Quote: أنا ملاحظ أنكم بتنظروا للموضوع من زاوية ضيقة جدا¯
يامنتصر مساء الخير الموضوع دا مافيهو زوايا ولابتحمل التنظير باختصار لانو ممكن تلحق الطيبين طوالي زيك وزي بقية الدول الاستهونت زي ايطاليا. في بروتوكول من الصحة العالمية للوقاية الوزير عمله انت جبتا ليك كلام ماعنده علاقة بالقرارات الطبية ولا يسنده دليل علمي.
انا ماعارف الفكرة شنو لكن دا مانقد ولاعنده علاقة بالنقد ولا التقويم لو قلبك على البلد ما بتردد كلام الكيزان من شاكلة "قطيع"وبتاع القصة دي مافيها لعب زي عينة كلامك دا اشبه بكلام الزول بتاع العلاج بالمنقة والشطة الخ الخ....
تحياتي
04-06-2020, 08:24 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4155
Quote: إنت زول موهوم ساي يا منتصر الموضوع يحتاج لمعرفة مختصة أنت لا علاقة لك بها وتتحدث من فراغ
موهوم عديل كده!!!! يا حافظ بشير هل أنت الأن بالسودان؟؟؟؟؟ أنا أتحدث ما بما تراه عيوني وأنت من تتحدث من فراغ الدول التي مارست الحظر اتبعت هذا القرار باجارءات أخرى من تعقيم للشوارع ومنع للإزدحام نحن لي يوم الليلة لا توجد عندنا مواصلات عامة داخل الخرطوم المزدحمة بالسكان والناس تتزاحم في المواصلات وتتكابس والواقفين في الباب قرابة العشرة وبارز منهم أربعة معلقين معلقين بالأبواب ؟ وكثير من هؤلاء يتصدق عليهم أصحاب الدينات والبكاسي ويحملونهم كالخراف وكذلك في صفوف الخبز وصوف الغاز أنت من تتحدث عن فراغ لو كنت تتحدث وأنت خارج السودان فالكلام النظري لمن لا خيال واسع له سيوف يكون كلامه فارغ فعلاً كما وصفت أنت ثم أنت طالما حصرت الأمر وحصرت العلم به عند أهل الإختصاص ما ماأدلراك بأن كلامي هذا في مجمله خطأ ؟!
04-06-2020, 08:26 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4155
Quote: الرياض السعودية متوسط درجة الحرارة بالنهار فيها خلال الثلاثة أسابيع الماضية كانت حوالي 30 درجة والرطوبة النسبية فيها حوالي 13% وبرغم كل التحوطات التي قامت بها الحكومة السعودية وبدأتها مبكرة جداً، الآن في الرياض عدد الحالات تجاوز ال600 حالة
هل أنت تعرف بالظبط كم نسبة الذين أصابهم المرض بالعدوى من هؤلاء ال600 مصاب؟! وكم عدد الذين جاء مصابين بالمرض من خارج السعودية من دول آسيا وأوروبا وأمريكا؟! والله لما تذكرت مشهد شهدته في سوق غبيرة بالرياض وأنا أصلا كنت مقيم بجدة وليس بالرياض لكني لما أقمت بالرياض أيام وكان مساء خميس وقت العصر ودخلت غبيره أقسم بالله دهشت لدرجة قريبة من الفزع حينما رأيت آلاف تفور تحت الكباري وكانوا هنود وبنقالة داخل السوق وقلت (دا شنو يا جماعة) ! مشهد لم أره في جدة طيلة عقدين ,واحد بدوي زعلان فرد علي بشيء من الإزدراء (والله أيش نقول كالجراد )أو كلام من هذا القبيل ومطار الرياض يأتي بالآلاف من هذه الدول وغيرها يوميا قبل الحظر
04-06-2020, 10:45 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7215
Quote: ثم أنت طالما حصرت الأمر وحصرت العلم به عند أهل الإختصاص ما ماأدلراك بأن كلامي هذا في مجمله خطأ ؟!
هسه يا منتصر في زول نصيح بسأل جنس سؤالك دا؟ طبعاً أدراني أن كلامك خطأ ما فيه من مخالفة لأهل الإختصاص. ومعقول يا منتصر زول ما عارف الإجابة البديهية للسؤال دا حيقدر ينظر في الكورونا والإجراءات التحوطية المناسبة للوقاية منها؟
Quote: 1ـ روح المبادرة والجروءة في الطرح 2ـ استقلال الرأي 3ـ محاولة كل فردأن يفكر ويحلل ويستنتج وحده دون التأثر برأي الآخرين هذه الثلاث لم أجدها في من يحاوروني إلا ما ندر ولا أدعيها لنفسي ولكن أرجو أن أكون لدي هذه الثلاثة خصال .
مهم جداً قبل ما تدعي لنفسك هذه الخصال الثلاثة أن تعرف الطريقو المناسبة للتأثر برأي الآخرين ومدى هذا التأثر وتتعلم متى تستنتج لوحدك دون التأثر برأي الآخرين ومتى تعتمد على رأي الخبير في بناء رأييك
04-06-2020, 10:58 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
الحاله رقم 13... الحاله دي اظهرت نوع جديد من الانتقال يسمى بالانتشار المجتمعي ودا بكون بصوره سريعه ومخيفه جدا لانو ما بحتاج مخالطه لصيقه لي حاله مؤكده.... ممكن يكون لقط العدوى من اي سطح واي سطح دي عد الى ما لا نهايه.... الابواب الشبابيك الحيط السلالم في البيت في الدكان في المسجد في العربيه في الشارع في اي حته.. خطوره الحاله دي بتتلخص في نقاط.... اولا هي اول حاله تظهر للانتشار المجتمعي للفيروس... ثانيا المريض يعمل في سوق ليبيا ( ودي كارثه). . ثالثا التعامل مع الحاله من قبل المستشفيات الاتردد عليها... المريض دا جا مستشفى علياء يوم السبت بي كل اعراض المرض وتم عمل صوره اشعه مقطعيه وكان الموضوع واضح َيدعو الى الاشباه بصوره تفوق ال90٪.. للاسف المريض لانو عندو تامين عسكري تم تحويله الى طوارئ السلاح الطبي ودي الكارثه التانيه... كان مفروض يتم الاتصال بالوزاره فورا وبعداك ينتظرو تصرفمم حيكون كيف... العيان مشى طوارى السلاح يوم السبت وقعد السبت كلو ويوم الاحد تم الاتصال بالوزاره ظهرا وجو الساعه 1 صباحا ودا تاخير مبالغ فيهو وغير مبرر.. اخذو العينه وطلعت النتيجه ايجابيه فجر الثلاثاء حتي بعد داك اتنقل لي مستشفى جبره... المشكله وين؟؟ المشكله انو كل الطواقم الخالطت المريض في المستشفيين من يوم السبت وحتى امس كانو بدون اي وقايه ومشو بيوتم ما عدى طاقم امس بالليل... وللاسف نفس الغرفه فيها مريض تاني... تم توفير لبسه وقايه واحده لممرض واحد فقط وهو الكان مع العيان لحدي ما سلمو لي ناس الوبائيات... الطواقم الطبيه دي عندي فيها اصدقاء اعزاء للاسف خرجو وخالطو اهلهم واطفالهم اسال الله لهم السلامه والعافيه.. المشكله حتى لحظه كتابه هذا المنشور الناس خاشه ومارقه عادي من الطوارى وكانو مافي شي... والتتكلم معاهو يعمل ما سامع... لم يتم توفيق امر الطواقم المخالطه حتى الان.... المريض حسب علمي تم وضعه في جهاز تنفس ودا تطور كبير برضو... عمر المريض وحالته الصحيه لا تبشر بخير واتمنى له عاجل الشفاء الاستهتار حيودينا في دهيه... اللهم ارفع عنا الوباء والبلاء...
04-07-2020, 02:53 PM
Asim Ali Asim Ali
تاريخ التسجيل: 01-25-2017
مجموع المشاركات: 13492
الحاله 13 ربما مؤشر لبدايه الازمه الحقيقيه فى دراسه احصائيه تتوقع انتشار الوباء فى افريقيا وبالنسبه للسودان فواقع الان ليس الا مجرد مناظر وذروه الازمه (ربما) كانت فى مايو زادت الارقام او نقصت عن توقعات الدراسه وتدعو للانتباه وتحمل المسئوليه الفرديه والاجتماعيه تجاه الوباء Re: ذعر بسبب اشتباه حاله كورونا بالسودانRe: ذعر بسبب اشتباه حاله كورونا بالسودان
Quote: الناس الما بتقدر تقعد في البيت تحاول تتجنب المواصلات العامه والاسواق والمجاملات وتزكز علي غسيل اليدين بي كثره
صعب يامعاويه اقل شىء صفوف العيش حاله صعبه زحمه لاتلتزم بالصف ناهيك عن ضروره وجود صف يلتزم بحد ادنى للتباعد الاجتماعى وغياب للسلطات الصحيه عن الاسواق-الخضار- للتوجيه بحد ادنى بضمن سلامه وعدم تلوث منتجات المعروضه.اما الزحمه سواء مواصلات او فى الاسوق فحدث ولا حرج حتى البنوك عشان السلامه تدخل عدد محدد لكن المنتظرين مكومين غند الباب دون التزام بالتباعد الاجتماعى فى حدود دنيا على الاقل ربنا يلطف
04-07-2020, 09:26 PM
احمد حمودى احمد حمودى
تاريخ التسجيل: 01-11-2013
مجموع المشاركات: 4364
فعلا السيطره الكامله صعبه في مجتمعنا لكن الناس تعمل العليها في التوعيه لحدي ما الازمه دي تعدي ،، حاليا في بشريات كتيره من اليابان واستراليا وعدد من الدول الاوروبيه اعلنت سيطرتها علي الفيروس بسبب اجراءات الحظر وبدت الحياه تعود تدريجيا
04-08-2020, 08:08 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يجب أن نعمل ونحتاط لأسوأ سيناريو ولكننا نتمنى الأفضل
Quote: فى دراسه احصائيه تتوقع انتشار الوباء فى افريقيا
لم تمر علي دراسة تتوقع الإنتشار في أفريقيا وهنالك عدة صعوبات تجعل التنبوء يمستقبل الفيروس غير دقيقة ولكن التوقعات تقول بأن إنتشار المرض في أفريقيا ستكون له عواقب وخيمة بسبب الممارسات غير الصحية المنتشرة في أفريقيا وبسبب شح الخدمات الصحية وضيق سعة المستشفيات لإستقبال الحالات الحرجة لو إنتشر المرض بنفس المعدل الذي إنتشر به في اوربا وامريكا الشمالية
نسأل الله أن تحُول درجة الحرارة المرتفعة في السودان دون إنتشار الفيروس ونسأل الله السلامة للسودان ولكل السودانيين
04-09-2020, 00:30 AM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4155
Quote: يا الله يا منتصر غير العنوان واعتذر لى الحكومة الانتقالية فى كلمة حاكو حاكو؟؟
يا أحمد حمودي أغير العنوان عشان شنو ؟! العنوان (لم تثبت ) وليس (لن تثبت) والعنوان مكتوب في تاريخ معين لم تثبت حالة عدوى حتى تاريخ كتابة العنوان وحصلت كذا مداخلة قبل حدوث حالة عدوى وحتى هذه اللحظة عدد الأشخاص الذين قيل أنهم حدثت إصابتهم بالمرض نتيجة عدوى هم عدد أقل من خمسة أشخاص ونوع المخالطة مباشرة للمرضي المسجلين وهذا على مدي شهر كامل الذي حدثت فيه آلاف الحالات في دول آخرى وهناك حالات مسجلة كالحالة الأولى وكذا حالة بعدها لم تثبت حالة عدوى من هؤلاء المرضي الأن يعني لا زال العدد قليل جدا ولم تتعامل السلطات مع الواقع بما يحقق المصلحة بالمقاربة بين الضررين ضرر الحظر وضرر المرض وحجمه وحجم ضرر الحظر.
04-09-2020, 00:43 AM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4155
Quote: هسه يا منتصر في زول نصيح بسأل جنس سؤالك دا؟ طبعاً أدراني أن كلامك خطأ ما فيه من مخالفة لأهل الإختصاص.
أهل الاختصاص بما فيهم الاقتصاديين أو المواطنيين الذين يقع عليهم الحظر أما حصرك لأهل الإختصاص لبعض الأطباء لا يكفي لأن الفقر والجوع ممكن يكون أشد فتكا من هذا التنامي الخجول للكورونا في السودان ماذا فعل هؤلاء الأطباء في الحد من مرض السكري ماذا فعلوا في الحد من مرض السرطان الذي يقتل العشرات يومياً وماذا فعلوا في تنامي مرض الفشل الكلوي وغير ذلك من الأمراض هؤلاء الاطباء لم يقدموا أي نصائح تحد أو تقلل من حدوث تلك الأمراض بس فلاحتن جات هسع مع الكورونا التي لم تبلغ الأن الخطورة التي تستدعي عمل حظر ساهم في تردي الوضع المعيشي وفي غلاء الأسعار.
خجلان بس يقول ليكم الأولياء وجده فلان داك المات قبل ألف سنة !!!
Quote: أنا ما قادر أفهم ،،، يعني ينتظروا لما يحصل إنتشار وبعد كده يبدأوا إجراءات الحظر ،،،، الفيروس بينتقل باللمس بالعطس وبلمس أداة لمسها المريض أي شيئ حوله ،،،، هل سمعت بالحالة رقم 13 في كوريا الجنوبية أقرأ الإقتباس حتى تعلم كيف إن إمرأة واحدة نقلت المرض ل أكثر من 1200 مع 9300 حالة إشتباه ،،،، وفكر بس إنه كل واحد من ديل نقل المرض لعدد آخر ،،،،، تفشي الوباء يمكن أن يحدث ،،، والأفضل تجنبه بدل من الإعتماد على فرضيات ربما تصدق وربما تخطئ ،،، وللعلم ممكن كثير ناس مصابين وساكتين عليه خوفاً من شنو ما عارف ،،، وكلها كم يوم وسنرى بداية التفشي نتمنى أن يكون كلامك صحيحاً ولكن الحذر واجب ،،
مداخلة رائعة .
Quote: يا منتصر من حقك تطرح آراءك بكل حرية ودون وصاية من أحد ومن حق الآخرين ان يخالفوك الرأى ( اختلاف الرأى ) اختلاف الراى مرغوب فيه فى العصور والبلاد الديمقراطية التعددية كمفهوم تقتضي تقبل الرأي الآخر حيث لا حٍجر على الآراء .
ولكن الشئ الذى لا استطيع ان افهمه موقفك المخالف للمجتمع الدولى بأسره وليس السوداني فقط فى مسألة كورونا .
مثلا فى المقتبس اعلاه انت تقول وتتحدث عن ( مناخ السودان الجاف ) وتلمّح الى انّ هذا الجو لا يساعد على انتشار الكورونا ولكن على عكس رأيك مناخ الخليج اكثر جفافاً من مناخ السودان ومع ذلك انتشر فيها الكرونا وحتى انّ الحالات التى تم اكتشافها كلها قادمة من الخليج . ولذلك يجب الحرص كل الحرص وبكل ما يلزم الاخذ بالاسباب حتى لا ينتشر هذا المرض اللعين وقد امرنا الله فى كتابه الكريم ان نأخذ بالاسباب والاحتياط بالحذر حيث يقول : {يَا أَيُّهَا الَّذِينَ آمَنُوا خُذُوا حِذْرَكُمْ }7 النساء يأمر الله عباده المؤمنين بأخذ الحذر من عدوهم.. وفى الصحيح قال الرسول صلى الله عليه وسلم { اعقلها وتوكل } وحظر التجول يعتبر من الاحتياط و الاخذ بالاسباب والحــــذر . بصراحة انا ماقادر افهمك يا منتصر اخوى فى موضوع الكرونا .
كل الكلام عشان السعودية عملت إحتياطات وقفلت الحرمين ، ينطلق من منطلق عقدي !!!
Quote: وطبعا في الجهلاء ناس المنقة و الشطة و غيره!
كان تفكوا في نصهم واحد صيني ......
04-09-2020, 04:54 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7215
Quote: حتى السلفي محمد الزبير محمود، الجايي القرون الأولى ديك، يطلع فاهم أحسن منك!
حلوة يا حافظ يا اخي في حد ادني من احترام العقول بيكون مشترك بين الناس وبعدين الموضوع طبي بحث ، مفروض الكلام يكون بإحالات لمراجع طبية ، منتصر دا باقي ليهو بس يوزع لينا هنا بخرات ومحايات وبركات وباقي دجل ناس بلة الغايب داك ويقول دي بتحمي من كرونا ، مرة معترض على قفل الحرم ومرة على العزل الإجتماعي ... تخريبهم لعقائد الناس ممكن يتلحق لكن لو خربوا حياتهم تاني يرقعوها كيف ؟؟؟
04-10-2020, 00:56 AM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4155
Quote: هسه يا منتصر عليك الله دي حالة ديحتى السلفي محمد الزبير محمود، الجايي القرون الأولى ديك، يطلع فاهم أحسن منك!
السلفي عندو غبينة بايتة قال أحسن يجي يتحد مع اليساريين ضد المدعو منتصر لعله يتمكن معهم على أن يصرع هذا المدعو منتصر عبد الباسط إذا توحد معكم إنتو كمان ما تخزلوه شدو حيلكم معاه هههههههه
Quote: والله يا منتصر مش عارف منو الذي ينظر للأمور من زاوية ضيقة ؟ وزيرنا الهمام ومن منطلق نظرة شمولية فضل الاجراءات الاحترازية على الانتظار والاستعداد لما هو اسوأ كل من ينكر وجود الكورونا أو خطرها هو من ينظر للأمور من زاوية ضيقة وليس من يتحسب لكل الاحتمالات لو كان مطار الخرطوم مفتوحا حتى الآن لانتشر المرض انتشار النار في الهشيم مع كمية المشككين في البلد
أنا لم أعترض على غلق المطارات ولا على عمل الاحترازات أنا فقط كلامي حول الحظر وضرره الاقتصادي والمعيشي.
04-10-2020, 01:20 AM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4155
Quote: خجلان بس يقول ليكم الأولياء وجده فلان داك المات قبل ألف سنة !!!
أخجل من شنو ؟! إنت لسع فاكر ؟! طيب طالما انت لسع فاكر وجايي تتكلم عن خلافاتنا في فهم ديننا بس لا تهرب يا محمد الزبير خلينا نتكلم في فهمنا فيما قاله نبينا وسيدنا محمد صلى الله عليه وسلم هناك حديثان وردا في الصحيحين وكلاهما رواه أبو هريرة رضي الله عنه وأنس رضي الله عنه وغيرهما في الصحيحين عايزك تورينا فهمك لهذين الحديثين وما هو العمل الذي يترتب أو يجب علينا عمله بمقتضى هذين الحديثين الأول قول النبي صلى الله عليه وسلم :(( لا عدوى ولا طيرة ولا هامة ولا صفر)) الثاني قوله صلى الله عليه وسلم:(( لا يورد ممرض على مصح ))
04-10-2020, 01:27 AM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4155
أحترم نفسك يا أرعن بس ما تتحجج بي يا أرعن دي وتهرب من الجواب للأسئلة التي وجهتها لك يبدو أنك عاجز عن الحوار وتريد تمارس حقدك علاقة قمامتك دي بي موضوعنا هنا شنو ؟!
حصاد امس 25 مايو 2020 : دفن 35 جثمان بمقابر احمد شرفي الثورة امدرمان . دفن 41 بمقاير حمد النيل امدرمان الجديدة دفن 39 بمقاير البنداري الحاج يوسف دفن 43 بمقاير الصحافة. المصدر: اعلام ولاية الخرطوم. #السودان #كوفيد19
05-27-2020, 01:05 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4155
شكراً أبو حسين لرفع البوست وكل عام وأنت وجميع معشر بورد سودانيزاونلاين بخير عنوان البوست كان يتحدث عن أنه حتى تلك اللحظة لم تثبت حالة عدوى واحدة داخل السودان وكانت هذه المعلومة صحيحة كنت أنا أتحدث عن الجو في السودان واختلافه عن مناخ الدول الأخرى وما فيه من جوانب اجابية تقلل من انتشار المرض طيب الأن فعلت وزارة الصحة كل ما كانت تريد فعله ولم أكن أنا في موقع تأثير في قرار قراراتها مما يجعلني برىء من أي مسؤولية في أي شيء حدث بل كل ما حدث معظمه لم يكن متوافقاً مع ما أراه. الأن الذي يجب علينا التوقف عنده ما هو الذي فعلته وزارة الصحة في علاج المرض ؟! رغم أنها فرضت كل ما تريد فرضه ولا زالت قراراتها مهيمنة على المشهد وهي تعتبر أنه لا يوجد علاج للمرض وفقط على الناس أن تتحبس في بيوتها ! فهل نفعت هذه الإجراءات في التخلص من المرض أو نجحت في التقليل منه ؟ الحقيقة لا للأسف بل زادت وضاعفت الأزمة لأضعاف وزير صحتنا يقول ما في علاج ويرسل رسائل ذعر واحباط فهل هذا هو الطب والنفع للناس ؟! وطبيب آخر عالج كل الحالات التي جاء أصحابها إليه بكل واقعية وإيجابية فتركتم الوزير السفاح وجايين علي أنا المسكين!
05-27-2020, 02:17 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: يا راجل هل انت واعي لما تكتب! سفّاح عديل كدا!
من يقول لا يوجدعنده غير البندول ليقدمه للمرضى ويموت عشرات المرضى بالجلطات دون تفتح لهم المستشفيات لإسعافهم وفقط يكتفي برسائل الرعب وتحميل المواطنين مسؤولية المرض هو لا شك بذلك يتحمل مسؤولية ما يحدث صحيح الموت قضاء وقدر لكن إخلاء الإنسان المسؤول عن المسؤولية من حدوث ضرر في نطاق مسؤوليته تكون بفعل كل ما يجب فعله لتجنب الضرر دون توفير شيء ممكن فعله . .
ودا كلو كوم والعالقين بمصر دا كوم تاني والوزير البيروقراطي حجتو تاني شنو! والمرض وصل للفاشر يعني خلاص مطينة مطينة والمرض أصبح منتشر في كل السودان تاني مبررات منع مواطنين سودانيين من العودة لوطنهم شنو! أصلو مروءة وغيرة على الشعب مافي الما بكون عندو غيرة على شعبة لا يستحق ذرة من إحترام ديل من مارس حسع بعد شهرين يكون حالهم كيف؟! ودا هسع في شهر مايو دا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Yousuf Taha
منتصر عبد الباسط
Hafiz Bashir
محمد البشرى الخضر
نعمات عماد
Maawya Hussein
Asim Ali
احمد حمودى
ABUHUSSEIN
فيس بوك
تويتر
انستقرام
يوتيوب
بنتيريست