لست بنادم علي كل ما فعلت في حياتي السابقة, و إن وُهبت ربما عمراَ جديداَ , قطعا ساكرر بعض الاخطاء فبعض أخطائي حبيب لنفسي لانها صانت كرامتي وقتما كانت التبريرات تفعل ما صنع الحداد. فأنا يا كِرام مثلكم , عجين إحساس و كرامة , عشت عمري مغامراَ و إلي الان لا املكـ من هذا الحطام إلا كرامتي و احترامي لذاتي و طفلين جميلين سأعيش فقط كي اعلمهما الحب و المحنة و احترام قيمة الانسان .
بصدد حرب إشانة السمعة التي يشنها علي ما يسمي بالبيت السوداني مارست اقصي درجات ضبط النفس و عدم الانقياد خلفها و انا اري البيت السودني يقع في فخ أُحجِية (المكـ) الشهيرة التي تحكي أن احد الملوكـ كان عندو (كُندوة) و الكندوة هي عيب خلقي في منطقة حساسة من جسم الانسان لذا كانت كندوة الملكـ طبعا من اخص اسرار الدولة. و في احد الايام اتاح حظ المكـ العاثر لاحد العامة ان يري ( كُندوة) الملكـ التعيس و هاله ما رأي من سر عظيم و اراد ان يتقاسم سره مع احد ما لكن كشف السر كان سيكلفه راسه , ففكر كثيرا فيمن يقاسمه الامر وذلكـ من حِكمة ظلم الانسان لنفسه, فلم يجد من يستأمنه خوفا علي رأسه من سياف الدولة فحزم امره و ذهب الي الخلاء و ملأ رئتيه بالهواء و صاح بأعلي صوته المكـ فيهو كُندوة .. المكـ فيهو كُندوة .. المكـ فيهو كُندواااااااااة و شعر عندها بالراحة و ذهب لينام و نسي ان نبات العُشر الذي ينمو كتيرا في الخلاء كان شاهداَ علي سره. مرت الايام بعدها و جاء صبي يحترف صنع الانغام و دق الطبول و اختار بعض عيدان نبات العُشر ليشذبها كعصي يقرع بها طبله , لكن عيدان العشر كانت كلما هم بالعزف عليها تعزف لحنا يقول المكـ فيهو كُندوة المكـ فيهو كُندوة المكـ فيهو كُندوة و قاد السر صاحبه الي حتفه.
الشاهد انني مارست اعلي درجات ضبط النفس احتراما لنفسي اولا من ان انجر وراء تلكـ العنتريات و احتراما لسير العدالة فلم اتحدث بما كان , ثقة مني في فطنتكم في فرز فقه خلط الماء بالزيت و ثقة مني في القضاء الهولندي و رغبة اكيدة مني في عدم تجريم الاخرين كما حدث في بيان البيت السوداني ضدي هنا البيت السودانى بهولندا يدين الاعتداء الاثم الذى تعر...لاخ/فكرى حسن احمد... . وفي هذا اسمحوا لي ان ارفع عقيرتي بالشكر لكل من تحدث عني بخير , ذلكـ دين في عنقي ان اواصل حياتي نصيراَ للإنسان والانسانية. والان بعد ان انجلي الامر لا يعنيني امر من باع او صالح او هادن او من صمت علي إستحياء , فسدنة التأريخ لا تفوتهم شاردة او واردة, هذا ليس دوري ولا غايتي . ما يهمنى الان هنا ان اعتذر .. لاهلى و اسرتى و لاصدقائي و صديقاتى و لزملائي و زميلاتى ولكم قراء و اعضاء منابر (سودانيزاولاين - سودان نت - سودانيات) .. اعتذر لكل من يهمه امري عن وجودى كطرف في هذا الامر .
و فائق احترامي لكم جميعا
طارق ابوعبيدة
04-21-2009, 01:29 PM
Ahmed Abdallah Ahmed Abdallah
تاريخ التسجيل: 08-12-2005
مجموع المشاركات: 5193
Quote: ما يهمنى الان هنا ان اعتذر .. لاهلى و اسرتى و لاصدقائي و صديقاتى و لزملائي و زميلاتى ولكم قراء و اعضاء منابر (سودانيزاولاين - سودان نت - سودانيات) .. اعتذر لكل من يهمه امري
يهمنا امرك ياخدر وشديد كمان...
وانا شخصيا بعتبرك شخصية عامة/خاصة بنفس الوفت
بهمنا امرك لانك واحد من رسل الانسانية البنعول عليهم بعدل الحال المايل
هنا وهنا....
يهمنا امرك لا ننا بنتعلم معاك حاجة سمحة..
خدر انا يدوب بحاول افهم الحاصل من البوست..
بهمنى امرك ومادايرة منك اعتذار
04-21-2009, 01:54 PM
خدر خدر
تاريخ التسجيل: 02-07-2005
مجموع المشاركات: 13188
لست بنادم علي كل ما فعلت في حياتي السابقة, و إن وُهبت ربما عمراَ جديداَ , قطعا ساكرر بعض الاخطاء فبعض أخطائي حبيب لنفسي لانها صانت كرامتي وقتما كانت التبريرات تفعل ما صنع الحداد. فأنا يا كِرام مثلكم , عجين إحساس و كرامة , عشت عمري مغامراَ و إلي الان لا املكـ من هذا الحطام إلا كرامتي و احترامي لذاتي و طفلين جميلين سأعيش فقط كي اعلمهما الحب و المحنة و احترام قيمة الانسان .
بصدد حرب إشانة السمعة التي يشنها علي ما يسمي بالبيت السوداني مارست اقصي درجات ضبط النفس و عدم الانقياد خلفها و انا اري البيت السودني يقع في فخ أُحجِية (المكـ) الشهيرة التي تحكي أن احد الملوكـ كان عندو (كُندوة) و الكندوة هي عيب خلقي في منطقة حساسة من جسم الانسان لذا كانت كندوة الملكـ طبعا من اخص اسرار الدولة. و في احد الايام اتاح حظ المكـ العاثر لاحد العامة ان يري ( كُندوة) الملكـ التعيس و هاله ما رأي من سر عظيم و اراد ان يتقاسم سره مع احد ما لكن كشف السر كان سيكلفه راسه , ففكر كثيرا فيمن يقاسمه الامر وذلكـ من حِكمة ظلم الانسان لنفسه, فلم يجد من يستأمنه خوفا علي رأسه من سياف الدولة فحزم امره و ذهب الي الخلاء و ملأ رئتيه بالهواء و صاح بأعلي صوته المكـ فيهو كُندوة .. المكـ فيهو كُندوة .. المكـ فيهو كُندواااااااااة و شعر عندها بالراحة و ذهب لينام و نسي ان نبات العُشر الذي ينمو كتيرا في الخلاء كان شاهداَ علي سره. مرت الايام بعدها و جاء صبي يحترف صنع الانغام و دق الطبول و اختار بعض عيدان نبات العُشر ليشذبها كعصي يقرع بها طبله , لكن عيدان العشر كانت كلما هم بالعزف عليها تعزف لحنا يقول المكـ فيهو كُندوة المكـ فيهو كُندوة المكـ فيهو كُندوة و قاد السر صاحبه الي حتفه.
الشاهد انني مارست اعلي درجات ضبط النفس احتراما لنفسي اولا من ان انجر وراء تلكـ العنتريات و احتراما لسير العدالة فلم اتحدث بما كان , ثقة مني في فطنتكم في فرز فقه خلط الماء بالزيت و ثقة مني في القضاء الهولندي و رغبة اكيدة مني في عدم تجريم الاخرين كما حدث في بيان البيت السوداني ضدي هنا البيت السودانى بهولندا يدين الاعتداء الاثم الذى تعر...لاخ/فكرى حسن احمد... وفي هذا اسمحوا لي ان ارفع عقيرتي بالشكر لكل من تحدث عني بخير , ذلكـ دين في عنقي ان اواصل حياتي نصيراَ للإنسان والانسانية. والان بعد ان انجلي الامر لا يعنيني امر من باع او صالح او هادن او من صمت علي إستحياء , فسدنة التأريخ لا تفوتهم شاردة او واردة, هذا ليس دوري ولا غايتي . ما يهمنى الان هنا ان اعتذر .. لاهلى و اسرتى و لاصدقائي و صديقاتى و لزملائي و زميلاتى ولكم قراء و اعضاء منابر (سودانيزاولاين - سودان نت - سودانيات) .. اعتذر لكل من يهمه امري عن وجودى كطرف في هذا الامر .
نعرف ان ما حدث احزنك , نفهم انك لم تشاء ان تكون طرف فيقبح كهذا و نعرف ان تناوش البعض لك آذاك و ألمك و نعرف أنه لولا الشديد القوى جدآ لما حدث هذا الأمر
يا صاحبنا في الفات و الحاضر و الجاى نحن نحبك هكذا فقط بعيوبك و اخطائك و نواقصك ... انسانى و عادى مثلنا تمامآ بعيوبنا و اخطائنا و نواقصنا
لا نتمنى صاحب مكتمل ( فهو يبعث على الملل ... انسان كامل؟ يا للكابوس )
ادفع عن خاطرك هذه الفقاعات ازح عن روحك هذا الوسخ العابر خذ موسيقاك و افراحك و طر تجاه الانسان العادى اضحك مع خالد و قبل لقاء افتح طاقة ضو خلى العتمه العابره تعدى تفوت
نحبك هكذا ..... و موعدنا الجمعة لنتهكم على كل ما جرى
لا حولا ولا قوه الا بالله يادوب شفت الكلام ده كلو الليله حقيقي حزنت شديد لانو الناس قبل ما تكتب ما بتفكر وتعرف انها بتستهدف بشر وحياه ناس بالبعملو فيهو ده. ولايهمك ياصديقي زي ما بتقول امي المابعرف شيلك يدفقك
تعرف يا ابو لقاء ... الانسان الفنان هو من يحس بالاخر...ومشكلتك يا خدر انت فنان ... تجنح للحب حيث كان...والجمال حيث كان...تعيشه قبل ان تهديه الي الاخرين...تحترق بالداخل لتجعل الفرح ممكنا...ودي يا طارق مشكلة كل زول جميل من الداخل...
لكن في المقابل يا خدر ...في ناس اصلو ما بعرفو الجمال ولا حتي بيطيقو رؤية الفرح...عشان كده اصلو ما تستغرب انو يشوهو سمعتك ويشوهو اي شئ جميل في الارض ولو بيقدرو في الجنه برضو...
انت قايل الحروب دي بتقوم ليه... ما عشان الناس الماعندها جمال من جوه... وبتشوه اي شئ جميل ...وديل يا خدر اخوي كتار ... عشان كده المعركه مابين الخير والشر حتكون قائمه ...
خدر قوم انفض الغبار الانت متوهم انك داخل فيهو دا...انت لم تفعل شئ حتي تعتذز اي شخص في مكانك كان سيفعل نفس الشئ وان لم يفعل كان مطلوب منه الاعتذار ...
ذي ماقلت ليك يا ابو لقاء ...انت انسان جميل وفوق لده انت فنان... والفنان مشاعره واحاسيسو اكتر من الباقين عشان في الظروف الحالكه هو البيديهم جرعه من حياه وجمال...عشان كده ناس كتيرين مستنين دورهم في جرعة الجمال واولهم اسرتك الجميله ونحنا الراجينك ديل ووراي كل الناس الجميله... عشان كده نحنا حاسين بيك ... ومازلنا وحنظل بنحبك ...
ما عارف يا طارق اتذكرت اللحظه دي بلحظات سفينة التايتنك ...اخر شخص ذهب وامكن ماذهب كان زول شايل ليهو حاجه بيعزف عليها....
السنوسي ياخي انا عاجز والله عن الرد عليكـ فاقبل عني , جيتكـ حاسراَ رأسي سعيدا بقبولكـ عذري و سعة صدركـ لما حدث و تفهمكـ و تقريظكـ لموقفي شكرا كتير يا سيدي و قبلاتي لبتنا الجميلة صاحبة بروفايلكـ
04-21-2009, 04:02 PM
الملك الملك
تاريخ التسجيل: 01-02-2005
مجموع المشاركات: 5756
... ... طارق سلامى يا صديق لم اكن مثل الكثيرين متابعاً لما حدث لكن تكفى هذه المداخلة من من كتب البوست السابق(ادانة الاعتداء) بدون البحث عن دوافع الاعتداء...! ... ... والمهم اظن ان ما كتبه يكفى ..!لى لو كنت مكانكــ...لفعلت أكثر
04-21-2009, 06:57 PM
خدر خدر
تاريخ التسجيل: 02-07-2005
مجموع المشاركات: 13188
شكرا يا ناجي علي إيراد شهادة علي تاج الدين هنا و شكرا ليكـ انت يا اب قلباَ حار
Quote: تنويه هام كنت قد اجريت اتصالا هاتفيا...بالاخ...طارق ابوعبيدة(خدر)حوالى الساعة 16:4 بتوقيت هولندا بعد ان عرفت انه عضوا بالمنبر ....واعتذرت له عن تحاملى عليه فى البيان ...ولكن كان ذلك لغياب جزئية هامة (وهى الاساءات النابية) التى وجهها الاخ...فكرى اليه..والتى ام يذكرها فى روايته الى...والله على اقول شهيد...فقط زودنى بالاتى...(انه كان يتحاور مع احد الاشخاص خارج قاعة الاحتفال ...وحضر طارق ...وقال له( لماذا انت هنا؟؟وانت تنتمى للبيت السودانى ....وضربه مباشرة مما سبب له الاذى الجسيم...وهذا ماحصل بالضبط) وعليه نشرت البيان دون ان اتصرف فى فكرته ومضمونه...ولكن وضعت عليه بصماتى فى الصياغة....الى نبهنى الاخ ...معتز بالواقعة التى حدثت بين فكرى وطارق باعتباره كان هناك ودعم رايه الاخ ...عيسى بذات الوقائع...مما حضنى للاتصال بالاخ...طارق وامن على نفس الرواية...واضاف ان بينه وبين الاخ...فكرى صداقة متينة...الشى الذى لم يذكره السيد ...فكرى...وعليه ....انا اعتذر للاخ ...طارق مماسببته له من ضرر واستهجن الاساءة النابية فى حقه من طرف فكرى ..والومه على عدم تنويرى بالحقيقة كاملة ...مما كان يجعل البيان متوازنا فى ادانة الطرفين على حد سواء...من وجهة نظرى انا.....بمعنى هناك اساءة نابية مقابلها اعتداء....وهذا مالزم توضيحه. على تاج الدين على
و مره اخري اكرر فخري و اعتزازي بموقف علي تاج الدين
04-21-2009, 07:29 PM
Elsanosi Badr Elsanosi Badr
تاريخ التسجيل: 03-29-2008
مجموع المشاركات: 4166
Quote: شكرا كتير يا سيدي و قبلاتي لبتنا الجميلة صاحبة بروفايلكـ
يا خدر يا جميل ...
جيت داخل البيت ...وفتحت الصفحه دي ... جات بتكم (غزلان) جاريه وقالت لي (داد) ده شنبو زي شنبك ...قمت قلت ليها عمك ده اسمو (خدر وطارق وابولقاء المدعو الجميل)...قامت قالت لي WOW
04-21-2009, 08:17 PM
fadlabi fadlabi
تاريخ التسجيل: 12-13-2004
مجموع المشاركات: 4116
ياطارق تعتذر لك آذاننا وعيوننا التي قرأت النبيشة والافك .....بحقكم اعتذر لنا عن اعتذارك لاني لو كنت مكانك لكنت مائة طارق .... قد تلدغ الحشرة جواد اصيل ولكن تبقي الحشرة حشرة والجواد جواداً
Quote: لكن في المقابل يا خدر ...في ناس اصلو ما بعرفو الجمال ولا حتي بيطيقو رؤية الفرح...عشان كده اصلو ما تستغرب انو يشوهو سمعتك ويشوهو اي شئ جميل في الارض ولو بيقدرو في الجنه برضو...
انت قايل الحروب دي بتقوم ليه... ما عشان الناس الماعندها جمال من جوه... وبتشوه اي شئ جميل ...وديل يا خدر اخوي كتار ... عشان كده المعركه مابين الخير والشر حتكون قائمه ...
المفروض الناس كل يوم تطلع فيك بيان إشانة سمعة يامولانا عشان تزعل وتحزن و ... تكتب نوع الكلام ده
ياخى انت وعماد عبدالله وطلال عفيفي أصناف غريبة من البشر الواحد فيكم مابيطلع الدرر الجواهو إلا لمن يزعل أويحزن
..... بالله شجار بين نفرين يستحق يطلعوا فيه بيان ؟؟ وبكل براءة قال : انا اسف البيان كان منحازعشان ماسمعت الطرف التانى بالله ده منطق ؟؟ .....
قال بيت سوداني قال لوكان بيت سودانى بالجد ماكان حيطلع بيان كان لماهم الاتنين فى نفس اللحظة وحسم الامر بالحوار والتصالح البيوت السودانية هنا بتعمل كدة لمن أولادها يتشاكلو وخلو بيتكم السودانى اسم على مسمى بدل مايكون مصدر فتن وتشهير وتصعيد
.... وكمان دعاء في آخر البيان : ( في ميزان حسناته) !! دعاء بيديك إحساس إنو فكري إنضرب بصاروخ إسرائيلي أثناء تحرير القدس
شكرا كتير يا ملامح تسلم كتير . ثم وينكـ مختفي ماشايفكـ ؟
الطاهر مُقنع الكاشفات يا سيدي اهلنا العرب قالوا (دِية الكرام الاعتذار) وانتو اسياد جلد و راس وجب ليكم الاعذار , فيا سيدي انا عاجز عن الرد علي كلامكـ السوداني المليان دامت المحبة في الله يا الطاهر ساتي
لو العبارة دي قاصدني بيها انا يا اللخو ولو ما قاصدني بيها برضو عايز اقول ليك
ان ذلك الدثار بخرمه برااااي لأن قليل من اهدار الحكمة بيكون منتهى الحكمة لإقتضاء الحق ، في تمام لحظة تنكبه كالذي حصل في سوق البصل
ولو كنت حانق على اصحابك وزمايلك الذين عنك تأخروا
فأعلم بإنهم : مهما تأخروا فهم آتون
وعني انا ، شمسيآ ، ماشفت الهرجلة ولا المرجلة إلا هذا الصباح الجميل بصوتك المعجون من طينة الأسى واللوعة ما شفتها إمكن عمى و إمكن غباء
ما أخوك العارف بك مرات مابشوف بسبب العماء ومرات بسبب الغباء ولكن ، لو في أي مكان في الكون برق غناء أرى وأسمع خاصة لو كان غناك الغني وصوتك الذي يدخلني في ورطة لا تضاهيها إلا ورطتك تلك التي فيها إنبهلت وأغدقت وجدت بالذي جعل البنية ندى الشروق الغنا لزراع ارضنا الزميلة الزي الشعاع البتدخل رواكيبنا و أوضنا المكنية ب منال محمد علي تدفق زغرودتها للصحاب
وتكرمت بالذي جعل بالولد البار بالشعب العاق بالحزب ينتفض في ابريلنا هذا الكذوب ، أعني إبريل وليس الولد المشاغب البار بالشعب العاق بالحزب عصام جبر الله
فعلتك التي أخرجت الولد البار بالشعب البار بالحزب ان يغادر وقاره الإسفيري غير المصطتنع ويفتح صدره ويشنق طاقيته ويطير في الدارة صدرية الزميل خضر حسين خليل
04-22-2009, 07:26 AM
Ishraga Mustafa Ishraga Mustafa
تاريخ التسجيل: 09-05-2002
مجموع المشاركات: 11885
شكرا ابراهيم النعيم شكرا كتير علي والله و يسلموا حِبانكـ
شوشتا كيب ما تجي عشان نغني ياخي وين كنت متدسي !!
ياوليد و الله كلكم فنانيين و حقانيين انت و السنوسي و بقية الاصدقاء هنا و هناكـ تستحقون اعتذاري لانكم اهل له و نغني مع درويش حبنا ان تضغط الكف علي الكف ونمشي واذا جعنا تقاسمنا الرغيف
04-23-2009, 07:07 AM
خدر خدر
تاريخ التسجيل: 02-07-2005
مجموع المشاركات: 13188
يا خـدر،، يا طـارق،، يا فنان،، يا مدعـو،، ويا حارسنا وفارسنا! زاتو.. ( بمناسبة مدعو، إنت الدعوة دي يعني كانت خاصة ليك براك ولاّ دعـوة عامة كدة؟)..وعلى قول حسن موسى: شفت الأسئلة الوجودية دي كيف؟.. في الحقيقة ترردت كتير جدا في كتابة ما أود كتابته هـنا.. وبرضـو كان ممكن أقول ليك كلامي دا (كفاحاً)زي ما بقولوا، أو باي طريقة أخرى خاصة..فأن تعـتذر لأصدقائك وللجمـيع عن وجـودك في مشكلة كهذه،، فما قاله الجميع قبلي يكفي.. ولكني هـنا أود أن أعتذر لك.. ولك وحـدك لا شـريك لك.. لأني،، ولامن شفت البيان الذي يحاول تزييف الحقائق وتضليل القراء،، وجـدت نفسي مضطرا للتوضيح وبكلمات واضحة لا تقبل التأويل.. وذلك بأن أورد مثال بحرفية الكلمة من بعض ما قيل في حقك وفي حق والديك، وقصدي أن أضع للقارئ صورة أوضح من بعـض ما حـدث بعـيدا عن لغة البيان التي تتحـدث عن العدوان الهمجي والعمل البربري الخ، والتي تذكرني بحديث سئ الصيت والصوت يونس محمود.. ودا الداير أقولو في الجانب دا.. أما لو رجعنا لاعـتذارك! إنت،، يبقى دي فرصة للإبتزاز كويسة..وممكن برضو أعمل بيها بيان بإسم الجالية كمان!.. فأنا أطالب بحفل تعـويض لتغني لنا فيه ونغني سويا للوطـن والحرية..وللمناسبة أود هنا برضو أن أجيب على سؤال (غير وجودي) يعني صاحبو ما كان موجود،، ولكن في مقاله المنقول من موقع آخر ،، وفي معرض هجومه عليك تساءل عن (تأويل) عـدم مشاركتك بالغنا في الحفل.. وكأنه يريد أن يقـول: إنت جيت هناك بس كايس ليك لي (ديَّـة).. ولكنه لا يعـلم أننا كنا نريد أن يكون طارق هـو مسك ختام اليوم.. وكنت مجهـز الكاميرا كمان.. وللأسف حصل ما حصل،، وذلك حتى قبل بداية الغناء من المشاركين الآخرين.. بعـدين (كندوة المك) والأسرار العالية دي ذكرتني زمان الإتحاد السوفيتي الله يرحمو، والقوتين الأعـظم الخ،، كان الأمريكان والسوفيت ينكتوا على بعض..خاصة ما تكتبه الجرايد والمجلات الأمريكية واسعة الإنتشار.. بذكّر منها قالوا واحد روسي قال: والله بريجنيف دا زول حمار خلاص.. فحاكموه بتهمة إفشاء أسرار الدولة العليا.. تحياتي..
04-24-2009, 08:19 AM
خدر خدر
تاريخ التسجيل: 02-07-2005
مجموع المشاركات: 13188
عذرا يا اصدقاء خلوني ارد علي القوي الامين (عيسي) اخوي ده
سلامات يا عيسي قريت ردكـ و ضحكت شديد و اضحككـ معاي , انا جيت الاحتفال و عامل فيها الود أنيق داسي داخل السويتر قميص خلطة اسود و رومادي في اعلي القميص بالضبط تحت الياقة تربض كرفتة مقلمه ابيض علي رمادي علي اسود و فوق ده كلو البتاعه البتشيل البنطلون ديكـ (موضة الستينات) و يسألني الله اشتريتا من لشبونة قبل سنوات و لبستها اليوم داكـ إحتفاء بابريل طبعا في الاسفل كان يقبع بنطالي الاسود الجديد و فوق كل هذا الجاكيت الجلد الجديد صاحب الجيوب الضيقة (ما ممكن تشيل فيها اكتر من علبة سجائر و ولاعة) بعدين يا عيسي ياخي انا يشرفني جدا انكـ تكون صديق قريب و قريب جدا موش لانكـ نطقت بالحق عني لكن (والله علي ما اقوله شهيد) لانو أدبكـ الجم لفت نظري منذ ان التقينا في ليلة عاطف خيري الشعرية , فيا صديقي الجديد قلبي و بيتي مفتوحان لكـ وقتما تشاء و شكرا علي كل شي .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
خدر
Ahmed Abdallah
Baha Elhadi
خضر حسين خليل
GamarBoBa
عمران حسن صالح
محمد عبد الماجد الصايم
هند محمد
Elsanosi Badr
الملك
fadlabi
Yassir Tayfour
ريهان الريح الشاذلي
حبيب نورة
ibrahim alnimma
الطاهر ساتي
أبو ساندرا
Ishraga Mustafa
العوض المسلمي
Hawari Nimir
الجندرية
فيس بوك
تويتر
انستقرام
يوتيوب
بنتيريست