كتب الكاتب الفاتح جبرا المتوفرة بمعرض الدوحة
|
Re: لماذا لم يرحب منتدى (سودانيات) بالأخ محمد جمعة ؟؟؟؟ (Re: علاء الدين يوسف علي محمد)
|
الطالب أبو كرفتة
البذاءة وقلة الأدب والدعوة إلى مكارم الأخلاق والتمسك بالدين (كما تحاول أن توهمنا) لا تجتمع في شخص واحد.
وبذاءاتك وقلة أدبك دي ياها الجابت ليك الطراوة مع كوستاوي وكبيت الزوغة لمن الزنقة حصلت. حاولت عدة مرات أن لا أرد عليك لأنك بذي ولسانك زفر
لكن من هنا ورايح الحشاش يملا شبكتو.
وسلم لي على حنتوب
إنت صورتك الخايف عليها مالك شلتها.
أوعي يكون سرقوها جكس البورد.
بعدين ترلاتك ديل خلاص خلصوا لعب في بوست المد الكيزاني. سوقهم لمهم وخليهم يغت..........
| |
|
|
|
|
|
|
Re: لماذا لم يرحب منتدى (سودانيات) بالأخ محمد جمعة ؟؟؟؟ (Re: shammashi)
|
شماسي
Quote: فتى العرب هيكل
شايفك خليت لغتك العربية الفصحى وبقيت تكتب زينا بالدارجي.
بعدين داير أقول ليك حاجة أنا زمان قلت البوست حقق الغرض العملناهو من أجلو عشان كدا خليتو ليكم تلعبوا فيهو إنت وكبير دبابي كدايس الميتافيزيقيا.
وثانيا البيت ما عليهو خوف من أمثالك وأمثال ناس حاج نور ودكتور المشرف باعتبار أن هنالك رفقاء لك يمكنك تبادل الأدوار معهم يا شطوري. |
طيب إنت ما أهو بتفهم برضو و عرفت إنو أنا قاصد باقتباسك الخاتيهو لينا في أعلى الصفحة دي بوستيك الشردت منو داك ، و لا عايز تعمل فيها مسكين تاني و تفصل ليك واحد ، أصلك بقيت جنك و بكا و اشتكا. شماسي والله أنا لو في مكانك تاني ما أدق كيبورد ياخي أرحم نفسك مدام مافي زول معبرك عليك الله هسي قول لي إنت بتكتب لي شنو و تفتح ليك مواضيع أكان ما قدرها و الله العظيم أنا أكتب لي موضوع ما يجوني فيها ناس مرة مرتين تاني ما أكتب أصلو ودي البقت عليك بس كمان بقيت مباري بوستات الناس و تشتم دة و تداقر دة و تشكي دة لكن برضو خليك التسلية حلوة
| |
|
|
|
|
|
|
Re: لماذا لم يرحب منتدى (سودانيات) بالأخ محمد جمعة ؟؟؟؟ (Re: A.Razek Althalib)
|
هيكل
طيب إنت جيتني في بوستي ليه وللا ما معتبر نفسك بني آدم
الحمد لله العرفت نفسك.
لكن عليك الله دايرين لينا صورة بالجلابية القلت قاعد تعتز بيها دي. وممكن تلبس الكرفتة فوق الجلابية ما مشكلة.
أبو كرفته نمبر 2
إنت يازول راميك جمل. اسي الجاب سيرة محمد حامد جمعة منو؟؟؟ ننزلك هنا؟؟؟؟؟.
بعدين إنتو طالما إيقاف ود الشيخ غايظاكم كدا ما كان تعملوه عدم قلة الأدب وتتعلموها لنفسكم.
| |
|
|
|
|
|
|
Re: لماذا لم يرحب منتدى (سودانيات) بالأخ محمد جمعة ؟؟؟؟ (Re: A.Razek Althalib)
|
Quote: مرددا النظرية المثالية التي تقول بأن المنتديات الديمقراطية ينبغي عليها أن تتجنب الممارسات الإقصائية التي هي ديدن النظم الشمولية التي يرمز لها الأخ محمد جمعة.
|
الحبيب : قرض حلوة اقصائي دي
كلكم اقصائيون انتم وهم
ماذا نسمي من ذبح الضباط في قصر الضيافة؟
ماذا نسمي من ضرب الجزيرة ابا بالطائرات؟
اليس هم الشيوعيون القدامي والمتبطلون الجدد؟
يا جماعة........... يا جماعة...كبروا عقولكم وبلاش فضائح وبلاش ارتهان لحساسيات الماضي، لاننا نحن في زمن الراي والراي الاخر، نحن في زمن المساحات الحرة، نحن في زمن (الراي) نحترمه مهما كان مصدره وبيننا وبينه الجدال بالحقيقةوقديما قال قدامي المتصوفة( اهل الطريقة اهل الحقبقة )
| |
|
|
|
|
|
|
Re: لماذا لم يرحب منتدى (سودانيات) بالأخ محمد جمعة ؟؟؟؟ (Re: shammashi)
|
شماشي :
Quote: بعدين إنتو طالما إيقاف ود الشيخ غايظاكم كدا ما كان تعملوه عدم قلة الأدب وتتعلموها لنفسكم.
|
ممكن داويك بي التي كانت هي الداء وكلامك ده مش يشوتك برة المنبر لالالالالا ده يشوتك برة الخور وأرجي الراجيك طالما جابت ليها كلام زي ده ..بس أبقا قدرو وما تنكرو بعدين ..ونقول ليك مع السلامة من أسة يا شماشي لأانو غحتمال كبييييييييير تتفصل .. أها مع السلامة وأمشي جهز ليك أكاونت في اي منبر تاني..
| |
|
|
|
|
|
|
Re: لماذا لم يرحب منتدى (سودانيات) بالأخ محمد جمعة ؟؟؟؟ (Re: علي محمد علي)
|
شماسي..
Quote: بعدين إنتو طالما إيقاف ود الشيخ غايظاكم |
تعرف إيقاف ود الشيخ ما غايظنا.. ؤبث... الغايظنا كمان وجودك وأمثالك... ومن لا يؤمن بالحوار والعمل الديمقراطي.... ولا حتى الثقافي... وبيطالب بيهو... يا أخي فاقد الشيء لا يعطيه... شفت كيف...؟
Quote: ما كان تعملوه عدم قلة الأدب وتتعلموها لنفسكم |
والله قلة الأدب عند الشماسة.. جينا نتعلما منك... بتعرفهم الشماسة الإنت شايل إسمهم... ولا لع... ونحمده على الأدب.. الفينا..... والمابينا يشرب من موية البحر المالحة..
وفي حاجة تانية... قلنا نتعلم منك شوية قلة منو...
لزوم الطوارئ للزيك.. كده..
قلت شنو...
يا...
شماسي...
| |
|
|
|
|
|
|
Re: لماذا لم يرحب منتدى (سودانيات) بالأخ محمد جمعة ؟؟؟؟ (Re: محمد الامين محمد)
|
كتب محمد الأمين أحمد:
Quote: علي كل حال مرحبا بالزول لو كان كوز ممكن يتعلم الديمقراطيه من هنا علي قرار من تبع قوم اربعين يوم |
يا محمد .. الكيزان ما ممكن يتعلموا الديمقراطية و لو عاشروا القوم أربعون دهرا ... ذلك لأن فكرهم و أيدلوجيتهم قائمة على مبدأ الشمولية التي لا تعترف بالآخر و دونك تجربة الإنقاذ التي فصلت و شردت و أقصت ... و طبعا فعلت كل ذلك و أكثر بعد أن تآمرت على الديمقراطية و قتلتها في يونيو 89...
بعدين أنا شايف الكيزان إتلموا هنا زي الضبان ... خايفك تكون واحد منهم !!! و صدقني يا محمد لو كنت أنا لا سمح الله كوزا أو حتى أضان كوز ، صدقني كنت أقمت على نفسي إقامة جبرية لا تتعدى حدود غرفة النوم و المستراح !!! و حتى المستراح ممكن أستغنى عنه بأكل المواد المجففة زي رواد الفضاء !!!! ياخي ما كفاية سيرتهم المريرة و البلاوي العملوها للوطن و المواطنين ؟؟؟؟؟ هل في حياتك سمعت أن السوداني ، أي سوداني ، ممكن يكون مجرم حرب و يطالب المجتمع الدولي بمحاكمته في لاهاي ؟؟؟؟ دي آخر بلاويهم يا محمد !!!
| |
|
|
|
|
|
|
Re: لماذا لم يرحب منتدى (سودانيات) بالأخ محمد جمعة ؟؟؟؟ (Re: محمد ابراهيم قرض)
|
Quote: هون عليك أخي ناذر .. كان فقط يود تذكيركم بالفكر و الأيدلوجيا التي تآمرت على الديمقراطية و أطاحت بهافي يونيو 1989 ... و قطعا لا دخل لشخصكم في ذلك الأمر |
وأنا مالي ومال الأيدلوجيا دي ؟؟؟؟؟؟؟؟؟؟؟!!!!!!!!!!!!!!!! وفي زول قاليهو أنا نسيت عشان يجي يذكرني ؟؟!!! يا خي والله في ناس هنا بتكلموا كلام خارم بارم ساكت وينطوا من طرف يدون ما يعرفو حايتشعلقوا وين ..
في بوست أنا نزلنوا قبل شوية إسمو الزول دا حقو يفصلوهو ........ بالله كاتب الكلام دا يمشي يقراهو عشان يصنف نفسو في ياتو جماعة من الأنا ذكرتهم ..
يا إبراهيم .. الزول دا ما ممكن يفسر براهو ؟؟!!! ولا كمان لو فوضك خلي يقول ....
حاجة غريبة والله !!!
| |
|
|
|
|
|
|
Re: لماذا لم يرحب منتدى (سودانيات) بالأخ محمد جمعة ؟؟؟؟ (Re: محمد ابراهيم قرض)
|
يا جماعة! ما معقوله! صوتكم جايب آخر الشارع! انتو رايحة ليكم شكلة ولا شنو؟ يعني صاحب البوست والمعني بالبوست ما اتشاكلوا قدركم! يالله اتسامحوا واتقالدوا، في النهاية احنا اخوان، وسودانيين، لا بتفرقنا احزاب ولا انتمائات، ده كله كلام فارغ إذا في النهاية بيخلينا نبقى كده و ننهنش في بعضنا!
اخزوا الشيطان وماتنسوا انتو مثل لناس كثيره بتابعكم....
| |
|
|
|
|
|
|
Re: لماذا لم يرحب منتدى (سودانيات) بالأخ محمد جمعة ؟؟؟؟ (Re: عزاز شامي)
|
كتبت عزاز شامي ..
Quote: يا جماعة! ما معقوله! صوتكم جايب آخر الشارع! انتو رايحة ليكم شكلة ولا شنو؟ يعني صاحب البوست والمعني بالبوست ما اتشاكلوا قدركم! يالله اتسامحوا واتقالدوا، في النهاية احنا اخوان، وسودانيين، لا بتفرقنا احزاب ولا انتمائات، ده كله كلام فارغ إذا في النهاية بيخلينا نبقى كده و ننهنش في بعضنا!
اخزوا الشيطان وماتنسوا انتو مثل لناس كثيره بتابعكم.... |
العزيزة عزاز .. أولا أسفي الشديد لأنني خاطبتكم من قبل بصفة المذكر أبو شنب و ليس بصفة المؤنث أم طرحة و توب
و أنا حزين مثلك تماما لأن بوستي الذي كتبته وحدي و طبعته وحدي و لن أقرأه بالطبع وحدي قد إنقلب لساحة من المشاحنات الملاسنات التي لا يجب أن يستحي الجميع منها و بالتالي يكف عنها و يتجنب التمادي فيها ... لكن ما باليد حيلة يا عزاز ... و لكم احترامي و تقديري ...
| |
|
|
|
|
|
|
Re: لماذا لم يرحب منتدى (سودانيات) بالأخ محمد جمعة ؟؟؟؟ (Re: محمد ابراهيم قرض)
|
العزيز محمدابراهيم قرض الاخوة والاخوات المتداخلين اسعدالله ايامكم واوقاتكم بكل الخير والبركة اذا كان ادناه كتبه الاخ محمد حامد جمعة
Quote: يا جماعة حبا فى الله ... ممكن تنصرفوا للنقاش بهدوء وبتروى وبعيدا عن بعض الشطحات والعاب الهواء التى لا تنتج سوى الانتطاح بين الكبير والضغير ودا مضر بالبوست واسم البوست وكل موضوعو |
اذن السؤال موضوع البوست قائم؟؟؟؟؟؟؟ عايز اعرف الشكل الجديد لدكتاتورية الفضاء ونحن لم نتخلص من دكتاتوريات الارض؟ لكم جميعا تحياتى
| |
|
|
|
|
|
|
Re: لماذا لم يرحب منتدى (سودانيات) بالأخ محمد جمعة ؟؟؟؟ (Re: هشام مدنى)
|
كتب هشام مدني:
Quote: العزيز محمدابراهيم قرض الاخوة والاخوات المتداخلين اسعدالله ايامكم واوقاتكم بكل الخير والبركة اذا كان ادناه كتبه الاخ محمد حامد جمعة
Quote: يا جماعة حبا فى الله ... ممكن تنصرفوا للنقاش بهدوء وبتروى وبعيدا عن بعض الشطحات والعاب الهواء التى لا تنتج سوى الانتطاح بين الكبير والضغير ودا مضر بالبوست واسم البوست وكل موضوعو
اذن السؤال موضوع البوست قائم؟؟؟؟؟؟؟ عايز اعرف الشكل الجديد لدكتاتورية الفضاء ونحن لم نتخلص من دكتاتوريات الارض؟ لكم جميعا تحياتى |
الأخ الصديق هشام: الموضوع كله يتعلق بالكيزان الذين أفسدوا و قتلوا ديمقراطية الأرض و الآن يريدون تكرير نفس السيناريو على ديمقراطية الفضاء ... لذلك لا بد من الإنتباه و الحرص و عدم الإنسياق للعاطفة ديل ناس (سوسة) يا هشام ما يدخلوا مكان و إلا نخروه حتى العظم ...
| |
|
|
|
|
|
|
| |