|
Re: أمــدرمان .. ( لا يمكن تبين هويتها .. فهي مسلوبة اللحاء .. وليست حرازة ) (Re: humida)
|
وعن خور ابو عنجة احكي .. فلا الخور صار خوراً ولا تلك الحجارة الصماء صارت بالحجارة .. الدافوري حفيان في نص الخور تشوت الكورة مرة وتشوت الحجر عشرين مرة .. الدم يسيل من الأصبع الكبير بعد الشوتة ضفاري واللجوء لأقرب دلقان أو الدخول لي اقرب بيت من الميدان وتوشك على المطبخ والمنقد ورحلة البحث عن الهبود (الرماد) .. يااااااااااا حولاااااااااااااااا يا ولد مالك الضربك شنو ؟؟ هكذا تسألك جارتكم التي اقتحمت بيتها دون إستئذان وجري تجيب ليك ليمونة أو فتيل الريحة .. الخور حالياً كله الات حفر وترميم فيما نسميه البحيرة ...
شجرة اللالوبة وبنات المتوسطة وهم في الطريق لمدرسة الموردة .. يأتي الحسان من ابي كدوك والعباسية غرب وانت تشرب الشاي بي عيشة وتلبس الردا والفنيلة على طرف الحجر واضعاً فردة السفنجة الظهرية على الحجر ..
اين الان مع مدارس الاساس وإبنة الخامسة عشر تقود معها في سربها طفلة الخامسة ؟؟؟
عوض عيش زول شين شديد لكن سخرية القدر جعلته يعشق الفنانة ماجدة الرومي !!!!!
ابية الكوتش التحفة في ميدان الرابطة يراقب المباراة اسامة يمرر لصديقه حاتم مطر حاتم مطر لي اسامة تاني ويصرخ ابية : يا حاتم بطلوا لي كورة الحسب والنسب دي ..
حاجة الروضة !!!!!!!!!!!!!!!!!!!!!!!!!! وااااااااااااااااااااااااااااه من مديدة الحلبة والبلح عند الحاجة الروضة .. رحمها الله فبعدها صار الشارع يسمى شارع المدايد ..
سمك شعيب !!!!!!!! لا احب السمك ولا اكله طيلة حياتي ولكني دوماً ما اتواجد عند عمك شعيب فهنالك عالم اخر وحياة اخرى !!!!!!
كشك الليمون وسوق الموردة !!!!!!
الريفيرا التي الان يكسوها جمالاً مزيفاً كانت محطتنا ونحن في طريقنا لي فريق ريد وملاعبة فريق القراقير..
بلحجة ابو دقن تشوفوا تقول إمام جامع ولكن إياك ثم إياك ان تخطئ في الكورة فالسب واللعن هو مصيرك وتتبخر هذه الدقن وهذا الوقار ..كللللللو إلا الكورة ..
نادر كتكوت والموتر ..يترك عمله وشغله فقط للحوامة حتى يتأكد من ان الجميع داخل المنزل فاليوم مباراة مهمة لي فريق رابطة ابوعنجة ضد ودنوباي ..
حفلة بي زيدان والعجاج فووووووووووووووووووووق والناس حاتاهو قرض لا في زول طاري عشا ولا في زول طاري كرسي ..
امسيات الفاتح الكوتش وتضرب الفاخر (2*1) وماف احلى من كده !!!! دكان شوت الجنوبي والفول بي زيت السمسم ...
ياخ اقول ليكم حاجة ... امدرمان ..
|
|
|
|
|
|
|
العنوان |
الكاتب |
Date |
أمــدرمان .. ( لا يمكن تبين هويتها .. فهي مسلوبة اللحاء .. وليست حرازة ) | humida | 06-13-06, 03:51 AM |
Re: أمــدرمان .. ( لا يمكن تبين هويتها .. فهي مسلوبة اللحاء .. وليست حرازة ) | tmbis | 06-13-06, 04:56 AM |
Re: أمــدرمان .. ( لا يمكن تبين هويتها .. فهي مسلوبة اللحاء .. وليست حرازة ) | عمر الفاروق | 06-13-06, 05:39 AM |
Re: أمــدرمان .. ( لا يمكن تبين هويتها .. فهي مسلوبة اللحاء .. وليست حرازة ) | Mohamed Abdelgaleel | 06-13-06, 07:07 AM |
Re: أمــدرمان .. ( لا يمكن تبين هويتها .. فهي مسلوبة اللحاء .. وليست حرازة ) | humida | 06-26-06, 09:06 AM |
Re: أمــدرمان .. ( لا يمكن تبين هويتها .. فهي مسلوبة اللحاء .. وليست حرازة ) | ajaj | 06-26-06, 09:35 AM |
Re: أمــدرمان .. ( لا يمكن تبين هويتها .. فهي مسلوبة اللحاء .. وليست حرازة ) | ajaj | 06-26-06, 09:41 AM |
Re: أمــدرمان .. ( لا يمكن تبين هويتها .. فهي مسلوبة اللحاء .. وليست حرازة ) | سيد أحمد خليفة | 06-26-06, 09:52 AM |
Re: أمــدرمان .. ( لا يمكن تبين هويتها .. فهي مسلوبة اللحاء .. وليست حرازة ) | humida | 10-14-06, 09:10 AM |
Re: أمــدرمان .. ( لا يمكن تبين هويتها .. فهي مسلوبة اللحاء .. وليست حرازة ) | خالدة البدوي | 10-21-06, 04:00 PM |
Re: أمــدرمان .. ( لا يمكن تبين هويتها .. فهي مسلوبة اللحاء .. وليست حرازة ) | MaxaB | 10-23-06, 06:44 PM |
Re: أمــدرمان .. ( لا يمكن تبين هويتها .. فهي مسلوبة اللحاء .. وليست حرازة ) | ناذر محمد الخليفة | 10-24-06, 01:05 AM |
بمناسبة عيد الفطر ،أعاده الله علينا وعليكم بالخير | ابي عزالدين البشري | 10-24-06, 03:11 AM |
|
|
|