|
هولنديه ميه الميه
|
ما خواجيه... بس هولنديه تشوفها... تقول وحاتك انت جنيه خشيمها الاحمر قعر بتيخه صيفيه عويناتها زرق يوجا بق حبر مكي وجيها الابيض الرويان... لا ديانا لا امبي جضيماتها... سيبن ساكت ... احي... واااخ... ويا ربي اقول ليها هاي...ولا اتز باد... ايام ماد
دحين يا اخواني...اسوي شنو!! عيشتي بقت عيشت السواد عمري دا كلو قاعد انقر... الف احمر... لا وداد لا سعاد
اعاين لي زولتي ساكت... تعاين لي وتتبسم حلات البسمه في خشيمها...اتقول بلسم
اتروجل...اقرب ليها وهاك ياهاي واجفل لي غادي يجيني الرد... هاي هاي اقرب اقع اتكسر واقول للدنيا باي باي اتاريني خفيف... اخف من الريشه وقليبي رهيف... تقول جمرة الشيشه
افتش للكلام ما عارف اقول وط نقرب مني كتير الاقي نفيستي تزحف زحيف البط
تجيني شجاعه من وين ما بعرف رويحتي جات تطلع وكلي قاعد ارجف
قايتو ما بعرف الكاتل الله والحي الله اتبسملتا واستقفرتا اتشهدتا ليك يا الله
اتنحنحتا وسالتها... وط يور نيم؟ استنيت الاجابه... ظنيت الاسم ريم وكحلتا لي داون... اتزكرتا شدر النيم قلو الشدر القلاد فوقو السمغ السمغ المسيخ داك حاشاها دا خشيمها فيه استيم
دو يو سبيك انقلش؟ ناي. وط؟ سالتها بي اخر نفس فضل هي ال نو عندكم ناي؟ تعالي يا يمه شوفي العجن... وشوفي ال ناي زمان سويتها في روحي براي وشوفي يا يمه ال واي البقت اي تعالي با يمه الغزال بقول لي ياي
طيب يا فلة روحي... براحه علي
اسم الكريمه منو؟ اك؟ ماي نام؟ ماي نام از نارمينا. نارمينا؟ ااه من نارك ومن مينا حليلك يا ابوي الكتا لامينا يا المتا وما شفتا الحصل لينا
طيب يانار قلبي اديني دقيقه اتنفس واشوف روحي واتحسس دقيقه اتنفس
|
|
|
|
|
|
|
العنوان |
الكاتب |
Date |
هولنديه ميه الميه | Fadel Alhillo | 02-17-05, 09:52 AM |
Re: هولنديه ميه الميه | Raja | 02-17-05, 10:16 AM |
Re: هولنديه ميه الميه | Fadel Alhillo | 02-17-05, 10:42 AM |
Re: هولنديه ميه الميه | luai | 02-17-05, 10:32 AM |
Re: هولنديه ميه الميه | Fadel Alhillo | 02-17-05, 10:52 AM |
Re: هولنديه ميه الميه | Ahmed Omer | 02-17-05, 11:38 AM |
Re: هولنديه ميه الميه | Fadel Alhillo | 02-17-05, 11:59 AM |
Re: هولنديه ميه الميه | alfatih | 02-17-05, 12:33 PM |
Re: هولنديه ميه الميه | Fadel Alhillo | 02-17-05, 01:41 PM |
Re: هولنديه ميه الميه | Fadel Alhillo | 02-17-05, 04:01 PM |
Re: هولنديه ميه الميه | Fadel Alhillo | 02-18-05, 04:24 AM |
Re: هولنديه ميه الميه | Fadel Alhillo | 02-19-05, 04:38 AM |
Re: هولنديه ميه الميه | Mayada | 02-21-05, 04:41 AM |
Re: هولنديه ميه الميه | سارة حمزة | 02-21-05, 09:44 AM |
Re: هولنديه ميه الميه | yasir Abdelgadir | 02-21-05, 01:04 PM |
Re: هولنديه ميه الميه | Fadel Alhillo | 02-21-05, 03:42 PM |
Re: هولنديه ميه الميه | Fadel Alhillo | 02-23-05, 01:37 AM |
|
|
|