تلفزيون جمهورية السودان

Re: تلفزيون جمهورية السودان (Re: عبد اللطيف بكري أحمد)
أخ / البشرى سلام وموضوع طويييييييييييل طول الصبر على تلفزيونا المنتظرينو يقدم لينا ما تقدمه القنوات الرسمية لبلادها. يا صديقي تلفزيونا دا لو وزعو أرضو دي خطة اسكانية أخير لينا وليهم. ولي بعض من النقاط:- بظروف البلد طبعا الناس كل يوم في حاجة جديدة: سلام نيفاشا وسلام أبوجا والقمة الأفريقية والقمة العربية وووو يعني التلفزيون بقى زي الطرورة في البحر ما عارفة وين ترسى وتقيف!!! ومرة ثقافة عربية للقمة العربية ولمدة القمة، وثقافة أفريقية للقمة الأفريقية ولمدة القمة، وبعدها الفراق وهكذا ،،، برنامج المنوعات تافه وما فيهو حاجة غير الغنا واستطلاعات مبرمجة على حسب الشيء العاوزنو هم و الأخبار فقيرة وكلها مسروقة من قنوات أو أخبار قديمة وبايتة، ويمكن لحدي الوقت دا ما تلقى يوم كتبوا خبر عاجل بالجمبة كدا! ودا طبعا لأنو جماعتنا المهندسين كلهم غرقانين في المشاكل الشخصية والمناصب الإدارية وووووجزء كبير من أكفاء المهندسين طردوهم للصالح العام! الدعايات ما فيها شيء يذكر غير انها باهتة اللون والمنظر والبتكون دعاية تافهه وواضحة بتلقاها منتجة مصرية! اما النشرات الجوية طبعا كلها تخيلات واوهام مقدمين يعني زي الكتاحة الأخيرة دي مفروض قبل ما تصل الخرطوم يكون أعلنوا عنها ونبهوا الناس ليها مش تلاقينا فجأة او برانا نقدرا!! أما عن المذيعين ومقدمي البرامج فما تقول حاجة! والله كان تخلي!!!! ديل ما مذيعين ولا حاجة ديل بس ينفعوا نجارين وسفرجية، أما المذيعات فديل ستات الشاي مع أحترامي لهن، اخير منهن بمراحل - بشاشة ورحابة! بالله عليك شوف اماني ع. ا. وفاقع اللون والبدرة ممكن تشيل من الشاشة وهي بتزيع! جمود ما بعدو جمود(صنم)، وموصينها لو غلطت ما تعرف تصلح الغلط! بالله عليكم كلموهم قولوا ليهم شوفوا النشرات في ال mbc و في قناة دبي! نشرة الأخبار متعة وخفة دم وروح جميلة بين المذيعين ( والله أمس زوجتي قالت: نحنا كل يوم نشوف أخبار دبي والmbc ) وبتاع الرياضة داك ( الجعفري) والا (كمال حامد) الفاكر نفسو (DAN RADER) والله دا انتقام من المشاهدين!!! وكوثر بيومي خلاااااص دي المتعلمة فيهم وستها! وخيمتها دي الا ناس حلمنتيش البقوها ليها سمحة وناس سند. عارفين ربنا خلقنا كدا ولكن ما هي المعايير التي يتم بها اختيار المذيع ؟؟؟ والله دا سؤال مدير التلفزيون ما يرد عليهو! ديل مذيعيين ومقدمين برامج لا خلقة لا دراية لا خبرة لا فصاحة لسان، بس شيء مبرمج يقعد يقول الحفظوهو ليهو ويمشي. أما نجاح البرامج وما شابه من هذه الأشياء فهذا موضوع لا أهمية له! وأما بتاع الطب يوم الجمعة دا فكوموا براهو (مامون حميدة) دا لو ناس التلفزيون صحي عاوزين ومهتمين بالجهاز دا مفروض ولا ضيف ما يجي لأنو دا شخصية معروفة بالجشع والبرود وما اظن إنو ما في واحد عارف المعلومة دي! ووالله زمن عمر خالد كنا نصحى ونتجهز للبرنامج زي صلاة الجمعة! والله يا صديقي ما يقوله الأستاذ عمر خالد من أبيات شعر براهو يعالج خليك من طلتو علينا! ومرة في برنامج مستضيفين فيهو وليد زاكي الدين!!!! هو متين قلع لمن يعملوا ليهو برنامج وذكريات وووو( هذا زمانك يا مهازل فأمرحي وتجدعي). وبرضو في برنامج بتاع من الأمس! والله دا ما من الأمس! دا برنامج (نحنا في الأمس) دي مزيعة أختاروها كيف؟؟ والأختارها منو؟؟؟؟ وشنو مؤهلاتها وشنو وشنو وشنو وكمان بتضحك !!! والله كثيرا ما أرجح أنها بتضحك علينا نحنا!! القاعدين نشوف فيها! وطبعا لمن نشوف حلمة اضانا ونلحس كوعنا يمكن يوم يقدم التلفزيون برنامج زي نجم الخليج أو برنامج زي العندليب من يكون؟ أو برنامج (كلام نواعم أو آدم ) اليوم داك بكون لمن يكون في قناتنا مذيعة زي داليا البحيري!! وما تقولوا بقينا نشاهد برنامج تافه! دي برنامج مليانة أشياء نحن والناس الفي بلدنا بعيدين عنها وهي برنامج ما في ليها إدارة في تلفزيونا العتيق دا! دي برامج بتقدم مكاسب مادية وجمهور ووووووو!وأوكد ليكم بأننا نحنا في السودان مهتمين بيها أكتر منهم. يا صديقي الم أقل لك أن هذا موضوع طويييل وبصراحة يدي وجعتني من الكتابة! وصدق المرحوم عوض دكام حين قال: (هاك صلح لي ال.....دا) يمكن أرجع ليك تاني هشام (عدل بواسطة Hisham Ibrahim on 05-16-2006, 08:14 AM)

العنوان	الكاتب	Date
تلفزيون جمهورية السودان	Mohamed Elboshra	05-14-06, 10:15 AM
Re: تلفزيون جمهورية السودان	عبدالغفار محمد سعيد	05-14-06, 10:38 AM
Re: تلفزيون جمهورية السودان	banadieha	05-14-06, 12:15 PM
Re: تلفزيون جمهورية السودان	Mohamed Elboshra	05-14-06, 12:56 PM
Re: تلفزيون جمهورية السودان	banadieha	05-15-06, 01:27 AM
Re: تلفزيون جمهورية السودان	Mohamed Elboshra	05-15-06, 06:53 AM
Re: تلفزيون جمهورية السودان	عبدالغفار محمد سعيد	05-15-06, 10:28 AM
Re: تلفزيون جمهورية السودان	Mohamed Elboshra	05-15-06, 01:27 PM
Re: تلفزيون جمهورية السودان	نيازي مصطفى	05-15-06, 03:09 PM
Re: تلفزيون جمهورية السودان	banadieha	05-16-06, 03:11 AM
Re: تلفزيون جمهورية السودان	على محمد على بشير	05-16-06, 03:35 AM
Re: تلفزيون جمهورية السودان	banadieha	05-16-06, 03:49 AM
Re: تلفزيون جمهورية السودان	عبد اللطيف بكري أحمد	05-16-06, 05:24 AM
Re: تلفزيون جمهورية السودان	Hisham Ibrahim	05-16-06, 08:12 AM
Re: تلفزيون جمهورية السودان	شول اشوانق دينق	05-16-06, 01:36 PM
Re: تلفزيون جمهورية السودان	Mohamed Elboshra	05-17-06, 01:46 PM

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]