كتب الكاتب الفاتح جبرا المتوفرة بمعرض الدوحة
|
Re: تلفزيون السودان والقنوات السودانية (Re: adil amin)
|
اهلاً استاذAdil Amin عيد مبارك لك والاسرة الكريمة واطيب التهاني من عبرك لدكتورة نجاة واسرتها. الناس غرقانة وهم ولا حتي اهتمام بما يحدث وفعلاً قناة الهلال احسن حالاً واكثر صدقاً. نظرتهم قاصرة وهناك خوف غير مبرر من قول الحقيقة ولا خطة واضحة. لا فرق بين تلفزيون الكيزان والان
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
نشوف اخبار بلدنا في قنوات المحاور فعلاً علي قدر اهل العزم تأتي العزائم.
قنوات فضائية مرهقة للخزينة لا تضيف شئياً حتي الجلسات ما فيها ابتكار عذبتونا قنوات العذاب رجعوا للمغتربين قروش دعم القناة ، دي قروش ما تبع وزارة المالية ، تبع المغتربين ، وب ارباحها . وزارة المالية تقلل الصرف عليكم الي ان تعتدلوا
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
مقتطفات مما كتب دكتور عادل امين
( مفروض بعد تم توقيع الاتفاق والاعلان الدستوري والملحق بتاع الحركات ينزلو الوثائق دي بكره واصيلا علي كافة ابناء الشعب السوداني في كل السودان مادة مادة ويقراه زول مع لاريكس وطني.... ومش دش كثير مادة مادة 1- كل الفضائيات المملة بين الفواصل الاعلانية 2- الاذاعة ودي اهم حاجة 3- ملاحق في الصحف المحترمة
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
Quote: مقتطفات مما كتب دكتور عادل امين
( مفروض بعد تم توقيع الاتفاق والاعلان الدستوري والملحق بتاع الحركات ينزلو الوثائق دي بكره واصيلا علي كافة ابناء الشعب السوداني في كل السودان مادة مادة ويقراه زول مع لاريكس وطني.... ومش دش كثير مادة مادة 1- كل الفضائيات المملة بين الفواصل الاعلانية 2- الاذاعة ودي اهم حاجة 3- ملاحق في الصحف المحترمة |
ديل يا دكتورة ما بسمعو لحدي يشوفو ذي ما قال الراحل د حون قرنق وما في زول احتقل بي رحيلو وعبرو كمان ديل ما فاضين من المحاصصة والحوامة وعلقنا بين الفاشلين والاكثر فشلا وفلان وعلان اصبري الصبر بدخل الجنة وعندك فضائيات محترمة عالمية ووالله بقينا نتابع ناشونال جوغرافيك فضاء الله الكوني البديع بس لمن يجيبو وحيد القرن تذهب نفسي حسرات والالمانية DW لانها تحترم العقل وايضا الجزيرة الوثائقية وسلطنة عمان الثقافية وفضائيات اليمن حيث لازلنا الله يرفع البلا من السودان ناس مملين فعلا وما عارفين نفسهم مملين\ زمان نعرف لعيبة الكورة والمطربين بسبب ايداعم هسة بتعرف كمية من الاسماء وخلق جتي رئيس معتمدية اضان الحمار وكل كيزان السودان والعالم والشيوعيين والبعثيين والناصريين وهلم جرا
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
د. اخلاص تحياتي معقول كنا نتابع اخبار السيول والفيضانات من قناة الجزيرة والعربية والحدث وغيرها وتلفزيوناتنا غناء وحكي وحلقات ضحك وونسة فنانات بكميات هائلة من الاكسسوارات والثوب اللامع
قناة السودان الرئيسية اصبحت بدون ( شريط اخبار ) في انتظار حبيبنا الخبير لقمان ..
تحياتي
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
تمويل كل القنوات عدا قناة السودان يكون من الاشتراكات ،وزارة المالية ترفع أيدها وقبل ده يحصل يرجعوا للمغتربين قروشهم. نمولهم له من أموال محمد احمد ، المغتربين ما ح يدفعوا ولا يشتركوا ما لم تنال القناة رضاءهم وتلامس اهتماماتهم. حتي القناة الرسمية نص من الدولة ونص من الاشتراكات هذه القنوات بحالتها الراهنة لا تضيف شئيا هو
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
تلفزيون السودان او القنوات الاخرى ليس لديهم معدين برامج محترفين لكى يأتو بالجديد والابداع لبرامج العيد ، كل سنة نفس التقليد مجموعة من الفنانين وبينهم اعلانات وتناول مواضيع هايفة واغلبها شخصية لا تهم الموطن فى شئ هذا غير الفواصل الاعلانية الغنائية الطويلة التى ليس لها صلة بزمن الاعلان تفكير بس فى القروش الاخراج طبعا رتيب وممل جدا ولا يوجد مخرجين لديهم خبرة كلهم اتعلموا فى حوش التلفزيون بدون دراسة لا توجد فكرة ولا سيناريو ولا رؤية لتنفيذ البرنامج تقنية صوت سيئة زواية تصوير غير مدروسة إضاءة زى بيت العرس
| |
|
|
|
|
|
|
Re: تلفزيون السودان والقنوات السودانية (Re: مصطفى توفيق)
|
سلام الحبيبة د. إخلاص و ضيوفك الكرام
عشان الحقائق الأنتم ذكرتوها، لا أشاهد أي قنوات سودانية.
هم في وادي و واقعنا في وادي.
قبل ما 4 سنوات سمعت صيدلانية تقول لي شابين بشتغلو في
تلفزيون السودان: قناتكم دي نحن ما بنشاهدها
فرد الشبان : نحن ذاتو ما بنشاهدها.
| |
|
|
|
|
|
|
Re: تلفزيون السودان والقنوات السودانية (Re: نعمات عماد)
|
إخلاص
قصة أن الدولة تمتلك أجهزة أعلام ده شئ قديم ولا يخدم الناس في شيئ وصرف في الفاضي ساكت. يجب بيع كل هذه القنوات والإذاعات الحكومية وتحويل أرشيفها لدار الوثائق المركزية. تلفزيون السودان يوجد به جيش من الموظفين الذين لا مهام حقيقية لهم، أنهم عطالة مقنعة، وهم يحملون أفكار وقناعات النظام البائد.
هل يعقل أن يتم تعذيب المواطن السوداني نفسيا بماله الذي يدفعه كضريبة للدولة بمثل هذه المؤسسات الفاشلة؟
| |
|
|
|
|
|
|
Re: تلفزيون السودان والقنوات السودانية (Re: أمير فرح)
|
سلام عليكم الاعلام بجميع فصائله -مشاهد ومسموع ومقروء - فى حال مزرى وكيف مايكون كدا طالما كان الاعلاميين يجب ان تطالهم اسئله وعلامات استفهام كبيرهم وصغيرهم وكيف نالو ترخيص القيد الصحفى او ممارسه عضويه النقابات ضمن مهنه الاعلام . كائنات مصنوعه اشيه بعرائي البلاستيك وحتى لفظ الكلام لايشبه اللهجه السودانيه رغم محاوله التمسح فيها . لااهتمام بقضايا الانسان السودانى وانما نجد مثلا الاعلام المشاهدكانما يخاطب (بعض ) سكان الخرطوم من خلال المواضيع والاهتمامات المطروحه. الاعلاميين والاعلاميات ماقادرين يطلعو من جلسات التصوير والفارغه قى الوسائط وماشفناهم مشو الولايات ومعسكرات النازحين فى دارفور او توثيق فظائع جرائم النظام البائد فى جبال النوبه اوتقصى مشاكل التنميه والقضايا الاجتماعيه . اعلام سودانى مشاهد قنواتو محفوظه عندى لاجل الرجوع لها فى حالات محدده اما الاذاعات المسموعه قبل عوده بث اف ام اذاعه لندن ومونتى كارلو كنت اتابع فقط اذاعه جامعه السودان المفتوحه ومحاضراتها لكن الاذاعات الاخرى بين الاغانى والمكالمات الهاتفيه التى اصبحت اسا فى البرامج. اما الاعلام القروء فحدث ولا حرج فما زال كانما نسخه واحده توزع لتضع عليها كل مؤسسه شعارها ولاجديد ولاصحافه حقيقيه ولا لاعلام. العيب مش فى الوزير ولا فى جدوى تغيير الوجوه القياديه المطلوب ان تكون ازاله التمكين بمراجعه تراخيص كل المهن الاعلاميه حتى تتقدم لمعركه التغيير فى الاعلام وجوه ثوريه ذات ثقافه عاليه ترتفع بمستوى التناول والخطاب الاعلامى ختى يكون بحجم تحديات الثوره والمرحاه الحاليه
| |
|
|
|
|
|
|
Re: تلفزيون السودان والقنوات السودانية (Re: Asim Ali)
|
اهلاً استاذ امير فرح فاقدين البوصلة والتغيير بطئ وردي احياناً وطبعاً يعرض له وفي فترة كثير من الفنانين انتاجهم غير متوفر في القناة الرسمية ويمكن تكون الملكية حصرية لجهات اخري ( ايام الهوس والموسيقي حرام ) وردي تسجيل الحفلات احياناً يظهر ، حفلة اديس وغيرها وطبعاً وردي في شبابه الصوت يختلف وفي كل الاحوال هو فريد.
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
اظن الان في مراجعة للشهادات زي ما سمعت مراجعة القيد المهني برضو مفروض تبدأ بس التمويل الحكومي مشكلة ، ومعروف ضعف الاقبال علي الصحف واعتمادهاعلي الاعلانات الحكومية ، التمكين خرب العرض والطلب وفي حال رفعت الدولة دعمها ووقف الاعلانات الحكومية المسبقة وتركها للسوق قد ينعدل الحال .
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
قناة الخرطوم لمن تتبع؟!!!!!! اذا كانت قناة قومية يجب ايقاف المذيع ومعد البرنامج والمسئول الاول عن القناة
السيد الامام الصادق المهدي زعيم حزب مرخص ونحن في عهد حرية لا يصح ما صدر من هذا المذيع ( الغر)
ما هذا ؟!!!!!!!! ما الذي يحدث في هذه القناة التي هي ملك للشعب ، اظن ان صوتنا قد وصل
تباً لكم
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
مذيع أقل ما يوصف به لا صلة له الاعلام وصف حزب الامة بالحزب العجوز، ده الحزب الوحيد السوداني من منشأه الي الان .
تباً لكم يجب اخضاع قناة الخرطوم لادارة قناة السودان الفضائية وتكون تحت الرقابة القومية ان كانت قناة قومية.
من انتم يا من تديرون قناة الخرطوم
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
سلام عليكم بدايه اختلف معكم احت اخلاص واخ دينق فنظريا قد يكون رايكم عن خصخصه الاعلام حتى الرسمى فى ظرف كظرف السودان الحالى لانطبق عليه الاراء النظريه المجاريه فى بلاد اخرى ظروفها الساسيه وواقعها يختلف؟ السودان لاربعه عقود تم اختراق وابتلاع كثير من المفاصل الحساسه فى الدوله والمجتمع بواسطه الكيزان والاعلام واحده منها وحصحصه الاعلام بالكامل ليس الا زياده الطين بله. الاعلام الخاص اعلام معلوم من خلفه ويديره والتحدى الحقيقى لتنقيه اجواء الاعلام وضبط ادائه هو انفاذ الشرعيه الثوريه وقوانين ازاله التمكين بين خيارين اما سحب وضع الاجهزه تحت وصايه الدوله وادارتها او سحب تراخيص الاجهزه الاكثر تطرفا وجموحا فى مواجهه الثوره . الان الاعلام البديل عبر الوسائط اضافه لاجهزه اعلام الكيزان الخاصه ناهيك عن فئرانهم فى الاجهزه الرسميه يديروا حرب اعلاميه على مستويات عده فى عجز المسئولين فى الحكم الانتقالى.الاعلام البديل يعمل على اغراق الشعب بالاكاذيب وتزوير كثير من الحقائق والاحداث وبشكل مدروس لضرب حكومه الثوره وارباك الراى العام وشغله فى حاله توهان عن حقيقه مايحدث ويدبر من تدابير لسرقه الثوره والاعلام الرسمى والمنظم غائب غياب تام عن الساحه . بالامس كنت فى مواجهه بعض مروجى الاشاعات فى مجموعات الفيس وصادفت منهم وقاحه وجراه على الباطل بل انتبهت الى احتمال وقوف جهات بامكانات كبيره وذلك عندما وجهت الشباب الضايعين فى بحر الاشاعات الى موقع حكومى يحسم امر حاله الارباك والتوهان وبعد حوالى ساعه وبعد ان عبر الشباب عن كون الرابط لايعمل لاجد فعلا ان محاوله الدخول تجد رد برساله ( فور بيدن) وهو موقع مفتوح اساسا لمنسوبيه فكيف يحجب عن محاولات الدخول اليه لمعرفه الاخبار الحقيقيه من مصدرها. متيحدث من حرب بتفاصيل دقيقه خلاف مايحدث بواسطه الفلول فى الاقتصاد نجد ان فلول الاعلام يديرو حرب اشرس حاليا والجميع فى حاله انشغال بصراعات السياسه وبساط الثوره ينسحب بهدوء من تحت اقدام الوطن والشعب. القضيه قضيه تغيير فى الاعلام كافه والحل شرعيه ثوريه عبلا لجنه ازاله التمكين وضبط الاداء الاعلامى المهنى عبر المجالس المختصه كالمجلس القونى للصحافه والمطبوعات وخلافو حتى يتم الاصلاح من الجذور بالقانون فالمعارك المحدوده والجانبيه لاتقدم كثيرا فى ضبابيه كالتى نعيشها الان
| |
|
|
|
|
|
|
Re: تلفزيون السودان والقنوات السودانية (Re: Asim Ali)
|
شكراً الاستاذ Asim Ali عكست صورة عن الحرب الاعلامية الدائرة وهي حقيقية ولكن لا تعفي من تجويد العمل.
اتفق معك في محاربة ( الكتائب الالكترونية الكيزانية) اما النواقص مثل التكييف اظن ممكن معالجتها . عدم وضوح الرسالة الاعلامية والعوم في ذات مستنقع الكيزان لن يقدم جديد ، وكما ذكر الدكتور عادل امين توعية المواطن اهم لو بدأوا بالوثيقة الدستورية ( زي المكتوبة بالحبر السري) يكونوا عملوا خير
شكراً استاذ عاصم علي
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
المقصود بملكية الجمهور الاعلام نظام الاشتراكات اي ان دخل القناة يرتبط برضا الجمهور ، اما ان يفرض رأي جهة علي الجمهور ويدفع محمد احمد من جيبه فلا يصح
من يشاهد هذه القنوات؟ ، غالباً المغتربين وهم ببساطة يحولون لقناة اخري ، علي القنوات ان تمول نفسها بانحيازها لمًا يهم المشاهد ، ليس الامر صعب والا ف تلغي هه القنوات التي استولي عليها باسم الثورة وصارت عبء علي الخزينة.
من يريد ان يستولي علي قناة يصرف من جيبه
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
قناة الخرطوم اما تتبع القناة الام ويكون لها خط واضح او تصرف علي نفسها. قناة تستضيف خبراء سدود ووزراء ري سابقين اتمني ان تسألهم لماذا ظل الري المصري موجود ، بدل تنتقدوا اثيوبيا. هو السابقين كان فيهم فائدة نحن بقينا كده ، ودايرين يفكروا لاثيوبيا !!!!
احسن حل الواحد يعمل مليونية للتلفزيون
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
اخلاص المشرف وشركاها انا اختلف معاكم لكن بتفق معاكندم انه مافي ابداع ولا افكار خلاقة ولا ابداع او حتى ايقاع سريع وضعف الاعداد زي ضعف الاضاءة.. لكن ليهم العذر لانه تلاتة عقود قتلت الابداع ومات وشبع موت واتحرق بى جاز جابو الطيب مصطفى في قزازة مع انه ابوهو كان ( مطرب) رسمي وليهو اغنيتين مسجلات في الاذاعة الكيزان سيطروا على كل ركن في الاعلام .. والعاملين عليها كانوا مجرد ببغاوات و ابواق للنظام الهالك. الشباب كلهم اصبحوا يغنوا والكل لو ما غنى عايز يغني .. لانه مافي مجال تاني ولا في برامج شبابية او مسابقات في الثقافة وفي القصة والرواية والسينما والمسرح او حتى مسابقات المدارس او دينية او رياضية . فقط نجوم الغد هل فيكم زول بتذكر برنامج تاني لقى رواج او شهرة؟ حتى الكانت بتتعمل لاختيار مذيع اتعملت خلال التلاتين سنة مرة واحدة وفشل فشل بامتياز....البلد بصراحة كانت منتهكة انتهاك فظيع ومتهانة بواسطة الكيزان اعداء الانسانية
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
الفقرة الدينية في قناة الخرطوم الام قالت لبنتها يا انا يا زوجك !!!!!!! غايتو ما ح اقول كذب بس نقول من الخيال العلمي. مقدمو البرامج الكيزان في قناة الخرطوم متمكنووووون هي تتقال للزوجة ، يا انا يا هي (واقطع شطري) وما عافية لك ( لبني ) وعلي اي حال هو اجتهد ف الاسرة الممتدة في السودان سند للاسرة الصغيرة وغالباً حين اشتعال المشاكل بين الزوجين بنقول في السودان العنو ابليس ، يا شيخنا ركز معانا خليك إيجابي.
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
تلفزيون السودان ورجغ ورجغ ورجغ
اغنية الحقيبة وكلام مما قمنا بنسمعوا يا جماعة جيبو النوتة الموسيقية وعلموا ناسنا
التغيير ، التغيير وبعدين كدي سمعونا ناس كردفان ودارفور والشرق ، ابدو لينا بتعليم الموسيقي
دو. ري. مي فا يا ناس نحن نعاني من ضوضاء غنائية ، وكلامكم ده وصلنا لي كلبة ميتة
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
مرحب دكتورة اخلاص كيفنك يا طيبة انا متفائل بالاخ لقمان احمد و الرشيد يعقوب في انهم يجتهدو و يحسنو الظروف أولاً و المحتوى ثانياً و لدينا قروب مع الاستاذ الزميل لقمان لتطوير التلفزيون اهم ما ركزنا عليه هو ابعاد كل الزواحف المعوقين لهذه المسيرة و ان شاء الله سيكون التلفزيون بخير في الفترة القادمة اول ما طالبت به هو تغيير هذا الشعار الذي يحمل كلمة التوحيد و هذه الكلمة لجلالها و عظمتها لا يمكن ان تكون شعاراً لقناة تبث الأغاني اربعة و عشرين ساعة
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
قناة الهلال مميزة مقابلة مع ناس اللجنة الاقتصادية ( باشمهندس عادل خلف الله ) طرحه مرتب ولا اتفق معه. لا اتفق معه علي اي اساس ؟ 1- اقتصادنا وكمان قلت ذبح منذ عهد النميري. من يخطط للاستيلاء علي مقدرات الشعوب يضع خطط قصيرة ومتوسطة وطويلة المدي ، نحن الخطة اخذت 50 سنة داير تنجح في سنة؟ نعم هناك اشياء تساعد الا اننا شبه جردنا منها أ- البترول خرج من المعادلة ( نرجو ربط اقتصادنا باقتصاد دولة جنوب السودان ) ب- الذهب غير متحكم به ( الاوائل اخروا البترول والذهب ليكون احتياط وأتت الانقاذ واخرجتهما من المعادلة) حرب الذهب مستمرة واسعاره الان تهبط عالمياً بفعل فاعل. ج- ما لم نتمكن من تكوين احتياط معقول من الذهب لا تحلم ولا تتعشم باصلاح اقتصادي. د- احد اهم عوامل نجاح الخطط الاقتصادية الاستقرار السياسي والحكم الرشيد ونحن يحكمنا جيش وكل يوم مليونية . هـ- تعقيدات السوق من سوق اسود ومستفيدين وتجار عملة ومزوري عملة ( بعضهم دول وشركات كبري ورسميين )
يا ناس اللجنة الاقتصادية ختو الكرة واطة وسكراً قناة الهلال 🙏👍
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
تلفزيون السودان بدأ التجييش ضد العلمانية. ثلاث محاورين بنفس اسلوب الكيزان ، ليس هذا مطلوباً ، عليهم الدعوة لدين الله دون الحوجة للدخول في متاهات الافكار الاخري مما اضطرهم لالقاء القول علي عواهنه ، المطلوب حشد للديمقراطية والحكم المدني وادعو لعقيدتك ، ما محتاج لما حدث
تلفزيون السودان محتاج لوقفة
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
بدأت محاكمة البشير منقولة في تلفزيون السودان والنيل الازرق قناة الخرطوم غياب . واحد من الجماعة اقترحقاعة الصداقة 😹😹
زماااان قلنا لكم صلحوا السجون ونضيف الجدد قاعات المحاكم ، تتحاكموا بس
استعملوا التعقيم قبل الدخول و اثناء المحاكمة والبسوا الكمامة
قاعات المحاكم بس 😡😡
| |
|
|
|
|
|
|
Re: تلفزيون السودان والقنوات السودانية (Re: خضر الطيب)
|
Quote: انا متفائل بالاخ لقمان احمد و الرشيد يعقوب |
انا متفائل بانصاف مدني عجبتني في فضائية الهلال يا خضر كوز قديم ذى لقمان وشيوعي ذى الرشيد اعلام شنو بكون حر ومحترم لينا سنة مع اكل المستشفيات ده يصلحو الاعلام بتين قحت لمة بلا مشروع استخدام التلفزيون للساءة للختمية والانصار دي وقاحة وقلة اصل
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
بت المشرف تلفزيون السودان بتاع الساعة كم شفتى بيان لقمان القال فيه سرقو اللوحات عشان يعطلو بث توقيع اتفاقية السلام من جبا لاوكمان منع الوزير فيصل من دخول التلفزيون بعد قصة سرقة اللوحات لانو ماعندو تصريح دخول فعلا لقمان وفيصل شبهينا وتلاقينا وفى النهاية انها قحت المخترقة من قبل الكيزان والطيب مصطفى الخال العنصرى الرئاسى ممدد رجليه ومادى لسانه
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
دكتورة اخلاص .. تحياتي كارثة الغرق في السودان ولا قناة واحدة تنقل الحدث بالتفصيل نتابع الاحداث عبر قناة العربية والجزيرة مباشر كمان تصوير من الجو حتى قناة كسلا كلها غناء ومقابلات والنيل الأزرق وباقي القنوات : موضة وتياب ونقش على الايدي واستعراض من بناتنا الامورات الله يحفظهن يبدو لي أن حبيبنا فيصل وزير الاعلام ليس لديه مهارة قيادية ومواهب ادارية كيف يتعاطف معك العالم وانت تخبيء كل الحقائق عن هذا الطوفان مفروض قناة بالانجليزية على الأقل لنقل هذه الكارثة
اكثر ما يصرحون به :: (( ارتفاع في منسوب النيل وعلى المواطنين أخذ الحيطة والحذر ))
لدينا قصور تجاه التعامل مع الاحداث أنا اقتنعت باننا ناس تنظير فقط ليست لدينا أي مهارات الجيش ومعدات الجيش ورئيس الوزراء والسيادي في عالم آخر
العلة فينا نحن السودانيين مخلوقات من طينة اخرى
تحياتي د. اخلاص
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
تلفزيون السودان والتاريخ هل هناك ما يؤيد ان لثورة عرابي اي تأثير في نجاح الثورة المهدية من خلال الوثائق البريطانية؟
التاريخ يكتب من خلال الوثائق وليس سواها الانجليز وببساطة اسأوا التقدير ولم يكن صعب عليهم تجريد حملتين وكان ايضاً سيفشلون مع المهدي وينجحون مع عرابي ، لطبيعة الثورة المهدية وظلم الترك
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
هههه اتوقع ناس تلفزيون الخرطوم يجيبو مطرقMahjob وينزلو في ال ينتقدهم محيط ، يا زول بعد دفر حتي استعدلتو ، طبعاً ناس عربي جوبا متعودين علي الدكتاتورية وبعيدين عن ان رضي المشاهد مهم.
قلنا لازم المالية من المشاهد عشان يتعرف منو الراسبين . ومقدم برنامج مركب مكنة ناطق رسمي .
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
متي سيرضي المشاهد عنكم ؟ حين تكونون اول من ينقل خبر عن السودان حين تسبقون قنوات العرب حين يأتي الخبر والصورة لديكم وزاوية اخذها هي الاجمل ، حين يكون المذيع رغم ميوله اكثر توازناً ، اما تحشيد الانصار والدفاع كما هو الان ف النتيجة انصراف المشاهد وفي باله ثورة اخري
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
د اخلاص سلام وتحية اعلام المشورة الشعبية هو الذى يصنع ثورة الاعلام الموجه للجماهير ومفتوح علي الشعب وبي حرية ووضوح ولحدي هسة القحاتة يهرولو علي فضائيات الخليج بما في ذلك المتصنع حمدوك وخالين تلفزيون واعلام السودان في الحضيض وترهات ساكت هل هم عايزين يوعو العرب وعربان الخليج ولي الشعب السوداني شفت العقد والمرض النفسي واللهات ورا العرب مودي السودان وين
Quote: الحق اولي ان يتبع احسن نواجه الحقيقة ونتصالح مع نقسنا اذا كنا مصرين نكون اخوان مسلمين وشيوعيين وبعثيين وناصريين وسلفيين في السودان لحدي القرن 21 وعرب درجة ثانية كمان ولحدي هسة ورافعين علم بابكر عوض الله طيب نشوف الثورة الحقيقية يجب تحقق شنو قلنا تعالج الاخطاء الاستراتيجية المتراكمة من 1956 وهي واااااااااااااااااااااااااااااضحة 1- الثورة تعالج وجود السودان المخذول في في جامعة الدول العربية من 1957 وتشويه هوية السودانيين ..وجامعة الدول العربية ما تلزمنا ابدا كسودانيين ويجب ان نتحرر منها اولا ..باستفتاء شعبي كما فعلت برطانيا مع الاتحاد الاوروبي ونرجع سودانيين فقط 2- الثورة تعالج عدم الالتزام بالاتفاقيات والمواثيق والعهود والفدرالية التي نادى بها ابناء جنوب السودان من مؤتمر جوبا 1947 ونوريكم ازمة الفئات الفوق دي وبمسمياتهم المموهة وهي ازمة نفسية واجتماعية
في مرض نفسي عضوي يصيب حالات نادرة من الرجال والنساء هو انفصام عقلي (اضطراب الهوية ) يكون الرجل مكتمل الرجولة ودماغه يرسل له شارات انه امراة ويختل سلوكه وفقا للذلك وتكون المراة ايضا بارعة الحسن والجمال ودماغها يرسل لها اشارات انها رجل ويحدث نفس الشيء هذه الايدولجيات اعلاه كلها ترسل اشارات خاطئة للسوداني والسودانية المحسوب علي السودان والسودانيين لاسباب الشريحة الاجتماعية التي ينتمي اليها والايدولجية التي يعتنقها باته ((عربي ))ولذلك يعاني كثير جدا جدا في اثبات انه عربي بالتقعر في اللغة العربية في الفضائيات والتهافت على الدول العربية ومصر لتاكيد الذات واخيرا التمسح بالكريمات ودي اخر مراحل التردي في السودان ولا بقى سوداني سلوكا ولا عربي شكلا ... وهذه هي ازمة كل معتنقي الايدولجيات المصرية اعلاه وكراهيتهم لابناء جنوب السودان غير المبررة وكل حروب الابادة ايضا دون فرز وايضا شاهدت فلم كوميدي امريكي عن زنوج في قاعدة امريكية استيقظ احدهم وهو يصرخ رعبا وتجمع الزنوج حوله (قال لهم شادهت كابوس فظيع فظيع جدا ..حلمت اني رجل ابيض 😂🤣🧐 لذلك اعتبرو ان انفصال جنوب السودان امر واقع ولا عودة للجنوب والجنوبيين ولا وجود لهم في المنفستو بتاعهم اطلاقا ولذلك يرفعو علم انقلاب مايو1969 بتاع بابكر عوض الله ويفصلو مشروعهم في السودان المعاق المتبقي وهم نفس ناس ثورة اكتوبر 1964 وغير معنيين طبعا بعلم الاستقلال الذى رفعه الازهري والمحجوب تحت شعار ((السودان للسودانيين )) اومعنيين برؤية جون قرنق السودان الفدرالي الديمقراطي الاشتراكي المكون من ستة اقاليم ودستور 2005.. 1- طيب لو انت من الاخوان المسلمين ...هذا تنظيم ماسوني يضعك في الدرك الاسفل من النار مع المنافقين وهذا المشروع امبريالي صهوني شيطاني مفضوح الان وليس افضل من الختمية والانصار اطلاقا راجع كتب ثروت الخرباوي (اسرار المعبد) 2-السلفية مشروع اسسته المخابرات البريطانية وليس دين تقابل به رب العالمين والصوفية في السودان افضل منه مليون مرة (راجع مذكرات مستر همفري) 3-البعثية كلنا شايفين سوريا والعراق وايضا صدام حسين من احقر عملاء المخابرات الامريكية (يوجد فيديو في فيس بوك ) وجندوه لقتل عبدالكريم قاسم الشيوعي عندما امم بترول العراق 4-عبدالناصر اخس واحط رئيس حكم مصر مع حثالته وازاح الرئيس المحترم محمد نجيب الذى يحب السودان والسودانيين عبدالناصر عميل صهيوني درجة الاولى توجد وثائق لك لذلك او اسالو بابكر عوض الله الرافعين علمو ده في كاردف يعرف ذلك....والان في موريتانيا التي تعاني زينا من العروبة المستعارة يريدون ازالة اسمه من الشوارع...واستخدم موقع يوتوب او مذكرات محمد نجيب كنت رئيسا لمصر *** الثورة تغيير وليس اعادة تدوير عشان كده قلنا من 2005 و ليكم ارفعو علم الاستقلال في كل بيوت السودان تعبير عن رفضك لكل الانقلابات في السودان وتبنو مشروع جون قرنق(خارطة الطريق ايضا موجودة في مكتبتي في موقع الحوار المتمدن فقط لبناء الدولة السودانية الحقيقية باسس جديدة وخلونا من (تسقط بس )واعادة التدوير وفي 40 محاضرة صوتية مدتا فقط عشرة دقائق جمعت فيها حصيلة 100 كتاب مؤلف سوداني سياسي او اجانب عن السودان عشان تنوير الشباب وشعاري التنوير قبل التغيير وانزلا في موقع سودانيز اون لاين باستمرار مدعمة بالمقالات الموثقة بالصور والفيديو من يو تويب... احسن تسمع وتتواضع donkeys always live long |
محاضرة صوتية:السودانيين في الميديا العربية محاضرة صوتية:السودانيين في الميديا العربية
| |
|
|
|
|
|
|
|