منتظر بوست عن اغانى وتانى وما فى مبادرة طيب نفتتح حلقة اليوم بدأت باجترار الاغانى وخاصة اغنية الحقيبة عاصم البنا يعجبنى فقط عندما يقاطع قدور ويصحح له المعلومات طه لم يكن كما نعرفه هدى عربى ابدعت بالرغم من تكجيننا لمواقفها الاخيرة فشلت فى معرفة الرابط بين الاغانى المقدمة حقيبة ثم اغنية الشفيع والكاشف وعثمان حسين و وردى
04-25-2020, 08:56 PM
عبير خيرى
عبير خيرى
تاريخ التسجيل: 02-12-2004
مجموع المشاركات: 2440
الحبيب محمد .. رمضان كريم في نفس الوقت في برنامج على نفس النسق في قناة الخرطوم ( معاني اغاني ) يعني بدل السر قدور هناك جمال النحاس وهو يردد نفس كلام السر قدور ونفس اغاني الحقيبة
والاستاذة عبير جاءت بخبر بأن في قناة الهلال نفس الطريقة
ما شاء الله عندنا فنانين يمكن أن يغطوا عشرة قنوات
أول مرة اتابع برنامج اغاني وغيرها ( حيس كرونا )
تحياتي الحبيب محمد .. انتظرنا اغاني نوبية في قناة الشمالية ولكن لا شيء مع الاسف .. كمان مستضيفين صلاح غريبة امس
04-25-2020, 11:10 PM
mohmmed said ahmed
mohmmed said ahmed
تاريخ التسجيل: 10-25-2002
مجموع المشاركات: 8817
هذا البرنامج نشأ في فترة الإنقاذ ووفقا لذوق الإنقاذ وقدراتها (الإبداعية). برنامج نشأ نشأة خاطئة لا تحترم حقوق الملكية الفكرية، وتخصي القدرات الإبداعية للأصوات الشابة فتصبح مقلدة ليس إلا. جل المحاولات التي قام بها البرنامج للإتيان بديكور جميل فشلت.
04-26-2020, 06:35 AM
mohmmed said ahmed
mohmmed said ahmed
تاريخ التسجيل: 10-25-2002
مجموع المشاركات: 8817
سلام دكتور محمد البرنامج يفشل فى استثمار فرصة تقديم أصوات جديدة حتى داخل إطار الاجترار البرنامج نشأ فى عهد الانقاذ والانقاد على النسخة الأسوأ لسيطرة ثقافة وغناء الوسط
05-17-2020, 08:36 PM
د عبد الرحيم عبد الحليم
د عبد الرحيم عبد الحليم
تاريخ التسجيل: 07-02-2008
مجموع المشاركات: 104
نعم يا محمد البرنامج جامد وما فيهو تحليل فني مصاحب زي بقية برامج تانية مماثلة وافضل نسبيا عاسم البنا بيحاول اخضاع الحان الاغاني لطريقتو في الغنا وبيلولو الغنا فلا يستمتع المشاهد بالاغنية القديمة ولا باللولوة الاغاني القديمة رصينة وقوية المضمون ترديدها في تقديري يبقيها في دائرة الضوء ويحفز الشعراء على مجاراة معانيها الرصينة
04-26-2020, 08:43 AM
عبدالله الشقليني
عبدالله الشقليني
تاريخ التسجيل: 03-01-2005
مجموع المشاركات: 12736
نغني فوق كم عليك الله يا محمد كأننا كملنا كل شيء مهم .. الدنيا كلها قايمة وراء وباء قاتل وموجهة قنواتها التلفزيونية للتوعية ومتابعة اخر تطورات المرض ونحن لسه يلعبوا بينا شلة مغنواتية فارغين عالم بطالة ياخ كما يقول اخونا مجيدو
04-26-2020, 06:25 PM
mohmmed said ahmed
mohmmed said ahmed
تاريخ التسجيل: 10-25-2002
مجموع المشاركات: 8817
نحتاج للدراما اكثر من الغناء . الدراما تطرح حلول لمشاكل المجتمع عكس الغناء الذي ينتهي أثره بإنتهاء بثه ليه الدراما عندنا تحتل مقعد خلفي وهي أم الفنون .. الدراما حاجة مهمة في المجتمع للاسف معظم دراميينا الجيدين خارج الوطن لأنهم يقدحون من أجل لقمة العيش.
05-20-2020, 08:49 AM
Shaker Hamid
Shaker Hamid
تاريخ التسجيل: 10-05-2006
مجموع المشاركات: 765
سلام استاذ حيدر انت اجبت على السؤال ..ولكن الدراما دايما ما تكون محاربة من قبل الانظمة العسكرية والانظمة المستبدة ولا يترك لها مساحة فى الاجهزة الاعلامية .. عشان ما نعرج بالبوست فى اتجاه اخر ياريت تفتح بوست عن الدراما وسوف نشاركك الطرح والحلول والمشاكل التى اقعدت الدراما
وشكرا ليك على اظهار دور الدراما
04-26-2020, 07:11 PM
محمد المرتضى حامد
محمد المرتضى حامد
تاريخ التسجيل: 08-14-2006
مجموع المشاركات: 10832
Quote: سلام عبير البرنامج جامد ولا يعرف التطور نفس الطريقة اجترار اغانى الماضى والأصوات استمعنا لها
عزيزنا محمد ، كل سنه وانت طيب، معليش ، فشلت في تنزيل أي قناة سودانية بعد اختفائها فجأة منذ شهور طويلة رغم أني لم أغير الريسيفر، عشان كدا أخوك ما شاف شئ منذ شهور ، بالنسبه للبرنامج المذكور لم أتمكن من مشاهدته منذ عدة سنوات ، أظنها ست أو سبع سنوات، وكنت قلت لأحد الأصدقاء المحوريين في البرنامج ، ومنذ دورته الثانية أو الثالثة لا أذكر، أن برنامجكم دا مسخ علينا الغنا وأصبح طعمه زي لامن تعمل كباية شاي للمره التانيه بنفس عبوة الشاي ( TEA BAG) ، فقال لي أنه كان عرض رؤية لتفادي مثل الذي قلت واقترح على قدور عدة نماذج منها الإنتقال خارج الأستوديو لكن جودة الصوت والصورة ستنحسر ومع إصراره على التنويع وعدم توفره قرر ألا يشارك في إحدى الدورات ثم عاد لأسباب لا أعرفها. المشكلة أن قدور أدى رسالته لزمن يختلف عن هذا الزمن وهو مشكور لكن عليه أن يتنحى، وفي ظني أن بقاء السر رهين بأن يظهر الجديد المبدع وفي ظني أن الشباب الجميل يمكنه أن يقدم الكثير لكن الأجهزة المعنية تعمل ب ( العلا"غ"ات) وحررررم وعلي الطلاق. والله في شباب زي الورد لم يجدوا متنفسا لتقديم إبداعاتهم إلا في الفنادق والعوامات بعد إغلاق بيت الفنون ببحري واختفاء الأخ طارق الأمين الذي عانى الأمرين مع أجهزة أمن الكيزان.. إنتو ناس متخصصين ، جدوا لنا الحلول.. مودتي.
04-26-2020, 07:28 PM
محمد الأمين موسى
محمد الأمين موسى
تاريخ التسجيل: 10-30-2005
مجموع المشاركات: 3470
كنت أتوقع أن يتسيّد الساحة - بعد الثورة - أمثال عاصم الطيب حتى يقدموا لنا الموسيقى السودانية الأصيلة بحمولاتها الثقافية والإنثروبولوجية، لا أن يستمر الوضع بطريقة أغاني وأغاني المبتذلة.
04-27-2020, 08:33 AM
mohmmed said ahmed
mohmmed said ahmed
تاريخ التسجيل: 10-25-2002
مجموع المشاركات: 8817
مرحب مولانا محمد البرنامج أصبح مثال للتكرار والجمود نفس الفكرة ولا مجهود اعدادى رجل يجلس ويتحدث من الذاكرة يحكى عن مناسبة الأغنية ويركز على الكلمات وكل هذا فى نوع واحد من أنواع الغناء حتى فرصة التجديد باستضافة مواهب جديدة لا يستغلها ويصر على تكرار نفس الاسماء منذ سنوات
04-26-2020, 08:19 PM
محمد محمد قاضي
محمد محمد قاضي
تاريخ التسجيل: 12-23-2014
مجموع المشاركات: 1605
تحياتي محمد سيد أحمد وضيوفك الكرام وكل سنة وأنتم طيبين ما يسمي بالنخبة السودانية فشلت في كل مناحي الحياة أفقرت وأقعدت البلد كسيحا مريضا بل ميتا ومقبورا في كل شيء ... رياضيا، سياسيا فنيا، إجتماعياـ ثقافيا، أخلاقيا حتي تاجرنا بالقيم السودانية السمحة فإنعدم الضمير والتكافل بين الناس والله المستعان.
Quote: كنت أتوقع أن يتسيّد الساحة - بعد الثورة - أمثال عاصم الطيب حتى يقدموا لنا الموسيقى السودانية الأصيلة بحمولاتها الثقافية والإنثروبولوجية، لا أن يستمر الوضع بطريقة أغاني وأغاني المبتذلة.
والله يا محمد موسي برنامج أغاني وأغاني برنامج كيزاني وأمنجي بإمتياز وكان ضد الثورة بدليل إستمراره أيام الإعتصام ويجب إزالته ضمن باقي وسخ الكيزان.
Quote: يا قريبى مافى اى جديد ود ناس ابن البادية مرض عديل البندول عروقو عاوزا تنفجر
شفت حنان بلوبلو ومذيع ثقيل ماخد مقلب فى روحو
بندول شنو ده اسبرين أطفال عديييل ، ود البادية ما عندو اى صوت لى غنا غايتو اليعيش يا ما يشوف .... بمر بالريموت على عدة قنوات بينا قنواتنا السودانية ،نفس الملل نفس التكرار ،آما المآخذ مقلب فى روحو ده من السنة الفاتت عندو أغرب سؤال وهو استخرج الاسم الشاذ ، قاصد استخرج الشخص أو الاسم المختلف
04-27-2020, 02:49 PM
mohmmed said ahmed
mohmmed said ahmed
تاريخ التسجيل: 10-25-2002
مجموع المشاركات: 8817
سلام محمد سيد أحمدَ ورمضان كريم البرنامج أصبح دائري تقريبا بس ما تنسي إنو البرنامج دا كان - في عهد الإنقاذ يعتبر تحدي للهوس والتطرف وللعقلية المعاديةللإبداع والفنون والطرب ( وإن لم يكن هذا هو مقصد البرنامج) جاء بعد فترة إعدام بعض تحف المكتبة الغنائية - ومحاربة التراث الفني - الحقيبة ومابعد الحقيبة تخيل في تلك الفترة بعض الناس بتهلل لي كتابات - عثمان ميرغني ومحجوب عروة نكايةفي الكيزان .......* ولكن تبقي الحقيقة أن البرنامج محصور في حقبة ونمط محدد له عشاقه هو جزء من الفن ا لسوداني ولكن ليس كل الفن والإبداع السوداني - زيو زي ربوع السودان وحقيبة الفن
*هناك تطور ونقلات كبيرة في مسيرة الفن السودان تستحق الإهتمام وهي تقع خارج دائرة إهتمام وإختصاص هذا البرنامج ........* السر قدور بحكم السن والذائقة توقف في محطة معينة - فالرجل لم يتلقي إي تعليم نظام-خلوة بس وبالرغم من دا تعلم وتثقف ذاتيا -وعلي الرغم من سنه فهو يعشق الطرب ولكنه يعتمد في تعاطيه مع التراث علي الذاكرة والمشافهة والتجارب الذاتية -والذائقة الفردية,,,
سلام جمال رمضان كريم نبدأ بنهاية مداخلتك قدور يعتمد على المشافهة والتجربة الذاتية وهذا مقتل البرنامج لا يوجد أعداد جيد والتقديم قائم على الارتجال والمزاجية...كذلك اختيار الاصوات المشاركة لا اعتقد انه يقوم على أسس موضوعية...هى حسب ذوق قدور وانحيازاته الشخصية
قدور لا يعرف ولا يتذوق غناء ماو او غناء شباب أصوات المدينة او غناء عبدالمنعم ابسم
04-27-2020, 07:16 PM
mohmmed said ahmed
mohmmed said ahmed
تاريخ التسجيل: 10-25-2002
مجموع المشاركات: 8817
حلقة اليوم تجربة أداء اغانى الشفيع وصلاح محمد عيسى وحسن عطية أكبر من قدرات عاصم...عبد الله الطيب. نجود اجمل حاجة مكارم وبندول غنوا بيت واحد من كل اغنية
حاولت تغير القناة ذهبت لقناة ام درمان وجدت فرفور عدت لقناة الخرطوم وجدت مذيع يسال عوض شكسبير سؤال غبى من الذى يمول إنتاج فديوهاتك...الإجابة ببساطة اسجلها بموبايلى التافه دا
04-28-2020, 06:02 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12483
قريبي محمد تحياتي قبل قليل .. انتابت الجلسة دموع بناتنا الفنانات ربما استحضار للمرحوم ابن البادية بعد اغنية ( عشان حبيبت انا لاموني ) يا سلام جو عاطفي .. دموع رحم الله ابن البادية
تحياتي محمد الحبيب
04-28-2020, 06:20 PM
mohmmed said ahmed
mohmmed said ahmed
تاريخ التسجيل: 10-25-2002
مجموع المشاركات: 8817
حلقة امس الخامسة...اختار لها قدور مفردة اللوم ثم بدأ فى اختيار أغنيات وردت فيها المفردة ابن البادية الذى ظهر فى بداية الستينات كان أحدث فنان تناولت أغنياته مع أغنيات من زمن قدور الخاص فى الخمسينات..الشفيع والخير عثمان وحسن عطية
04-29-2020, 09:51 AM
mohmmed said ahmed
mohmmed said ahmed
تاريخ التسجيل: 10-25-2002
مجموع المشاركات: 8817
المواطن يعاني فى الحصول على بضعة رغيفات يسد بها جوع أسرته أو الحصول على أنبوبة غاز وفى بعض الولايات يعانى من قطوعات الكهرباء والمياه والمناخ الحار والحكومة تقف متفرجة على معاناة المواطن والأمراض والأوساخ تحيط بالناس من كل جانب يجوك مسؤولين القنوات الفضائية ببرامج باهتة ومملة لا هدف منها غير الضجيج والعويل وتكرار لدرجة القرف حتى الأغانى الجميلة التى ظلت راسخة فى وجدان الشعب لفترات طويلة تم تشويها ياناس أرحمونا على الأقل فى الشهر الفضيل دا عندكم 11 شهر أعملوا فيها العايزنوا بس خلو لينا رمضان كفاية إتحرمنا من المساجد الله يهدى الجميع
04-29-2020, 02:22 PM
mohmmed said ahmed
mohmmed said ahmed
تاريخ التسجيل: 10-25-2002
مجموع المشاركات: 8817
سلام حسن معاناة المواطن فى مجابدة الحياة اليومية ثم الكورونا والحجر المنزلى وبعد يوم صيام يحتاج المواطن لشوية ترفية بإمكانيات بسيطة جدا يمكن للفضاىيات تقديم برامج جيدة بدلا عن هذا التكرار الماسخ الممل
04-29-2020, 06:42 PM
mohmmed said ahmed
mohmmed said ahmed
تاريخ التسجيل: 10-25-2002
مجموع المشاركات: 8817
الحبيب محمد مقارنة باغاني وأغاني برنامج ( انت المهم ) مع كمال ترباس في قناة الخرطوم أفضل على الاقل الواحد يرجع أيام الشباب وذكريات العنفوان قناة الشمالية لقاء مع واحد د. بلدو .. ده ما برنامج وقت الذروة تحياتي
04-30-2020, 04:32 PM
mohmmed said ahmed
mohmmed said ahmed
تاريخ التسجيل: 10-25-2002
مجموع المشاركات: 8817
للاسف قريبى على القنوات تستسخ نفس الأفكار التقليد سمة الفشل الفن فى جوهره اختيار والاختيار الجيد هو الإبداع فكرة برنامج الغناء مع قليل من الدردشة ظهرت منذ بدايات الإذاعة السودانية انتقلت للتلفزيون واستمرت حتى الآن قنواتنا لا تنتج مسلسلات درامية ولا تعرض مسرحيات ولا تعرف برامج مسابقات
شخصيات فرضت على المشاهد أمثال قدور والجقر تستضيف شعراء فرضو على المشاهد أمثال التجانى حاج موسى ومختار دفع الله وهلاوى وفنانيين تحكرو فى كل القنوات أمثال فرفور وعاصم البنا
04-30-2020, 05:39 PM
mohmmed said ahmed
mohmmed said ahmed
تاريخ التسجيل: 10-25-2002
مجموع المشاركات: 8817
انا اليوم مندهش جداً من كلام عم السر بخصوص اغنية "نُسيم الصبا " للشاعر المساح وان هذه هى المرة الاولى التى تقدم عبر التلفزيون او الاذاعة , وهذه المعلومة خاطئة : لان هناك تسجيل اذاعى للاغنية بصوت الفنان الكاشف وانا شخصياً استمعت اليها قبل فترة فى اليوتيوب . وايضا وعبر برنامج اغانى واغانى نسخة 2014 فى الحلقة السادسة شارك بها طه سليمان فى الحلقة المذكورة . اداء عاصم البنا للاغنية كان مقبولا .
طه سليمان و المجموعة - نسيم الصبا - اغاني و اغاني 2014
05-03-2020, 11:51 PM
mohmmed said ahmed
mohmmed said ahmed
تاريخ التسجيل: 10-25-2002
مجموع المشاركات: 8817
قدور يختار اللوم فى الأغنية ويبدأ من الحقيبة ويتوقف فى الستينات يقول الأغنية الراقصة برضو من الستينات يقول غناء المساح ويرجع بينا ١٩٢٠ يعنى قبل قرن من الزمان
ديناصورات نحنا
05-04-2020, 06:35 PM
mohmmed said ahmed
mohmmed said ahmed
تاريخ التسجيل: 10-25-2002
مجموع المشاركات: 8817
صحفى اسمو دندش فى قناة الشمالية عندو برنامج بستضيف شخصيات يقول عنها نجوم
اليوم مستضيف داليا الياس اى والله داليا الياس بتاعت الفحولة داليا الياس صحفية ضبطت سارقة لمقال من صحفية عربية ثم اعتذرت داليا الياس اليوم تقول ان مقال نقص فحولة الرجل السودانى فهم خطأ لانها قصدت المرؤة وليس الفحولة طيب كاتبة الفحولة ليه داليا الشاعرة عندها قصيدة واحدة مشهورة اسمها البيت عملا لينا بيها ازعاج
05-07-2020, 01:07 PM
mohmmed said ahmed
mohmmed said ahmed
تاريخ التسجيل: 10-25-2002
مجموع المشاركات: 8817
حلقة اليوم بدأها قدور بالاستهبال قال الناس بتقول نحنا بنركز على اغنية الوسط قال مافى حاجة اسمها اغنية الوسط لانو الجميع شارك فيها الشاعر عبد الرحمن مكاوى من بربر وبازرعة من بورتسودان وخليل فرح من صاى والشفيع من شندى ومحمد الامين من مدنى وعبد القادر سالم من كردفان طبعا كل هؤلاء قدموا غناء بكلمات ولهجة مدن الوسط وموسيقى الوسط باستثناء لونية عبد القادر سالم وموسيقى وألحان وردى وخليل فرح
قدور لا يعرف غناء دوشكا الهدندوى وغناء سبت فى النيل الأزرق ولا غناء جبال النوبة بلغاتهم وايقاعاتهم وتدير يمارس الكوار
اول اغنية كلمات عبد الرحمن مكاوى وألحان صلاح إدريس وأداء البندول معقول ياخ والبندول دا محتاج يمسك تلاتة مايكات عشان صوتو يطلع
05-07-2020, 06:20 PM
mohmmed said ahmed
mohmmed said ahmed
تاريخ التسجيل: 10-25-2002
مجموع المشاركات: 8817
أيوة يامحمدملاحظة في محلها مافي زول قال أغنية الوسط - عنصرية عرقيا - الناس بتتحدث عن جهويتها - أو إرتباطها بثقافة ولونية ولهجة) وطابع جهة محددة وهي الوسط - تكتب وتغني بنمط ولونية الوسط - إنت زولو - غض النظر عن عرقك ومحل ميلادك ..وتكتب أو تغني كردفاني أو شايقي -أو نوبي إنت ما فنان وسط وإن عشت طول عمرك بالخرطوم !* بس ديل نقلة متقدمة من القبلية لجهوية الوسط وهي خطوة تجاه اللون القومي المتعدد والمتنوع الذي يجد حظره من الإنتشار الإعلامي! * بس هنا في ملاحظة عكسية - عن ناس مناطق مروي والشايقية فنانهم -النعام آدم وهو من قبيلة الهواوير وماعندهم شغلة بفن عثمان حسين وهو شايقي الأصل ... وماعندهم تعلق بفن عبد الرحمن عبد الله وهو شايقي قبليا بقدر إرتباطهم بفن عثمان اليمني وهو يمني ..* ملاحظة تانية تجد الناس مرتبطة بحميد الشاعر وهو لايكتب أو قل لم يشتهر بنمط الوسط وإنما بنمط وأسلوب منطقة مروي .. ومع هذا إحتضنه الوسط والسودان قاطبة.. لماذا؟ ربما .لأن كلمته تعبر عن هموم وقضايا كل السودان . أو إن إبداعه فرض نفسه وساهم بنقل ثقافة منطقته لكل السودان - - وربما لأن الوعي السياسي تقدم علي الوعي الجهوي والقبلي...
النعام الهوارى واليمنى اليمنى...قدموا غناء من صميم ذائقة الشوايقة وعثمان حسين قدم غناء الوسط الخرطوم
عندنا النوبيين ما بيعرفو غناء خليل فرح بتاع الحقيبة وبيحبو شعرو النوبى وعزف العود كذلك يفرحو جدا بغناء وردى بالنوبية
تجربة حميد مهمة جدا فى تطعيم الشعر السودانى بالنكهة الشايقية كذلك غناء كردفان عن طريق عبد القادر سالم وإبراهيم موسى عمل جسر تواصل مهم بين غناء بايقاعات الغرب وغناء وسط السودان كذلك فنان الشرق ادم شاش برنامج من ربوع السودان لعب دور مهم جدا
05-07-2020, 06:42 PM
كمال عباس
كمال عباس
تاريخ التسجيل: 03-06-2009
مجموع المشاركات: 17154
حلقة اليوم ١٤ رمضان أداء جيد من هدى عربى مهاب عثمان ملاحظات شكليةهدى عربى فى كامل اناقتها بس لو خففت من كميات وكتل الدهب قصة الجزمة من غير شراب ما ظريفة
حلقة اليوم الرابع عشر اغانى عن مفردة الابتسامة مشكلة واضحة فى أعداد البرنامج ومنهجية الاختيار قدور يختار مفردة الحزن اللهفة العيون الابتسامة ويبنى عليها اغانى الحلقة وفى ظاهر هذا الاختيار يبدو التنوع ولكنه تنوع خادع لان قدور يختار اغانى الحلقة من نفس الفترة الزمنية التى شكلت له ذائقته وهى فترة غناء الحقيبة وفترة الخمسينات والستينات اذا
05-10-2020, 08:10 PM
محمد محمد قاضي
محمد محمد قاضي
تاريخ التسجيل: 12-23-2014
مجموع المشاركات: 1605
Quote: مشكلة واضحة فى أعداد البرنامج ومنهجية الاختيار
يا أبو حميد أغاني وأغاني برنامج إرتجالي ما بتحس فيه بأي منهجية ولا هو ترفيهي ولا هو توثيقي ... إختيار المغنين فيه مزاجية ومجاملة وزمان يمكن فرفور كان عندو سلطة (أمنية) في الإختيار وكان بيصول ويجول ويتشالق ويتعاور وأكتر واحد بياخد فرص الظهور.
05-10-2020, 08:47 PM
Dia
Dia
تاريخ التسجيل: 06-02-2004
مجموع المشاركات: 430
حلقة اليوم الخامس عشر اغنية يا مارى عن الاصيل نموذج لتبيان ان عنصر اللحن وعنصر الأداء هما أساس نجاح الأغنية وليس الكلمات كلمات فقيرة جدايامارى عن الاصيل براك فى شاطىء النيل صدقنى شكلك جمي لكلام عادى تنقصه روح الشعر ولكنه بلحن واداء الكاشف يصبح اغنية جميلة
إبراهيم خوجلى يستضيف مرتين وكذلك صلاح مصطفي __________________________ وياريت عمنا قدور بيديهم فرصة يتكلموا وكذلك الدكتور الموسيقار عبد القادر سالم للأسف مشاركاتهم ضعيفة رغم إسهامهم الكبير في تطوير الغناء السوداني
إنصاف فتحي مبدعة كالعادة
05-12-2020, 06:45 PM
mohmmed said ahmed
mohmmed said ahmed
تاريخ التسجيل: 10-25-2002
مجموع المشاركات: 8817
شكرا علاء انا لاحظت قدور عندو أخطاء كتيرة فى السنوات السابقة كان فى زملاء فى البورد بيشاركو بتفنيد أخطاء قدور الزول بينجر ساى...عاصم البنا كان بيصلحو زمان هسا ما بعرف سكت ليه
المرجع الموثق عن الحقيبة الأستاذ عوض بابكر يعرف الحقيبة افضل من قدور
05-13-2020, 06:22 PM
mohmmed said ahmed
mohmmed said ahmed
تاريخ التسجيل: 10-25-2002
مجموع المشاركات: 8817
حلقة اليوم ١٩ رمضان صلاح مصطفى قدم الأغنية طوالى خطر ببالى مقولة سمح الغنا فى خشم محمود
نطلع من عاصم البنا فى النيل الازرق يظهر لينا الامين البنا فى قناة الخرطوم نطلع منهم الاتنين نلاقى الجقر وولد الجقر فى قناة الهلال ربنا يحلنا من ال البنا
05-13-2020, 06:44 PM
mohmmed said ahmed
mohmmed said ahmed
تاريخ التسجيل: 10-25-2002
مجموع المشاركات: 8817
حلقة اليوم٢٢ رمضان أداء جميل لطه سليمان مع هدى عربى موضوع الحلقة غناء الثنائيات ليركب قدور بساط الريح ويعود إلى خمسينيات القرن الماضى فترته الاثيرة ما قدم فنان يغنى مقطع والفنانة تؤدى مقطع اخر الثنائيات الغنائية كانت تؤدى الأغنية بصوت مشترك لكامل الأغنية أمثال ثنائي العاصمة...وثنائى الجزيرة.. وتبمان عطبرة...ميرغنى المأمون وأحمد حسن جمعة
05-16-2020, 06:50 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12483
================================ حبيبنا محمد .. الواحد بقى بين اغاني واغاني ومعاني الغناء ( الخرطوم ) اداء جميل بين طه وهدى ( هدى قربت ترقص ) ما شاء الله عليها بنتنا دي تحب الغناء كثير ظاهر في الحركة الجسدية فقط المصور يقرب الكاميرا من وجه الفنان بطريقة ما جميلة .. لاحظت بنتنا هدى تحتاج الى تقويم أسنان .. تجربة محمد الامين كانت رائعة في تقويم الاسنان
المصورين عندنا احياناً يصوروا الارجل ( الاحذية ) واصابع العازفين (والاصبع اصلو قبيح لو ملكة جمال العالم ) وتقريب الكاميرا من فم الفنان
تحياتي الحبيب محمد ..
05-17-2020, 02:46 PM
mohmmed said ahmed
mohmmed said ahmed
تاريخ التسجيل: 10-25-2002
مجموع المشاركات: 8817
حلقة اليوم ٢٢ رمضان موضوع الحلقة فنانيين الحفلات والعدادات قدور بدأ وقال الغناء ثلاثة أنواع غناء الصالون وغناء النجوى وغناء الحفلات اغرب تصنيف لأنواع الغناء فى السودان درجناعلى تصنيف الغناء لغناءشعبى وغناء حديث وغناء جاز
05-17-2020, 06:23 PM
mohmmed said ahmed
mohmmed said ahmed
تاريخ التسجيل: 10-25-2002
مجموع المشاركات: 8817
شكر قدور السفير عبد المحمود لأنه أوصى بمحمد عيسى وقدم ابن القلع ليقدم اغنية من تأليف قدور القلع اصواتهم عاديةوهذه طريقة الاختيار للمشاركة فى البرنامج الشاب القدم اغنية بادى ظريف الشاب جوبا قدم أداء ممتاز لأغنية جارى وانا جارى
عمار فرنسي أداءه كان جميل في أغنية ظبي السلم وكذلك عماد الصبابي في أغنية يا جميل يا سادة أما أغنية جاري وأنا جاري أفضل من غناها بعد أبو السيد هو الفنان القدير عمار السنوسي، الباقين أداءهم عادي جدا الفنان الجميل (الصديق) محمد عيسي هو فعلا فنان حفلات بإمتياز وراجل دمه خفيف وكان فنان حفل زواجي قبل 15 سنة بس شكله إتغير كتير طبعا، والغريبة هو جابو في حفل زواجي بديل للفنان عبد العزيز القلع لظرف خاص بالقلع ومتعهد الحفل.
05-18-2020, 03:54 PM
mohmmed said ahmed
mohmmed said ahmed
تاريخ التسجيل: 10-25-2002
مجموع المشاركات: 8817
حبيبنا محمد ... تحياتي البوست متنفس جميل بكتب اثناء البرنامج شغال ما في ولا فنانة واحدة ما ينفع غناء الفلاتية مع الشباب .. يا ريت لو في فنانة احد شباب غنى ( الله لي ليمون ساقيتو .... يا حجة نا ) بدون طعم واحساس بالنسبة خاصة بالاناث
تحياتي
05-18-2020, 06:20 PM
mohmmed said ahmed
mohmmed said ahmed
تاريخ التسجيل: 10-25-2002
مجموع المشاركات: 8817
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة