هي فقط بادرة رمزية لاحترام الاقليات الدينية - العرقية - الثقافية ، الشعوب البتتكلم عنها دي يا بشاشا ما اقليات ـ النوبة - الفور - البجة ، دي شعوب اصلية اولا ، تانيا ديمغرافيا بتشكل نسبة كبيرة من السكان ولذا لا يجب ان يكون تمثيلهم رمزيا في اي مؤسسة . ممكن نختلف في انهم بستحقو او لا ، لكن ما ممكن نختلف في انو تعامل الحكومة مع الاقليات الدينية دائما كان سيء للغاية ، الجمهوريين ، الشيعة ، اللادينيين و الارواحيين ، المسيحيين و الملحدين الخ الخ اعتقد ان البادرة في الاساس ايجابية للغاية ..
05-29-2020, 01:58 AM
Bashasha Bashasha
تاريخ التسجيل: 10-08-2003
مجموع المشاركات: 25803
سلام ياقباني، ماقنا ضيوف. ولكن مامسوغ منحهم موقع فيما يسمي مجلس سيادة، وعلي حساب الاغلبية المهمشة، اللي دفعو افدح واغلي ثمن منذ الخمسينات، بل منذ قرون في حالة اهلنا نوبة الجبال.
لايمكن تقارن وضعية القبطي بالنوباوي او الفوراوي في سودان اليوم، رغم انف اسلام النوباوي، في دويلة شرع الله مقارنة بي مسيحية القبطي في امدرمان!
الاساس في السودان للاسف هو اللون!!
لهذا القيطي المسيحي اعلي درجة عشان لونو، من المسلم، "الزرقة" او عشان كده هو استفاد من هكذا تراتبية علي اساس لون الاضان!
لو ده حاصل، فما مسوغ اعطاء القبطي مقعد؟
يكفي نموذج طريقة تفكير هذه النفعية المستهبلة الخائنة لدماء من اتو بها!
05-29-2020, 02:11 AM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: هي فقط بادرة رمزية لاحترام الاقليات الدينية - العرقية - الثقافية ، الشعوب البتتكلم عنها دي يا بشاشا ما اقليات ـ النوبة - الفور - البجة ، دي شعوب اصلية
كلامك عجيب ياعبدالله!!
ياخي اذا الدويلة ذات نفسها بما حملت، دويلة اقلية، انتا برضك تاني عايز تدي مقعد لي اقلية اخري وعلي حساب الاغلبية، تاني من اول اوجديد؟
معقولة؟
علي حساب الاغلبية؟
ليه ياخي؟
للاسف ده ياهو ذات مركب النقص الجوانا، الاشعل المحارق بحق الزرقة، مع تعظيم وتاليه "العربة" بمعني اللونم فاتح!!
عشان كده وكنتيجة، حتي الذكور، دعك من مزيعات النيل "الازرق" بدفعو مايعادل 3,000$ دولار في الشهر الواحد في بلد الدكتور ما بعمل 200$ في الشهر، لغسل "الزرقة" في اللون!
خلونا نواجه الحقيقة المرة:
اساس التراتبية في السودان وحول العالم، هو لون الاضان تحديدا او ده هو معني "عربة" في مقابل "زرقة" اساس المحارق!
اذا ده حاصل، فالاقباط بمثلو "الطبقة" العليا!
اذا ده حاصل، فهذا اعادة انتاج للمشكلة او مش حل!!!
05-29-2020, 03:39 AM
د. بشار صقر د. بشار صقر
تاريخ التسجيل: 04-05-2004
مجموع المشاركات: 3845
الاقباط كوشيين من حيث اصل ثقافتم نعم، ماعندي مانع ولكنهم ماعانو تهميش كما بقية اهلنا في الهامش
العشائري المنافق.... بتع آل بشاشا....
خلاص لبست لبوس "اهلك" في الهامش زول خاتي قريبو الطيار قاتل اطفال الهامش كرمز ..... ويحتفي بيهو آمون عديل بهناك ....و بهنا متجدع قال ليك اهلنا في الهامش طيب ما كان تسأل لينا بالمرة قريبك عن "اهلك" في الهامش شنو ! شوف ليك سكة تاني يا كضاب الفيك اتعرف.... اخبار دويلتك شنو !....يا عشائري!
طبعا المنافق ده حكاية "اهلو" في الهامش عندو محض تجارة عشائرية رخيصة فهو ضد كل رموز الهامش ...... JEM S.LA SPLA و بالتالي عمليا ضد ممثلي الهامش يحاربهم و يشيطنهم... ومع ذلك عامل فيهو ود بتع "اهلو في الهامش"؟ وبهناك عاااااااادي يحتفى بقريبو الطيار قاذف اطفال الهامش..!.
منتهى الاستغباء.... يا بشبش زمن حروب الوكالة انتهت...
اكرب نفسك كويس يا يتع دويلة انت!
05-29-2020, 04:36 AM
د. بشار صقر د. بشار صقر
تاريخ التسجيل: 04-05-2004
مجموع المشاركات: 3845
بشبش المنافق الفاكي في رحو زول بتع "اهلنا في الهامش" ....في بوست الحوار مع نور تاور ختا صورة الجنرال الطيار قاذف اطفال الهامش بالانتوف ....
خلعة "الدويلة" دخل في بشبش اصبح المسكين في كل مقام بحتفى لا نفسيا و بحتمي بهذا الزول لما يوفر له من احساس نفسي " بالدويلة" طبعا ده ما اول مرة يحتفي هذا العشائري المنافق بقريبو
و يكل قوة عين يجي يكتب ليك بهنا " اهلنا في الهامش" يا لك من منافق صغننون!
05-29-2020, 03:45 AM
نادر الفضلى نادر الفضلى
تاريخ التسجيل: 09-19-2006
مجموع المشاركات: 7022
تمثيل الأقباط لم يتم تمثيلهم لأنهم مسيحيين، بل لأنهم ملة سودانية لها خصوصيتها هم من الأقليات ولكن لهم دور مقدر فى الحياة الإجتماعية والإقتصادية والوطنية والثقافية والرياضية. هم مهمشين، ولكن يختلفوا على ناس الهامش الجغرافى أولئك صوتهم عالى بمطالبهم وفيهم المسلميين والمسيحيين واللادينين، فهم ليسوا منسيين لا فى التمثيل بمجلسى السيادة والوزراء أو أآ مواقع أخرى بينما الأقباط وهم سكان حضر وخاصة بالعاصمة فصوتهم غير مسموع ولا أحد يبالى بهم .. الفكرة عندما يتم تمثيلهم فى هذه المرحلة وهى إعادة تأسيس للدولة من الأفضل توسيع نطاق الإستماع لأكبر تنوع ما أمكن ذلك. ولأن المقاعد محدودة فكان من الأفضل إختيار مرشحسن كل واحد منهم يمثل عدد من التوعات منها تنزع جهوى وعرقى وأهما تنوع فى الكفاءات والخبرات.
بالمناسبة هذا منظور أنا شاركت فيه مع مجموعة من أعضاء الحزب الإتحادى الديمقراطى بأمريكا ـ مكتب واشنطن. وأصدرنا بيان وضحنا فيه وجهة نظرنا إبان المفاوضات وقبل إصدار الدستور الإنتقالى وقبل إختيار المرشحين .. وضدمنا ثلاث نماذج لشخصيات رشحنها لمجلس السيادة يمثلوا خبرات نوعية. وفى ذهننا أمور هامة وتحديات تحتاج للخبات المتعددة والنوعية. ومما طالبنا تمثيل الأقباط للأسباب الذكرتها وكنا واضحين أن هذا تمييز لهم ولغيرهم، لا يعنى تطبيقه لاحقاً لأن الديمقراطية والحكم يكون بالإنتخابات بإرادة الشعب فى كل منطقة وتقلد المناصب تحكمه الكفاءات والخبرات النوعية.
وأقول لك كان فى ذهنى ليمثل الأقباط أخونا وزميل المنبر السودانى الأصيل ةالوكنى المثقف زميلنا بالمنبر وكثيون يعرف صفاته وهو الأخ العزيز رأفت ميلاد، وحاولت جاهدا الإتصال به لعرض عليه ترشيحه لمجلس السيادة أو بمعرفته ترشيح شخص آخر، ولكننى لم أوفق فى الوصول إليه سواء برقم تلفون ببروفايله، أو بمسنجر بالفيسبوك.
ما طرحناه أخذ به ولكن ليس بالتطبيق الصحيح، فخسارات المرشحين إنتهت بمحاصصات حزبية مع مراعاو الجهوية والعنصر، وعلى حساب الكفاءة والخبرات النوعية .. فجاء مجلس هزيل
سأنشز مقترحنا الذى كنا نشرناه ببيان رسمى.
05-29-2020, 05:17 AM
Bashasha Bashasha
تاريخ التسجيل: 10-08-2003
مجموع المشاركات: 25803
البنعروفو، تما اختيار قبطية باعتبارا ممثلة للمسيحيين تحديدا في السودان كلو.
بما انهم اقلية، فهذا ليس باولوية في دويلة خاصة باقلية حصريا!
البعانو من التهميش هم الاغلبية وليس اي اقلية في السودان الحالي، وهذا التهميش اساسو لون الاضان وليس الدين!
يكفي انو الاغلبية المهمشمة، اغلبية مسلمة، ابيدت او شردت بالملايين، بواسطة دويلة اسلامية، رغم انف اسلامم!
مافي ابلغ من كده، كيف اساس وسبب التهميش، بل محارق الابادة، هو اللون للاسف، في جمهورية الســـــــودان افتراضا.
شخصيا ماشفتا ولاحتي سمعتا بي تهميش للاقباط في السودان، لاننا كافراد ماعندنا هوس ده مسيحي او داك مسلم!
نعم ماعندنا رغم انف كل امراضنا حكاية ده وافد، او ده مواطن ومااليه. لهذا حقيقة استغرب من اي كلام عن اضطهاد او اساءة معاملة الاقباط في السودان.
عشان كده بنسال تفهمونا الصاح لو فاهمين خطأ، لاني ود ريف او مش ود مدينة.
في الشمالية، في دنقلا اشهد ماحصل ولا بالغلط ولامرة واحدة، سمعتا اي مخلوق يشير للاقباط ك"مسيحيين" اطلاقا، اطلاقا او بالذات كبار السن! هذا ماعايشتو في حياتي الخاصة كفرد وانا يافع.
حقيقة لله ماعرفتا حكاية انهم مسيحين دي الا بعد ماجيت الخرطوم!
كل البعرفو في مناطقنا الاقباط كانو بمثلو الطبقة "البرجوازية" بي رندوق الشيوعيين، بينما اهلنا من دارفور كمثال كانو في قاع القاع في التراتبية الاجتماعية في اقصي الشمال، رغم انهم مسلمين، والاقباط بمثلو القمة رغم انف انهم مسيحيين بي مفاهيم اسلام الثقافة العربية.
لو ده حاصل، فما عارف اين هذا التهميش للاقباط في السودان، لدرجة اختيار ممثل لهم في مجلس "السيادة" علي حساب الاغلبية المسحوقة في السودان، حد القتل؟
ماسمعتا ولا كقصة عابرة انو في قبضي سجنو، دع عنك قتلو، لانو قبطي!
05-29-2020, 05:47 AM
نادر الفضلى نادر الفضلى
تاريخ التسجيل: 09-19-2006
مجموع المشاركات: 7022
هالسيدة رجاء تمثل ألأقباط + المسيحيين + النساء + نوع خبرات
تاور يمثل نوبة الجبال + مسلمين + مسيحيين + مجال خبراته
التعايشى بيمثل دارفور الزرقة + مسلمين + خبراته
عشة تمثل شمال كردفان+ النساء + خباتها كمعلمة
إدريس يمثل الشرق + مسلمين + خبراته
الفكى يمثل الشمال + خبراته
برهان يمثل الشمال + مسلمين صوفية + خبراته العسكرية
حميدتى يمثل عرب دار فور + خبرات عسكرية
الكباشى يمثل جبال النوبة + خبرات عسكرية
العطا يمثل الحرطزم + خبرات عسكرية
لم أذكر الإنتماءات الجزبية للمدنيين مع إنه كانت من أمعيير الإختيار المحاصصة الجزبية والثميل الجهوى والعرقى وإغفال جودةة الكفاءة والخبرات ونوعيتها لكل منهم أسباب ضعف المجلس حاص المكون المدنى لو كان فى موقع السيدة رجاء أخونا رأفت مبلاد،وشهدت إدائه لفتحت البوست هذا للتطلب بمزيد من الأقباط بالمجلس ولرشحته لمنصب الرئيس بعد إنتهاء رئاسة العسكرييم
شهذت لصالح الأقباط بأنهم لم يسرقوا أو يسجنوا أو يقتلوا.. إذن هم ملة صالحة فى المجتمع.
حينما استشهد سليمان ميلاد كنا نمارس ترف الكتابة هل دمه كقبطي أقل من دم إي سوداني تاني يمكن الاعتراض على تعيين نيكولا عبدالمسيح لأن اداؤها فعلاً هزيل ولكن التعميم والتنميط لفئة كاملة ظلم وهو مرحلة من تقسيم السوداني الي مواطن درجة أولى وثانية وبدون
05-29-2020, 06:40 AM
Bashasha Bashasha
تاريخ التسجيل: 10-08-2003
مجموع المشاركات: 25803
أخونا أستاذ بشاشا سلامات . كيف تقول الاقباط ما عانو ؟ ياخ ديل اكتر اقلية عانت واتشردت في الدنيا. الكيزان شردوهم وعدموهم نفاخ النار. الآن مشردين بين كندا واستراليا ومانهاتن. ميات البيوت في الخرطوم واحد والخرطوم اتنين وفي عطبرة مشمعة بالاحمر . الناس ديل مظلومين شديد . وهم أصحاب باع في النهضة الاقتصادية الكانت حاصلة في الاربعينات . وحتي سنة 1983 قبل قوانين سبتمبر 83 .
أولا يجب أن أقول لك أن اختيار رجاء نيكولا تم عن طريق العسكر وليس عن طريق قوى الحرية والتغير، وهي فعلا شخصية ضعيفة ولا تمثل روح الثورة، وهذا التصنيف ينطبق على بقية أعضاء مجلس السيادة المدنيين ووزراء في حكومة الثورة أيضا. يعني أداء رجاء نيكولا ليس بحالة شاذة.
هنالك فهم خاطئ في السودان عن أن المسيحين الباقين في السودان الحالي هم الاقباط والنوبة فقط، ولكنهم لا يعرفون أن هنالك مجموعات مسيحية أخرى ا من أصول مختلفة. يوجد في السودان الحالي مسيحيين من أصول يونانية وأصول لبنانية وأصول ارمنية وأصول سورية. وكان في يهود ايضا ولكن معظمهم غادروا السودان وهاجروا للغرب.
أما عن تهميش الاقباط فذللك لا خلاف حوله ابدا. القوانين والدساتير السودانية تصنف القبطي وبقية المسيحين في السودان على اساس أنهم مواطنين درجة ثالثة (الدرجة الثانية محجوزة للنساء المسلمات). لذلك هاجر عدد كبير من الاقباط خارج السودان عند قيام نظام جعفر النميري بالاستيلاء على أموال وشركات رجال الاعمال في السودان عام 1970. تواصلت هجرات الاقباط الى خارج السودان بصورة أكبر عندما فرض النميري قوانين الشريعة الإسلامية عام 1983، وعندما استولى الاخوان المسلمين على السلطة في السودان عام 1989.
الاقباط من حيث التعليم والتأهيل هم ممتازين جدا ولكن كان ومازال يتم تخطيهم في الاختيار للوظائف العليا بسبب الدين والعرق لذلك تجدهم يفضلون العمل في القطاع الخاص أكثر من الخدمة في الحكومة، والتي كانوا يعملون فيها في الماضي وساهموا مساهمة كبيرة في تطوير الخدمة المدنية في السودان.
05-29-2020, 05:03 PM
Bashasha Bashasha
تاريخ التسجيل: 10-08-2003
مجموع المشاركات: 25803
قبل مانواصل، فيما يلي تفسيري لي تصرفات نيكول عبدالمسيح ممثلة الاقباط فيما يسمي زورا مجلس سيادي:
اولا الدويلة دي لازالت جلابية صرفة!
مافي ولاواحد ولا واحدة في المجلس ده يستحق او مؤهل يكون هناك، حتي كمراسلة للاسف مع احترامنا الكامل للمراسلات!
نعم كلهم لوما كانو جلابة، فبمثلو دويلة الاقلية في اركان السودان الاربعة كمناديب، وادوات للمركز ليس الا، كما كبر، اب قردة، او غيرم!
باالعدم وورويني منو فيهم كان عندو تاريخ انحياز لي اهلو من موقع مستقل عن منظومات الجلابة، في الهامش وضد دويلة الاقلية في المركز؟
منو فيهم؟
عاشة موسي دي كمثال ماكانت عضوة في المنبر ده عاملة مهمة تتافف او ساكة الفارغة من دون ماتكتب سطر واحد عن واقع القهر في الهامش!
للاسف اساس الاختيار لكل المواقع كان، ده ود كاسي، او داك ود حلتي، او ده في شلتي، وهكذا!
بالنسبة لي ممثلة الاقباط، فالموضوع مختلف بعض الشئ!
واضح من تصرفاتا هي تنطلق من منظور انهم جالية قبطية تعيش في السودان، ولهذا علنا هي بتقول انها محايدة وهذا منطقي لو اخدنا الموضوع كده!
قطعا عندها مستشارين من النافذين في الجالية القبطية!
وكننتيجة منطلقاتا نفعية خاصة في فهما، يالجالية القبطية!
انطباعي ده، منبعو من احتكاكي البسيط بالاقباط في دنقلا، الخرطوم، كالفورنيا، او مصر!
في دنقلا هم كانو بتعاملو مع محيطم كجالية، اما السودانيين فماعندهم مفاهيم كهذه من اساسو كقاعدة وكنتيجة لحدي السبعينات الجاليات الاجنبية كما في باقي افريقيا كانت هي المهيمنة علي اقتصاد وضع اساسو الاحتلال.
اللي هم كجاليات جو معاهو كادوات وبالتالي اخدو الوضعية دي، اقتصاديا وهذا ظاهرة عامة بطول وعرض افريقيا كما قلنا، فنحنا ماطيور!
لو ده حاصل، فمامعني وجود ممثلين لي "جاليات اجنبية" في مجلس السيادة علي حساب الاغلبية المهمشة؟
سلام بشاشا دي ما قصة عادل والجنسية الخضراء والبنية بعد كم جيل من التواجد في السودان بتتحول مجموعة بشرية من جالية الي مواطنين لهم كل الحقوق وعليهم كل الواجبات
سلام يامنتصر، موضوع جالية ده، ما كلامي انا. لا ابدا!
هذه طريقة تفكيرم هم او تعاملم هم في المجتمعات المذكورة اللي تعايشتا معاهم فيها. يكفي نموذج سلوك/كلام/موقف ممثلة الاقباط في مجلس مايسمي سيادة البتقول علنا انها محايدة يا للعار!!
هذا يثبت انها هي، مش بشاشا، البتتعامل مع محيطا كجالية اجنبية!
أنا لا أريد أن أدخل معك في النسب المئوية للظلم الذي تعرض اليه شعوب السودان المختلفة. ظلم واضطهاد الاقباط في السودان، هو ظلم نابع من الدستور الإسلامي الموجود. وكما ذكرت في بوستات اخرى، اختيار رجاء نيكولا لم يكن موفق لأنها لا تعبر عن الاقباط ولا تمثلهم. بالمناسبة. المكون العسكري بمجلس السيادة هو الذي أختار رجاء نيكولا. بمعنى أخر اختاروها لأنها تساندهم. وهي نفس الطريقة في اختيار صديق تاور الذي يمثل حزب البعث العربي الاشتراكي ولا يمثل تطلعات أهله النوبة. مثل هذا التلاعب مارسته معظم الحكومات في السودان منذ الاستقلال.
موضوع الاضطهاد الديني للأقباط يعرفه جميع السودانيين وغير السودانيين. وهو شيء قبيح جدا وغير وطني وجعل المسيحين يهاجرون من وطنهم السودان.
05-29-2020, 09:00 PM
Arif Nashed Arif Nashed
تاريخ التسجيل: 05-12-2014
مجموع المشاركات: 12692
بشاشا سؤالي ليك كان فيو شقين ... انت جاوبت على واحد ... و دهسؤالي :
Quote: سلام كمال ... تقصد ان الاقباط ضيوف على السودان ؟ طيب انحنا كيف الاتولدنا و لغاية جدنا العاشر في ام درمان ... و ما اتهمشنا .. لينا الحق و لا كمان ضيفان ؟
وده ردك على الشق الاول ...
يا ريت تجاوبني على الباقي
Quote: سلام ياقباني، ماقنا ضيوف. ولكن مامسوغ منحهم موقع فيما يسمي مجلس سيادة، وعلي حساب الاغلبية المهمشة، اللي دفعو افدح واغلي ثمن منذ الخمسينات، بل منذ قرون في حالة اهلنا نوبة الجبال.
لايمكن تقارن وضعية القبطي بالنوباوي او الفوراوي في سودان اليوم، رغم انف اسلام النوباوي، في دويلة شرع الله مقارنة بي مسيحية القبطي في امدرمان!
الاساس في السودان للاسف هو اللون!!
لهذا القيطي المسيحي اعلي درجة عشان لونو، من المسلم، "الزرقة" او عشان كده هو استفاد من هكذا تراتبية علي اساس لون الاضان!
لو ده حاصل، فما مسوغ اعطاء القبطي مقعد؟
يكفي نموذج طريقة تفكير هذه النفعية المستهبلة الخائنة لدماء من اتو بها!
05-29-2020, 09:57 PM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
تحياتي كمال التركيز في الاشخاص لسد المناصب السيادية في الفترة الانتقالية فيهو تضييع للزمن بمعني إنو بكون خصم علي الوقت المفروض يكون لحساب الاداء و الانجاز لان المهام واضحة بالنسبة للشعب و للثوار .... كيف تمر هذه الفترة بسلام. المجلس فيهو 5 جنرالات ... من مؤسسات عسكرية شاركت في فض الاعتصام دعم سريع حيش و شرطة ... و حاشرين نفسهم في كل شئ و متجاوزين للوثيقة و اعترضوا علي مرشح لمنصب النائب العام
المنطق بقول المجلس طالما هو تشريفي يكون 5 اعضاء كما كان في السابق شغل الترضيات و خلق المناصب ده زهجنا منو خلال ال 30 سنة الفاتت و استمراره في أعلي مؤسسة بعد البشير مؤشر غير جيد. ال 11 شخص ديل ما عندهم مرتبات و مخصصات ... غايتو مشكلة المشكلة ما في نيكولا المشكلة انو هناك 6 أعضاء اساساً وجودهم تمامة جرتك ....
Quote: القوانين والدساتير السودانية تصنف القبطي وبقية المسيحين في السودان على اساس أنهم مواطنين درجة ثالثة (الدرجة الثانية محجوزة للنساء المسلمات).
Quote: ظلم واضطهاد الاقباط في السودان، هو ظلم نابع من الدستور الإسلامي الموجود
هذا العميل النجس الانفصالي يسب الدين الإسلامي علانية جهارا نهارا في منبر السودانيين وأنتم معشر القراء تصفقون له وتضحكون تبا لكم أيها المتأسلمين ، وقاتلكم الله ومن تناصرون أنى تؤفكون ..
05-29-2020, 10:51 PM
Deng Deng
تاريخ التسجيل: 11-28-2002
مجموع المشاركات: 52568
واضح جدا أنك ككوز متعصب عاوز تخدع الناس مرة أخرى. أنت كمسلم لو ما عارف ما هو وضع غير المسلمين في الدولة المسلمة والشريعة الإسلامية دي تبقى مشكلة كبيرة لك يا الجاهل بدينك.
05-29-2020, 11:05 PM
عمر التاج عمر التاج
تاريخ التسجيل: 02-08-2008
مجموع المشاركات: 3428
واضح جدا أنك ككوز متعصب عاوز تخدع الناس مرة أخرى. أنت كمسلم لو ما عارف ما هو وضع غير المسلمين في الدولة المسلمة والشريعة الإسلامية دي تبقى مشكلة كبيرة لك يا الجاهل بدينك.
ما عندي مشكلة اكون كوز او اسلامي أو متعصب لديني، ولكني لست كلبا بعد أن اعزني الله بالدين وبالخلق والخلق القويم ، ولست حقيرا ادعو للأنفصال من السودانين ومن ثم اتطفل بالكتابة في منابرهم. قراننا وصف لنا على وجه الدقة من هم عبدة القردة والخنازير.. أما وضع غير المسلمين في الدولة الإسلامية فلا يمكن لأحد أن يقرأه ممن يمتلئ بالاحقاد أمثالك يكفي ان نعرف ان الإسلام المسلمين ونصرهم و اعز المرأة وسترها.. واعز غير المسلمين وانصفهم.. وفي السودان ورغم ان كل الحكومات التي تعاقبت عليه منذ الاستقلال إسلامية تقريبا الا ان الاقباط والمسيحين ظلوا هم الأعلى كعبا والاوفر حظا ماليا واجتماعيا وكنائسهم ودور عباداتهم وتجارتهم لم تبور ولم يعتدي عليها.. وحياتهم ظلت كريمة بأكثر مما هو متوفر لهم في امريكا وأولياء نغمتك
05-30-2020, 00:06 AM
Deng Deng
تاريخ التسجيل: 11-28-2002
مجموع المشاركات: 52568
ده كلام مضلل جدا جدا يعيش الرؤية ويعيد شك اوراق الصراع ليدفعو البسطاء الثمن!
ياعزيزي اسمح لي اقولك، عندك تعصب ديني أو عشان كده دي نظرتك للموضوع!
أساس الصراع ذي الطابع الجهوي في السودان هو لون الاضان وليس الدين!
حشر الدين هنا يفرغ القضية من مضمونا تماما!
ركز علي الشارع يادينق مش النظام الحاكم أو الدولة!
النظام أو الدولة ماهو الا بلورة لي واقع بعينو!
الدين هنا في حالة المهمشين مجرد عامل جانبي ثانوي مساعد وليس أساس الصراع!
ده مهم للغاية!
في الشارع الافريقي بعامة مافي هوس ديني الا كشي عابر وافد محدود! بالذات في السودان في!
ولكن بالنسبة لي لون الاضان فده من الشارع تبلور علي مستوي جهاز الدولة وانظمتا السياسية!
لهذا ماصدفة اللي ابيدو من بعد السحل هم "الزرقة" المسلمين بواسطة دويلة ونظام "شرع الله" الاسلامي!
إذا صادف أو كان "الزرقة" مسيحي فهذا عامل آخر اضافي ولكن ليس الأصل في عملية القهر لامثالو!
معليش ياعزيزي، تعصبك المسيحي يادينق قاعد يشوه كثير من مواقفك أو طرحك، فارفع رجلك من الابنص حبة!!
ماممكن تقارن اطلاقا مابين ترف ماتعرضو ليهو الاقباط كمسيحيين لو اصلا هناك شئ من هذا القبيل وماتعرض له "الزرقة" المسلمين!
لما نتكلم عن الدستور بتتكلم عن كلام مكتوب او مش واقع معاش بمايكفي لاستخدامو كدليل لتفسير اصل التهميش في السودان!
حرام عليك تساوي ومن منطلق تعصب ديني، مابين وضعية الاقباط ووضعية حتي اطفالنا في الجبال دعك من الخرطوم!
ماتنسي من صاغ السودان الحالي هم مستعمرينا المسيحيين والمسلمين معا!
بشاشا
الدين لعب دور كبير جدا في السودان، أنت لأنك عشت مسلم في السودان لن تستطيع أن تتفهم من أين أنطلق أنا وعن ماذا أتحدث. يا بشاشا. المحارق التي كانت تتم في جنوب السودان كانت شعاراتها دينية والجهاد لم يبدا مع حكم الاخوان المسلمين فقط. راجع قسم التوجيه المعنوي قبل حكومة الإنقاذ وماذا كانت أديباتهم وشعاراتهم، قسم التوجيه المعنوي الذي كان لديه برنامج ساحات الفداء في تلفزيون السودان. الرائد يونس محمود لم يأتي الى فرع التوجيه المعنوي مع حكم الإنقاذ، بل كان موجود بذلك الفرع الجهادي قبل الإنقاذ.
أرجوا ألا ننزلق الى من هم الذين تم اضطهادهم أكثر من الاخرين، لأن ذلك قد يدخلنا في عملية جرد حساب ونتيجتها بلا شك لن تكون في صالح نقاشك هنا. بس كده أنت فكر في كلامي ده. هل سمعت مواطن قبطي شارك في الحروب ضد أبناء الهامش؟ هل سمعت مواطن قبطي قام بتعذيب مواطن أخر؟ الإجابة هي لا. يجب أن تتفهم أن الحديث عن الظلم والاضطهاد الذي تعرضوا اليه الاقباط لا يعني نفي أو الاستخفاف بما حدث للأخرين في السودان.
أرجوا ألا ننزلق الى الاتهامات الشخصية لأنها لن تفيد النقاش في شيء.
05-30-2020, 00:09 AM
Bashasha Bashasha
تاريخ التسجيل: 10-08-2003
مجموع المشاركات: 25803
حانزل شريط هنا جبتو قبل سنتين، لي كوزة قبطية مهووسة، تتحدث فيهو بي حرقة، بي غضب مبالغ فيهو حد البكا لو بتصدق!
من شنو؟
من بابوات الفاتيكان والكاثوليك بصفة عامة، لدرجة تكفير البابا والكاثوليك بعامة!
ليه؟
ده عايز شرح، لانو موضوع غير مطروق، والسوداني حتي المتخصص في المجال ده، لايعرف عن هذا الموضوع شئ.
الموضوع الاثار، حنق، غضب، هياج هذه القبطية المنحطة، الحقيرة بمعني المفردة، متصل بي امنا "الست" الكانت معبودة في كل قارات العالم، بطول وعرض الاف السنين، بالذات في اوربا!
الست، معروفة لدي الكاثوليك بي "ســـيدتنا الســـــوداء".
نعم هي مريم العذراء، الاصلية ست الاسم، الكانت معبودة كالهة، عبادتا عطل انتشار المسيحية تماما، مما دفع الرومان لشن حملات ابادة ضد اهلهم، لحملهم للاقلاع، عن ادمان عبادة هذه السيدة الســـــودانية تحديدا!
كتبنا في المنبر ده، عن الموضوع دده، كتير.
ولكن المهم في هذا الامر في الخيط ده، هو موقف كنيسة رجاء نيكولا عبدالمسيح، عضو مجلس السيادة، اللي اتت بها ثورة، قادتا المراة السودانية، من اكبر شخصية سودانية، نعم امرأة، من حيث النفوذ، حول العالم، في تاريخ البشرية كلها.
طبعا موقف عقدي كهذا ماتبلور بين يوم ليلة اوما ممكن يتلغي مثلا!
نعم نفوذ الست، اقدم، اعرق، اكبر واوسع من نفوذ كل الرسل والانبياء، مجتمعين!
بنتكلم عن حقائق تاريخ مجردة، مثبتة او مفروغ منها!
نعم هناك العديد من النساء السودانيات وحصريا الوصلن مرتبة الالوهية في ازمان سحيقة، وهذا مقام لم يبلغه نوع الرجال او حتي النساء، في اي مجتمع اخر، اطلاقا في مثل هكذا عصرسحيق، وفي قارات العالم اجمع.
اذا ده حاصل، عايزك عزيزي القارئي تتابع الشريط الحانزلو ده، للاخر، عشان تكون عندك فكرة عن نظرة حتي الكنيسة القبطية لامثالنا كنموذج او جانب غير مطروق، او معروف بالنسبة لينا!
القبطية دي بتشتم الهــــــــة، نعم امرأة، مش نبي او رسول معبودة الي هذا التاريخ، باقذع الالفاظ، والابشع هو غضبا الفاجر، وحنقها علي بابوات الكاثوليك، البدو قيمة زي دي، في تصورا الشائه العنصري، لي واحدة ســـــوداء!
نعم واحد من المتداخلين، فيما يبدو قسيس قبطي، علنا بصق في وجه امنا دي، او وصما ب"العبدة"!
ماذا كان رد فعل هذه القبطية؟
انبسطت جدا، او شكرت ذاك الصفيق لو بتصدق!
انا مشيت الموقع او مسحتا بيها الارض، ولكنهم قفلو المداخلات او مسحو كلام، من دون ما ينزلو الشريط حتي او يعدلوه!!
اتمني واحد او واحدة من الصحفيين يقدمو الشريط ده، للكنيسة القبطية في الخرطوم او لي رجاء عبدالمسيح. يتبع.....
05-30-2020, 07:11 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27596
Quote: طيب انحنا كيف الاتولدنا و لغاية جدنا العاشر في ام درمان
هههاي يا قباني .. لأول مرة منذ أن جئت المنبر قبل 15 عاماً .. أري الأخ قباني يتم التعنصر ضده بهذه الطريقة الفجة! .. هذه العقلية يا قباني لا تقبل بأسنان ليس جده آمون راع ...
بريمة
05-30-2020, 07:36 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3485
واضح جدا بأنك لا تعرف الكثير عن الاقباط السودانيين، ووصفك لهم بالجالية وصف غريب جدا. يجب أن تتفهم أن اختيار رجاء نيكولا تم بنفس الطريقة التي تم بها اختيار صديق تاور. بمعنى أخر. المسيحين لم يتم استشارتهم عندما تم اختيار رجاء نيكولا، والنوبة أيضا لم يتم استشارتهم عند اختيار صديق تاور. بعدين أنت لازم تركز على الاستهبال الذي يمارسه المركز على الهامش. حيث هنالك يوجد شخصين من جبال النوبة بمجلس السيادة، فمن الوهلة الاولى يعتقد الناس أن "النوبة قد تم تمثيلهم بشخصيتين في مجلس السيادة، ولكن عند الفحص تجدهم الاثنين (تاور وكباشي) لا علاقة لهم بأجندة وتطلعات أهل المنطقة.
05-30-2020, 07:39 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3485
Quote: المشبوه عمر التاج: لو سمحتا فحط من هنا تماما. متقاعد اقرب بوستاتك خالص ولهذا فحط!
مشبوه ههههه دي القدرت عليها يا أمير الكوشة؟ مش برضك أمير كوشي هههه عمر التاج معروف أكثر منك وإذا بحثت عنه في المجال الاقتصادي أو التقني أو العلمي ستجده علم على راسه نار.. الباقي عليكم يا بتوعين امون رع.. يا العائش نص عمرك بين سفارات العالم ومخابرات مصر.. تقول لي مشبوه، هزئت قحت والله ان جعلتك صديقا ورفيقا.. لو (سمحتا)، قال سمحتا قال، طيب فرقك شنو - ياباحث - من العسكري البقول نحنا ونحنا هههه (فحط)، فحط دي لقيتا وين في قاموس الاكواش؟ مش دي برضو لغة الاعارب والخلايجنة، يخلقنك ربي عاد.. من الله خلقك سمعت بسوداني ولا كوشي بقول فحط، تتفحط يايابا بصوت العلوج.. (متقاعد) هههه، متقاعد ولا في الخدمة، الظاهر عليك لسه في خدمة اسيادك المصاروه.. هو في الحقيقية يا عزيزي القارى قاصد انه ما قاعد يزورني في بوستاتي.. بالله، دي مكنتك، خلاص نسيت اللي في بطنك؟ نسيت مساككتك لي وملاحقتك لي في بوستاتي زمان، نسيت داخلتك البتطمم البطن والكلام الفاحش الكانت بتصرفه فيها، نسيت ولا نجيبه ليك.. قال متقاعد قال.. نجي لموضوع البوست المخستك ده.. أولا لما يجي عميل انفصالي مرتزق يهين الإسلام ويصفه بأنه دين عنصري ومضهد ففي هذه الحالة ما قاعدين نسأل سيد البوست الخملة السمح بهذه الترهات منو، بنرد عليه طوالي وبندافع عن دينا وعقيدتنا.. الإسلام انضف وارقي واعف من أن يظلم احد او يضهده.. والشريعة الإسلامية هي شريعة السماء وماكان لها أن تتصف بالظلم ابدا.. وفي السودان المسلم ده عاش الاباط كالملوك في العاصمة والولايات.. في الخرطوم تجد ارقي الاحياء هي أحياء الاقباط وفي شندي تجد اعز الناس وأكثرهم وجاهة ونعمة ظاهرة هم الاقباط.. صحيح هم تجار شطار، ولكن ما كان لهم ان يجدوا فائدة تجارتهم لو لم يجدوا العدل المناسب.. تجي لعلاقتهم بالسياسة، صحيح هم اقلية كما قال الكوشي البشاشي، وما عندهم حظ كبير في الريادة، ولو كان الأمر ديمقراطية فلن يتجاوز مثلهم رئيس محلية، ولكن في عهد البشير كان قائدهم يتقدم الصفوف مع الصادق المهدي و الميرغني، وجودهم في البرلمان وفي السياسة عموما كبير، وحتي في عهد شريعة نميري كان كبير الاثاقفة مستشار، وكبير سياستهم وزيرا ومستشارا في القصر، العز المالقاهو دينق لما كان بسرق كوتات السكر ولا لقته دولة كوش باكملها التي يحلم بها الكوز صديق بشاشا (اوع يكون قريبك) ..
05-30-2020, 04:04 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: تحياتي يا قباني، حقيقة مافهمتا سؤالك، ياريت توضح اكتر.
طيب يا كمال ... في مستهل البوست مشيراً للاقباط ذكرت ما يلي :
Quote: علي العكس وضعهم في السودان افضل بما بايقارن من وضعهم في مصر الهكسوسية!
اقلاه عندهم وطن بديل او ده مامتوفر لمهمشينا!
كلامك يعني انهم مصريين و السودان بقى ليهم وطن بديل لانهم ما مهمشين و هم ضيوف او جالية ..
ثم ذكرت :
Quote: لو ده حاصل، فمامعني وجود ممثلين لي "جاليات اجنبية" في مجلس السيادة علي حساب الاغلبية المهمشة؟
هنا اعتبرتهم جالية و نزعت سودانيتهم ...
انا سألتك ...
Quote: طيب انحنا كيف الاتولدنا و لغاية جدنا العاشر في ام درمان ... و ما اتهمشنا .. لينا الحق و لا كمان ضيفان ؟
لانه من سياق كلامك اي زول ما ينتمي لي قبيلة في السودان فهو جالية ...
طيب انا ... لي جدي العاشر مولودين في ام درمان ... لا انحنا شوايقه لا دناقله لا بجا ... جدنا الحداشر يقال انه اصله من دراو
وضعنا شنو في رايك ؟ ضيوف برضه ؟ يعني جدي الكان في مؤتمر الخريجين و شارك بي شبابه هو واخوانه مع علي عبد اللطيف و عبد الفضيل الماظ ... يحق لي احفاده دخول مجلس السياده ؟ و لا الجهوي احق منه ؟ الجهويين ما ياهم سيئ الذكر نميري دنقلاوي و العوقة البشير جعلي و لا ما بعرف طينتو شنو ... عملوا شنو للبلد؟ ياخ ارحم نفسك و ارحمنا معاك .. نظرتك فيها عنصرية بغيضة يا بشاشا .. و انت رجل مستنير ...
ياخي جارنا ارمني يمين بالله وطنيته اكتر مني و منك يكاتل في الدفاع عن الوطن ... عاش و مات و ماسك تراب الوطن في يده
ياخي امش اتفرج على الفلم الاسمه The Jews and the Longest Kiss in History لو ما عندك مستعد ارسل ليك نسخة ... عشان تشوف اليهود السودانيين بتكلموا كيف عن السودان ...
05-30-2020, 04:30 PM
Bashasha Bashasha
تاريخ التسجيل: 10-08-2003
مجموع المشاركات: 25803
الاقباط ولدو، وجدو في مصر وليس السودان هذه ابجديات من حيث سرد حقائق تاريخ!
الغلط وين او شنو هنا؟
بالنسبة للوضع الحالي، الاقباط قتا ليك بدل مجرد سودانيين، كوشيين عديل كده من حيث اصل لسانم تحديدا!
نعم قنا ياعزيزي، في راي بشاشا المعيار هو الثقافة.
الاقباط العايشين في السودان ثقافتم سودانية، بالفهم ده، هم سودانيين!
الاشكال كلو في موضوع اختيارم هم تحديدا لعضوية مجلس "السيادة"!
ده، انا ضدو تماما من حيث المبدا، لي اسباب متعددة، منها كاثنية اقلية وعددم ولاشئ مقارنة ب المهمشين البمثلو 95% من سكان السودان.
اذن لامعني ولا مبرر لاختيار قبطي او قبطية للموقع الرمزي ده باسم وعلي حساب المهمشين اي 95% من مواطني جمهورية السودان!
هذا يثبت فقط طبيعة العقلية، الجهوية، الاثناوية، بل النازية، المتحكمة في طريقة تفكير المتحكمين في السلطة، اي امثال بشاشا، الجلابة، الجهويين، مواهيم العروبة، كارهي ذاتم، المتعقدين من خلقم كقوم سود!
مافاهم ياقباني اذا بشاشا بقول كده عن روحو هو، فما الاشكال والحساسية فيما اتصل بي كلامو عن الاقباط اللي خاتنهم كاثنية في مجلس السيادة وعلي حساب الاغلبية المرذولة، الملفوظة؟
أنا كتبت لك من قبل، إختيار رجاء نيكولا لا علاقة له بالاقباط، لقد تم إختيارها عن طريق العسكر. الفكرة الاساسية كانت إختيار شخصية مسيحية، والاقباط جزء من المسيحين السودانيين. هذا هي الطريقة والسبب الذي تم به إختيار رجاء نيكولا
05-30-2020, 06:02 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27596
شلوووم يادينق، طيب لو العسكر هم البستخدمو في الا قباط والمسيحيين كادوات في صراعم مع الثوار لماذا الصمت من الاقباط والمسيحيين اذا كان البتسووي فيهو رجاء دي غلط؟
ثانيا علي اي أساس ولماذا الاقباط حصريا هم البمثلو مسيحي السودان؟
الكنيسة القبطية خاصة من حيث الطرح بي اثنية الاقباط حصريا كما اليهودية وهذا لوحدو يهزم فكرتك نسف من الجذور!
بالذات لما نجيب الشريط الجاي البفضح عقيدة مسيحيي الاقباط المحتقرة لادمية أمثالنا وباكثر من غلاة مسيحي اوربا أو مسلمي الإعراب!
في الشريط ده قبطية وهي تتحدث بي اسم الكنيسة القبطية كفرت بابا الفاتيكان والكاثوليك كلهم لانهم بركعو لي سيدة سوداء أو مش البيضاء هولتم هم خير البرية في الوكت الفيه بابا الفاتيكان بركه لي سودانية تحديدا! نعم دون ادني اعتبار لمواقفنا دفاعا عنهم عبر القرون في كمت مش السودان بالدم والروح!
غريب جدا يادينق تعصبك للاقباط وعلي حساب المسحيين المهمشين حد القتل السحل والإبادة في كراكير الجبال!
لماذا الاقباط وليس مسيحي الأغلبية المهمشة يتم اختيارهم لو ماكان الموضوع موضوع تبول بصق معتاد في وجوه الزرقة فقط لانهم زرقة او مش بيض اللون كما رجاء عبد المسيح؟
05-30-2020, 06:17 PM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
مرحب بشاشا وكل رواد البوست. في اعتقادي، في مشكلة أساسية في اختيار كل المكونات (مجلس سيادة، مجلس وزراء، تشريعي، ولاة الولايات .... إلخ). يفترض أن يكون المعيار الكفاءة وليس غيرها. لماذا يوضع مقعد للمرأة ولطائفة الأقباط باعتبارهم أقليات ولا توضع أيضاً مقاعد لذوي الإحتياجات الخاصة مثلاً؟ لنمسك المرأة كمثال، تقرر أن يكون لها تمثيل بنسبة معينة ... في حدود هذه النسبة يتم إختيار الأكفأ ... هناك احتمالين، الأول أن يتم تعيين ذوات الكفاءة وتتبقى مقاعد يتم شغلها من من هنّ أقل كفاءة رغم وجود كفاءات رجالية ... لكنها (الكوتة). الإحتمال الثاني أن يتم تعيين ذوات الكفاءة ويحصلن على جميع المقاعد ثم يتبقى منهن فائض لا يستوعب لأن (الكوتة خلصت) فلا يستفاد من الكفاءات الزائدة عن الكوتة. في هذين المثالين، الخاسر هو الوطن الذي لم يستفد من كفاءات أبنائه.
لماذا لا يكون المعيار الأوحد هو الكفاءة، غض النظر عن كونه إمرأة أو رجل أو معاق أو مسيحي أو لا ديني؟
** غني عن القول أن الكلام أعلاه لا ينطبق على ممثلي الولايات، فهم يمثلون مناطقهم.
05-30-2020, 06:31 PM
Deng Deng
تاريخ التسجيل: 11-28-2002
مجموع المشاركات: 52568
الصديق أو رغم انو سليل مراحيل بريمة ادم مرحب أو مشتاغون!
عندك وش ياسليل المراحيل الحرقو قطر بي أكملوا بماحمل من بشر فقط لانهم في نظر امثالك ذنوج وانت ذنج الذنج؟
عندك وش كمان تتكلم بيهو عن أمثالنا، وامثالك من مجرمي الجنجويد بياكلو عيش أو باكلو اطفالم بما كسبو من مهنة سفك دماء الأبرياء من بعد السودان في اليمن في ليبيا بلاخجلة يامشوه الدواخل؟
مش برضو ده انتا الببصق ليل نهار في وجه اهلو بقارة أمريكا باعتبارهم ذنوج أو هم مسيرية زيك بي نسبة 71% من حيث فصيلة الدم ياالمتعري من اصلو؟
بالسخرية الأقدار ايها العار العرة!
05-30-2020, 08:11 PM
Bashasha Bashasha
تاريخ التسجيل: 10-08-2003
مجموع المشاركات: 25803
الكمبيوتر فيهو حاجة كدة اسمها نقطة استعادة النظام .. نحن عشان نعمل ريكفري ومعالجة لكل الخستكة الحصلت في السنوات الفاتت محتاجين نصل لنقطة نظام السودان .. بشوف انه الخط الزمني الطويل لحضارة لمنطقة ممكن تحمّل متن قطارها العديد من الاثنيات والطوائف الدينية كمكونات أصلية فيها .. 6000 سنة كنيرة يا بشاشا تعال من كرمك للناس شوبة مع اقرارهم بتفضلك عليهم واستقبالهم ..
بالنسبة الاقباط بشوفم ا أفلية عرقيا ودينياً بالمعني المعرف بالمواثيق الدولية ويصلحوا نموذج .. تعرضوا لإنتهاك ومصادرة وتتضييق ممنهجة من قبل الكيزان .. وماكانت قدرتهم إلا الهجرة والشتات .. البقي تحت واقع الظلم دارى على نفسه بسلام .. المسيحيين او بقية الاقليات ما بنفس الأقلية العددية ولا انحازوا لطرق اكتر سلامة من الاقباط . ورغم كدة الاقباط عبر الشأن العام ما كانوا مستسلمين .. وعلى الأقل لم يهربوا وينسلخو عن الشأن السوداني كالجالية اليهودية الإكتفت بالذكريات الجميلة وأفراد نذكر صلتهم بالسودان ..
لعنتنا في المساحة الكبيـرة وتعدد الالوان والثقافات البتمثل نعمة ل دول تانيـة ظهرت على وجه الخريطة التاريخية في ما يعادل جمعة من قرون زمن اجداد المنطقة دي .. ودا بسبب خطيئة الأنا وحب التملك والتفرد ..
ممكن تمثيل للأقليات الدينية ....... وجود إمراة - ومسيحية - كمان يعتبر نظريا هزيمة للمشروع الإسلاموي -! - هي تعتبر إقلية مركز - لا معبرة عن الهامش الجغرافية ! - الأقباط يابشاشا عانو وتم تهجيرهم قسرا - وتم الإستيلاء علي ممتلكاتهم بواسطة الكيزان ! * السؤال هل عضو المجلس نيكولا عبد المسيح - تعبر فعلا - - عن الأقليات الدينية وعن قضايا المراة ؟ هل تعبر عن روح الثورة ونبض الثوار؟ دي المهمة النقاط اللي ممكن نتاقش فيها !
05-30-2020, 09:23 PM
Deng Deng
تاريخ التسجيل: 11-28-2002
مجموع المشاركات: 52568
أدخل البوست ده وأتعلم عن مواقفي وتاريخي في الصراع الدائر في السودان، علشان كده أنا قلت لك أكثر من مرة لا تتهمني بأتهامات باطلة، هنالك الكثير الذي قد لا تعرفه أنت عن المسيحين في السودانن وما هي مواقفهم.
أكاد أجزم بأنك لا تعرف من هو الأب فيلوثاوث فرج هذا ؟؟
حسبما أسلفت المسيحيين الآخرين ممثلين عبر كيانات معرضة وبالجهوية، أما ألأقباط فمغيبون. كفانى المتداخلين فى تقييم أدوارهم فى الشأن العام والإقتصاد بل وفى كل المناحى .. نعم هضمت حقوقهم وهاجروا، ولكن سودانيتهم ووطنيتهم ظلتا أصيلتان.
أساسأً مبدأ مخاصصة لكراسى الحكم على أسس عرقية وجهوية هو مبدأ خاطئ ويقنن للتفرقة .. فالتمييز الإيجابى للعنصر أو النوع يكون فيما يخصه ومنفعته الشخصية وليس ليحكم بدون إستحقاقات ديمقراطية بمعنى تتاح له فرص للدراسة والعمل وليس على حساب إنقاصها من عناصر أخرى. فى أمريكا الأقليات ومنهم البلاك والنساء يتاح لهم فرص فى العمل وفى فرص التجارة. ولكن ما فى مجاملة فى من يحكم الناس .. فالحكم والمشاركة فى الحكم خارطة طريقه الديمقراطية والتمثيل البرلمانى عن طريق الإنتخابات.
براكم شوفتوا المحاصصة الجهوية والعرقية (بدون الكفاءات والخبرات النوعية) أفرزت شنو فى مجلس السيادة!
بشاشا يتكلم كما أن من يحق لهم الحكم فقط (المهمشيين) ودى كلمة فضفاضة بشاشا عنده لها تعريف يختلف عن تعريف من يدعون أنهم مهمشين، وفى مهمشين ساكتين. ناس الخرطوم ذاتم مهمشيين . وحتى لو رضينا بمعيار بحكم المهمشين فتمثيلهم على قمه الدولة .. مجلس سيادة من 100 عضو ما بيكفيكم، ولا مجلس وزراء قدرو حيكفى!
كنت قد وعدت بأن آتى ببيان الحزب الإتحادى الديمقراطى بالولايات المتحدة الأمريكية (مكتب واشنطن) بتاريخ 6 يوليو 2019. توقبته كان بعد تم الإتفاق مع المجلس العسكرى، وكانت المفاوضات جارية لوضع الدستور الإنتقالى وقبل أى توقيع أو ترشيح لمناصب مجلسى السيادة والوزراء. كان هدفنا إنقاذ ما يمكن إنقاذه بعد أن تم الإتفاق على الأعداد المدنية والعسكرية بالمجلس السيادى. فطرحنا تصورا لمهام للمجلس السيادى الضخم العدد ولنبين أهمية التدحديات والمهام لتراعى فى الدستور وفى كفاءات الشخصيات التى سترشح وتعين.
وركزنا على شرط الكفاءة فى الترشيحات مع توسيع مجال التنوع الأثنى والجهوى ، للمشاركة فى هذه المرحلة التأسيسية لسودان جديد، ولكن بشرط إسيتفاء الكفاءة.، وخصصنا تحديداً الأقباط. وقدمنا كنموذج ثلاث مرشحين بكفاءات وخبرات نوعية، واضعين فى الإعتبار المهام والقضايا التى ستواجه الدولة. بعد صدور البيان لاحظنا بعدها بإسبوع أن تصريحات القانويين بلجنة الدستور تتسق مع مفهومنا عن مجلس السيادة بأنه ليس تشريفى فقط، بل أيضأ ستوكل إليه مهام تنفيذية. ولكن الطامة عند الترشيحات والتعيين لم يراعى للمهام والكفاءات النوعية المطلوبة . فكانت مجرد محاصصة عمياء.
إليكم نص البيان:
الحزب الإتحادى الديمقراطى بالولايات المتحدة الأمريكية رسالة للإتحاديين ولعموم أهل السودان .. المرحلة تحتاج لترشيح كفاءات وخبرات من العيار الثقيل
الشقيقات والأشقاء الكرام الإتحاديون
تحايا طيبات لكم ولكل أهل السودان .. نهنئكم جميعاً بإنتصار الثورة المجيدة .. ومازلنا فى السكة نمد
كانت الآمال أن تكون نتائج مفاوضات حركة قوى التغيير مع العسكريين أفضل بإتفاق منصف للثورة وثوارها وشهدائها الأبرار. لا نبكى على اللبن المسكوب وننظر للأمام للعبور بسلام إنجاحاً للمرحلة الإنتقالية. وحسب إجتماعتنا ومفاهماتنا الأخيرة مع كل الأطراف، نتشدد فى أن الكوادر المدنية المرشحة لشغل حقائب الدولة سواء بمجلس السيادة أو مجلس الوزراء أو المفوضيات و المستشاريات، يجب أن تشغل بكفاءات متميزة وخبرات نوعية وسير ذاتية من العيار الثقيل جداً (كفاءات جامدة صلبة) سياسيا وحزبيا وعملياً ومهنياً، لتجد قبولا كبيراً عند العامة ولضمان قيادة راشدة للمرحلة. نرفض المحاصصات التى تأتى بعناصر ليست بقامة مجلس سيادى أو وزارى من حيث الكفاءات، فالوطن والمصلحة العامة فوق الجميع. ونشدد بأننا نرفض إنتهاج أسلوب توزيع العطايا والمغانم وحصر الترشيحات على كيانات حركة قوى التغير الست أو أعضاء المجلس العسكرى.
مجلس السيادة: مجلس السيادة رغم ما يقال عن أن دوره تشريفى، ولكن عضوية 11 عضواً يجب أن تستغل جيداً بتوزيع أعباء سيادية على أعضائه، للعمل فى ملفات وطنية أساسية بدون تضارب مع مجلس الوزراء وهيئات الدولة الأخرى. هنالك ملف شؤون الأقاليم الستة حكمها وإحتياجات مواطنيها الضرورية. ملف السلام والوحدة ونزع السلاح وإعادة توطين اللاجئين. ملف الحدود والنزاعات الدولية. تنمية وتطويرعلاقات حسن الجوار، العلاقات الخارجية بتوزيع أعباء على بعض الأعضاء لتغطية منطقة معينة بالعالم مثل غرب أوربا، الأمريكيتين، الشرق الأوسط، أفريقيا، الإقليم العربى، شرق أوربا، شرق آسيا، أستراليا ونيوزيلندة وذلك لفتح أبواب للتعاون الإقتصادى والتجارى والزراعى والصناعى والثقافى والتعليمى، والتدريب وغيرها. ملف تأهيل الجيش والشرطة وإعادة تنظيم وتأهيل جهازى الأمن والإستخبارات، الدستور والقوانيين وإرساء الحريات وحقوق الإنسان تمهيدا لعهد ديمقراطى راشد، التنوع الثقافى والأثنى والدينى والتنمية الإجتماعية، شؤون حقوق المرأة وإلغاء القوانين المهينة لها. توفير السلع التموينية والغذائية، والمواد البتروليه، وخدمات الكهرباء، وتوفير المياه الصالحة للشرب والخدمت الصحية والدواء والإسكان للمواطنين. وتوفير فرص العمل ومحاربة العطالة، ورفع الأجور وموازنتها بتكاليف المعيشة وتسهيل أعباء الحياة على المواطنين. وتوفير النقد الأجنبى وتحسين قيمة العملة السودانية. ومراجعة وتطوير الجهاز القضائى، قوانين الأحزاب وتطوير الأحزاب إعداداً لممارسة ديمقراطية ناجحة.
ولذلك لا بد من إختيار عناصر ذات كفاءات عالية وخبرات نوعية ومتنوعة سواء للفرد أو بين أعضاء المجلس، والقدرة على العمل فى أكثر من ملف وتكليف. ينطبق ذلك على أعضاء مجلس السيادة المدنيين والعسكريين بالخدمة أو متقاعدين. وحسبما إتفقنا عليه من توجهات ومقترحات، العمل على مراعاة ما أمكن تمثيل أثنى ولمناطق يرى سكانها أن حقوقهم فى الحكم مهضومة، شريطة التقيد بإستيفاء الكفاءة المطلوبة للمنصب (فى الحكم لا تمييز إيجابى على حساب الكفاءة والقدرات). وكذلك إن أمكن تمثيل الأقلية المسيحية القبطية، وهو ليس تمييز دينى، ولكن كمكون أثنى أساسى فى المواطنة والمجتمع السودانى، أسهم فى الحراك الوطنى وفى النهضةالإجتماعية والثقافية والفنية والرياضية منذ بدايات القرن الماضى، فئة معطاءة فى صمت ولا تطالب مقابلاً او محاصصة فى الحكم، وهذا ترتيب على الأقل إستثنائى مرحلى لتأسيس سودان جديد يشمل أكبر قدر من آراء وتطلعات السودانيين.
و كإتحاديين بالخارج بأمريكا وبإتصالتنا بإتحاديين بدول أخرى وبالداخل، إتفقت الآراء على القوى الإتحادية إسقاط رايات شتاتها وتتفق على ترشيح عناصر إتحادية مؤهلة وخبيرة، ذات سير ذاتية متميزة فى الجوانب العملية والمهنية والتنفيذية والإدارية القيادية. للمشاركة الإيجابية فى قيادة هذه المرحلة الوطنية الحساسة الهامة. نعنى مشاركة بكفاءات نوعية وليس كم عددى، تمثيل نوعى يتناسب مع عظمة حزب الحركة الوطنية وتاريخه النضالى المجيد. ونطالبكم بوقف الفوضى والعبث واستغلال إسم الحزب من بعض الأفراد بمسميات كيانات إتحادية وهمية. نقدر صمتكم خلال فترة الثورة من أجل المصلحة العامة، ولكن الأوضاع تغيرت الآن ويجب إتخاذ القرارات والمواقف الحاسمة (إتحاديا)، والشجاعة فى إحقاق الحق والصراحة مع القوى الوطنية وتصحيح الأوضاع فلا مكاسب غير مصالح الوطن. ونرى شرط الكفاءة والخبرات المطلوبة والسيرة الذاتية أن يطبق على جميع المرشحين للمناصب من الأحزاب والكيانات الأخرى، بل دوماً تفعيل حق الفيتو على أى مرشح غير كفؤ وغير لائق. وكما أسلفنا إنها ليست غنائم وعطايا تقسم. وحسب وعدنا لكم فمن جانبنا نرشح أسماء نرى أنها ستكون إضافة نوعية فى مقاعد مجلس السيادة ولم نتقيد بكوادر حزبية إتحادية فقط بل شملنا شخصيات قومية ومستقلة، حيث المرحلة تتطلب المنظور القومى لا الحزبى ونكتفى بثلاثة منهم :
1 – الأستاذ الفاضل حسن عوض الله (شخصية إتحادية وطنية من العيار الثقيل) 2 ـ بروفسور بخارى عبد الله الجعلى (شخصية قومية وطنية من العيار الثقيل) 3 ـ بروفسور سعاد تاج السر على الشيخ: (خير ممثل للمرأة) ـ شخصية مستقلة وطنية من العيار الثقيل
1 – الأستاذ الفاضل حسن عوض الله (شخصية إتحادية وطنية من العيار الثقيل) : أستاذ جامعى وكاتب متميز ذو ثقافة عالية ومفكر ومحلل سياسى بارع. ذو معرفة وخبرة ومرجعية فى الشأن السودانى عامة، ومهتم بالتاريخ الحديث والمعاصر. صاحب رؤى وبصيرة نافذة سياسياً ووطنياً، وفكر عميق ثاقب وقدرات تحلييلة عالية تؤهله لوضع الخطط والحلول فى شؤون الوطن وتطوره، وتحقيق المساواة والعدالة الإجتماعية، وحاكمية الدستور والقانون، وإقتسام عادل للحكم والسلطة بنظام ديمقراطى سليم. وهو كادر سياسى إتحادى ووطنى من العيار الثقيل وينال قبولاً واسعاً فى أوساط الإتحاديين وعموم السياسيين وعامة المواطنيين. هذه خطوط عريضةعن مؤهلاته وخبراته وقدراته النوعية (تفاصيل سيرته الذاتية لديكم فنكتفى بهذا القدر)
2 ـ بروفسور بخارى عبد الله الجعلى (شخصية قومية وطنية من العيار الثقيل): دكتوراة فى القانون الدولى جامعة لندن، وهو رئيس الجمعية السودانية للقانون الدولى، بروفسور قانون بجامعتى النيلين والخرطوم. حجة وخبير فى النزاعات الدولية وعمل مستشاراً فى الدول العربية وباشر التحكيم الدولى بغرفة التجارة بباريس، والتقاضى الدولى بالمشاركة فى المحاكم الأمريكية. خبير دولى فى النزاعات الحدودية الدولية قام بإعداد ملف النزاع الحدودى لحلايب بين السودان ومصر، وقدم دراسات عن النزاع الحدودى لأرض الفشقة بين السودان وأثيوبيا، ونزاعات الحدود فى الخليج العربى.
عمل فى الخدمة العامة ضابط شرطة وصل درجة وكيلاً لوزارة الداخلية. وهو مثقف وسياسى ضليع خبير فى الشأن السودانى وتاريخه الحديث والمعاصر ومرجعية فى تاريخ الحركة الوطنية. وهو يمثل شخصية قومية بعد إعلانه فى يناير 2018 الإستقالة وإعتزال العمل الحزبى (الإتحادى)، وتفرغه للعمل العام كشخصية قومية متعددة الخبرات سواء فى القانون أو الشرطة أو السياسة والتاريخ الحديث، ، وبطبيعة تخصصه القانونية معروف عنه علو قيم الحق والعدل عنده فى تعامله فى كل الأمور وإحترام القانون. ويعتبر شخصية قانونية وسياسية قومية من العيار الثقيل تنال قبول المهتمين بالشأن السودانى مقييمين لكفاءاته وخبراته النوعية. هذه نبذه موجزة عن سيرته الذاتية الغنية بممؤهلات وخبرات وإنجازات تجربة حياتية ثرة.
3 ـ بروفسور سعاد تاج السر على الشيخ: (خير ممثل للمرأة) ـ شخصية مستقلة وطنية من العيار الثقيل: نبذة مقتضبة جداً (قطر من فيض) من سيرة ذاتية غنية. البروفسور سعاد تاج السر علي الشيخ رئيس قسم الدراسات الشرق أوسطية والكلاسيكية بجامعة ولاية أريزونا، ورئيس مؤسس لمجلس جامعة ولاية أريزونا للدراسات العربية، ومنسق الدراسات العربية والشرق أوسطية، أستاذ مشارك في الأدب العربي والدراسات الشرق أوسطية، أستاذ زائر بالجامعة الأميركية بالكويت. عضو برامج الدراسات الإفريقية ودراسات الجندر والدراسات النسوية، عضو في مركز دراسات الأعراق والديمقراطية بجامعة ولاية أريزونا.
رئيسة جمعية الدراسات السودانية لدورة 2017 – 2019. عضو اللجنة التنفيذية للجمعية الدولية للدراسات متعددة الثقافات، عضوية العديد من الجمعيات العلمية والمؤسسات الأكاديمية ومنظمة العفوالدولية. ناشطة في حقوق الإنسان لأفريقيا والسودان والشرق الأوسط في أروقة الولايات المتحدة الأميركية. مناضلة ضد أنظمة الشمولية والدكتاتورية من المهجر، أسست مع الدكتور عبدُ الله أحمد جلاب مركز السودان للديمقراطية والسلام والحقوق المدنية. عضو مؤسس للجنة إقامة السلام في السودان في جامعة ولاية أريزونا منذ 2004، عضو مؤسس للمركز السوداني الأميركي بأريزونا وعضوية لجنته التنفيذية لدورتين سابقتين، وأسست مع دكتورة نور إبراهيم الإمام جمعية المرأة السودانية الأمريكية بأريزونا.
بالإضافة لمركزها كأستاذة الدراسات الشرق الأوسط، فهي في الوقت نفسه عضو هيئة تدريس للدراسات الإنجليزية، ودراسات عن المرأة والجندر، حقوق المرأة وتحقيق العدالة الإجتماعية. بالإضافة إلى عضويتها في هيئة تدريس فى مركز دراسات النزاعات والدراسات الأفريقية، والأفريقية الأمريكية، ومركز دراسات الأعراق والديمقراطية، ومعهد أبحاث العلوم الإنسانية، ومركز أريزونا لدراسات القرون الوسطى وعصر النهضة. أستاذة معترف بها دوليا، حاصلة على عدة جوائز مرموقة بما في ذلك جائزة الأستاذ المتمير في الدراسات العليا المتميزة بجامعة ولاية أريزونا، جائزة أفضل مشرف على الطلاب والمنظمات الطلابية للعام 2019، وجوائز أخرى. مارست التدريس الجامعى في جامعات عديدة تشمل جامعة يوتا، بيرجهام يونج، كلية هايرام وغيرها بالولايات المتحدة، وبالكويت والخليج. أشرفت على العديد من رسائل الدكتوراة والماجستير في مختلف الدراسات العلمية في دوائر تخصصها المتنوعة بالولايات المتحدة الأميركية وعالمياً.
مؤلفة العديد من الكتب بما في ذلك " ذا رود تو ذا تو سودانز (الطريق إلى السودان وجنوب السودان)" مع أساتذة في الدراسات السودانية، وكتاب "وجهات نظر خمس نساء كويتيات في مناصب قيادية: عن حقوق المرأة والإسلام والسياسة.". نشرت أكثر من 25 بحثاً في شتى الدراسات العلمية بما فيها دراسات الشرق الأوسط والدراسات الإفريقية والسودانية وموضوع الهوية السودانية. قدمت ما يزيد عن مائة ورقة علمية في مؤتمرات عالمية. دكتوراة درجة الشرف من جامعة يوتا في دراسات الشرق الأوسط ماجستير الأدب الإنجليزي درجة الشرف جامعة بيرجهام يونج الولايات المتحدة الأميركية بكالريوس الأدب الإنجليزى والأفريقي والدراسات الأفريقية جامعة الخرطوم ومعهد شمال لندن. شملت بعض كتبها ومنشورات مقالاتها:
- THE ROAD TO THE TWO SUDAN(S) - PERSPECTIVES OF FIVE KUWAITI WOMEN IN LEADERSHIP ROLES: FEMINISM, ISLAM AND POLITICS (A RELIGION, NOT A STATE)
ويركز على أن الإسلام دين وليس دولة، رسالة سماوية وليس حكومة دنيوية ضد التشوية المتطرف للإسلام سياسياً واجتماعياً وجندرياً.ـ والعديد من المقالات والأوراق العلمية عن الهوية السودانية، نساء سودانيات عبر التاريخ، الفساد في جوانب من الخدمة المدنية في السودان. إستخدامات مغلوطة للدين لاضطهاد المرأة. حقوق المرأة، إلخ. على سبيل المثال لا الحصر. فيض من جانب يسير من سيرتها الذاتية الغنية بالكثير من الإنجازات والبحوث والنشاطات في مختلف المجالات الثقافية والأكاديمية والعلمية، والإجتماعية والإنسانية والوطنية .. إلخ.. بروف سعاد الشيخ شخصية مستقلة نراها مرشحاً من العيار الثقيل لشغل منصب بمجلس السيادة، ممثلة لعموم أهل السودان وليس النساء فقط.، هى إضافة نوعية لتأسيس سودان جديد.
وحسب طلبكم نرفق لكم قائمة بأسماء كوادر إتحادية وطنية صلدة صلبة لمقيمين بالخارج وبالداخل، لوضعها فى الإعتبار لأى تكاليف ترونها لخدمة الوطن فى هذا المنعطف التاريخى الخطير. وسنوافيكم عاجلاً بما إلتزمنا به معكم.
مع الشكر والتقدير
مكتب الحزب الإتحادى الديمقراطى بواشنطون بالولايات المتحدة الأمريكية نادر الفضلى السبت 6 يوليو 2019
05-31-2020, 12:35 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27596
عوووووك يا خلق، فيما اتصل بما يسمي زوا، وابتذال، اضطهاد الاقباط:
هذا يفضح طريقة تفكيركم حقيقة يبتذل ويختذل قضية ومفهوم التهميش للاغلبية، بي صورة موجعة!
نعم هذا يعيد انتاج مفهوم وتصورات "اثنية" الوافدة والدخيلة علي ارثنا، المسؤولة من بلاوينا الحالية!
نعم مؤلم او مستفذ انكم تساوو مابين ماتعرض له 95% من سكان السودان، من استعباد، استرقاق، قتل، ذبح وتشريد، لقرابة ال10,000,000 سوداني في الهامش، بالذي تعرض له الاقباط الذي ولاحتي مفروض يذكر زاتو لوفعلا جادين كشماليين تحديدا، لتحمل مسؤولية ما اغترفت ايادينا بحق اهلنا في الهامش!
الاقباط في السودان مقارنة بموطنهم الاصلي اي مصر، عاشو في السودان مقارنة باهلنا من الجبال، كملوك وهذه حقيقة مجردة، بحكم الموقع الاقتصادي اللي اكتسبوهو من علاقتم بمستعمرينا تحديدا، المسيحيين!
شوفو، وقسما مابعرف الف او ادوار، او رايو من فتحتا او جيت في الدنيا دي، بختو علي بلاطة، لانو الصدق في ارثنا الروحي الكوشي، هو المدخل للجنة طبقا لمبادي امنا "Maat" اساس مايسمي في عالم اليوم اديان.
بالعدم ورونا، اين استعبد الاقباط، في السودان، او متين، او من منم؟
هل حصل في واحد فيكم شاف اقباط حصريا، عند المغيب، في شارع سوق حلة الدناقلة، بجو يعتلو هرار "اسياد البلد" كما كان يفعل اهلنا نوبة الجبال؟
وانا يافع، بجي زائر للعاصمة من الريف، كنتا بستغرب من المنظر المذل، المهين، ده، لي اهلنا نوبة الجبال في عصر نظام "ديمقراطي" بي مصطلحات خطاب الوعي الجلابي، اي نظام السيدين في خطابنا.
نعم كان السؤال المالقيت ليهو اجابة في الستينات، ليه شغل خم الهرار من المراحيض، بقومو بيهو نوبة الجبال، حصريا؟
لماذا؟ نعم من تجارب حياتي الخاصة كفرد، حكيت عن واقع الاستعباد عديل كده، لغير الشماليين في الشمال، دعك من الهامش او مواقع الصراع العسكري، مقارنة بوضعية ذات الاقباط في اقصي الشمال الكانو بمثلو الطبقة العليا في اقصي الشمال!!
اذن اي كلام هنا عن تهميش الاقباط، مقارنة بي واقع استرقاق غير الشماليين، في اقصي الشمال، هو ابتذال، هو نفاق، وقبلها هو مركب نقص متجذر فيما اتصل بي لون البشرة، للاسف الشديد، وكنتيجة لايمكن تشوف فـــــــوراوية، تتصدر الوجوه في قناة النيل الزرق، كمثال، ولايمكن تكون ظبية في كرتون حاج يوسف، دعك من المسالمة!!
05-31-2020, 05:20 PM
Bashasha Bashasha
تاريخ التسجيل: 10-08-2003
مجموع المشاركات: 25803
اذا بتتكلمو عن اختيار قبطية كممثلة للمسيحيين، فهذا كمان انكأ!
الكنسية القبطية، كما معابد اليهود، الانتماء ليها بالميـــــــلاد، بي فصيلة الدم، بالتوراث، او مش بالكسب او الاختيار مفتوح للكل!
هكذا تم الحالق مسيحي بلد تعداادو فوق لل100,000,000 للكنيسة القبطية وهذا عجيب بحق!
ده كلو حيتضدح ليكم اكثر واكثر لما ننزل شريط للكنسية القبطية، هنا في امريكا، عشان تسمعو بي اضنينكم او تشوفو بي عيونكم، النظرة الضمنية للكنسية القبطية لامثالنا من الاثيوبيين، السودانيين، اي الافارقة عامة!
نعم اكثر من قسيس قبطي عبر عن ذات الراي المتصل بتكفير بابا الفاتيكان نفسو، اللي قبل فكرة انو العذراء ممكن تكون ســــــــوداء اللون!
عكس بابوات الفاتيكان، الكنيسة القبطية الممثلة افتراضا لي مسيحيي اثيوبيا، ترفض هذا، رفض قاطع!
حتشوف بي عينك مدي البصق علي وجه الانسان الاسود، بعامة من باب الرفض، ان تكون ســـــودانية، من جمهورية السودان الحالية، الــــــهة، معبودة منذ الاف السنين، قبل مايولدو الاقباط ذاتم كبشر، بواسطة بابوات الفاتيكان، ومسيحي اوربا وامريكا، البركعو في خشوع لســـــودانية الي هذا التاريخ رغم انف انها ســـــــوداء، وامـــــــراءة!
هذا مقام حققتو الســــــودانية وحدها، لاشريك لها، في تاريخ البشرية، علي سطح هذا الكون كلو!
05-31-2020, 05:25 PM
Bashasha Bashasha
تاريخ التسجيل: 10-08-2003
مجموع المشاركات: 25803
انا مشيت للموقع ده او مسحت بالمنحطة دي الارض، واذا بهم كنتيجة الان قفلو باب المداخلات، ولكن الشريط قاعد زي ماهو!! مافي تعديل او سحب لايا من طراش هذه العنصرية السافلة بحق! رجاءا اسمعو الشريط للاخر او شوفو كمية الغضب والاحتقار الجواها تجاه السود تحديدا!
يا أخى أنت تعرف (المهمشين) بمعاييرك الخاصة بتتكلم عن عبزديو زإسترقاق تتكلم عن تاريخ مضى وإن كانت بعض آثاره باقية. كما أنك من تظن أنه مرتاح مادياً ليس له حق فى الحكم. أقباط زمان النسبياً أوضاعهم المالية مريحة. لقد تم إفقارهم عمداً وجعلهم غير مرغوب فيهم هاجر معظهم بحثا عن حياة كريمة فى بلاد العالم. لا أظن الثورة أو أنت تدعو لتزكية الحقد الطبقى (الماالى).
فالتهميش المعنى هو عدم المشاركه فى الحكم وما يترتب عليه من هضم حقوق للمواطنه فى كيف يحكم السودان بالمشاركة فى وضع دستور متفق عليه، وقوانين نابعة منه تحفظ للمواطنيين حقوقهم وكرامتهم، عدالة ومساواة فى الحقوق والواجبات وفى المشاركة العادلة فى الحكم والقرار بنهج ديمقراطى سليم.
فى هذه المرحلة التأسيسية لسودان جديد توضع اللبنات والأساس له، يكون من الأفضل ألا يكون هنالك إهمالاً لأى صوت أو أقلية.
05-31-2020, 09:13 PM
Bashasha Bashasha
تاريخ التسجيل: 10-08-2003
مجموع المشاركات: 25803
حاواصل في موضوع الشريط أعلاه مع ادراكي مافي زول حيهبب للبتقال في الشريط اعلاه من القبطية العنصرية دي او حتي كلامي.
لانو موضوع الست لايعني شيء اطلاقا في مرجعية وعينا الحالي مهما خروج أو سجدة ليها سادة عالم اليوم.
واذا عني موضوعا شي، فهذا كفر برضو بالنسبة لي سوداني سودان اليوم!
بغض النظر، بالنسبة لي، هذا يدعو للتأمل بحق!
الاقباط واقولها بالفم المليان لولا تضحية أجدادنا بالمهج والأرواح دفاعا عن الاقباط، لربما كانو انقرضو الان من الوجود!
نعم أجدادنا سيرو الجيوش دفاعا عن وحماية للاقباط في ديار الاقباط اي مصر الحالية واستشهدوا في سبيل الدفاع عن اجداد الحقيرة أعلاه اللي ماعندها مثقال ذرة اعتبار لمثل هكذا تضحيات دفاعا بالارواح عن امثالا!
الاقباط بداو الهجرة للسودان منذ أكثر من 1٫200 سنة من تاريخ اليوم فرارا بارواحم وبحثا عن طوق نجاة!
أو بعد ده كلو هذا جزانا، جزاء سمنار!!
05-31-2020, 09:23 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
أخي كمال بشاشا ( و ما بعرف كلمة أخي هل هي مقبولة في نظرك لاني لست قبيلي ) اولا .. خطابك عنصري و استغرب ان يصدر منك .. و حتى عنصريتك مشوشة ...
يا عزيزي رجاء نكولا اختيرت لانها قانونية مسيحية و ليس لانها قبطية و السبب هو تمثيل المسيحين لانه حيجي وقت مجلس السيادة حيعمل مسودة دستور لابد لكل الاطياف ان تكون موجودة عشان امثال ناس الصادق ما يمرروا دستورهم الاسلامي البحلمو بيهو منذ الازل لو اريد تمثيل الاقباط فالاقباط لديهم اتنين مطارنه في الخرطوم يمكن سؤالهم عن شخص قبطي مناسب و لم يحدث و ايضا هناك مجلس ادارة لشئون الاقباط يرأسه طبيب لم يسأل من الشخصية القبطية الامثل .. و لم يحدث ... اذا هي اختيرت كشخصية مسيحية ليس الا .. اما عن انجازاتها ... فما المطلوب من عضاء مجلس السياده الان ؟ و الاخرين ما هي انجازاتهم ؟
ثانيا ... تتحدث عن الاقباط كجالية... و هنا سيشمل كلامك كل من كانت اصوله اتيه من خارج السودان ... و اذا اهملنا قانون تعريف السوداني لسنة ٤٨ الذي حاول بعض من يحملون مثل افكارك ان يلجأوا لتمييز من هم ذو اصول اتت من الخارج بانهم وافدين او ( مولدين ) نصحهم الانجليز ( تصدق الانجليز) ان تلك الخطوة ستخلق خلاف و لو قرر هؤلاء ترك السودان ستتوقف الخدمه المدنية و التجاره .. فرجعو عنه ... لانه في الوقت الذي كان فيه ( الوافدون ) حسب فهمك و تعريفك يحركون عجلة العمل ... كان غيرهم نائما في سبات ...
ثم جاءوا بقانون الجنسية 1957 و هو ايضاً قانون غريب حيث تم تفسيم الجنسيات الى 3 اقسام: سوداني بالميلاد ... له كل الحقوق و عليه كل الواجبات كمواطن سوداني .. سوداني بالتجنس من لم يكن والديه سودانيين او مستوطنين قبل القانون يمكنه التملك و لكن له حدود دستوريه لا يتخطاها ... و سوداني بالزواج ..
لم نرى اي اتجاه جهوي هنا ؟ و لم يذكر في اي بند ما هي قبيلتك او كوشيتك ...
طيب لو افترضنا ان الاقليات الوافده او الجاليات على حد تعبيرك المجحف ضيوف على البلد و السودان وطن ثاني لهم ...
فماذا عن الجالية الجعليه و الجالية الشايقية ؟ اليس هم احفاد الرسول و جدهم العباس ؟ و اصولهم في الجزيرة العربية !!! فما هي احقيتهم بالسودنة ؟
و كم تمثل نسبة الجعليين او الشوايقة من عدد السودان الكلي ؟ ستجدهم اقليات ؟ اذاً من هم السودانيين ؟ و ماذا عن الرشايده؟ و ماذا و ماذا ..
الاقباط يا بشاشا لا يريدون اي تمييز او زيادات او معاملة خاصة ... هم ولدوا و عاشوا و خدموا و ماتو في السودان ... هم سودانيين يدينون بالمسيحية ليس الا ...
و نحن سودانيين لاننا استوطنا هذا البلد منذ اكثر من 200 عاما .. ابا عن جد مواليد ام درمان من قبل المهدية الاولى ...
اربأ بنفسك من هذه اللغه العنصرية .. السودان ملك للكل يا صديقي .. و ميزه الله بتلك السحنات المتباينه و بكل تلك الاشكال و الالوان و اللهجات ...
هاك يا بشاشا لأختم حديثي :
و هاك ايضاً اتسلى بقراية ده :
بشأن قانون الجنسية السودانية لسنة 1957 المادة (1) : يسمى هذا القانون " قانون الجنسيه السودانيه لسنة 1957 " .
المادة (2) : يلغى قانون " تعريف السوداني " لسنه 1948 .
المادة (3) : في هذا القانون , ما لم يقتض الكلآم معنى أخر : " أجنبي " يقصد بها أي شخص غير سوداني . " شهادة تجنس " يقصد بها شهادة التجنس الممنوحه المعتبر انها منحت بموجب هذا القانون . " ولد " يقصد بها ولد شرعي , وتشمل الولد المتبني وأولاد كل من الزوجين . " عدم الأهليه " يقصد بها عدم الأهلية الذي يلحق بشخص بسبب انه قاصر أو غير سليم العقل . " موطن يقصد بها المقر الدائم لشخص او المكان الذي يقيم فيه ويعود اليه بوصفه محل اقامته الدائم , ولا يشمل ذلك المكان الذي يقيم فيه لغرض خاص او بصفه مؤقته . " والد " تشمل والدة الشخص المولود من غير زواج والذي لم يصدر اقرار ببنوته . " الوزير " يقصد بها وزير الداخليه . " قاصر " يقصد بها أي شخص لم يبلغ احدي وعشرين سنه . " مقرر " يقصد بها مقرر بمقتضى لوائح تصدر بموجب هذا القانون . " الوالد المسئول " والد الوالد , أو والدته اذا كانت حضانته قد ألت اليها بامر صادر من محكمة مختصه , او اذا كان الوالد توفي او اذا كان الوالد قد ولد من غير زواج شرعي وأقام مع والدته . " السودان " يشمل جميع الأقاليم التي كان يشملها السودان الأنجليزي المصري مباشره قبل العمل بدستور السودان المؤقت لسنه
المادة (4) : لاغراض هذا القانون يكون الشخص بالغاً سن الرشد اذا كان قد أستكمل احدى وعشرين سنه , ويكون كامل الأهليه اذا كان سليم العقل .
المادة (5) : 1- فيما يتعلق بالأشخاص المولودون قبل سريان هذا القانون يكون الشخص سودانيا بالميلاد اذا توافرت فيه الشروط الآتيه : (ا) ( أولآ ) أن يكون قد ولد فى السودان أو يكون والده قد ولد فى السودان , ( ثانيا ) ان يكون فى تاريخ العمل بهذا القانون متوطنا بالسودان وكان هو وأصوله من جهة الاب متوطنين منذ اول يناير سنة 1924 . او (ب) اذا كان قد حصل على جنسيه السوداني بالموطن بموجب الماده ( ا) من قانون تعريف " السوداني " لسنه 1948 وحافظ على هذه الجنسيه . على أنه اذا كان الشخص ووالده غير مولدين من السودان فيجوز للشخص اذا استوفى بمقتضيات الفقره ( ا) ( ثانيا ) ان يطلب من الوزير اصدار امر بأعتباره سودانبا بالميلاد ويجوز للوزير , بحسب تقديره , ان يصدر بذلك الأمر . 2- يكون للشخص المولود بعد العمل بها القانون سودانيا الميلاد اذا كان والده سودانيا بالميلاد . 3- يكون الشخص الذي يولد لابوين سودانيين بالتجنس سودانيا بالميلاد اذا كان الابوان قد حصلا على الجنسيه السودانيه بالتجنس قبل ميلاده .
المادة (6) : يعتبر سودانيا بالميلاد حتى يثبت العكس , الشخص الذي وجد او يوجد مهجورا من والدين مجهولين .
المادة (7) : يمنح الوزير بموجب احكام هذا القسم شهادة جنسيه بالميلاد بالشكل المقرر لأي سوداني بالميلاد متى طلب ذلك وبعد دفع الرسوم المقررة .
المادة (8) : 1- يجوز للوزير , بتقديره المطلق , ان يمنح شهاده تجنس الجنسيه السودانيه لاي اجنبي اذا قدم طلبا بذلك الشكل المقرر وأثبت للوزير أنه :- (أ) بلغ سن الرشد وانه كامل الاهليه . (ب) متوطن بالسودان لمدة عشر سنوات قبل تاريخ طلبه مباشره . (ج) ملم باللغه العربيه , او فى حالة عدم توافر هذا الشرط قد اقام بالسودان اقامه مستمره لاكثر من عشرين سنه . (د) حسن الأخلاق ولم يسبق الحكم عليه بعقوبه جنائيه فى جريمه مخله بالشرف . (ه) ينوى , اذا منح الجنسيه السودانيه بالتجنس الاستمرار فى الاقامه الدائمه فى السودان . (و) اذا كان من مواطني أي دوله أجنبيه , قد تنازل عن جنسيه تلك الدوله وتجرد عنها بطريقه صحيحيه وفقاً لقوانينها , على أن يجوز لرئيس الجمهوريه بتوصيه من الوزير التجاوز عن هذا الشرط اذا أقتنع بعد التحقيق فى كل حاله بان ذلك الشخص لم يتمكن من التجرد عن جنسية تلك الدوله بالرغم من جميع المحاولات التي قان بها (ز) سليم الجسم والعقل وغير مصاب بما يجعله عبئا على المجتمع . 2 - لا تمنح شهادة التجنس لاي شخص بموجب البند (1) الا بعد ان يؤدي يمين الولاء بالصيغه الوارده فى الجدول المرفق بهذا القانون . 3- تكون للشخص الذي يمنح شهادة تجنس بموجب هذه الماده جنسيه السوداني بالتجنس من تاريخ تلك الشهاده . 4-يجوز للوزير , عند الطلب , ان يضمن شهادة التجنس أسماء الأولاد القصر اذا كانت الشهاده ممنوحه الى والدهم المسئول ويكون لكل من هؤلاء القصر جنسية السوداني بالتجنس من تاريخ قيد اسمه بشهادة التجنس . 5- تعتبر كل شهاده ممنوحه بموجب الماده 4 من قانون تعريف" السواني " لسنه 1948 بمثابه شهاده ممنوحه بموجب البند (1) من هذه الماده .
المادة (9) : يجوز للوزير ان يمنح شهادة تجنس بالجنسيه السودانيه لايه امرأه اجنبيه تقدم طلبا بالشكل المقرر وتثبت للوزير انها :- (أ) زوجه لسوداني وفقاً لآحكام قوانين السودان . (ب) اقامت بالسودان مع زوجها السوداني باستمرار لمده سنتين على القل من تاريخ تقديم ذلك الطلب . على انه يجوز لرئيس الجمهوريه بناء على توصيه الوزير اعفاؤها من احكام هذه الفقره اذا كانت قد قانت بالسودان مع زوجها السوداني باستمرار لمده سنتين علي الأقل قبل تاريخ تقديم ذلك الطلب مباشره . (ج) تنازلت بطريقه صحيحه وفعاله , وفقاً لقوانين الدوله التي كانت تتمتع بجنسيتها , عن جنسيه تلك الدوله وتجردت منها , على أنه يجوز لرئيس الجمهوريه بتوصية من الوزير التجاوز عن الشرط اذا اقتنع بعد التحقق فى كل حاله بان ذلك الشخص لم يتمكن من التجرد عن جنسية تلك الدوله بالرغم من جميع المحاولات التي قام بها .
المادة (9) : لا يكون لآجنبي الذي اكتسب الجنسيه السودانيه وفقاً لآحكام المادتين 8 و9 حق التمتع بالحقوق الخاصه بالمواطنين السودانيين . قبل أنقضاء ثلاث سنوات من تاريخ أكتسابه لهذه الجنسيه ويجوز بقرار من رئيس الجمهوريه اعفاؤه من ذلك القيد .
المادة (10) : ألغيت
المادة (11) : يحفظ سجل دائم بالشكل المقرر لقيد الأشخاص الذين يمنحون الجنسيه السودانيه بالتجنس .
المادة (12) : يجوز لرئيس الجمهورية أن يقرر إسقاط الجنسية السودانية عن أي سوداني من ذوي الأهلية يكون قد بلغ سن الرشد إذا ثبت أنه: (أ) اكتسب باختياره جنسية دوله أجنبيه بأيه وسيله غير الزواج. (ب) قدم إقرار بالتنازل عن جنسيته السودانية, على أنه يجوز لرئيس الجمهورية أن يرفض قبول هذا الإقرار إذا كان قد قدم أثناء أي حرب يكون السودان مشتركا فيها. (ج) أدى يميناً, أو إعلانا, أو قدم إقرارا بولائه لدوله أجنبيه بعد تاريخ العمل بهذا القانون. (د) التحق بخدمة أية دوله أجنبيه أو استمر في تلك الخدمة مخالفا بذلك أي حكم صريح في أي قانون يحرم ذلك الفعل.
المادة (13) : 1- يجوز لرئيس الجمهورية أن يقرر سحب الجنسية السودانية من أي سوداني بالتجنس إذا ثبت انه :- (أ) قد حصل على شهادة التجنس بطريق الغش أو تقديم بيانات كاذبة أو بإخفاء أيه واقعه ماديه. (ب) أثناء أي حرب يكون السودان مشتركا فيها أو كان مشتركا فيها , قد تاجر مع العدو أو اتصل به أو تاجر مع أي شخص ينتمي إلى أيه دوله معاديه أو اتصل بها أو كان طرفا في أيه معامله يعلم أنها تمت على وجه يهدف إلى معاونه العدو في الحرب أو كان ذا صله بتلك المعاملة. (ج) قبل انقضاء خمس سنوات من تاريخ تجنسه , قد تم حكم عليه في أي بلد بالسجن مده لا تقل عن سنه في جريمة تتعلق بسلوك أخلاقي مشين. (د) قد اظهر بفعل أو قول خارج السودان عدم ولائه أو كراهية للسودان. (ه ) أدين في السودان بجريمة تنطوي على عدم ولائه أو كراهية للسودان. (و ) قد أقام خارج السودان أقامه مستمرة لمدة خمس سنوات ما لم :- ( أولا) يكون قد أقام كذلك بسبب خدمته بحكومة السودان أو بأي هيئه دوليه يكون السودان عضوا فيها. (ثانيا) يكون قد أقام كذلك بصفته ممثلا لأي شخص مقيم في السودان أو مستخدما لديه أو ممثلا لشركه مؤسسه بالسودان أو لمحل تجاري موجود به أو مستخدما لدي أي منها. ( ثالثا ) تكن زوجة أو ولدا قاصرا لشخص مشار إليه في ( أولا ) و ( ثانيا ) وأقامت تلك الزوجة أو أقام الولد القاصر مع ذلك الشخص. ( رابعا ) يكن قد أعلن الوزير بالطريقة المقررة مرة مره كل سنه على الأقل من تلك المدة عن نيته في الاحتفاظ بجنسيته السودانية. 2- يجوز لرئيس الجمهورية قبل أن يصدر قرارا بموجب هذه المادة أن يقوم بأخطار الشخص المقترح إصدار القرار في شأنه كتابة بالأسباب التي اقترح القرار من اجلها مع إخطاره أيضا بانه8 يقدم طلباً بإحالة الموضوع إلى لجنه تحقيق. 3- إذا تقدم ذلك الشخص بطلبه وفقا لأحكام البند (2) قبل انقضاء ستة شهور من تاريخ الإخطار , فيجوز لرئيس الجمهورية أن يحيل الموضوع إلى لجنة تحقيق كما هو منصوص عليه فيما يلي. 4-تتولى التحقيق بموجب هذه المادة لجنه يشكلها رئيس الجمهورية ويكون رئيسها قاضي مديريه على الأقل أو شخصاً كان يشغل مثل هذا المنصب. 5- يحق للشخص المقترح إصدار القرار في شأنه بموجب هذه المادة يحضر أمام لجنه التحقيق بشخصه أو ينيب عنه احد المحاميين أو وكيلا مفوضا. 6- يكون للجنة المعينة بموجب هذه المادة كل السلطات المحولة لمحكمة القاضي الجزئي من الدرجة الأولى فيما يتعلق بالاتي :- (أ) تكليف الشهود بالحضور وسماع أقوالهم بعد حلف اليمين أو الإعلان الصادق أو غير ذلك , وإصدار تفويض بسماع الشهود في الخارج. (ب) إصدار الأمر الملزم بتقديم المستندات. 7- تتولى لجنة التحقيق , عندما يحال إليها الموضوع , التحقيق فيه على الوجه المقرر , وتقدم تقريرها إلى رئيس الجمهورية الذي يتعين عليه أن يصدر قراره , وفقا لرأي اللجنة.
المادة (14) : متى قرر رئيس الجمهورية إسقاط الجنسية السودانية عن أي شخص أو سحبها منه, يكون لهذا القرار أثره من التاريخ الذي يحدده رئيس الجمهورية واعتبارا من هذا التاريخ يفقد ذلك الشخص الجنسية السودانية.
المادة (15) : لا يترتب على سحب الجنسية السودانية أو إسقاطها إعفاء من سحب منه أو من أسقطت عنه من أي التزام أو واجب فيما يتعلق بأي فعل أو شيء قام به أو اغفل القيام به قبل أن تسقط أو تسحب منه الجنسية السودانية.
المادة (16) : 1- إذا أسقطت عن الوالد المسئول لقاصر جنسيته السودانية بموجب المادة 12 من هذا القانون فلا يفقد ذلك القاصر جنسيته السودانية إلا إذا كان أو أصبح تبعا لذلك من رعايا أيه دوله غير السودان بموجب قوانين تلك الدولة. 2 -إذا سحبت من أي شخص جنسيته السودانية بموجب المادة 13 من هذا القانون , فيجوز للوزير. بأمر منه , أن يقرر زوال الجنسية عن الأولاد القصر الذين يكون ذلك الشخص والدهم المسئول أو عن أي من هؤلاء الأولاد. على انه يجوز لأي من هؤلاء القصر ان يقدم إقرار قبل انقضاء سنه من تاريخ بلوغه سن الرشد برغبته في استرداد الجنسية السودانية ويسترد جنسيته السودانية تبعا لذلك.
المادة (17) : يراعى الوزير أن ينشر في الجريدة الرسمية اسم وعنوان كل شخص أسقطت عنه الجنسية السودانية أو سحبت منه بموجب هذا القانون.
المادة (18) : تفسر اى اشاره فى هذا القانون الى جنسية والد أي شخص او وصفه وقت ميلاد ولده , المولود بعد وفاته ., على انها اشاره الى جنسيه الوالد او وصفه وقت وفاته , فاذا كانت الوفاه قد حدثت قبل العمل بهذا القانون , وحدث الميلاد بعد العمل به , تعتبر جنسيه الوالد المنطبقه عليه او يعتبر وصفه فى حاله وفاته بعد العمل بهذا القانون , الجنسيه المنطبقه عليه او الوصف الذي كان يتصف به وقت
المادة (19) : كل شخص :- (أ) يقدم عمدا بيانا كاذبا او اقرار كاذبا فى واقعه ماديه . او (ب) يستعمل شهادة تجنس شخص اخر بدعوي انه ذلك الشخص الأخر , او (ج) يسمح لاي شخص اخر بأستعمال شهادة جنسيه بقصد أنتحال شخصيه مع علمه بذلك . او (د) يغفل اعاده شهاده تجنسه متى طلبها الوزير بعد سحب جنسيته بموجب الماده 13 , يعاقب بالسجن لمدة لا تجاوز ثلاث سنوات او بالغرامه او بالعقوبتين معا.
المادة (20) : يجوز للوزير بوجه عام ان يصدر لوائح لتنفيذ احكام هذا القانون وتحقيق اهدافه ويجوز له بوجه خاص ان يضمن تلك اللوائح احكاما عن :- (أ) النماذج والسجلات التي تستعمل وتعد بموجب هذا القانون , (ب) تأدية يمين الولاء بموجب هذا القانون والطريقه التي يؤدي بها ويدون. (ج) دفع الرسوم فيما يتعلق باي تسجيل بأي تسجيل او تقديم الأقرارات او منح الشهادات المرخص بتقديمها او منحها فى هذا القانون , وكذلك الرسوم التي تؤدي فى حالة تأديه اليمين أو تدوينه . (د) الإجراءات التى تتبعها لجنة التحقيق المشكلة بموجب المادة 13 من هذا القانون .
05-31-2020, 09:55 PM
Deng Deng
تاريخ التسجيل: 11-28-2002
مجموع المشاركات: 52568
يا قبة ما تفرفر جدي العاشر وعلايل أبروف والطريق الشاقي الترام وطوف الخبا ما بتحلك سلمنا النِمَّر أو الفاضي وإطلب الله في كندا ، لكن لو داير كفيل أبشر بسعدك
05-31-2020, 10:54 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: يا قبة ما تفرفر جدي العاشر وعلايل أبروف والطريق الشاقي الترام وطوف الخبا ما بتحلك سلمنا النِمَّر أو الفاضي وإطلب الله في كندا ، لكن لو داير كفيل أبشر بسعدك
ما هو ما ممكن زول قاعد تحت شدرة منقه .. الا المنقاية تقع حتين يشيلها ... و ناس كدت و تعبت و اسست نظام و اسس و تعليم و عمل اداري يجي يقول ليك زول المنقه و الشال المنقه احق من التاني ...
هسي بشاشا المريكاني ده ده برضى في كاليفورنيا حقتو دي يقولوا ليهو حنكون لجان من البيض بس لانهم كوشيين امريكا ؟ معليش انتو ما بحق ليكم لانكم جالية و امريكا وطن تاني !!!
يا قبة ما تفرفر جدي العاشر وعلايل أبروف والطريق الشاقي الترام وطوف الخبا ما بتحلك سلمنا النِمَّر أو الفاضي وإطلب الله في كندا ، لكن لو داير كفيل أبشر بسعدك
Quote: بشاشا الزولة اللي في شريط اليوتيوب دي لا تمثل الكنيسة القبطية الأرثوذكسية .
فلا يمكن أن تحمل ذلك الى الاقباط
هل ذلك يعني أن مادونا السوداء ليست وثن ومن طرق الشيطان كما قالت الداعية الكاثوليكية؟ مما يعني بالتالي أن الداعية الكاثوليكية في الفيديو عقيدتها منحرفة!!
05-31-2020, 11:14 PM
Bashasha Bashasha
تاريخ التسجيل: 10-08-2003
مجموع المشاركات: 25803
طبعا غلبك ترد علي كلامنا او ترد علي القبطية الفوق دي، وهي تبصق في وجه امثالنا من السود او تكفر في البابا لانو سجد لي سودانية كالهة معبودة، مش رسول او نبي، وكنتيجة لجأتا لي سلاح الارهاب الفكري بتاع عنصري او بتيخ!!
نعم نفس خطاب الارهاب الفكري بتاع الجلابة، بتاع "غرابي حاقد" للبفتح خشمو من الهامش او يقول بغم!
بناءا عليه، لو كلامي ده الرافض رفض قاطع لي ابتذال قضية ابادة المحارق للملايين بتقديم الاقباط كممثلين للمهمشين، او تفضيلم علي حساب الاغلبية المسحوقة، المرذولة، الملفوظة، فقط لانهم "زرقة" او مش لونم فاتح كما رجاء القبطية، فوصمك لنا بالعنصرية قلادة شرف- نفخر بيهو!!
القبطي المقتنع انو سوداني او مش وافد او جالية اجنبية طبقا لي طريقة تفكير ممثلة الاقباط رسميا في السلطة المركزية، وحصريا، او عايز يعتلي عرش السلطة، زي غيرو يجي بي صناديق الاقتراع، مش بالتعيين بواسطة كارهي ذاتم من اقلية امثال بشاشا!
هذا اعادة انتاج لي مفاهيم اثنية اساس الدويلة الحالية المسؤولة من محارق الابادة للملايين!
فيا قباني لو امثالك جو السودان قبل 200 سنة، فما صاح امثالك كما الجلابة، ينفردو بي كل شئ وعلي حساب الاغلبية المهمشمة!
طريف جدا، تقول علي واحد زي بشاشا، بدأ بانتقاد نفسو او مجموعة اقليتو هو بالنقد، "عنصري"، لتمرر انت تعصبك لي اثنيتك انت وعلي حساب الاغلبية بمثل كذا جرأة!
عشان كده، قنا ليك مثل هكذا محاولات ارهاب فكري للذينا يثبت انك ماقادر ترد علي كلامنا لانك متعصب لي اثنيتك، اللي عايزا تواصل انفرادا بكل شئ كما جلابة بشاشا وعلي حساب الاغلبية! يا للعجب بحق!
بينما بشاشا بيعترف وبالتالي بيرفض انفراد امثالو بكل شئ، برضو يظل "عنصري" في نظر امثالك المصرين يواصلو مشوار الانفراد بكل شئ وهم اقلية، جو اول امس!!
كل العملتو يا قباني، للاسف انك فضحتا الجواك! ولهذا ماصدفة، مافي زول شافك في المنبر ده، معسكر في خندق المناهضين لي هيمنة الجلابة او الوعي الجلابة، انتصارا وانحياذ للمهمشين!
هل ده، صدفة؟ ...يتبع....
05-31-2020, 11:25 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: كل العملتو يا قباني، للاسف انك فضحتا الجواك! ولهذا ماصدفة، مافي زول شافك في المنبر ده، معسكر في خندق المناهضين لي هيمنة الجلابة او الوعي الجلابة، انتصارا وانحياذ للمهمشين!
هل ده، صدفة؟
في كل ردودك بتتهرب من الاجابات و بتحور في كلامك ...
كلامي واضح زي الشمس ... و انت داير تحدد سودانيتي و سودانية الاقباط و داير تختنا جاليات ...
ده كلام عيب ... و هجومك ده محاولة بائسة على عدم قدرتك على الرد ... و عنصريتك الفجة خلتك تكابر ما داير تتنازل عن فكرتك الخطأ ...
انا ما لي دخل بي افرد بصقوا ...
سألتك من اول مداخلة لي هنا و انت قعدت تزاوغ و تميع في الكلام ...
ارجع عيد قراية كلامي وهدي نفسك و ناقش ... خلي الهجوم الماعنده معنى ...
05-31-2020, 11:47 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
بشاشا القبطية كلاما عنصري وكعب ، والعنصرية ضد السود شي معروف عند الاقباط وغيرهم ، لكن ده ما بيلغي حقيقة انو الاقباط عانوا من اضطهاد ديني ، وعانوا من تمييز ، رغم انهم استفادوا ايضا في فترات سابقة من خلفيتهم العرقية وربما الدينية . الاقباط والاقليات الماعندها خلفيات عرقية ، ديل معاناتهم مختلفة ، ماعندهم حتة يمشوا يتمردوا فيها او يحاربو الدولة وماعندهم قدرة اصلا ، فبعضهم بستحمل وبعضهم ساب البلد وهاجر ، الشيعة يا بشاشا والجمهوريين ايضا بتعرضوا لاضطهاد ديني ، وما الهجمة الاخيرة على القراي الا احد تجليات هذا الاضطهاد ، اما الشيعة فنشاطاتهم ممنوعة المحلدين ايضا تتم ملاجقتهم قضائيا ويتعرضون للتمييز .. الناس ديل سودانيين زيي وزيك وزي اي زول ، ووجودهم الرمزي في مجلس السيادة كاقلية عرقية او دينية ما مفروض يثير انتباهك او استياءك بالمرة . خلاص يعني ياهم العنصريين الوحيدين في السودان؟ طالب بالعدل لكن ما تنتهك حقوق زول، اسي انت بترى انو ياتو اثنية او مجموعة بتستحق الكرسي بتاع رجاء ده ؟ تقريبا كل الاثنيات او الثقافات ممثلة ، ولسة الموضوع ما انتهى كل المجالس دي حتتعدل تاني لضمان تمثيل افضل بعد التوصل لي سلام ، يبقا الجوطة لزوما شنو ..
05-31-2020, 11:51 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
ماتنسي تسمعنا رايك في كلام القبطية الحقيرة أعلاه عن أمثالنا اللي أرسلوا الجيوش أو قدموا أرواحهم رخيصة عبر القرون للدفاع عن امثال هذه المحطة اللي بتكفر في الكاثوليك كلهم لانهم قبلو أن تكون العذراء سوداء بل سودانية.
لاحظ اعزائي القراء القبطية دي البتتكلم لي اسم المسيح، بتقول تلBlack Madonna أو "سيدتنا السوداء" نعم امنا احنا "الست" من الشرق الأوسط!
حتي هنا ماقابلة زاتو تنسب مادونا الي اهلا اي السودانيين، شغل خبث تامر تزوير أو عفن استعلاء!
عمدا بتقول مادونا من الشرق الأوسط مش السودان أو افريقيا!
هي ممغوسة لمن عايزة تنفجر انو بابوات الكاثوليك طلعوا مريم دي اي مادونا سوداء، او مش قبطية!
في وعيها انو العذراء قبطية أو عشان كده خرجت عن الطور أو دلقت الجواها!
واحد من الاقباط المتدخلين معاها علنا بقول علي امنا "العبدة"!
انا منتظرك ياقباني نورينا لو كنتا قبطي.
06-01-2020, 00:24 AM
Deng Deng
تاريخ التسجيل: 11-28-2002
مجموع المشاركات: 52568
Quote: هل ذلك يعني أن مادونا السوداء ليست وثن ومن طرق الشيطان كما قالت الداعية الكاثوليكية؟ مما يعني بالتالي أن الداعية الكاثوليكية في الفيديو عقيدتها منحرفة!!
مسكين التعيس عبد الغني محمد الحاج، ما فاهم الحاصل شنو في البوست.
Quote: uote: هل ذلك يعني أن مادونا السوداء ليست وثن ومن طرق الشيطان كما قالت الداعية الكاثوليكية؟ مما يعني بالتالي أن الداعية الكاثوليكية في الفيديو عقيدتها منحرفة!!
مسكين التعيس عبد الغني محمد الحاج، ما فاهم الحاصل شنو في البوست.
بالله أدوهو قرش ونص خلوهو ينزل المحطة الجاية.
مع إعترافي بتواضع ذكائي مقارنة بالمفكر دينق كان هدفي من السؤال الولوج لعمق المشكلة الكبيرة التي يؤرق دينق وتدفعه لكتابة كل ما يكتب وهي مشكلة الدين والعرق أي مشكلته مع أنه ينتمي لدين وعرقية يستهان بهما في السودان ويحاول الإنتقام لذلك الذي في هويته كمركب نقص. فبينما يهاجم دينق بشدة الإسلاميين فجأة يأتي بوست مثل هذا ويكتب دينق أن تلك الداعية يا بشاشا لا تمثل الكنيسة القبطية الأرسوذكسية وبالتالي لا يمكن يا بشاشا لوم المسيحيين الأقباط ..دفاع مستميت عن الدين في جهة وحرب شعواء ضده في جهة أخرى وعندما إستعملت المداخلة الشرك كي أغرقه أكثر في الحديث المسيحي تهرب وقال أدوه قرشو أنت يا دينق مدافع بقوة عن الدين ( المسيحي) ومحارب بعنف ضد الدين (الإسلامي) كما إنك مدافع بقوة عن العنصرية (الجنوبية) ومحارب بشدة ضد العنصرية (الشمالية) بدافع من تأزم في الهوية (الدين، والعرق)
06-01-2020, 00:53 AM
Deng Deng
تاريخ التسجيل: 11-28-2002
مجموع المشاركات: 52568
ماتنسي تسمعنا رايك في كلام القبطية الحقيرة أعلاه عن أمثالنا اللي أرسلوا الجيوش أو قدموا أرواحهم رخيصة عبر القرون للدفاع عن امثال هذه المحطة اللي بتكفر في الكاثوليك كلهم لانهم قبلو أن تكون العذراء سوداء بل سودانية.
رايي انها فرد واحد سب او بصق ... هل ده يعني كل الاقباط كده ؟ و هل ده رأي الكنيسة الأرثوزكسية ؟
اما قصة انا قبطي فده حنك بيش ساي داير تتخارج بيو من كلامك البغيض ...
اما قصة امنا مادونا دي موضوع آخر ... و قنا ليك هي مجرد رسومات و مجسمات اتعملت لاحقا عشان البلاد السكانها بشرتهم داكنه ... ما تلاوي و تقول سودانية ... هي مجرد Art Work
ثم يعني السيدة مريم اليهودية الربنا قال ليها (و هزي اليك بجذع النخله تساقط عليك رطباً جنيا) كانت في السودان ؟
Quote: في نظر امثالك المصرين يواصلو مشوار الانفراد بكل شئ وهم اقلية، جو اول امس!!
قت لي جو اول امس ؟
بالله قدم مشروع لتعديل الجنسية السودانية مبني على لون البشرة و و جهوية المتقدم و عمر وجود(قبيلته) في ارض ما يسمى السودان ...
عرفت السودان عمره ما حيمش لي قدام ليه؟ لان امثالك يا كمال شايفين بمنظور ضيق انه في ناس شايله حق ناس و ده في حد ذاته عنصرية .. كلهم سودانيين بس لان حضرتك شايف ده لونه مختلف اعتبرته ماخد حقك !!!
ده مرض يا كمال .. اتمنى انك تصحى ...
06-01-2020, 03:35 AM
Bashasha Bashasha
تاريخ التسجيل: 10-08-2003
مجموع المشاركات: 25803
سلام ياقباني اولا لماسالتك هل انت قبطي ام لا فكان لانو كلامي معاك كان حيختلف اختلاف جذري لوكنتا قبطي. فلنبدا لي موضوع مادونا:
اولا تواضع حبة لانو ده مامجالك وبالتالي مابتعرف عنو شي لانو دي المرة الأولي حسب مااعلم وقد اكون مخطي، انو سوداني يقول زي كلامي ده.
نعم ده موضوع مامطروق خالص ولهذا شي مجهول تماما حتي للمختصين افتراضا في السودان.
بقول كده عشان اثبت كيف سبب تيهنا هو أزمة الهوية تحديدا الناجمة عن جهلنا بمن نحن.
باختصار مادونا سودانية ده مافيهو نقاش خالص اللي هي "الست" اللي في وعي امثالك مرتبط اي الست بي ام كلتوم مثلا.
مادونا هي ايزيس بالاغريقية.
عبادة "الست" باللغة الكوشية النوبية كان حول العالم ومنذ آلاف السنين بالذات في اوربا تحديدا.
نعم بالذات عند ظهور المسيحية عبادة الست كانت هي العقيدة الطاغية لابعد حد في اوربا ويكفي كدليل لمدينة تجذر هذه العقيدة الي اليوم هو ركوع أوروبيين بيض لي امراءة سوداء!
ده ماطببعي اطلاقا وفق معطيات عالم اليوم ووضع امثال الست فيه وهذا يثبت انو ده شئ قديم متجذر لابعد حد!!
نعم الرومان ابادو اهلهم عشان يوقفو هكذا اعتقاد أو ماقدرو!
ولهذا عبادة الست منع تماما انتشار المسيحية في اوربا قرابة تل300 سنة!!.
اكرر دي الحتة الجاية منها عبادة بابوات الكاثوليك الي اليوم وكما كان، عند ظهور المسيحية للست اي مادونا لي لسانك هم او مش مجرد رسومات كما تتوهم لأنك مامصدق!!.
الاقباط رافضين رفض قاطع عبادة الست "السوداء" زي مابتقول المنحطة دي في الشريط اعلاه.
نعم مريم العذراء بي فهم الكنيسة القبطية تاريخيا هي مجرد نسخة مجرد مقاربة محاكاة تقليد لي 'الست" السودانية وهذا طبيعي او منطقي باعتبارا الأصل قبل المسيحية بالإفراج السنين!
بناءا عليه مريم دي بالنسبة للاقباط قبطية!
عشان كده طبيعي انو القبطية دي واللي معاها ينفجرو من الغضب!
ليه؟
لانو كنت مرقو من المولد من دون حمص!
حقهم راح تماما!
فما تقول لي كلام القبطية دي، راي أو سلوك فردي!
هذا استغفال لامثالنا باعتبارنا مغفلين!
بالعدم امشي جيب لي واحد من الكنيسة القبطية يقول لينا هم بامنو أو بعترفو بي مريم اخري سوداء!
اذن كالعادة بتتذاكي هنا والسلام!
لاحظ ما ادنتا غنج وغرور هذه المنحطة فهل ده صدفة؟
يتبع...
06-01-2020, 04:01 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
بس جاوبني على الحتة دي و خليني من مادونا .. ده ما موضوعي ...
موضوعي فهمك للسودانوية ...
جاوبني على دي و وريني الأقليات يعني شنو و عددهم كم؟
Quote: لان امثالك يا كمال شايفين بمنظور ضيق انه في ناس شايله حق ناس و ده في حد ذاته عنصرية .. كلهم سودانيين بس لان حضرتك شايف ده لونه مختلف اعتبرته ماخد حقك !!!
و يا ريت توريني السوداني يعني شنو بالتحديد و منو الما سوداني في نظرك؟
ملعون ابو الجهوية و العقد يا كمال ...
الله يرحم سيدنا محجوب شريف لامن قال: قالوله ناسك كم؟ ورينا ناسك وين؟ ورينا شان تسلم
ده السودان الإنت دايره ...
انت عندك احصائية بعدد الاقباط مقارنة بعدد الدناقله او البجا او اي قبيله اخرى ؟ يا ريت تساعدنا بيها عشان نعرف العدد البدي الناس الحق في السودانوية ...
كمال ... نقاشك ما بفيدك ياخوي ...
و عليك ربك ما تجيني بي مادونا تاني ... جاوبني في نفس السياق ...
منو السوداني في نظرك .. و باقي اسألتي الهنا ...
06-01-2020, 09:01 AM
Deng Deng
تاريخ التسجيل: 11-28-2002
مجموع المشاركات: 52568
الفيدوهات التابعة للسيدة هذا لا تمثل الاقباط ولا كنيستهم. الاقباط هم مسيحين أرثوثكس ومن المستحيل أن يدخلون في شتايم وإسائات زي دي مع الكنيسة الكاثوليكية.
لذلك لا يمكن الاستشهاد بها ونسبها اليهم.
06-01-2020, 10:28 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
والله يا بشاشا ماعارفك زعلان من كلام اللخت دي .. بعيداً عن مسألة الأقباط.. كلام بيحمل عديد من الحقائق التاريخية والدينية ومسائل متعلقة بنشوء الطوائف المسيحية ..! والخلاف حولها بنفس سمت ومنهج اصحاب الجمل .. لكن بيبقى في راس واصل حقائق تاريخية .. وإلا فكنيسة القيـامة وصخرة المقدس معروفة بالتاريخ .. وتطورها واسبابه وما أدى ليه من أثر الشعوب حولها .. وإلتلبيس دا هو البخليك تتناسى اله الموحدين آمون في سبيل سكة لمادونا الثقافة الصليبية .. البيغز في وعيـك انه فعلاً الممالك النوبيـة المسيحية هي الامتداد للشعب وديانة كوش الموحد ما بيغلبو يغز في رأسك انه ميري إرث كوشي مسروق ..! أبداً مادونا جاتك خاشة صنم زيها وزي خلافة ود العباس ..!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Bashasha
صديق مهدى على
يحي قباني
Abdullah Idrees
د. بشار صقر
نادر الفضلى
Osman Musa
Deng
علاء سيداحمد
Arif Nashed
Hamid Elsawi
عمر التاج
Biraima M Adam
محمد أبوالعزائم أبوالريش
HAIDER ALZAIN
كمال عباس
فيس بوك
تويتر
انستقرام
يوتيوب
بنتيريست