|
|
 هؤلاء التقيتهم ورايتهم بالعين المجردة
|
جمال عبدالناصر
فهد بلان
اسماعيل الأزهرى
ابراهيم الكاشف
بابو نمر
دين ماجوك
السيد / الصديق المهدى
السيد / الهادى المهدى
ابراهيم عبود
يونس شلبى
شريهان
تيتو (رئيس يوغسلافيا سابقا)
اسماعيل عبدالمعين
صلاح محمد عيسى
ماجد (نجم المريخ زمان)
عثمان الشفيع
الملك فهد
ولى العهد السعودى الأمير عبدالله
محمد عبده يمانى
محمد علوى مالكى
عوض الجاك
محجوب الدقاق (خال نميرى)
نميرى زاتو
قلندر
الشيخ دفع الله (أخو الشيخ حمد النيل)
البرعى
الشيخ حمد (راجل كدباس) خليفة الجعلى
الفاتح قريب الله
الثعلب (لاعب برى)
أشولى (لاعب الأمير)
برعى سليم
حواء الطقطاقة
محمد حسين (حق القروش)
عوض الله صالح (مفتى الديار السودانية)
بكرى ابوحراز (وكيل سنجر زمان)
النجفة (أكبر معمرة رأيتها فى حياتى وكانت تقطن ودنوباوى)
حسن ابوالعائلة
محجوب كيكى (بيت المال)
خضر الشريف (أثرى من مال الكويت)
عبدالعزيز محمد داود
البلابل (التلاته)
صلاح ادريس (ما ادانى حاجة)
حبوبتى التاية ام امى (اعظم سودانية فى التاريخ)
تماضر شيخ الدين (شفتها كتير)
اتمنى اشوف:
بكرى ابوبكر
شوقى بدرى
بناديها
شانتير
ابوجهينة
تمبس
ابو آمنة
ود قاسم
راوية
الجندرية
خالد الحاج
بيان
حاجة دوما
بت الأحفاد
اوبى يو كى
فرانكلى
أسعد ابراهيم
تبلدينا
سجيمان
ياسر الشريف
روضة
دينق
دكتور حيدر بدوى
الموصلى
سودانية 2000
وباقى البورداب الما شفناهم
|
|
 
|
|
|
|
|
|
|
 Re: هؤلاء التقيتهم ورايتهم بالعين المجردة (Re: يازولyazoalيازول)
|
الاستاذ هاشم _
لم اراك في حياتي _ واتمني ان.
اتمني ان اري
اسعد ابراهيم
احمد الريح
كمال بشاشا
حميده _ من جده
مياده _ ليست عضوه بالمنبر ولكن صديقه قديمه _
الاستاذ كمال عباس
الاستاذ بكري الجاك
والقائمه تطول _ وسوف الحق اخريين لاحقا _
اخذهم الموت وكنت اتمني بان انعم برؤياهم _
الرئيس الازهري
المناضل علي عبد اللطيف
الفنان سرور
الفنان حسن عطيه
الشيخ محمد عبده
الامام عمر بن عبد العزيز
الشيخ جمال الدين الافغاني
مارتن لوثر كنق
وسوف الحق اخريين فيما لاحقا _
تحدثا عن ذات الموضوع _رائيت الرئيس بوش في منطقتي في احدي الاسابيع الفائته وكان ينظر يمنه ويسري من خلال النافذه ولم يبدي اي تعابير للماره القلائل حيث لم يعرف احد بان الرئيس سوف يمر من ذاك الشارع _ فاخذتنا نحن الماره القلائل _ الفزعه لرؤية بوش محاط بكم هائل من الحافلات التي تقل كل صنوف افراد الشرطه _ ويبدوا انها المره الاوله والاخيره لي لرؤية الرئيس بوش ..والسلام واراك لاحقا _ دوما محب
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: Raja)
|
رجــاء،
الناس الشـفتيهـم ديل لو كلو واحـد منهـم أديتيهـو علقـة خفيفـة، عليك الله هسـى العالـم ما كان إتغيــر؟
أنا غايتـو شفت الزعيـم إسمـاعيل الأزهـرى لما جا فى بورتسـودان عام 1968 وإفتتـح مدارس العشـى الثانـويـة للبنـات.. كنا كلنا فى حـوش المـدرسـة، والكتاحـة قاجـة. زول بسيـط خلاص الله يرحمـه.
أيضـا التقيت بالشيـخ الفاتـح قريب الله، فى المعـرض الإسـلامى الذى أقامتـه منظمـاتـه فى واشنطـون عام 1998 وكان لنا جنـاح فى ذلك المـعرض، الأخ محمـد الحسن محمـد الحسـن وأنا، ولكن لم تكن هناك فرصـة للحـديث.
عنـدما كان عمـرى 15 سنــة، دخلت القصــر الجمهـورى من جهـة النيل الأزرق، ومـررت بالضبـط بين الحارسين (الصـنمين) الذين لم يجهـدا نفسيهمـا حتى بالنظـر إلى!! ثم وقفت قليلا أتأمل فى المدخل البهيـج، والتحف والهـدايـا الرسميـة المعلقـة على جـدران المدخل، من سيـوف وبنـادق وأشيـاء أخـرة نادرة، مرصـوصـة بطـريقـة عجيبـة. ثم صعـدت بالسـلم المقـوس الذى على اليمين الى الطابق الثانى، ولم أجـد نفاخ نار حتى هـذه اللحظـة ليقول لى عينك فى رأسـك،
وفى الطابق الثانى، رأيت طفلا أخـر جالسـا على أريكـة، فجلست إلى جانبـة لبعض الوقت، حوالى خمس دقائق.. وكان الطفل أجنبيـا، قدرت أنه نيجيـري.. فلم أتمكن من التخاطب معـه. بعـد الخمس دقائق نزلت إلى الطابق الأرضى، ولكن خـرجت من جهـة شــارع الجامعـة.. ومشيت لحـد المحطـة الوسطـى، الله يطـراهـا بالخيـر، ووقفت أمام أول كشك ليمـون، وأشتـريت بقـرش شــوب ليمـون باااااااارد، وركبت مواصـلات العاصمـة عائـدا للمـزاد - بحـرى.
أها يا رجـاء، مهـم واللا ما مهــم.
أهـم إنسـان أتمنى أن أراه الأن، إمـرأة دينكاويـة، ولو شفتهـا أريـد أن أعتـذر ليهـا عن عـدم تـدخلى فى الوقت المناسـب لما سـواق الباص رفض أن يقول لهـا وجهـة البص حتى لا تركب. هـذه الحادثـة كانت عام 1982 فى الخـرطـوم، ولن أنسـاهـا ما حييت، وما زال طيفهـا أمامى وهى تتـوسـل للســواق وتسـال بإلحاح: امدرمان واللا بحـرى.. والســواق الغتيت عامل ما فاهـم كلامهـا لحـد ما إتحـرك.
| |
|
|
|
|
|
|
|
|
 Re: هؤلاء التقيتهم ورايتهم بالعين المجردة (Re: يازولyazoalيازول)
|
Quote:
أهـم إنسـان أتمنى أن أراه الأن، إمـرأة دينكاويـة، ولو شفتهـا أريـد أن أعتـذر ليهـا عن عـدم تـدخلى فى الوقت المناسـب لما سـواق الباص رفض أن يقول لهـا وجهـة البص حتى لا تركب. هـذه الحادثـة كانت عام 1982 فى الخـرطـوم، ولن أنسـاهـا ما حييت، وما زال طيفهـا أمامى وهى تتـوسـل للســواق وتسـال بإلحاح: امدرمان واللا بحـرى.. والســواق الغتيت عامل ما فاهـم كلامهـا لحـد ما إتحـرك. |
عليك الله السواق كان جنسو شنو
بعدين والله يا زول يا هشام انت طلعتة الدفعة
بتاعة على عبد اللطيف كدي احكي لينا جلاء الخواجات
من السودان وحكاية الاستقلال برواية ووجهة نظر زولابيه
وحكاية حريق العملة حريق الشعب وحكاويك مع القرش
المقدود والتعريفة والفريني حق فاروق ملك مصر والسودان
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: يازولyazoalيازول)
|
رأيت جيمس بيكر عام 2002
وتحدثت معه
وفي نفس المكان بإبنه
جيمي بيكر (الثالث)
وأيضا تحدثت معه لفترة
شفت صديق منزول
محمد عبدالحي
جمال محمد أحمد
جكسا
معاوية سورج
البرعي
نقد (في مناسبة إجتماعية بداية التسعينات..وعند خروجه فوجئ تيم مراقبة الأمن وكانت سيارتهم بعيدة..فأبطأ ينتظرهم حتى لحقوا به)
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: يازولyazoalيازول)
|
يا زول ياخطيييييير!!!
من ناس البورد شفت :
عبدالرحمن حمدالنيل قوي
أسعد محي الدين إبراهيم
السهيلي حمد مجذوب
ريدر فايف
رقم صفر
وهؤلاء كانوا زملاء دراسة بالثانوية ثم بالجامعة
ماريل 85
شفت د. ياسر الشريف بمنزلهم بالأبيض عام 1986 عند وفاة والده رحمه الله
وشفت مصطفى مدثر .. تصوروا في منزل عمي حمدالنيل علي الشيخ وكان في معيته زوجته وهي شقيقة كمال الجزولي إن لم تخني الذاكرة الخربة وقد حدثني عمي حمدالنيل بإسهاب عن رحلتهما الشهيرة للسويد ومغامراتهما (اللذيذة) في مالمو ...
أتمنى رؤية ودقاسم رغم أنه كان السبب المباشر في عضويتي بالمنبر
أتمنى رؤية أقربائي هشام الشيخ وشقيقته الرائعة طماطم
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: Elsuhaili Magzoub)
|
يااخوانا ما فى واحد فيكم قابل هتلر وكدة ؟
اما أنا فنفسى اقابل ميخائيل جورباتشوف وأساله سؤآل واحد بس وهو كيف قدرت تفكك تلك الدولة العظمى التى كانت تسمى الأتحاد السوفيتى.
وكمان نفسى اقابل صدام حسين واسأله واقول عامل كيف ؟والدقن شلتها ولا لسع موجودة لزوم المراوغة والتمويه ؟
اما الشخصية الوحيدة فى العالم التى لا ارغب ولا احب مقابلته فهو ذلك المتعنظ السخيف الذى يدعى امين حسن عمر.
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: يازولyazoalيازول)
|
يا زول لو قلت عايز تشوفني كان قلت ليك موضوعك جميل وشيق ،بس الله غالب
قائمة السياسيين شفت معظمها ، ولكن :
عبدالخالق محجوب صافحته في ندوة السجانة وسألني عن تحصيلي ودروسي
الشهيد محمود محمد طه :زهاء الساعة في منزله
إسماعيل الأزهري ك بصحبة والدي في المولد ، مسح على رأسي
الصادق المهدي ، ناقشته مرتين بعد محاضرة قدمها في شيراتون الدوحة ، وأخرى في منتدى الخرطوم جنوب
صافحت وتحدثت قليلآ أو بالأحرى تحث معي وربت على رأسي الشهيد جوزيف قرنق وترك لدي إنطباع رائع ، وكذلك الراحل عمر مصطفى المكي في منزلنا في الستينات
محمد إبراهيم نقد ، شهدنا معآ ليلة نزفت الخرطوم وغرقت الشوارع بصحبة الشفيع خضر
حسن الترابي : قابلته في الدوحة وإشتبكنا في مناقشة عنيفة ، وجهت له إتهامات وراوغ كعادته ،
جالست : مظفر النواب ، إبراهيم الكوني ،والفنانة التشكيلية الكويتية ثرياالبقصمي والتي إنبهرت ب مصطفى سيد أحمد ، غنى لها ذاك اليوم كما لم يغن من قبل ومن ضطن حضور الجلسة نادوس2000
الكابتن جكسا درة الملاعب رجل ودود وفنان
بورداب أعرفهم قبل سودانيز اون لاين
ابرزهم ، الكرسني ، بنات العباسي ، أيوب ، بهاء الدين ، نادوس2000 ، أبنوسة ، عاصم ، ، عبير خيري ، سامي عبدالرحمن ، علاء سنهوري ، إسماعيل ميرغني ،حسن الجزولي ، مصطفى مدثر ، الباقر موسى ،هاشم ميرغني
أعرف ، عشه ووكر ، أحمد كيلو لحم ، مصطفى الكضمي ، كمال سينا ، كجامه ، صلاح الطير ، حنان لبط ، صلاح الخروف ، محمد عواره{ أبوجنزير الذي روع عطبرة}
بورداب شفتهم وما شافوني
تماضر ، إشراقة مصطفى ، الجندرية ، عثمان تراث ، يحيي فضل الله
بوردابي عايز أشوفو
ودقاسم
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: WaD OmI)
|
sympatico
يا سلام عليك يا سمبتيكو وعلى شوفك كمان البرة والجوه ، بالجد بالجد شوفك نضيف وعلى كده لازم يكون ستة على ستة وعينى باردة ، نفسى اشوفك
mustafa mudathir
ايه لزوم الويل وسهر الليل يا مصطفى ، ان شاء الله تشوف السمح وتشوف الطمأنينة وتشوف الفرح كمان
motaz
| Quote: انا نفسي اشوف الزول العايز يشوف الزول الشاف مانديلا |
وانا نفسى اشوفك سريع ، عشان ظرافتك دى
حبيب نوره
وانا نفسى اشوف نوره ، هىىىىىىىىى يكا
كبسيبه:
اقسم بالله العظيم عايز اشوفك ، الاسم سقط سهوا من القائمة زى ما سقط ابراهيم على وآخرين
ناجى الزبير الملك:
وانا والله نفسى اشوفك
حسين ملاسى:
ان شاء الله تشوفو بس ما تعتزل
رجاء:
شوفك سمح عديل كده ، والله قائمة شوفك بالجد مشرفة ، وزى ما بقولو اهلنا زمان (سمع وشوف)
abureesh
بقدر ما اضحكتنى حكاية دخولك القصر حتى لحظة شرابك ليمون بارد ، بقدر ما زعلتنى قصة السواق الغتيت الاتغاتت على الجنوبية ، ما هى دى العنصرية البغيضة الكنا بنحكى عنها ، قال سلام قال
أيمن جعفر:
انت كان شفتو ، احكى لينا عنو
ودالشيخ:
أقسم بالله لو شفتنى تقول انا اصغر منك سنا ، تقول لى على عبداللطيف ، انا على كل لما كنت صغير فى مظاهرات اكتوبر 64 شفت واحد شايلنو فى المظاهرات بشبهك شبه ، عليك الله يا ود الشيخ ، ده ما انت؟؟؟؟
haleem
شوفك نضيف برضو ، تسلم
عبدالباقى الجيلى:
ونحن نتمنى شوفتك كمان
السهيلى مجذوب:
شكرا للمشاركة معنا
قلقو:
بطل القلقو ، وان شاء الله تشوف الزينين ، ومشاكرتك معنا اضافة حقيقية بنكهة الفراولة
أبوجهينة:
خطير والله
أبوساندرا:
عليك الله انت صاحب مهلب على مالك؟؟؟ ياخ نفسى اشوفك والله ، زول يشوف عبدالخالق وينافح الترابى ، ويتبرك بى الأزهرى ، ويصاحب مهلب ، ده يبقى زول خطير عديل ، تسلم يا ابوساندرا وحقيقة شوفك نضيف ، فيه ريحة (شيوعية) ، وبعدين تعال انا برضو شفت الكضمى فى بحرى مش؟؟؟ البوريك الصعاليك ديل شنو؟؟؟؟
ًWaD OmI
ونحن كمان نفسنا نشوفك عشان اسمك ده يا ود امى
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: يازولyazoalيازول)
|
سلام عليكم
والله يا زول يا هشام موضوعك حلو شديد
لكن الواحد ما بيقدر يحصر الشخصيات المهمة الشافها فى حياته
رؤساء السودان كلهم شفتهم وسلمت عليهم ما عدا عمر البشير والوزراء وخاصة الاخوة الجنوبيين ، اما باقى الملوك الرؤساء شاهدت سمو الشيخ زايد بن سلطان وسلمت عليه خلال الاحتفال الذى اقامه لكل ابناء المواطنين والوافدين المولودين يوم 2/12 وهو عيد الاتحاد فى دولة الامارات العربية المتحدة وكان وضاح ابنى من ضمن الاطفال المحتفى بهم وقدم له الشيخ زايد حفظه الله ساعة رولكس من الدهب الخالص وكل بقية الاولاد اما البنات كانت هديتهم طاقية من الدهب وتورتة من ثمانية طوابق احضروا ليها اصطاف من فرنسا خصيصا وعليها علم الامارات ( كان مولد عديييل كدة )وشاهدت الملك فيصل ، والملك خالد ، والسلطان قابوس ، والملكة رانيا ، شاهدت وسلمت عليه جمال عبد الناصر والكتاب والشعراء والصحفيين الفنانين والممثلين السودانيين والعرب تسعين فى المية منهم شاهدتهم ، الادباء الشعراء العرب بارك الله فى المجمع الثقافى بابو ظبى الذى اتاح لنا فرصة مشاهدتهم ، والفنانين الخليجين والعرب شاهدت معظمهم فى حفلات الامارات ، اما الممثلين المصريين تقريبا شاهدتهم كلهم نسبة لوجود عادل امام فى الجنح المجاور لوالدى عليه رحمة الله فى مستشفى العجوزة بالقاهرة لمدة شهرين شاهدت فيها كل الممثلين والمخرجين والكتاب والاوتجرافات والالبومات مع الاخوة المصرين اجمل ذكرى احتفظ بها الى ما شاء الله .
وسلمت على محمد على كلاى ، وسلمت على الشيخ القرضاوى وعمرو خالد والزندانى وشمس البارودى فى محاضرات دينية فى جمعية المرأة الظبيانية ، وسلمت على الشيخ البرعى والشيخ الفاتح غريب الله والشيخ الجعلى والشيخ الطاهر ود بدر من ام ضوا بان .
وامكن اكون نسيت شخصيات كتيرة .
شاهدت معظم بورداب الامارات ولم يعرفونى فى تأبين الفنان الراحل مصطفى سياحمد وفى حفل الوافر شيخ الدين والصادق الرضى وفى المركز الثقافى السودانى .
اللذين اعرفهم معرفة شخصية عبد الرحمن سوركتى ، سكوتاوية ، محمد سيد احمد ،
اتمنى ان ارى كل البورداب .
اتمنى ان التقى الحبيبة رجاء العباسى وادفع نص عمرى او عمرى كله ما مشكلة .
لكم تحياتى
ولى عودة
ام وضاح
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: essam&amal)
|
يا سلام عليك يا ام وضاح ، وعلى شوفك ، خلى بالك شوفك من النوع الملكى ، فى عيون كده ربنا خلقها عشان تشوف كل جميل وسمح ، وان شاءالله تشوفى رجاء العباسى ونحن كمان نشوفك ، وتظلى كمان تشوفى السمح والزين
وبصراحة كده انا نفسى اشوف لنا مهدى وزوجها يعقوب وكان شفتيها قولى ليها فى زول داير يشوفك لله فى لله
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: essam&amal)
|
الحبيبة آمال..
يسلم عمرك.. أنا قريييب ده حأشوفك باذن الله..
العزيز أبو الريش..
حكاية القصر الجمهوري وشوب الليمون أبو قرش دي لو حكاها أي زول تاني ما حتكون بتشبهو... لكنها شبهك مليون المية..
وأنا أقول ..
أما حكاية المرأة الدينكاوية فقد ذكرتني بحكايات أُخر.. بداية من الإبتدائي حيث كان هناك تمييزا بيننا وبين زملائنا ذوي الأصول الافريقية.. وقد كانت مسألة مزعجة للغاية..
شئ مؤسف  ..
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: SAdo7)
|
ان شاء الله تجيك يا صدوح اب وجها صبوح ، عشان صباحة وشك دى يا صداديحو ، بس اتذكر طوالى (اللهم انك عفو تحب العفو ، فأعف عنى) خلى بالك هى هنيهة كده ، لازم تخلى بالك ، وبعداك يا صدوح لو ربنا استجاب ، يا بختك يا بختك يا بختك ، فقد حيدت اليك الدنيا بحذافيرها ، وأنت فى الآخرة من الموقنين
داير شنو أكتر من كده؟؟؟
(وتحت تحت)
أدعى لينا معاك ، آآآآ ، ما تنسى!
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: يازولyazoalيازول)
|
العزيز قلقو
وينك ، جينا كم مرة وما قابلناكم ده كلو من الحر واللي كانت السبب ومشرم الساهلة دي ، {شروم} ذاتو بعرفو!
يا زول ،
أنا جني وجن المهلبين فبطل اللبط ، يا بنجيب ليك حنان لبط توريك ليه ، ولو عايز تشوفني تستحم نضيف وتقوم بدري وتجي تقيف في الصف زي صف اعادة التوطين في الخارج
في وقت ما اهتميت بالشخصيات النمطية ، مجانين ومساطيل ، وشنو وشنو ، عرفت قعربابور في أوقات صحوه شخصية عجيبة ، عرفت عباس بنك الذي سرق البنك في الستينات بعد عودته من أمريكا وهو رجل دمس الأخلاق وهادىء وذي قدرات رهيبة في مختلف المجالات ، كنت مبهورآ بلغته الإنجليزية الرصينة وبمغامراته التي داعبت خيالي ، ،عرفت فلانة أم...{ كل نقطة بمثابة حرف} وهي أمراة الحكايات المدهشة كنت أذهب لها في بيتها الواقع أمام حديقة القرشي من الناحية الشمالية يفتح على شارع بيو يكوان غير عابي أن يظن بي الأخرين ما يظنون كنت عايز أسمع الحكايات وبس ، تصدق !
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: أبو ساندرا)
|
أبو ساندرا ، الله يجازى محنك ، على كده انت زول لازم يتشاف ، لأن الشوف الشفتو ما شافو زول اعتيادى ، واكيد ، اخدت من ده حبة ومن ديك حبتين وسمعت قصص وحكايات ولا الف ليلة وليلة ، تصلح جدا لليالى السمر ولشعللة المظاهرات ولخم الرماد ولبهجة الناس الحيارى (زينا) ولفش الغباين ، ولأكل اللحم المشوى بالشطة والليمون (وحاجات تانية حاميانى)
أبوساندرا:
لا أرضى بشوفتك الا فى العسال ، عشان (نعسل) معاكم شوية ، ونسمع حكاويكم ، ونفضفض معاكم شوية
شوفتك تزيدنا شرف وبهاء وألق
أرجو أن يتيح لنا الزمن تحقيقها ، ويا ليتك لو عرفت صديقى الجداوى ، مهلب على مالك ، ود رفاعة الجميل (بيشبهك) ما عارف ليه
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: أبو ساندرا)
|
يا زول يا زول الله اديك العافيه
والله دعواتك سمحه تب وليك على لو جاتنى تكون فى الواجهه ( الواجهه فى الدعوات موش الواجهه بتاعت احمد اليلال الفى التلفزيون )
مع انو انا العايزو منها والله كتير ولى كم سنه مستنيها لكن ليك على ما برتاح الا تجينى وتشكر يا عمنا على الدعوات الطيبه دى ولك كل الود
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: يازولyazoalيازول)
|
هشام الايام دى بوستاتك زى سوق ابقوتة يوم يصادف ليه صرف مزارعين الجزار بضبح تورين
أبو ساندرا..انت من العسال طيب انتو ما ناسنا عديل كدا ابقوتة جبدا منكم..
بعدين قلت لى بتعرف عشة بوكر..واخمد كيلو لحم,,يعنى ديل عاملين جوز
انا سمعت بعشة بوكر من دكتور كان معانا بعائلته اسمه دكتور منعم..كان مبعوث فى الهند..وزول
سهرات كنت بسمع من العبارة دى فى الضهارى..بس اخوك سفة ما جربتها....بس بشرب 20 شاى فى اليوم..لما اقوله يادكتور افضل معاى شاى..بقولى انا بشرب شاى عشة بوكر..وكنت مصدق انها بتاعة
شاى..فى النهاية عرفت انها موزونة على جون وكر بتاع الشغل الميان
وتسلم
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: يازولyazoalيازول)
|
ياهشام خلاص حانشوفك أصلي ناوي حجة ، عمرة ، بالفعل توفرت لي حكاوي مدهشة نويت مرة ، أو بديت فيها في بوست عن يوم ميلادي ،ناقشت بعض الزملاء كان الحصيلة أن { والليلة ونحن بره} أو من شاكلة { كدي ورينا كان راجل} وسكت ، لو ضمنت انو مافي محاكم تفتيش أو إستتابات ، وكمان في مشكلة تانية هي الرقابة المنزلية ناس أو ناسات البيت كلهن بيقرو أي حاجة أكتبها، موضوع رد على موضوع وبيحاكمن كمان المطرطشات!
يا زول تعال العسال وأضمن ليك تاني ما ترجع أو تعود لها زي مصر ، هدوء وخضرة وكرم وجمال وبمناسبة الجمال هذه العربيات ديل فيهن جمال باهر خاصة عندما يواجهنك وتشوف الجمال المتباين ، أما إن قبلن صادات فكلهن نفس المقاس ، لا تستطيع ان تفرق بين هذه وتلك ، مبرومات ، و{أدشاش} تجيب ليك أي قناة ، بلس ما تجيب مرتك معاك!
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: أبو ساندرا)
|
أبقوته
| Quote: هشام الايام دى بوستاتك زى سوق ابقوتة يوم يصادف ليه صرف مزارعين الجزار بضبح تورين |
قول ما شاء الله
أبوساندرا:
تعال الحج ، وبعد الحج ، ليك على أدخلك جخانين ، يمين تحلف تقول دى العسال زاتها ما سمعت بى حكاية جدة غير
بعدين من جد شهيتنا فى العسال ، وكان قبلت صادات ، دى والله حكاية عجيبة ، كان كدى جاييك براى
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: يازولyazoalيازول)
|
العزيز هشام تحيات شحمانات
أنا بقى شفت معظم آل شيخ الدين
ولى علاقات خوة مجيدة مع من عاصرتهم فى المعهد والحيشان وكلية الفنون ... لكن والله مشتهى أشوفك أنت وأتصنت مستمتعاً بونستك وحكاوييك ... با أخى أقوليك، البوست فكرته لذيذة، خصوصاً بعد السربعات الاخيرة للشباب المتداخلين .. سلام
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: يازولyazoalيازول)
|
و على ذكر ( السربعات ) يا أيها العبد المنعم الشوّاف ..
أنا عايز أشوف ..
أشوف ..
أشوووووف ..
أشوووووووووووووووووووووف ..
أشووووووووووووووووووووووووووووووووووووووو فك ، بكره في الموعد !!!
تسلم أيها الحبيب هشام ( يازول يا زول ) إنت وين ماشي ...؟
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: منعمشوف)
|
رائيت اليوم شخصيه كنت اتمني ان احظي برؤيتها منذ زمن _
قابلت البشوش _ طيب الذكر الاستاذ المحامي _ كمال نعواش _ انه اخر من قابلت وقد حظيت بالجلوس في جنبات مكتبه المتواضع جدا قياسا بالرجل واسمه _ ولكن انه طبع اهل الشام _ يصغرون تواضعا _ ليكبرا قدرا _ _ تدخل عليهم في بيوتهم _ او مكاتبهم _ لتصدك اصداء صوت المغنيه "فيروز "ب _ يا قدس _ لتحضتنك بالكرم العربي رغم ضجيج البلده الامريكيه التي اعيش فيها _ فانسي مع الاحضان الضجيج الغير مرحب به _
استاذ يازول _ انا عند وعدي _ كلما اري او اقابل رقم _ سوف افرد مساحة الحكي هنا .
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: يازولyazoalيازول)
|
العزيز هشام
جيتك صادة تانى ، رأيك شنو فى جيت صادة ؟؟ وليك كم سنة ما سمعتها .
العزيز قلقو
والله الساعة الرولكس تستاهله واكتر
لكن انت مولع لينا النيران مالك مع وضاح لو شاف البوست ده بحملك المسئولية لأنه الساعة من الزمن داك وديعة فى بنك فيصل الاسلامى شارع على عبد اللطيف فى الخرطوم لحدى ما وضاح يكمل الجامعة لكن انت اتسلطت علينا وانا متأكدة انه حيقول دايرها .
المهم ذكرتنى لحظة ولادة وضاح والدكتورة تقول لى اليوم 2/12 عيد الاتحاد فى الدولة خلى طفلك يحصل جائزة من طويل العمر وانا فى الحالة العلى وهم فى جائزة شيخ زايد واقول ليها بلا جائزة بلا كلام فارغ وهى تحسب فى الوقت باقى للساعة اتناشر خمسة ساعات وبعد شوية تقول لى باقى ساعتين لما جات الساعة المكتوبة لوصول السيد وضاح كانت الساعةاتناشر الا ربع فى اللحظة دى وعيت لجائزة شيخ زايد وقلت ليها كتبت الساعة كم قالت لى ما تخافى كتبت 2/ديسمبر قلت ليها الحمد لله الحكاية فيها جوائز واخدنا الجائزة يا سيدى بعد سته سنوات من الانتظار والسيد وضاح فى المدرسة لأنه بعملوها كل كم سنه
وحظينا بمقابلة سمو الشيخ زايد وهديته القيمة واهم ما فيها منحوته من الداخل بالاهداء من الشيخ زايد ومعها التاريخ والمناسبة وهذه اجمل ذكرى من دولة الامارات .
لكن ما تخاف بعدما ترجع السودان نديك ليها اسبوع عشان تظهر بيها لزوم تقديم عرض .
ولك الود
ام وضاح
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: essam&amal)
|
ابو ساندرا ايها الديامى العريق والأصيل..والله ذكرتنا بأيام ليتها عادت فقد كان الزمان غير الزمان والبشر غير البشر..ليتك عدت بنا لأيام الخرطوم القديمة الخوالى..تسلم
العزيزة ست ام وضاح..انا كنت ناوى اطهر الولد الأيام الجاية لكن نحن فى انتظاركم عشان نطهر الولد ويتصور ويقشر بالساعة الرولكس الفاخرة كم يوم كدة..وبعد داك ابقى قابلينى.
تسلمى ويسلم وضاح ويسلم ابووضاح (لكن ماتقول لى ياابوضاح انت وزان خلاص).
يازول..ياخى الموضوع موضوع سلفة لى طهور الولد ....وبس . ولا اقول ليك حلال عليك شوكة الثوانى.
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: يازولyazoalيازول)
|
يازول....
جدة تضج بالعسالاب تعرف على أيآ منهم تشوف العجب {تيها} ، أما الجخانين وريني ليها أول والحج عقب عشان نمسح آثار الجخانين
منوت....
يا حبيب ،إنت لو الله كاتب ليك سعادة تشوف اللي سمعتو!
قلقو......
حكاوي الخرطوم القديمة شيقة وممتعة ، وفي نيتي الكتابة عنها ، بس كيف أفضى وأجمع أطراف شجاعتي!
يا قلقو إنت متذكر البيت الفاتح على الميدان الذي صار سوداتيل قرب النادي الأهلي الخرطومي؟
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: أبو ساندرا)
|
ابوساندرا...ايها الكارثة..البيت اخوك طاريهو بالحيل لكن انت من جنب جامع حجازى البيوديك جنب (نادى الأهلى شنو؟).غايتو زول حوام زيك كدة اصلو مالاقانى.
انا عايزك ترجع بينا لأيام مدرسة الخرطوم القديمة..طبعا اخوك وراكم بحوالى 25 دفعة وكدة واوعك تقول حاجة.
مع عاطر تحاياى للأسرة الكريمة
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: shammashi)
|
سلام مربع
انا سلمت علي
الاستاذ /عمرو موسي ـ الجامعة العربية - مصر
الامير ماجد بن عبد العزيز الله يرحمو - السعودية
الامير فواز بن عبد لعزيز
عاطف صدقي : مصر
حسام حسن
حازم امام
شيرين
ماجدة الرومي
هاشم صديق ـ السودان
الشاعر الكبير حميد
الصحفي الكبير
فضل الله محمد
الشاعر :عبد العال السيد
الاديب جمال الغيطاني ـ
الاديب نجيب محفوظ
الروائي يوسف القعيد
الراوي الراحل
الراحل
محمد توفيق ( الله يرحمو
اما الناس الشفتهم
ليلي علوي /احمد زكي / سميرة سعيد/
مني زكي / محمد هنيدي /عادل امام/احمد ادم/شيماء سعيد
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: يازولyazoalيازول)
|
هشام العزيز....انا شفت اولاد شيخ الدين وامهاتهم ..ماعدا تماضر
والوافر وهشام وشفت اولاد عمهم كلهم..واولاد عماتهم وكثير من اهلهم
وبعدين شفت الطيب صالح بل شرفنى الاخوة فى الرياض بادارة الندوة التى اقامها فى فندق القصر الابيض..ومن اصدقائى المرحوم ابراهيم احمد عبد الكريم..ود.محمد عبد الله الريح..وشفت الشيخ محمد متولى الشعراوى وسلمت عليه واتونست معاه كمان..وشيخ البرعى وشفت الشعراء
سيد عبد العزيز وعبيد عبد الرحمن وعتيق وود الرضى وحدباى والعبادى
وطبعا هو عم المرحومة شامة زوجة عتمان ود الاسطى...وعبد الرحمن الريح وعمر البنا..تقريبا كل شعراء الحقيبة ما عدا ابو صلاح وشفت معظم فنانى السودان وواحدين عندى معاهم صداقات..وشفت الابنودى وحا اقول ليك حاجة ما تصدقا شفت الممثلين محمود عبد العزيز والممثلة الكويتية حياة الفهد..ولما كانت ثقافتى السينمائية تكاد تكون معدومة والله نازلين معاى فى نفس الفندق ونفس الطابق وبلاقيهم زى عشرة يوم وبسلم عليهم على اساس انهم عرب واقسم بالله ما عرفتهم الى ان اتى احد اصدقائى وهو يمنى الجنسية وقال لى ده ما محمود عبد العزيز ودى خالتى قماشة الممثلة الكويتية حياة الفهد وجاب الكاميرا واتصورنا معاهم وبعد داك نحن كنا قروب والجماعة بقوا يجوا غرفتى عشان يشوفوهم ويتصوروا معاهم الى ان اتضايقوا وبقى ظهورهم قليل فى الفندق اتارينى كنت مريحهم للاخر وما شغال بيهم شغلة
والجماعة من عرفوهم شبكوهم ماهى اخر الاعمال..والاخبار الفنية وما عارف الممثل داك وين وداك مالوا الى ان زهجوا ..لكن كان عارفنى انا ما عرفتهم كان قالوا العبد ده مزدرى...
اخيرا انا شفت حاجة الما شافا منكم ما اظن حا يشوفا بعد ده الا بقدرة قادر..سنة 1986 مشيت فرنسا وصادفت الاحتفال بسقوط الباستيل وطبعا عرفت انهم بحتفلوا بيه كل مية سنة..يعنى الاحتفال القادم حا يكون سنة 2086...الله يديكم عمر عشان تحضروه يازول قول امين
وبعدين ايام نميرى شفت وزراء كتار ومن الواحد فرحان بلقاهم منصور خالد وعمر حاج موسى وزمن الاحزاب طبعا شفت السيد الصادق والمحجوب وابو حسبو وعلى عبد الرحمن واخرون..بس الغريبة ناس الحكومة الحاليين ما شفت الا غازى صلاح الدين فى السفارة بالرياض..وانشاء الله ما نشوفهم.....
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: صديق الموج)
|
منعمشوف:
شكرا للحضور الجميل بيننا هنا ، واتمنى الشوفة بحق وحقيقة
محب:
أبقى على وعدك معنا لكل اضافة جديدة ، تشوفها أو تتذكر أنك شفتها فهذا يزيد الفرح فى قلوبنا وان شاء الله تشوف السمح والزين والعديله
تماضر:
| Quote: انا شفت ناس ظالمين كتير.......... |
كلامك صاح ، وبالذات اليومين ديل ، انا متابع ، لكن يا تماضر ولا يهمك انتى برضو (شفتى ناس عادلين كتير ..... )
أم وضاح:
الساعة كم؟؟؟؟ أقصد بى كم؟؟؟؟؟
قلقو:
ان شاء الله تكسب ليك لوترى من ابو كم مليون دولار داك ، عشان تهدى لينا ساعة زى حقت (ود ام وضاح)
مريم الطيب:
وأنا كمان يا مريم سمعت بيك كتير ، وزى ما قال الغناى : داير اشوفك تانى مرة الف مرة ، من شدة الشوق الكتير ، زى الما حصل شفت احلى بت خالة فى الدنيا ، الله يخليك
أبوساندرا:
بس انت تعال ، الباقى هين
حميده:
صحيح اتشاوفنا فى بيت الجعلى ، بس ما حصل حكيت للبورداب عنك ، تسمح لى احكى هسع ؟ ياخوانا حميدة شاب (كبير) فى عقلو وادبو وفهمو و (صغير) فى سنو ، هو شاب انيق جدا من النوع الذى تذوب العذارى فى جمالو ، ممتلىء حيوية ومفعم بالنشاط لا تفارق الابتسامه وجهه ، حلو بكل المقاييس ، الجلوس اليه مغنم ، اذ ياسرك بحسن اخلاقو وسعة ادراكه رغم صغر سنو ، هو فنان وشاعر ، وان لم يغنى ويقرض الشعر ، وقد يكون ، لكن الشكل بقول كده ، وعند مجالسته تحس بأنك أمام اديب وسياسى محنك وفنان ووطنى غيور على بلده ، وهو من جد من جد احد ابناءنا البررة ، ونموذج جيد للشباب الواعى ، الله يحفظه ، وبرضو بحس انى ما اوفيتو حقو كامل
شماشى:
نحن زاتنا عايزين نشوفك ، بس بره السجن
صديق الموج:
كل يوم بقول نفسى اشوف صديق الموج ، لأن الحاجات العندك دى نادر ما تجتمع فى زول واحد
الله يحفظك
| |
|
|
|
|
|
|
|
|
 Re: هؤلاء التقيتهم ورايتهم بالعين المجردة (Re: يازولyazoalيازول)
|
الريس هشام يازول
والله انا برضو متمني اشوفك .. واشوف اي بوردابي وبوردابية لاقيتهم هنا ده
كانت عندي فرصة عظيمة اني اقابل بورداب جده كنت في رحلة عمل صغيرونه للاسف كانت سويعات .. والدنيا ليل خالص دخلنا جده وطلعنا زي الحرامية ..
نتفق انا بشوف ليك ناس الرياض
وانت شوف لي ناس جده .. بس اختاني من اساسي بلاهي
في شخصيات كتيرة عالقه في الذاكره بتذكر منها ونحنا صغار
محمد علي كلاي .. عند زيارتو لافتتاح مسجد النيلين .. وكنا طلاب بالابتدائية في مدرسة الرشاد الابتدائية المطلة من الناحية الغربية علي مسجد النيلين .. واصطفينا عند مدخل المسجد وصافح عدد كبير مننا مع جعفر نميري ولحظته ما انسي الرهبه والخوفه الكانت جواي ..
بتذكر برضو طشاش طشاش منقستو هايلي مريام .. برضو زيارتو للسودان في نفس الزمن داك ..
اما لعيبة الكورة يمكن كنت محظوظ اني لعبت مع او ضد مجموعه كبيرة في مناسبات مختلفة
حامد بريمة
باكمبا
جمال ابوعنجة
عبد العظيم قاقرين
اسامه سكسك
...
وليد طاشين
الريح مصطفي
حموري ابوعنجة
...
بريش
مغربي
محمد ضربه
حسن حامد
هيثم شوشه
الصادق ويو
مجدي الزومة
عصمت الامتداد
عصام عباس
اوتجرافات نادره ..
رونالدوو
روماريو
فرنانديز مهاجم المكسيك الخطير
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: يازولyazoalيازول)
|
صديق الموج إنت طلعت ديناصور عديل كده ، كدي لما نشوفك بكرة .
شفت نميري مرة واحدة كان جانا طيبة الشيخ عبدالباقي لزيارة المغفور له الشيخ أبوعاقلة وكنت من ضمن الطلاب المختارين للاصطفاف لتحية (سعادته) عند باب الخلوة .
أنا جاي جدة قريب يا هشام وسوف أسعى جاهداً للقاءك .
| |
|
|
|
|
|
|
|
|
 Re: هؤلاء التقيتهم ورايتهم بالعين المجردة (Re: يازولyazoalيازول)
|
هشام الوناس
تشوف النبي يقظة ومناما ان شاء الله
لكن تعال يا ود امي
ابو ساندرا دا منو البشبه مهلب
عليك الله ما تفرحو ساي 
لوووووووووول
مهلب دا مافي زول بشبهه
النبي بغني ليكم ؟
ياااا حليلهم
اح اح
نفسي في حفلة يغني فيها مهلب قصب السكر
بالله سلام كتيييييييييير ليه
وسلام اكتر هندوية
وانا اقول
تراني شامة فيك ريحة الحبان
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: يازولyazoalيازول)
|
هشام ، يازول يازول.. تحياتي ،
Quote:
الـ شاف تباريح الطلح في النار /
شـافني مرقتَ من عِــنْــدِكــ ضــريــر
عاطف خيري |
هشام أنا قعدت في جدة 36 شهر ، ومشيت منها قبل 9 شهور بس ، وشفت كل ( أو أغلب ) البورداب ..
وما شفتك ، ولا شفت شيري .. ما عارف ليه !
الحكاية دي مزعلاني زعل !
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: يازولyazoalيازول)
|
الجندرية
{ عليك الله ما تفرحو ساي}
هو داب فرح ! منذ الأمس فرحي سال جداول وغمر البراحات والأماكن وسرت عدوى فرحي فطالت حتى مديري المتجهم فرسم إبتسامة برقت لثانية ، إرتفعت حواجب السكرتيرة وعلقت إنشاله دائمآ ، أتعرفين لماذا؟ ما عشان بكرة الإجازة ، بس عشان ليلة البارحة ، نزعت الخوف وتمردت على القوالب وخرجت للمطر حفيان.
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: أبو ساندرا)
|
الجندرية:
مهلب بالجد كده مافى زول بيشبهوا الا (العميرى) ، لكن شبه ابوساندرا ليه فى (المضمون) ، يعنى صراحة كده بحس دواخل الزول ولذاذتو فى التعبير وذكرياتو (وى كأنه مهلب)
يا جندرية مهلب وهندية اصدقاء عزاز وحتى (مودى) و (سيزر) و (لبنى) هم اهلى واحبابى واصدقائى وبناتى وأولادى ووطنى السودان (أعز مكان)
يا جندرية لولا مهلب لأصبحت جدة خرابا يسكنها الوطاويط ، ولنزحنا حيث ينزح مهلب
هو يقضى اجازة بين الأهل فى السودان هذه الأيام ونحن نتصبر بذكراه ونتسلى بأيامنا الخوالى معه الى حين عودته
يا جندرية ، ارتفع قدرك عندى كثيرا فأنا أحب من يحب مهلب ، وأحترم كل انسان يعرفه من رفاعة حتى أى مكان وطأه مهلب
يا جندريه مهلب ده حكايه تانى خالص ، هو نموذج مميز لكل سودانى اصيل ، وهو الطيبة بكل معانيها وهو الفهم العالى والذوق والرقى ، هو الفن بكل ما تعنيه كلمة الفن من معانى سامية
يا جندرية ، شكرا ليك كتير ، عشان بتعرفى مهلب
السمندل:
لا حول ولا قوة الا بالله! بالله كل الفترة دى انت فى جده وما نتقابل ، أكيد ربنا سبحانه وتعالى عندو توقيت آخر لشوفتكم البهية
أبوساندرا:
ليك حق تفرح يا صاح ، وانا نفسى اخرج للمطر حافى حالق (بس هى وينها؟؟؟)
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: صديق الموج)
|
Quote: حميده:
صحيح اتشاوفنا فى بيت الجعلى ، بس ما حصل حكيت للبورداب عنك ، تسمح لى احكى هسع ؟ ياخوانا حميدة شاب (كبير) فى عقلو وادبو وفهمو و (صغير) فى سنو ، هو شاب انيق جدا من النوع الذى تذوب العذارى فى جمالو ، ممتلىء حيوية ومفعم بالنشاط لا تفارق الابتسامه وجهه ، حلو بكل المقاييس ، الجلوس اليه مغنم ، اذ ياسرك بحسن اخلاقو وسعة ادراكه رغم صغر سنو ، هو فنان وشاعر ، وان لم يغنى ويقرض الشعر ، وقد يكون ، لكن الشكل بقول كده ، وعند مجالسته تحس بأنك أمام اديب وسياسى محنك وفنان ووطنى غيور على بلده ، وهو من جد من جد احد ابناءنا البررة ، ونموذج جيد للشباب الواعى ، الله يحفظه ، وبرضو بحس انى ما اوفيتو حقو كامل |
دا حميدة الامس كنت معاهو دا...
يا حميدة الليلة جاي اشوفك كويس يازول كنت لابس نظارات سباحة ولا لحام انت
لوووووووووووووووووووووووووول
فعلا الفتي مذهل 
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: يازولyazoalيازول)
|
أتمنى أشوف الآتية أسماؤهم ، ولو بتعرف دربهم يا هشام الرسول عليك وريني ليهم لما أجي جدة ، وهم :
الطريفي وجملو
أمات طه
زينب صاحبة اللون الشهير (لون زينب)
حاجة العافية (صاحبة النوم المعروف) يقولون : نوم العافية
عبدالسلام الذين يخاطبونه قائلين : وأي كلام يا عبدالسلام
أم حمد البصيرة الشهيرة
أم أحمد التي دقت المحلب
وآخرين آمل أن أتذكرهم تباعاً
أدروب الولوف
الكديسة التي يقول فيها الشوايقة : الله لا أدى الكديسي ريسي (الله لا أدى الكديسة ريسة) ودي ممكن تكون من كدايس جدة يا هشام .
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: يازولyazoalيازول)
|
يني الإغريقي ؟
لا لا لا نحن (التُّرُك أبِّين عيوناً زرق) ديل ما دايرين نشوفهم
بس داير أشوف منهم جوليا روبرتس وأقول ليها أديني مليون واحد من العشرين مليون اللي لهفتيهم في فيلمك الأخير .
وأمشي أديها لناس تماضر عشان ينشروا نشاطاتهم الدرامية على أوسع نظاق ... شنو ليك ما فقري !!
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: يازولyazoalيازول)
|
| Quote: وبرضو بحس انى ما اوفيتو حقو كامل |
والله يا خال ..
كفاية تب ..
كلامك دا .. بعرس لي أربعة ..
كان جات زيادة .. جديدة ..
بنقول ليك تم الكلام ..
وتسلم ..
Quote: دا حميدة الامس كنت معاهو دا...
|
اساسي .. الرجل البازوكة ..
امبارح .. النمل كان كتير ..
عشان كدي .. حجب الرؤية ..
اها الليلة .. يوم القعوي .. !
تعال بدري ..
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: elameen)
|
الله يتغمدها برحمته يا أمين ، وصدقنى عندك أمهات كتار فى السودان ،
فقد الأم من أصعب الأشياء التى يتعرض لها الانسان فى الحياة ، فقد فقدت أنا أيضا أمى قبل أربعة أعوام ، ووسدتها قبرها الشريف بيدى ، وكان قبرها روضة من رياض الجنة فقد دفنتها يا أمين هنا فى مكة المكرمة بجوار امنا خديجة بت خويلد.
ألا يعتبر ذلك روضة من رياض الجنة يا أمين؟؟
هذا عزاؤنا فى فقدها يا أمين
بالمناسبة ، أصغر أبنائى اسمه (الأمين) ، ولى ولع وحب شديدين مع هذا الاسم
بارك الله فيك
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: يازولyazoalيازول)
|
كيفكم
هشام اخوى والجندرية وصديق الموج
وكلكم الحلوين الفوق
شوقتونى اعرف المهلب
من هو المهلب ومعانا فى المنبر ولا لا
انا احترم الرجل الذى يحترمه الناس ويحبونه
اكيد حيكون انسان مية فى المية
وانا معكم احترم المهلب المحبوب الراقى الظريف
وللامانة كل من مر على باسم المهلب كان مهلب فعلا
اسم على مسمى ..
ام وضاح
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: essam&amal)
|
أم وضاح الذوق كيفك؟؟؟
الحقيقة مهلب ليس عضوا فى المنبر ، ولكنا سنحاول جرجرته حتى يأتى الينا هنا ، على العموم هو شاب سودانى خلوق من اولاد رفاعة ، فنان ، أديب ، شاعر، بالجد بالجد فيه كثير شبه من الفنان المرحوم العميرى ، فهو يشبهه فى خلقته ويشبهه فى طرفته وكذلك فى فنه ، فمهلب صاحب صوت (رويان) ، ويغنى اغانيه الخاصة ويقلد كل جميل فى الفن السودانى ، تصورى انسان يقلد رمضان حسن والجابرى وعبدالعزيز محمد داود ، ولا يتغنى الا بالكلمة الراقية الحنونة المبدعة
والله يا ام وضاح صديقى مهلب على مالك فنان بكل المقاييس
شكرا على السؤال ، وأتمنى أن تجمعنا الأياه به فى معيتكم
وتحياتى لوضاح وأبوه وباقى الجماعة المعاكم
| |
|
|
|
|
|
|
|
|
|
Re: هؤلاء التقيتهم ورايتهم بالعين المجردة (Re: jini)
|
سلام واحترامي
حبيبنا الزول السمح يازول يازول
كيف كده
انا شوفت السيد
الصادق المهدي
الجنرال البشير
فاروق ابو عيسي
القائد باقان اموم وتونست معاه كتير بس لمده سويعة تقريبا رجل اكثر من رائع
الممثلات
ميه عبد النبي
ميمي جمال
شمس
الممثل القدير عمر الحريري وكان يسكن في الشقه الفوقنا طوالي هاهاها
الممثل القدير حسن مصطفي
شخصيات تمنيت ان اراها بشوقا عارم
وماذلت
النبي العظيم سيدنا محمد صلي الله عليه وسلم
العملاق محمود محمد طه
العملاق غاندي
وشخصيلا بوردابية نفسي ان اراها
العزيز د.حيدر
,, ياهو زاتو
,, ياسر الشريف
,, مارد
,, عادل عبد العاطي
,, بوش
,, اسامه الخاتم
,, ودقاسم
,, منصوري
,, كابروس
,, انور كينج
,, منوبيا
,, عادل امين
,, خالد عويس
,, موديك
,, ساري الليل
,, يازول يازول طبعا
,, بكري الجاك
,, بكري ابوبكر
,,ابوقرجه
,, ابوحراز
,, شوقي بدري
وهناك كثيرين لم تسعفني الزاكرة الضعيفة من زكرهم
ونجي للعزيزات الفاضلات
رجاء العباسي
راويه
ندي علي
ندي امين
مريم بنت الحسين
بيان
الجندريه
اشراقه
تماضر
شيري
دوما
اسماء محمود محمد طه
وهنك اخوات فضليات نسيت اسمائم الان
لك التحايا علي هذه الفكرة الجميلة
علي احمد
| |
|
|
|
|
|
|
| |
يازولyazoalيازول
Rawia
smart_ana2001
Muhib
mustafa mudathir
motaz
حبيب نورة
Hussein Mallasi
Raja
Abureesh
عبد الباقي الجيلي
Elsuhaili Magzoub
قلقو
ابو جهينة
أبو ساندرا
willeim andrea
WaD OmI
essam&amal
SAdo7
سجيمان
abuguta
Kostawi
منوت
منعمشوف
Tumadir
مريم الطيب
humida
shiry
صديق الموج
tmbis
الجندرية
jini
degna
فيس بوك
تويتر
انستقرام
يوتيوب
بنتيريست