منى .. عندي مشكلة مع اغسطس .. واكتوبر ( وشباط ) ويوم الجمعة العصرية .. والسبت بالصباح .. لكن فبراير ماجبرتو خالص .. يمكن تكون دي لعنة الفراعنه.. على كل حال بفتش لي حلول جذرية ..
ياخي اقول ليك حاجة يامنى؟؟ زهجاااااااااااااااااان.
والمشكلة اني ما عارف السبب .
عندك اقتراحات يامنى ؟
02-11-2006, 04:15 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
يا ابو النسب .. والله الحالة دي بالذات محتاج اوصله ليك ( بالرطانة ) لانو عارفك ( قادي ) عربي تستلم النسخة المترجمة من ( دكين ) لكن أي اضافات ما في حتته .. انا برهـ
كنت دائماً أغبطك .. مش بحسدك .. الغبط هو أن اكون مثلك .. على ما يبدو عليك من فرح عميق وأنت يا تمبس نموذج للزول المتصالح مع نفسه والناس .. فمالك داير تقطع آخر خيط في رحم الأمل .. أطنك دائر تركب موجة الزهج التي تغطى أفق الايام دي .. لكين جواك فراح يكفى مدينة .. مش صاح.. ما تنسى بوست الحقيبة.
02-11-2006, 10:05 AM
tmbis tmbis
تاريخ التسجيل: 10-19-2002
مجموع المشاركات: 24862
محمد عبد الجليل .. الزول الهادي جدا جدا .. جدا . .. موجة الزهج يا بوحميد عاهة زهنية متفشية هنا بي كميات زي ماعارف .. وكلما تزوغ منها بتجبدك لي جوه .. والواحد بيكون قاعد على الهبشة لكن بترجل بي الحميمة الحولينو وبستمد طاقتو من النس القريبين ليهو .. لكن لما كمان تجيب فراق صعب احتمالو .. بتتورط من غير ما تشعر بالذات البلد دي إذا ادمنت الصمت والاحتمال المتكرر .. وضرب الهم بالهم احتمال تبقى حجر .. يا تبقى حجر .. يلالا نخليها مرة كدا ومرة كدا .. لكن ح تسلك ..
لو تسافر دون رضانا بنشقى نحن الدهر كله ما بنضوق فى الدنيا متعه وكل زول غيرك نملو اقل حاجه تخلى سفرك حتى لو اسبوع اقلو وانت عارف نحن بعدك للصباح دايما نساهر
يا خوووضه .. والله انا برضو صحيت الصباح الليلة لقيته كابنها لي تحت المخدهـ قدرما قلبتها بي كل الاتجاهات ما ظبطت مشيت المكتب .. الوضع مرتب خالص ومافي فرفره .. جيت داخل البورد .. مشيت على اوضة الناس القاعدين لقيتهم كلهم مثاليين وبعدين المسالة مستفحلة فوجب اثبات الحالة .. .. يعني زي دي ما مكن اموت بيها براي .. دي زاته بتكون دناوه مني بس ..
.. يازول شكل اي حاجة .. الليلة اليوم ده مفتوح لي اي شئ
غــدي .. ياسلالالالالام.. ياخ .. الواحد لما يلاقي زول من دفعتو زي السافر السودان إجازة وجا شكرا ياغدي لي جيتك .. البورد ولي زيارتك لي بوست الجرسه ده .. ..
اليد بصيرة ياغدي كان ما كدا كان احتلفت بيك بي مزيكا كاربه .. لكن تكوني طالبانا ..
02-11-2006, 10:16 AM
tmbis tmbis
تاريخ التسجيل: 10-19-2002
مجموع المشاركات: 24862
تعرف ياعلي .. توارد خواطر عجيب جدا امس بالليل كنت بسمع في الاغنية دي .. او بالاصح انا قاعد اسمعه كل يوم بالليل خالص .. من ما جيت البلد دي وما حصل كملتها لحدي الآن كلما اصل للصولو بتاع الكمان .. بقفل الجهاز وبقول لي محمد الأمين خلاص .. شبعت والغريبه .. قبل سنوات ظروف عمل جمعتني بي واحد مصري كان بيقاسمني السكن .. بيصحى المصري من الصباح وبيخت البشكير في كتفو وطالع على الحمام انا بكون صاحي ( نص كم ) المصري بيكون مجهز قلنا ما ممكن تسافر ( وبيصطبح ) بي محمد الأمين . تخيل ؟؟ لما يصل لي المناطق الحساسة دي .. بيقوم بيضرب الجهاز بالبشكير طااااااخ ويصرف كلام كتير جدا لي محمد الامين .. انا عملتلك ايه يا محمد من الصبح .. انا الاقيها منك والا من الست اها انا في البرنامج ده يومي .. وكنت مقدر للزول ده حاجتين زعلتوز البتفشاها في جهاز الاستيريو .. واحساسو بي سخونة السفر .. طبعا المنظر مضحك لكن انسانيا كدا كنت بتضامن معاهو .. علشان كدا فكرة السفر دي حارة جدا ..
غايتو
الله يجازي الكان السبب ....ويصبرنا
02-11-2006, 05:45 AM
Soumeta Soumeta
تاريخ التسجيل: 10-17-2002
مجموع المشاركات: 1733
سو .. مي تـــــــــا.. .. ياخي الواحد اليومين دي بقى عامل زي الكمنجة الفاقة في نص الاوركسترا أو الزول الاشتر في نص الرقيص الناس في جهة وهو في جهة .. الغريبة كنت بغني لي نفسي زي الترتيب .. ومقتنع ب اني محمد وردي بقيت فارق عديل كدا ..
فارق ياسمسم
02-11-2006, 06:01 AM
JAD JAD
تاريخ التسجيل: 02-05-2002
مجموع المشاركات: 4768
يا جـــاد .. ياخ اكتر حاجة مزعلاني .. صورتك وأنت منشرح وفاكي آخرك طبعا دي ما بتكون شفتها لانو اللحظة الكنت فيها محلق على انغام ساطور وصلاح الباشا كانت الكاميرا راصداك .. حرضت عليك لحظته عمران وقلت ليهو امسك لي الزول ده ، شان ما ينكر بعدين .. وإذا لقيتو في اي ( دواس ) ( ظلامي ) انزل افرقع ليهو الدواس بي صورة مساحته اتنين وعشرين كيلو بايت.. الجايات اكتر من الرايحات .. طالما عرفنا ليك درب وطلعناك وشتتنا ليك موية السكر .. واحد من الجماعة الساخرين قال لي يا تمبس .. جاد طلع ما جاد نهائي .. والله ياجاد من أجمل التفاصيل يوم الحفلة ، لمتك أنت والعزيز شدو بعد معارك طاحنة وحرب النجوم الكنتو شاننها ..
.. الحلول الاتنين يا ابوجهينة .. ضاربات .. ساطور لما يحتل ، اجدع غطاس ما بلقاهووو .. وبخور التيمان المجربين المحنكين قالو بيحتاج يتكسر بي ( بخرات ).. وهنا ( البروبليم ) لانو لما تحول من صنف لي صنف كارثة .. من فترة مدمنين على صنف محدد .. قبري ( مسكول ) يا ابوجهينة كان شبكت فيهو .. صدقني بيفتح لي الحلقة دي وبدق خروج نهائي .. نحن صعبين
02-12-2006, 03:10 AM
tmbis tmbis
تاريخ التسجيل: 10-19-2002
مجموع المشاركات: 24862
و الله يا تمبس يا اخوي حالتك صعبه شديد بتذكرني بزول هناك قولت سلام تبقالوا روح وحالتك وحده من 2 1- يا مكسر ودي العوجه زاتا 2- مفلس ودي اي كبر عوجه يا زول تعيش وتخد غيرا
02-14-2006, 02:43 AM
tmbis tmbis
تاريخ التسجيل: 10-19-2002
مجموع المشاركات: 24862
ايهاب ( ابعــاج ).. المراحل دي اتجاوزناها وبقت ( دقة ) قديمة الدشدشه حاصلة: وقعت من راس البيت قبل كدا وكسرت ايدي ، وعندي اربعة ( قرز ) بي ربطة المعلم في نص الراس تقريباً ما ليها علاقة بي الدشدشه الفي بالك .. اما ( الفلسكاب ) حسع كان قلت ليك ( ارقعنا ) بي عشرة الف دولار بتعمل لي مجنون
صاح ؟؟ وقس على ذلك..
اي اقتراحات بخصوص بندك الأول ؟؟ والا برضو ح تقول لي مفلس ؟؟
02-11-2006, 06:24 AM
فيصل نوبي فيصل نوبي
تاريخ التسجيل: 09-16-2005
مجموع المشاركات: 14194
ربما سيدنا عبد الله الكسعي يفسر هواجسك .. كما كان في حديثه الطويل والشيق مع فاطنة بت جارعودي .. عندما جاءها في المنام سيد الدكان .. ورمى عليها الطلاق .. فضربت ( سدرها ) وقالت وووب علي يا بت امي شفتي جنس الشبك دي .. ذكر لها اللواء الكسعي بأن سيد الدكان مفعول به منصوب .. ولازم تديهو قروشو بتاع جركانة الزيت ( الحنكتو ) ليها .. ونصحها أن تبطل ( كتل ) الرموش .. وجديع ما يلزم جديعو قدام سيد الدكان .. وبأن هذا الشخص ( حيديها ) شلوت المرة الجاية .. والطلاق في الحلم يعني شلوت .. وفي احسن الظروف .. كفين وبونية ..
وربما اللون الاحمر في كتاباتك ( ينم ) وركز معاي علي ( ينم ) دي .. لانه مصدرها ( نمة ) .. و( نمة ) و ( نمة ) بتعمل نيمة .. ينم عن خطر من ( درجة عالية ) .. اعلي من برج التجارة الدولي .. لانه وكت الضربة كانت درجة الخطر في ( البرتقالي ) .. وفي أحسن الاحوال .. احساس بالحوجة الماسة لعصير روزانا ( يكون معمول في جردل زنك ) ويا حبذا اذا كانت هذه الروزانا علي الضفاف النيل .. في العتبة السبعتاشر من المخرج الشرقي لمسجد النيلين ( علي مشاهدينا في الاقاليم مراعاة فروق المعرفة ) او كباية كركدي .. في المحطة الوسطي بحري .. مقابل سورج للعماري الممتاز .. و أيضا علي مشاهدينا في الاقاليم ألتزام المسار الايمن .. ( صورة شاحنة وسهم لفوق ) ..
ولا ياربي الترزي الناصية .. يكون انتهى من الفستان .. !!!!
02-14-2006, 04:28 AM
tmbis tmbis
تاريخ التسجيل: 10-19-2002
مجموع المشاركات: 24862
الإبن حميدة.. وجاء في الاثر الرجعي برضو أن اللون الاحمر ( مبالغة ) لما تكتب بيهو بدون ماتتخنو.. وان الكثير من العواطف الجياشة في لحظة انفراطها بتعمل زهول لحظي مما يؤدي بدوره إلى عدم الثقة في النفس .. عندك مثلا ( جابر ) ، لما كان برلوم في الجامعة لحدي سنة تانية كان احسن واحد ( بيبرم ) شعرو وبلبس قمصان بيضاء ( بي كم طويل ) ( ولا مؤاخذه ) مركوب جنينة يا ( شدة ) سوداء بيطقم بيها مع القميص الابيض ولذلك انتهت حقبة زمنية محددة من الصراعات انتصر فيها ( سواق اللوري ) علي ( سيد الكارو )ودنقر السهم ( لا تحت ) وعمل فيها ( تفتيحه ).. ..
بعدين انا شاكي أنو كلامك الفوق ده منقول
02-14-2006, 03:43 AM
tmbis tmbis
تاريخ التسجيل: 10-19-2002
مجموع المشاركات: 24862
تعرف حالتك دى ذكرتنى قصة الولادة فى السودان,يقال انو و النسوان فى عز الضيق و" الله لى " الدايات بيقولن ليهن "لمن عملتوا ما عارفنو حار و صعب كده" انت لمن عملتوا كنت قايلو شنو يا اخونا اركز و كتر لينا من "الله لى الله لى "
Quote: امشي الحمام يا تامبا..
الولد ده دايما ملافظو عجيبة كيف كيف فعلا صاحب خدر
02-11-2006, 07:58 AM
يوسف السماني يوسف يوسف السماني يوسف
تاريخ التسجيل: 12-10-2005
مجموع المشاركات: 3838
لا.. تنكأ الجرح القديم فإننى ودعت ليلاً مظلماً و ثقيلا و حملت.. روحى فى فؤاد نازف مازال يحمل نصفه مشلولا الأخ تمبس من مصيدة الفراش، لهنا أوصيك بفكى كارب بياضه نملة عرجاء، وديك أطرش الفكى إسمه أبوعصاية الشرب السادة و خلى اللبن فى الكباية ما خترى بالله! سألوه الحيران دا شنو يا شيخنا ، قال لحظة رفع الكباية جاه إحساس إنه البقرة الحلبو منها اللبن مسروقة.عشان كدا شفط الشاى الأحمر براه(فلتر وكده) ربنا يزيل الغمة يازول و لك المعزات،،
02-12-2006, 02:49 AM
صلاح الدين عبدالله محمد صلاح الدين عبدالله محمد
تاريخ التسجيل: 01-02-2005
مجموع المشاركات: 1403
مشهد:ــــ (لساتك جوار عمود واحد كدة مدنكل سفه كبيره وبيقول (القون ماصيح اللاعب سارق)واثنين جالسين على الارضكل فوق شبشبه بجوارهم تمبس جالس وهو يرتدى سفنجه (وجه سارح بعيد بيعاين للدكان فى الركن المقابل لجلستهم)
02-12-2006, 04:05 AM
محمود بكر محمود بكر
تاريخ التسجيل: 10-25-2005
مجموع المشاركات: 763
يا عموو محمود بكر .. انا ح افطفط الناس دي كلها وبرجع ليهم تاني .. عارف ليه ؟؟ علشان حاجتين ، أول حاجة من ما شفتك بتعرض في اكتوبريات صلاح الباشا مع ساطور في اليوم داك طوالي عرفت انك خبرة ومن النوع الممكن الواحد يتكلم معاك في حاجات كتيرة .. الحاجة التانية .. عرضك مغري جدا .. مع انك عايز تجرجرني ولذلك ح اتوكل على الله واقول ليك أنو . التكتيكات اختلفت .. والباب بقا يتفتح بالروموت كنترول غايتو انت وخبرتك .. ياورطني .. يا ورطني زيادة
وبدون زوغان ..كــدا .. خليني افكر في الموضوع ده تاني
02-12-2006, 05:46 AM
Emad Abdulla Emad Abdulla
تاريخ التسجيل: 09-18-2005
مجموع المشاركات: 6751
أُمـــــــــــككككك .. جابت ليها كمان ( يا عمو محمود ) .. و ( عرفت إنك خبره ) .. و ( الواحد يتكلم معاك في حاجات كتيره ) .. أيواااااااااااا .. دقيقة بسسسسس ... أربعة وستين زايد تلاتة يساوي تمنية واربعين على ستة يكووووون تسعة ناقص ممممممممممم يساوي ههاهمممم .. على أربعتاشر يكووووون
تمبس .. الييييييييله والليييييله
ياربي ده يكون ( عمو ) محمود ولاّ ( حمو ) محمود ؟؟؟؟؟؟؟؟؟؟؟
أها .. أنا بره لمن تقع على قدومك و تعال بعد داك اتشبك فيني .. خليها الـتـ ( تِم )( بَسْ )
02-12-2006, 06:14 AM
محمود بكر محمود بكر
تاريخ التسجيل: 10-25-2005
مجموع المشاركات: 763
؟؟؟ تمبس .. دقيقه بس ......... العزيز محمود بكر يا زول إنت قصدك محمود بكر محمود بكر !!!!!!! .. ولا زول تاني ؟؟؟ طبعا البروفايل أصلو ما عندو علاقة بيك .. عشان كده اتلخبطت فيك ..
على أي حال كتر خير تمبس ..
يااااااااه يا محمود .. كأنها عشر سنوات من فارقت ناس الرياض .. شوق شديد شديد .. وتحياتي لكل البسأل تلفوني : 5686403 974 + وبت أختك تمام .. لكن كبرت طبعا ههههههههههههه .. و العيال بألف خير . ........ تمبس .. مع محمود ده .. غمض واقع .. .. وبرضو أنا بررررررررره
02-12-2006, 09:37 AM
ابوعسل السيد احمد ابوعسل السيد احمد
تاريخ التسجيل: 12-12-2005
مجموع المشاركات: 3416
برضو في نفس ركن الشارع و تحت نفس عمود النور. الوقت يا هو زاتو. دقلش بيتكلم عن لوري الحطب و حطب الدخان و إنه بكرة ما حيمشي الخلا. بالعكس حيقعد يشوف الحاصل شنو في السوق الشعبي.. طبعا دي جدعة كدة من قريب عشان اليومين ديل ود بولاد بعد ما يصحى متأخر كعادته و يفطر يدقش السوق الشعبي بعد ما يمر على أشرف الحلبي.. يقرو الجرايد و محتلين بنابر ست الشاي الما بتغبا دقلش بتاع لوري الحطب و حطب الدخان. جكي بان شايل فوطتو و يتمر في هيثم مصطفى كالعادة"قوم كدة بالله! ده البرنس دا سيدا". و لسه الجيو بيصلح في الفول من عند الساحر ماحي الزين مقطاع الشارع. أنا قلت فول؟ دي فتة. و ما همانا تكون كيفن. جكي بان بيكورك للجيو"خلي الماحي يكتر ليك موية الجبنة و الزيت، يا مبارك" و أقول ليه بعد ما أشاورك يا تمبس"خلي البصلة تكون كبيرة و ما تقطعا صغارة شديد"بولاد يشيل و يقرقر ساكت و الجماعة بيسألوه عن الامتداد و الإدارة و المباريات الجاية. ما بينسى يشيد بالكاهن ود الحبوب الشايفنو جاي يلحق الفتة. يقرقر و يسلم عليك. لا حولا ! الشايقي دا ظهر من وين كمان؟ قبال ما يقعد كويس جكي بان يقول ليهو" جيت في وقتك يا حاقد" أشرف يعاين ليهو و يقول كلمة واحدة بس"حقد!" "أخبار كنانة شنو يا ود أبيض؟" سؤال طابش من منو و لا منو. و"بكرة يا جماعة خاشين السنما"ما تغشك حكاية السينما دي يا تمبس. بنمشي نتونس جوة و ما عارفين الحاصل شنو في الفلم الهندي لحد ما الجلو يبدا " دق ال..دا . أيوة كسر لي ال...دا" و الناس يلتفتو علينا بحقد لأن الخاين كان بيدق في البطل. و بعد كدة نرجع لي ونستنا و أستاذ حسن يحكي لينا عن أيامو في الهند. يا تمبس بعد الفتة بنلمها و نلتقا عشان نتم قروش الفتة. و ما حيخلوك تدفع عشان إنت ضيف الدكتور. بعد دة ما شين مظلة المرحوم صلاح عرموط في لفة ميدان النسر. حتموت من الضحك لأن فلاغش"الفاتح كبسور" حيسلم و يقول "ديشاااااك يا لموق!" بعد دا يقول لي ود أبيض" ما تفكسسا يا حاقد" في إشارة إلى السجارة لزوم التخميس و كدة.
مالك يا تمبس مهيج علينا الأوجاع دي؟ ما براك يا أنيق
بوعسل أبوعسل
02-12-2006, 10:10 AM
humida humida
تاريخ التسجيل: 11-06-2003
مجموع المشاركات: 9806
ربمــا.. مع مرور الزمن نصبح مثل الالة .. أو كذلك ( تجم ) عبارة ( حبوبتي ) الذكية لمصطلح التبلد او الاحساس المتاخر ، آلة في شكل كومة اسلاك ودوائر الكترونية بداخل صندوق حديدي ، مصدر تغذيتها قابس ، لاتعمل إلا بعد إجادة توصيلها بمصدر الطاقة وكبس زر التشغيل .. لمراجعة سعتها التخزينية ، وهاردسكها بشكل دوري ، وكل حزمات ضرورية لمواكبتها. ( ثم أين انت .. يا طاقة ( روحية ) يا ( محركة ) السعة التشغيلية ) يا ( كهرباء ) ؟؟ مشتاق ليك بين ( قوسين ) .. أو اكتشاف محض صدفة يقنعني بانني اصبحت اشبه باي آلة أخرى مصدر للصوت العالي جدا .. لكن اصبحت دون علمها ( الآلة ) ترسل ضجيجها ( كاتم صوت ).. تراقب ، تكتم الاحساس وتؤجله ، لتتفاعل معه في غير موضع ، غير زمان ، غير ( مناسب ) ( تفيد بأيه ..أيه يا ندم .. يا ندم وتعمل أيه يا عتــاب طالت ليالي الآلم .... ) .. في كل حال من الأحوال ( في ) الحالة الأولى .. ربما حان وقت ( الابديت ) ومراجعة ( الرامات ) أو الفرمطة الكاملة من دون الدخول إلى ( لوحة التحكم ).. .. أو في الحالة الثانية الاحساس بطبيعة الاشياء لحظياً .. دون مؤاربة حيث لا يحتمل التأجيل إلى الغد..
الاحتمالات مفتوحة .. ( فالقابس ) في وضعه الصحيح .. ملفات في طريقها إلى الحفظ وأخرى تم ترحيلها انسانيا إلى سلة المهملات ..
02-13-2006, 01:57 AM
Emad Abdulla Emad Abdulla
تاريخ التسجيل: 09-18-2005
مجموع المشاركات: 6751
تحياتي الحقيقة بوستك هذا اجبرني على التعليق بعد غيبة طويلة كنت فيها اكتفي بالمطالعة فقط
على كل من خلال بوستاتك بعد رجعتك اتضح انك مصاب بمرض خطير جدا هو(مرض حامد) وحتى اشرك الجميع في هذا الامر سافرد بوست خاص لهذا المرض يشمل ماهو ,اعراضه ومن يصيب واهم حاجة من المصابين به في هذا البورد علما انه يصيب الجنسين على قدم المساواة ..... انتظروني
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
tmbis
Muna Khugali
محمد خليل إسماعيل
ودقاسم
ALGARADABI
قرشـــو
Mohamed Abdelgaleel
جرسه شديده 
Soumeta
JAD
ابو جهينة
ايهاب نميري
فيصل نوبي
humida
Emad Abdulla
Gaafar Ismail
ahmed haneen
saif massad ali
يوسف السماني يوسف
الملك
بلدى يا حبوب
يوسف الولى
انعام عبد الحفيظ
عبدالرحمن عزّاز
صلاح الدين عبدالله محمد
ابوعسل السيد احمد
خدر
AlRa7mabi
زول ساكت
Rasha Hatim
عمران حسن صالح
أبوذر بابكر
فيس بوك
تويتر
انستقرام
يوتيوب
بنتيريست