كتب الكاتب الفاتح جبرا المتوفرة بمعرض الدوحة
|
الحصــة تسميـع وجلــد نضــيف !!!
|
على غرار الضوابط والقوانيين الجديدة التي ستحكم البورد .. و ردود الافعال التي صدرت وستصدر .. جالت بخاطري تلك الايام المدرسية الجميلة .. التي نتمنى دائماً ان تعود ولو للحظات حتى نشتكي لها ما فعل بنا الدهر من مصائب ومحن في هذا الزمان .. وذلك التمرد العفوي الذي يقابل بصرامة وحسم شديدين سوا من مشرف الفصل ( ابو الفصل ) او من حضرة الناظر بنفسه من خلال السيف المسلط على رقاب التلاميذ (الالفة) بفتح الالف واللام وليس بسكرها حتى لتصبح وحشة بعكس لفظ الإِلفه ..
أها يا أخوانا شنو ليكم الالفة (....) بقول ليكم الناظر (سيد الحوش) بقول .. تنبيه/لفت نظر لمرة واحدة بعدها فصل نهائى اي زول يقفل خشمو بالشمع الاحمر والإساءت والنبذ قطع ناشف طوالي مافي هظار .. اي زول يتكلم يخلوه يكمل كلامو للاخر والبقاطعو ينقطع لسانو للأبد .. وأي زول يفتح خشمو طوالي يسجلوا اسمو في اللسته لبطش الناظر والناظر بنفسو اليومين دي حايم شخصياً في الفصول و حوش الطابور يتفقد الطلاب يشوف من البكايد للتاني والعنصري فيهم منو وخصوصاً ناس الشلليات والبدسوا السم في الدسم للناس ولسان حاله يقول الضرب ينفعهم و العلم يرفعهم عشان التمرد الحاصل قال في الفصول في الايام الفاتت دي ما كفانا حق الـ 22 سنة كمان جاءنا دور الطلبة/ات، والله لفت نظر وبعد كدا طوالي تقوم تجيب ولي امرك عشان يجي يستلم خطاب فصلك النهائي بدون تراجع و لا وساطه .. والواسطة قالوا ثلاثة انفار يكون مشهود ليهم بالصدق والامانة والطالب الجديد يسجل اسمو رباعي عشان بعدين ما يقعد يتلولو ودا كلام سليم عشان بكون معروف هو منو وولد منو وبالتالي يسهل الاتصال بولي امره خصوصاً ناس الفصل العنصري تبع الفصول المسائية عشان الفصل دا بالصباح بتكون مشاكلو كثيرة .. واها اقول ليكم .. الحاضر يكلم الغائب وفيما يلي اليكم نص البيان مرة أخرى للتذكير عشان مافي زول يقولوا ليهو سمع يقول انا ما كنت حاضر: Quote: اخى الحبيب اختى الحبيبة لقد تم وضع هذه القوانين والشروط ليتمكن كل مشترك من الاستفادة من المنتدى السودانى للحوار بالشكل الأمثل والتواصل بحوار ديمقراطي -بناء يتناسب مع أهداف الموقع وتوجهاته وهى خدمة قضايا السودانيين و السودان فى الداخل و الشتات ؟؟؟؟والعضوية تتطلب منك الموافقة على هذه الشروط والالتزام بها لتتمكن من الكتابة بحرية لا تتعارض مع حريات الآخرين ولا تخالف قوانين المنتدى. 1-يمنع استخدام الألفاظ البذيئة من سب أو طعن أو تكفير .....تنبيه/لفت نظر لمرة واحدة بعدها فصل نهائى 2-احترام الرأي الآخر وعدم التهجم على الأعضاء بأسلوب غير لائق .....تنبيه/لفت نظر لمرة واحدة بعدها فصل نهائى. 3-الالتزام بالآداب العامة والعادات والتقاليد السودانية .....تنبيه/لفت نظر لمرة واحدة بعدها فصل نهائى. 4-مراعاة الاحترام المتبادل بين الأطراف المشاركة في الحوار ، وعدم ذكر الألفاظ البذيئة ، وعدم التنابز بالألقاب، مع التأكيد على اختيار العنوان المناسب للموضوع بعيدا عن الاستفزاز 5- يمنع إعادة نشر مواضيع محذوفة سابقا أو مخالفه لقوانين المنتدى .....تنبيه/لفت نظر لمرة واحدة بعدها فصل نهائى 6-يمنع الدعاية لمواقع تخل بإحدى بنود قوانين المنتدى .....تنبيه/لفت نظر لمرة واحدة بعدها فصل نهائى 7-احترام حقوق الناس الفكرية عند النقل آو الاقتباس وذلك بوضع اسم المؤلف إذا كان معروفا آو وضع نقاط بين قوسين (....) إذا كان المؤلف غير معروفا... وذلك حتى لانهضم حقوق الآخرين الأدبية. .....تنبيه/لفت نظر لمرة واحدة بعدها فصل نهائى. 8-يمنع كتابة المواضيع الإباحية و الدعاية لها في هذا الموقع..... فصل نهائى 9-الابتعاد عن المهاترات وإثارة المشاكل بين المشتركين .....تنبيه/لفت نظر لمرة واحدة بعدها فصل نهائى 10-يمنع منعاً باتاً نشر عناوين فاضحة آو صور أو رسائل خاصة لا تتناسب مع الآداب العامة ..... فصل نهائى 11- يمنع منعا باتا نشر المواضيع آو مشاركة الأعضاء في آي موقع آخر بدون الرجوع آلي آمين الموقع آو صاحب الموضوع 12-يمنع منعا باتا استخدام نظام الرسائل الخاصة في أي عمل ممنوع من سب أو شتم أو ابتزاز أو تهديد .. الخ .....تنبيه/لفت نظر لمرة واحدة بعدها فصل نهائى 13-على العضو توجيه ملاحظاته آلي آمين الموقع عند وجود تجاوز من قبل الأعضاء عبر البريد الإلكتروني، ويمنع منعا باتا توجيهها في المنتديات الأخرى .....تنبيه/لفت نظر لمرة واحدة بعدها فصل نهائى 14- يمنع الدعاية التجارية بدون آذن مسبق آو الاتفاق مع إعلانات سودانيز اون لاين .....تنبيه/لفت نظر لمرة واحدة بعدها فصل نهائى 15-نقل مواضيع/مداخلة/ايميل/....الخ من شخص غير عضو بالمنبر او من منبر اخر تشوه/تصور/تدين/....عضوا بسودانيزاونلاين سوف يفصل صاحبها بدون انذار او تنبيه 16-السماح لشخص غير عضو/ة بالمنبر فى ان ينشر/يشارك مستخدما حساب عضو/ة بالمنبر بعلمه سوف يفصل صاحبها بدون انذار او تنبيه.... فصل نهائى 17-سوف نحذف كل مشاركات العضو/ة و تعطيل عضويته فى حالة اعلانه فى المنبر عن استقالته لى سبب ...لما تسببه هذه الاستقالة من بلبلة و احباط لبقية الاعضاء . في حالة تعرضك لأي نوع من أنواع الظلم في هذا المنتدى عليك مراسلة المشرف العام للموقع وذلك على الإيميل [email protected] .... مخالفتك لأحد هذه القوانين و اللوائح يعرض العضو لسحب العضوية بعد ارسال تحذير اولى ....كما سيقوم المشرف العام بحذف أي موضوع لا يتناسب مع قوانين المنتدى..كما يحق لادارة الموقع سحب العضوية من اى عضو/ة تحس/تشك ادارة الموقع بانه يشكل خطورة على الموقع و اعضائه بدون سابق انزار . تدعو ادارة سودانيزاونلاين جميع الوطنيون/ت و الشرفاء/ت الى مساعدتها وذلك بتنبيها فى حالة تجاوز اى عضو/ة للائحة عبر البريد اعلاه وذلك لعدم تواجدنا بصورة مستمرة و يومية سوف تسرى هذه القوانيين من يوم 10 فبرائر 2005 ادارة سودانيزاونلاين 26 ينائر 2005 |
قبل لفت نظري أو فصلي نهائياً من الخدمة حالي حال الهواتف الجواله (الموبايل)، ارجو ان يكون كلامي أخف عليكم من الظل وهذا فقط من باب الدعابة ليس الا، اودع فيها معكم الايام الاخيرة قبل تنفيذ القوانين والاحكام الجديدة التي تحكم وطننا الصغير .. كفانا الله واياكم شر لفت النظر أو حتى الفصل النهائي .. الا يكفي الكفــيل وما شابه ذلك .. من جدارات للفصل .. لووووووووول ..
ختاماً .. هذه القوانين والاحكام التي تحكم منبرنا الوطن الشامخ .. ولكم الود وكل الاحترام .. كذلك لكم العتبي
ســأعــــــــود اليكــــم ..
|
|
|
|
|
|
|
|
Re: الحصــة تسميـع وجلــد نضــيف !!! (Re: waleedi399)
|
Quote: اي زول يقفل خشمو بالشمع الاحمر والإساءت والنبذ قطع ناشف طوالي مافي هظار |
يعني يا ولي قطع ناشف .. الواحد تاني ما يهظر خالس خالس .. ولا أقول ليك حقو الواحد ينتقم في اليومين الجايات ديل .. عشان بعد كده يقفل خشمو بالضبة والمفتاح ..
| |
|
|
|
|
|
|
Re: الحصــة تسميـع وجلــد نضــيف !!! (Re: المكاشفي الخضر الطاهر)
|
المكاشفــي ..Quote: غايتو ياوليد انت يا كنت ألفا يا كانو بيجلدوك كتير يا تا فيهن ؟ |
انا كنت الناظــر ذاتــو .. رأيك شــنو؟؟؟ بس ما سيد الحوش .. سيد الحـوش كان عـم اسماعــيل عشان كان عندو عنقريب بالجلد .. بختو في نص حوش المدرسة.. بعد درس العصر .. ويرقد ينوم ولا سـأل في اي زول حتى ناظــر المدرسة كان مبسوط من المشهد دا
| |
|
|
|
|
|
|
Re: الحصــة تسميـع وجلــد نضــيف !!! (Re: سجيمان)
|
Quote: والرجال اللاصقين في نسوانهم يخصوهم وبعدين يجضموهم.... |
كمان جاءنا التلصق .. شوف جنس التلصق دا الله يكفينا شر التلصـق .. هسع شوق الصاد لاصقه في القاف دي كيف بس ما قلت لي ديل منو البتلصقو في نسوانهم ديل؟ بعـد نعرف بعدين نقوم نجضمهم !!!
| |
|
|
|
|
|
|
Re: الحصــة تسميـع وجلــد نضــيف !!! (Re: waleedi399)
|
Quote: بالله انت من زمن عـــبود .. وانا اقول الشبه دا شايفوا وين.. |
إنت قاصد حدائق عبود الفي بحري مش؟؟؟وانا اقول اتلاقينا وين !!! بالله الزول الكان لابس قميص فراشات وبنطلون بنفسجي وخالط البت اللابسة بلوزة صفرا واسكيرت ليموني ده انت .. سبحان الله ياخ البورد ده ضيييق خلاص
| |
|
|
|
|
|
|
Re: الحصــة تسميـع وجلــد نضــيف !!! (Re: عمر الفاروق شيخ الدين)
|
Quote: إنت قاصد حدائق عبود الفي بحري مش؟؟؟ |
ابوعـمير .. هـي حدائق عـبود هسع ودوها بحـري .. تخيل في زمنو كانت في امدرمان .. الكلام دا قبل ما اطلع من السودان
وبعدين الجكساية دي البرتقالة ولا شنو .. ليموني واصفر كمان .. دا جايه من وين ما تجيب لينا الهواء الله يهديك .. كفــانا
| |
|
|
|
|
|
|
Re: الحصــة تسميـع وجلــد نضــيف !!! (Re: waleedi399)
|
وليد اخوي كيف حالك انا قلت لي سيد الحوش انت رب الاسرة ووالدنا ونحن بنطيع اوامرك وبننفذه . . بس في حاجة لفت نظري ، انا عمري ما شفت رب الاسرة (الوالد) بيكتب قوانين وضوابط ويعلقها في الصالون ولا الحوش ويقول لاولادة اقروه واياكم اياكم واحد يكسر ولا يتجاوز القوانين دي ، الاب بيعالج اخطاء ابناءه حسب متطلبات الوضع والمشكلة وحجمها . والمؤمن كيس فطن ، والحكمة ضالت المؤمن . ولذة وعظمة المنبر في صراعها ومناكفاتها .
| |
|
|
|
|
|
|
Re: الحصــة تسميـع وجلــد نضــيف !!! (Re: حمزاوي)
|
حمـــزاوي ..
لك الود والتحية .. والتحية لك ايضاً على مـرورك بالبوســـت القوانيين عند رب الاســرة شفهـيه يتـم تنفـذ فـوراً دون نقـاش أو جـدل .. طبعاً منهم المتمرد الذي دائماً ما يقوم بخرق اللوائح والقوانين التي تحكم المنزل..
Quote: ولذة وعظمة المنبر في صراعها ومناكفاتها |
وهذه اللذة ان كانت عن طيب خاطر لمجرد المناكفة لا بئي .. والا سوف تجتر وراءها مزيداً من التمرد والتناحـر المنبوذ..
| |
|
|
|
|
|
|
Re: الحصــة تسميـع وجلــد نضــيف !!! (Re: ود الشيخ)
|
Quote: ارح امشي قدامي وليد ده مسخوت |
ود الشيخ يا كبير ياخ عليييك الله ما تزكرني ( امشي قدامي ) دي ..والله انت ما حاتتخيل اصلو انو انا بضحك قدر شنو لمن اتزكر (امشي قدامي عشان ما تقولي لي لي قدام ) والله انت زول مبااااااااااااااااااالغة عدييييييييييل كده
بعدين يا كبير نحن ما بنمشي قدامك وزي ما قال محمود عبد العزيز الفنان : بنمشي معاك ونبقا وراك ..نبقا وراك عشان نحميك ..
لي ورا ...
| |
|
|
|
|
|
|
Re: الحصــة تسميـع وجلــد نضــيف !!! (Re: ود الشيخ)
|
Quote: عمر الفاروق ارح امشي قدامي وليد ده مسخوت انحنا دايرين نقعد في البكان ده |
ود الشـــيخ ..
شنو الحاصل ماشين وين .. انت وعمر ما بدري وداير تقعــدوا في ياتو مكان .. كل الامكنة ليكم انت وعمر وكل الصحــاب بس ابقوا تعالـــوا ..
| |
|
|
|
|
|
|
Re: الحصــة تسميـع وجلــد نضــيف !!! (Re: waleedi399)
|
يا وليد 399 عشان ما يحصل تعارض مع وليد داك ..
Quote: ود الشـــيخ ..
شنو الحاصل ماشين وين .. انت وعمر ما بدري
|
انا وود الشيخ داكين الحصص وزايغين ماشين فول الواحة لانو فطور المدرسة ده ما سمح ..
وليد مبارك : انت شكلك زمان كنت (المشاطة ) بتاعت الاساتذة اسة مالك ومالنا انا وعلاء الدين ده ؟؟؟ياخ نحن ناس مساكييييييييييييييييييييين
| |
|
|
|
|
|
|
Re: الحصــة تسميـع وجلــد نضــيف !!! (Re: وليد محمد المبارك)
|
Quote: وانا بعد البيوت برجع البيت مع الناظر في عربيتو |
ود المبارك ..
والله عـفارم عليك .. واسطتك قويه تلقى الجماعة كلهم بخافو منك .. بس انا مشكلتي البيت كان جنب المدرسة .. الواحد ما يقدر حتى يطلع بعد المدرسة الا الجو يكون هادي ..
يعني بعد تتأكد تماماً انو ما فضل استاذ في المدرسة ..
وبعدين بحكي ليك مواقف من دي كثيرة
| |
|
|
|
|
|
|
Re: الحصــة تسميـع وجلــد نضــيف !!! (Re: بلدى يا حبوب)
|
يا وليد إزيك بس حبيت أضيف بمناسبة الشرطة السرية الداير يعملها سيد الحوش (لإنشغاله بأموره الحياتية وكدة!!!) إنو إذا فيها أوفرتايم ودخل إضافي ، وفي تاني إسم ....أيوه عرفتو (بارتايم) مع الريال البدأ يرخص ده (ولله الحمد) فتـاكد يأنني سأكتب تقرير ضافي فيك والولد اللذيذ عمر شيخ الدين وتأخذوا (إنذار بالــــ ) .... بس كيف هو يدفع ّّّّّّّّ!!!!!!!!!!!!
| |
|
|
|
|
|
|
Re: الحصــة تسميـع وجلــد نضــيف !!! (Re: عمران حسن صالح)
|
Quote: سأكتب تقرير ضافي فيك والولد اللذيذ عمر شيخ الدين وتأخذوا (إنذار بالــــ ) ....
|
عمــران ..
يا سيدي انذار ولا غيروا ما كرت اصفر ما مشكلة.. احسن من الفصل النهائي والكروت ذات اللون الاحمر الفاقع.. وبعدين مع الفصل دا تتجبص طوالي .. الله يكفيك شر الجبص
| |
|
|
|
|
|
|
Re: الحصــة تسميـع وجلــد نضــيف !!! (Re: بلدى يا حبوب)
|
Quote: واهمه حاجة اجيب معاى سجيارة الصباح ليه |
بلــدي يا حــبوب ..
لازم نعيد الايام دي ولو للحظات بحلوها ومرها .. وما اظن في الوقت داك كانت فيها حاجة مره رغم الشقاوة .. نعود لنستنهض احلامنا وامالنا القديمة التي ماتت مع الايام ..
تخريمة: الالفة البي سجايروا دا في المدرسة .. ولا انت قاصد في الجامعة الا ويكون شكلوا معودنو من السنين الماضية بمعنى اخرى (بايت) .. زي ما بقولوا اهلنا الكباااااااااااار
| |
|
|
|
|
|
|
Re: الحصــة تسميـع وجلــد نضــيف !!! (Re: المكاشفي الخضر الطاهر)
|
المكاشفـــــــي ..
بمشيييي .. بمشيييييي بمشي وين يا وليد وين وين وين .. يا ربــي الدافـــــــــوري .. ولا بكون قاعد جنب حاجة عزيزة بتاعت القونقوليز بالشطة .. ولا حاجة حــواء البتبيع الفول والتسالي و الدقـة .. واحياناً حلاوة شعيرية .. ولا يا ربي مع عم آدم.. بتاع العجور والتبش وقصب السكر والعونكوليب.. ولا عند ناس حبوبتي زينب في البيت الكبير .. ولا السينما يا ربي .. الدور الثاني ولا اقول ليك زي ما بقولوا المصريين .. نحن دافننو سوا ..انا عارف وأنت عارف ..
| |
|
|
|
|
|
|
Re: الحصــة تسميـع وجلــد نضــيف !!! (Re: walid taha)
|
ولــيد طــه ..
اول شئ انت غائب ودرس العصر برضو ما جيت.. وقالـوا الواجـب ما حلـيتو .. وواحد من الجماعة شافك في الدافوري امس .. ابو الفصـل زعلان منك جداً لأنو وصلو الكلام .. كـــيف الله أعلـــم؟؟؟
شــيل شــيلتك .. وتعأل مردف
| |
|
|
|
|
|
|
Re: الحصــة تسميـع وجلــد نضــيف !!! (Re: عمر الفاروق شيخ الدين)
|
وليد كيف حالك الالفة فى البورد كان اخونا قرشووووووووووو وكان زول رائع بشكل بس الله ينعل الانقلابات قلبو الشغلة ولحدى حسى البورد ما كسب عافيه المهم كلامك رجعنى لى ايام جميله سرحتا ومرحتا والله يكفينا شر المقص
تخريمة عمر الفاروق المشاء بي كرعيني لحدي ما وجعوني قلت لى لحدى ما وجعونى
| |
|
|
|
|
|
|
Re: الحصــة تسميـع وجلــد نضــيف !!! (Re: waleed500)
|
يا وووووووووولي حسع ده بوست قوانين والا بوست ( جرسه ) ؟؟
غايتو احسن يومين في المدرسة يوم الخميس بعد نهاية الحصص .. ويوم توزيع النتائج .. وأبيخ يوم .. هو يوم السبت انا غايتو طوالي كنت اول ما اجي يوم السبت بمشي ( العيادة )بربط (مكنة) كده لي الدكتور بيديني تلاتة ايام راحه طوالي .. ومرات الدكتور ذاتو ( بحننو ليك ) وبحيرني من شدة ما هو بيصدق اني عيان
اهــا يا وليد الماسك ( الجمعية الادبية منو في البورد ) ؟؟؟
| |
|
|
|
|
|
|
Re: الحصــة تسميـع وجلــد نضــيف !!! (Re: tmbis)
|
Quote: وأبيخ يوم .. هو يوم السبت |
يوم السبت طابور .. نظافة .. تفتيش .. تسميع .. والحصتين الأوائل رياضيات وبلاوي أخرى المدرسة والقوانين والانضباط زمان كان السبت وهَم مدرسة والأن السبت وهَم الشغل وتتشابه الأسماء
كدي شوف الصور يا وللللي
| |
|
|
|
|
|
|
Re: الحصــة تسميـع وجلــد نضــيف !!! (Re: tmbis)
|
تامبا الجرسة من شنو، نحن ما بنتجرس والجرسه بنخليها لأهلها وناسها والبتجرسوا عارفين نفسهم .. شوووووووووووف منطيطين عيونهم كيف .. لووووووووووول
Quote: غايتو احسن يومين في المدرسة يوم الخميس بعد نهاية الحصص .. ويوم توزيع النتائج .. وأبيخ يوم .. هو يوم السبت |
تعرف انا قصدت ارد ليك يوم السبت عشان اكون عايش احساس الخميس والسبت بس اعوذ بالله يا اخي السبت دا بالذات ما زي كل السوبته يا ربي السنة دي كبيسه ولا شنو .. بالله المدرسة زمان ما زيها ..لوووووووووول تاني وثالث.
وبعدين انت لما تأخد ثلاثة ايام من الاسبوع بتكون فضلت شنو ويوم الخميس نص يوم زي ما عندنا هنا .. سنتك الدراسية فيها كم سنة ضوئية من حقتنا دي ؟؟ يعني زي ما بقولوا العساكر يوم اداري يوم الخميس والباقي صفا انتباه .. وكلو لله
بالمناسبة الكان ماسك الجميعة الادبية في المدرسة ابو جهينة والخال ودقاسم وجاء بعدهم صلاح شتات لما اتخرجوا والالفة زي ما قال وليد 500 قال كان قرشو الفة بس يا ربي الناظر ووكيل المدرسة كانو منو؟؟؟؟؟ قول ما تخاف عندك فرصة لحدي يوم عشرة مافي زول بسألك ..
| |
|
|
|
|
|
|
Re: الحصــة تسميـع وجلــد نضــيف !!! (Re: tmbis)
|
Quote: انا غايتو طوالي كنت اول ما اجي يوم السبت بمشي ( العيادة )بربط (مكنة) كده لي الدكتور بيديني تلاتة ايام راحه طوالي .. ومرات الدكتور ذاتو ( بحننو ليك ) وبحيرني من شدة ما هو بيصدق اني عيان |
هسي عليك الله يا تامبا فضل في الأسبوع شنو ؟
والله تلقاك كنت بتدبل جنس تدبيل ..
| |
|
|
|
|
|
|
Re: الحصــة تسميـع وجلــد نضــيف !!! (Re: waleed500)
|
Quote: الالفة فى البورد كان اخونا قرشووووووووووو وكان زول رائع بشكل بس الله ينعل الانقلابات قلبو الشغلة ولحدى حسى البورد ما كسب عافيه |
وليد 500 .. لوووووول الله يجازي شيطانك وهسع يا ربي منو الفة البورد .. وقرشو لسه بخيروا قاااااااااعد يا اخوي
| |
|
|
|
|
|
|
Re: الحصــة تسميـع وجلــد نضــيف !!! (Re: waleedi399)
|
Quote: انا اخدت اذن من ست فلة وقلت ليها نحن عندنا عرس جيرانا وما بقدر اجي قامت قالت لي خلاص ..بس اوعك تنسي تدفع جنيه الاسبوع لي الالفة ...استاذ استاذ استاذ ..نجي درس العصر؟؟؟؟؟؟؟؟؟؟؟؟؟؟؟؟ |
واسطه ورشوة عديل كدا من صغار يعلموكم الرشوة بالقوة..
ذكرتني مرة زمان في سنة اولى متوسط اول ما دخلنا المتوسط يعني خلاص الواحد شاعر بعظمة انو بقى انسان كبير ويعتمد عليه وبقى راجل خلاص لازم يتعلم حاجات الكبار .. من كل شئ قمنا برحلة كشفية يعني ايام الكشافة المدرسية في منطقة ام دوم والمشرف كان مدرس اللغة العربية في الفصل ودائماً او في الغالب يرتبط مشرف الفصل بمعلم اللغة العربية لماذا لا أعلم!! قال اي زول داير يعمل الحاجة يجيبها براهو قام واحد من زملائي مشي يجيب كبريته من زميلنا وانا زغت على طول ولما جاء الاستاذ واشفني في نفس الوقت جاي مع اخونا التناي لاحضار الكبريت للتحضير للعشاء قال ليه صلاح كنت وين .. قال ليه مشيت اجيب ليك كبريته عشان اولع بيها .. قال لي وانت مشيت وين انا ما لقيت قدامي غير انو اقول ليه مشيت مع صلاح عشان نجيب الكبريته .. ضحك وتعجب من الكلام وقال لي دا بيت كبريت دا ولا عنقريب جنازة الماشين تجيبوا اثنين .. بعد ما اكتشف اني كنت في اتجاه تاني .. نظام زوغه وكدا ونوع من التمرد العفوي برضو .. يا عمروووووو
| |
|
|
|
|
|
|
Re: الحصــة تسميـع وجلــد نضــيف !!! (Re: waleedi399)
|
1- شتات 2- وليد طه 3- معتصم دفع الله 4- تمبس 5- وليد 500 6- المكاشفي 7- وليد المبارك 8-
ولسه القائمة طويلةمن الاسماء و ديل لقيتهم في قائمة المهرجلين، والغريبة الليله هم غايبين ..
السؤال: بس دي كيف اكيد في تزوير من الالفة، ما تشفوا الحكاية دي يا نااااااااس؟؟؟؟
| |
|
|
|
|
|
|
Re: الحصــة تسميـع وجلــد نضــيف !!! (Re: waleedi399)
|
وليد يا 399 الالفة زول بلييييييد وانا لقيتو بيتفق مع صلاح شتات عشان صلاح زول شاااااااااطر قال ليهو انا ما بكتبك في المهرجلين بس بعدين شففني في الامتحان ... ناس معتصم والوليدين ديل ناس كنبة ورا خليهم يتجلدو بس طلع ليك اربعة عتااااااااااااولة كده لزوم الشد وكده...
| |
|
|
|
|
|
|
Re: الحصــة تسميـع وجلــد نضــيف !!! (Re: عمر الفاروق شيخ الدين)
|
يا عمـر الفـاروق .. الالفة ما بليد الالفة صاحبي شديد وزول طيب وشاطر وصديق كل الطلاب ومتضامن مع قضيتهم ما تقول كدا سمعنا يودينا في ستين دهيه .. اصلو بيني وبينك تعال قريب .. جيب اضانك .. زول لسانو خفيف وبتاع اخبار ما تكلم زول .. وانا أصلاً ما بخاف منو .. لكن بحترموا شديد وفي احترام بينامتبادل وكدا ..
بس ما قلت لي شتات قال ليهو شنو ردة فعلو كانت شنو بخصوص الموضوع دا، تلقاهو قال ليهم دي ما علي خليك مع ناس كنبة وراء ناس معتصم والوليدين اصلهم قاعدين ديل ما مشاين السنة الجاية، قالو بايتين عشان هم ما مستعجلين اصلو الدفعة دي قاعدة من سنة حفرو البحر .. لووووووول
| |
|
|
|
|
|
|
Re: الحصــة تسميـع وجلــد نضــيف !!! (Re: waleedi399)
|
Quote: ولسه القائمة طويلةمن الاسماء و ديل لقيتهم في قائمة المهرجلين، والغريبة الليله هم غايبين .. |
قلنا ندك خالنا أبا يدينا راحة .. ذكرتني زمان كان عندنا خالنا شغال في المركز الصحي بتاعنا وكل ما أمشي ليهو أقول ليهو يا خال أنا عيان هو بتمتم يقوم يقول لي " عليك الله تخيل معاي التمتمة دي " ياااااااااااا ووووووولد أأأأأأأأأأأأاامشي بلااااااااااااااش إستهباااااااااااال معااااااااااااك ويقوم يكتب لي متصنع أجلدوهو .. شفت حظنا من زمان منيل بستين نيلة ..
| |
|
|
|
|
|
|
Re: الحصــة تسميـع وجلــد نضــيف !!! (Re: معتصم دفع الله)
|
Quote: ياااااااااااا ووووووولد أأأأأأأأأأأأاامشي بلااااااااااااااش إستهباااااااااااال معااااااااااااك ويقوم يكتب لي متصنع أجلدوهو .. |
يا مووووووو .. المشكلة في ناس كانوا عاملين العيادة زي بيتهم الثاني معروفين في المدرسة يقولوا ليك فلان وفلان بكرة الصباح حا يجوا يشيلوا دفتر العيادة، عندنا جارنا دكتور كان شغال في نفس العيادة بقى يحضر ليهم الحقن في عيادة الدكتور البقول عندو صداع طوالي بكتب ليه حقنه لحدي ما غيرو لعيادة تانية .. المشكلة ما اتوفقوا عن مزاولة نشاطهم بس غيروا المركز الصحي لاقرب واحد في المنطقة .. وتواصلت المسـيرة
| |
|
|
|
|
|
|
Re: الحصــة تسميـع وجلــد نضــيف !!! (Re: lana mahdi)
|
Quote: وطلعتا الطيش فى البوست |
الرائعة لنا ..
اها شنو ليك مش انا احسن منك .. والله الطيش بدرجة الامتياز .. مداخلتك ارد عليها بعد سنة في تطفيش اكثر من كدا كل مرة اقول الظروف .. لحدي ما طلعت النتائج .. وقالوا الصلاة يوم القيامة ما بتنفع سيدها .. لوووووول لك الود والتحية على مرورك لنا ..
| |
|
|
|
|
|
|
Re: الحصــة تسميـع وجلــد نضــيف !!! (Re: صديق الموج)
|
Quote: هسع سجيمان البوم ده ضربلى وقال لى فبراير ده بعد قصير والا قبال ايلول..تسلم،،، |
صــديق المــوج .. سجيمان بووووم .. يا شماتة آبله ظاظا فيك يا سجيمان أنا برررررره كفاية شبكتو العملها مع حمزاوي والراجل بتاع (البرنيطه ام حبل) سجيمان تفتيحه يا فردة .. على رأي عيالو بتاعين خور استاد الهلال ناس (عصام رفرف ودردوق)
أها شفتا وكمان قال ليك فبراير دا بوافق عندهم هناك في البلد البعيد (المربعانية) .. يا حبه يعني عندنا هناك في البلد التانية ناس (الدغش) بوافق (سـايق) .. يا الرررررايق .. لوووووول
| |
|
|
|
|
|
|
|