الهيئة القومـية للكهرباء..ياناس..يوم بيسـألكم الله ياالناســين حـسـابوا !!!!

Quote: و الله احنا كرهنا العيشة بسبب الكهربا دي ... صف البيوت الفي شارعنا بالاضافة لي بيتنا من دون باقي بيوت الحلة بنكون قاطعين و كمان بعد مرات ناس الكهربا ديل بيضقلوا بينا عدييييييييك كدة يعني تقطع و تجي على الاقل تلاته مرات .... ياخ شفت يوم اول مطرة بتاعت يوم الاحد الكهرباء طبعاً مما الهوا يبدا بيقطعوها يعني خلاص بيخافوا على المواطنين ... المهم الكهربا قطعت من وقت المطرة حوالي الساعة 8 و ما جات الا تاني يوم الساعة 3 ٠و برضو بعد ما ضقلوا بينا بي تيستة كدة , ياخ و الله الكهربا دي لما تقطع انا بكره روحي ناهيك باقي الناس وناس الكهربا بالذات ... و غايتو في رمضاننا دا بس ربنا يغفر لينا لانو ٠بنسب بي تحت تحت ... و الله يا ناس الكهربا لو بتشوفوا شغلكم في البلاغات و معالجة الاعطال بنفس السرعة البتقطعو بيها الكهربا ما كنا قلنا بغم لكن تقطعوها و تنسونا و للا كمان تضقلوا بينا كدة بي جات و قطعت دا البفقع مرارتنا و بيطلع ميتينا اللهم اني صائم