|
Re: فونقة: مواقـع ســودانية شــهيرة .. لكنها ليســـت علي الخريطـة (Re: خالد الأيوبي)
|
الأخ خالد الايوبى
لك التحية
انا ما عارف انت بتفتش الحاجات الصعبة ليه وقدامك الحاجات الهينة ياخى ..
يعنى ما سمعت بى ابوجا مثلا مالك ومال سقط لقط
لانك ابتديت بى سقط لقط فهى قطعا مكان غير مستحب لانه يتكون من كلمتين "سقط" و "لقط" وسقط الاولى ليس سقط سهوا ولا سقط من مان عالى ولا حتى سقط المتاع وليست سقط اللوى كذلك ولكنها بسودانية بسيطة جدا تعنى برد قارس لامن يشقق الشلاليف والجضوم ( ليست شفاه وخدود للعلم ) ويشقق اليدين والكرعين لامن يستدعى الامر استدعاء الفازلين وغالبا يستخدم الودك لذلك النوع من تشقق السقط ... اها ده السقط تفتكر انه بعجب ليه زول ؟؟؟
اها نجى لى "لقط" وهى غنية عن التعريف اذ ليست لقيط الفاكهة ولا القطن ولا حتى لقيط الحسنات والأجر لقولنا العامى "الأجُر تلاقيط" بل هو لقط بمعنى ضرب (ليست عمليات حسابية ) وهذا يحدث فى الدواس وبالعكاكيز كمان وده اللقط الصاح والبخلى النتيجة تكون "الدم للركب" و"الكلب راسه" وده كله لقط ...
اها بعد ده كله تفتكر فى زول بدور سقط لقط بتاعتك دى ياخوى ...
أقعد عافية ...
|
|
|
|
|
|