ما شاء الله عليكم الله يحفظكم من العين و العمل ! أعملو حسابكم ، السودان دا فيهو بلاوي واسألو العارفين ، الله يحفظكم

بالمناسبه يا خدر يالجعلي ، والله أنا أحلف طلاق زيك كدا ولو بالهزار ألاقي نفسي اترميت بالشباك

المشكله أنو المرا هي الجعليه ، والزمن دا باين الجعليات أصعب من الجعليين
بعدين هي كل ما أكون بنضم معاها بالتلفون وتتزهج ما تقدر تقول حاجه ، تقوم تقول لي أسكت عشان ما أرمي الموبايل بالشباك ! أنا ما فاهم شافت الحركه دي في ياتو فيلم ، لاكين تحسبا حأخللي بعدين في أوضتنا باراشوت صغير كدا أعلقو جنب الشباك الراجل الملو هدومو هو البعرف ينط بالباراشوت بدون خوف لما مرتو ترميهو بالشباك

بالمناسبه ايه رأيك أنا كنت حاضر لي عرس في السودان ، وقامت واحده بتتونس مع صاحباتها حـلـفـت طلاق ! قالت ليها علي الطلاق الا تقعدي وتخللينا نتبخ
ما عرفت خوفا عليها من التعب وللا خوف على التبيخ
بالمناسبه قصة الكديسه المضبوحه دي أنا سمعت أنها اتلغت وفي طرق حضاريه ، وبستعملوها البنات
مثلا تقول لراجلا بصوره مباشره بدون كدايس و لف و دوران تسمع الكلام القلتو ليك دا وللا أمشي أجيب المفراكه
والراجل برضو بقى عندو طرق يخوف بيها المرا أو يجبرها تسمع الكلام - مثلا : عليك الله أسمعي الكلام يا حبيبتي ، عشان ما أزعل منك و أتضايق

بالمناسبه يا خدر البارع
نسيت أقول ليك انت ماك سنقل ولا هي ماريد لسه الحكاية شنو ؟ ما توحدوا الله بعد دا

بس عندي سؤال يا اخواننا
أنا البعرفو سماعا ، أنو البت بحبسوها و بدسوها من الراجل تلات أسابيع قبل العقد أو اسبوعين ، الشغلانه دي الناس خللوها وللا شنو ؟
وللا انتو شغالين بالدس

ونفسي أعرف زايغين من الناس بيوين قادرين تستخدموا الانترنت الليله ؟ وللا الزمن اتغير و الموضوع بقى ايزي

الله يجمع بينكما دوما بخير

والله فرحتني في يوم أنا زعلان فيو ! سبحان الله الواحد فرح ليك تقول بعرفك وللا تقول احنا حاضرين العقد بس ان شاء الله ما يكون بطريقة فرقة الهيلاهوب ، فاكس وايميل و دي اتش ال

الله يبارك فيكما ، و أكان حلفت طلاق بعد دا ، علي ال .. يمين تكون آخر مره أنضم فيها معاك


تسلمو جميعا