|
ابـوكـم..هـل لازال هـو نمـيري
|
بكرة يوم 25مايو متذكرين اليوم دة فيهو شنو؟ طيب ..اقول ليكم,بكرة هو اليوم الكانت حكومة مايو بتحتفل فيهو بذكراها.. من سنة 1969م لحدي الان كم سنة ؟ خلونا نحسب 2006ناقص 1969الباقي كم ؟ عشرة سنين ..كضبا كاضب.. عشرين سنا..؟عارفاكم بتقولوا لي كضبا كاضب ..طيب خلوني اقول 25سنة..برضو كضبا كاضب؟ اها.. كم؟! احسبوها براكم..اما انا فكان الاحري بي ان الوذ بالصمت فلا اقول شيئا ولا احسب لها سنواتها .. ليه..؟ يمكن يكون دة من باب اذكروا حسنات موتاكم.. لكن.. والحق يقال ,انني لم اجد كما لم يجد كثيرون غيري لمايو شيئا يواري سوءاتها.. عارفين ليه..؟ لانو مايو صادرت كل شئ جميل حتي احلام الناس وهدمت كل الاشياء الجميلة تحت دعوي التاميم .. دة كلو خلوه ..عارفين مايو عملت شنو تاني..؟! غيرت حتي في الاوراق الثبوتية ..البطاقات والجنسيات والجوازات ..و..هلمجرا كنا صغار في ذلك الوقت لكننا كنا نردد كما يفعل كثيرون حينما يسألون عن ابوهم انه نميري.. ابوكم مين ..نميري حبيبكم مين..نميري تري هل لازال ابوكم حتي الان هو نميري ام ان (الابوات)كترت.. عموما..تذكروا ان (الابوات)جميعها الي زوال.. عفوا ..اقصد.. الي غبار.. *عفوا..سأعود
|
|
|
|
|
|