|
Re: طبيبة سودانية : ادخن الشيشه بعلم زوجي وما � (Re: عمر نملة)
|
Quote: أي زول تلقاهو يكثر من إظهار التدين أعرفوا حبرتجي |
ببصم عليها بالعشرة بالمعايشة والتجارب الشخصية أكتر حاجة بتخوفني من الزول اللحية الغزيرة لأنه باختصار الفاهم الدين صاح وقاريهو مستحيل يتخدع بفكر التدين المظهري ويحاول يحاكي مظهر النبي القراهو في الكتب وما عارف إنه الفكرة وراء مظهر النبي إنه كان بلبس لبس جيله ومجتمعه وما كان مختلف عنه ولا هيئته دي نزلت ليه في قرآن Quote: بتلقى زول لا بصلي ولا دخل الجامع لكنه افضل من الف من ائمة المساجد |
أهن ديل ينبزوا في الغرب العلماني الكافر ويفتشوا في الهجرة لبلاد الكفر دي Quote: وسواق الدفار ياهو من ناس الشهامة والمروءة |
غايتو كمل الرجالة وصلها حدها .. كتير حاولت أخت نفسي مكانه أشوف هل ممكن أصل حدود رجالته دي بلقى أقصى حد ممكن أوصل ليه أوصلهم الموقف وادفع ليهم حق التذكرة .. لكن ما ممكن أبطل شغلي واسوق 6 ساعات عشان واجب اجتماعي .. تصدقي والله الزول دة حتى في الخيال أرجل مني Quote: بعد دا يا احمد يجيك واحد يقولك الشيخ يدخل الجنة وامثال الدولي لن يشمو حتى ريحتها |
دة المحير بوبي يا غالي موضوع الثواب والعقاب دة ما بالسذاجة الشايفينها السلفية الماسكين مفاتيح الجنة
| |
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: أحمد محمد عمر)
|
يا عاصم فهمك دة هو نفس القمع الذكوري لحرية المرأة بفهم إنها قاصر منو القال ليك المدخنة بتواصل تدخين أثناء الحمل؟ ما لاحظت في مجتمعات العمل إنه الحامل بتكون زرقاء ووشها مليان حبوب ومبهدلة! السبب إنهن بوقفن استخدام المكياج والكريمات بمجرد ظهور الحمل لأنه ممكن يؤثر على الجنين فالرجال حقو يبردوا شوية في موضوع الحمل دة لأنه قطع شك ما بنفهم فيه أكتر منهن ولانا حريصين على العيال أكتر منهم .. ياخي الشافع عيان تلقاها مساهرة معاهو للصباح وانت تنوم تشخر تصحى تقول ليها أها صبح كيف الوليد؟
| |
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: أحمد محمد عمر)
|
Quote: انا ما عارف ماهو المنهج او الطريقة البتخلي مجموعة من الناس صورة بالكربون من بعض . .؟! |
إحساس الأفضلية الاغترار بالمظهر .. فكرة إنك ضامن الجنة والناس ما عارفة طريقها عشان كدة مافي سلفي بقول ليك أنا غلطان في نقاش ديني لو كتلته لأنه بيصل مرحلة يتوحد مع الدين ويشعر إنه خطأه معناها خطأ الدين
| |
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: أحمد محمد عمر)
|
Quote: هسة عليك دينك شفت أكرم من ناس الصعوط! ياخي مستحيل زول يابى بي سفة |
كمان الكيس اصلو ما بقع في الواطة
يجدعو ليك من سقط لقط يجيك في ايدك
وان جدعتو انت يتلقوهو بكل اريحية حتى لو كان قريب من السما التامنة
عجايب
----------
يا النعمان
انت الزوج والزوجة البعاتبو في بعض ديل منو ؤ منو!!!؟؟؟
ونعل ما عندها منو شي؟؟؟
| |
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: Abdullah Idrees)
|
سافرت بيروت لعدة ايام... هالني منظر البنات وهم يحملون الشيشة معهم الي مكان ..تخيل حتي في ملاهي الاطفال تجد الام بالفل ميك اب تجلس علي العشب وتدخن واطفالها والزوج حولها ..منظر عادي جدا والشيشة جزء اساسي من البرنامج اليومي ... لم احب هذا المنظر ابدا ولا ارضي ان اراة في بلدي ولكنها في النهاية قناعات شخصية لاتستطيع ان تجبر احدا وليس لك الحق في ان تعترض عليه ..ربما من باب النصيحة لااكثر ولا اقل ..
| |
|
|
|
|
|
|
Re: طبيبة سودانية : ادخن الشيشه بعلم زوجي وما � (Re: أحمد محمد عمر)
|
احمد محمد عمر كلامى مافيهو قمع ولاحاجه المرااه سواء ام مستقبل او ام عيال صحتها لاتعنيها فقط وانما ابنائها خاصه فى مرحله المحمل والحديث من باب الوعى لا باب فرض الوصايه اما الحريه الشخصيه فكل فرد -رجل ونراه- لها حدود عند تعاؤضها مع حريه الاخرين حتى ولو كان جتيت فى بطن امو السؤال المهم هل نمسح عادات وتقاليد مجتمعاتنا ونتحول توابع فى كل صغيره وكبيره لمجتمعات تدرحت فى شكل عادتها وتقاليدها حسب ثقافتها وتجربتها الانسانيه
| |
|
|
|
|
|
|
|