانب المشاركة
كان هذا هو الرد
Quote: مرحب مرحب يا أبو العز
شرفت الكافتريا
يا ولد..يا ولد..واحد عصير مشكل لعمك أبو العز 4 كبابي وما تكسر التلج
|
welyab
مــــــــــــــــــراحب كتار وشرفت الكفتريا وربنا يوصل الأولاد لأهلهم بالسلامة
Quote: واقترح تقديم قائمة المأكولات الخفيفة والسلطات ( الزلطة) على قول اهل الخليج .. التركين!! والاتر.. والكشرنيق.. والكابيدة ضمن الاقتراح يكون قي قائمة الصحن اليومي آخر الاسبوع .. للنوبيين .. وضيف (الدكاي ) .. يعني بالبلدي حاجة كده زي والشربوت في القائمة ( الطلبات خاصة) !!
|
علي العين والراس.. والطلبات الخاصة دي بتلقي عندنا إهتمام خاص ..بس إنت أطلب.وطلبك مجـــاب.
Quote: اخبار الوصلة... هل لديكم اعتراف ضمني بضرورة تقديم الوصلة ... يعني واحد كمل صحن الطلب !! بندوه حاجة يكمل بيها حنة الرغيف..!! |
عندنا وصلة بتاعة فول وشوربة وسلطة بس ..عشان إنت عارف وصلة الحاجات التانية بنخسر...وللا رأيك شنو؟
تحياتي وأأشرب عصيرنا ده وأدينا رأيك
. . . .
سوبـــــاجو:-
شرفت الكفتريا وكنا دايرنك تشتغل معانا حسب رغبتك في العصائر لكن المدير خاف منك
وقال الزول ده لو جا أدوهو منقة عشان كده هــاك المنقة دي:-
منقتنا كيف؟
إدارة الكفتريا
. . . . .
أحمد العربي
مرحب وشرفت الكفتريا
طلبك علي العين والراس
معانا طوالي بي جاي؟
. . . . . .
غادة .. عشان اليوم الأول ملح شايفك جيتينا كتير وشايلة معاك الجك بتاعك ده ..دي المرة الأخيرة كويس ؟؟
othman mohmmadien
أحييك علي عدم إستخدام الكيزان للأسباب التي زكرتها
نحنا زاتنا ما عندنا هنا والما عاجبوا يشرب بالكبابي... يشرب بي يدو
لكن فتشت لزير موية ما لقيت ..ناس قوقل ما عندهم لو لقيت واحد جيبوا بيعوا لينا..بنشتريهو..
كدي جرب المنقة دي
تحياتي
فيصل نوبي
شرفت الكفتريا يا بتاع الكولا
عليك الله الزولة دي ما بتشبه قزازة الكولا ؟
لو بتشبهها أشربها
. . . .
| |
|
|
|
|
|
|
Re: تم إفتتاح كــافتريا سودانيز أونلاين..مبروووك (Re: عثمان حسن الزبير)
|
special present for you ya ism and for your honourable respected guests
***** بريدك .. بريدك .. بعزك وأقبل .. أقبل ترابك .. ترابك محنة .. حنانك رحيقك رحيقك شبابك ... شبابك شهامة .. شهامتك كرامتك.. كرامتك عزيزة .. عزة ترابك .. تسافر .. تهاجر .. تودع سحابك .. سحابك مطيرة .. تخدر تعطر هضابك .. عيونك جروفك .. عيالك قطوفك .. تردد هتافك .. تسالم كفوفك .. حروفك معانى ..كلامك سيوفك .. تحارب تدافع ... تنظم صفوفك ... شيابك تراثك .. تقود لى دفوفك .. نساءك مهيره .. اصيلة وكريمه .. تحاضن تقالد .. تشرف ضيوفك .. افراحك حريرة .. حنة وضريرة .. تلملم شتاتك .. يرجع يشوفك ... احزانك قصيدة .. حنينه وحزينة .. تناجى المشاعر .. تولع فى جوفك .. تنادى ولادك .. بناتك رجالك ... تخاطب خيالنا .. نغير نبدل ظروفك .. أسمك بطاقة .. كبيرة وعريضة .. تزين صدورنا .. تعجب البشوفك ... بريدك .. بريدك .. بعزك .... واقبل .. اقبل .. ترابك ....
اسماء الجنيد / مسق
| |
|
|
|
|
|
|
|