|
Re: خ 11 (Re: willeim andrea)
|
وليم أندرية تحياتي ومتعك الله بالصحة والعافية تعرف يا مان الحكاية فيها نوع من العدالة في توزيع الثروة والقوة يعني يديك قروش كتيرة تقوم تأكل أكل تيك أوي ما معروفة مكوناته بالرغم من إنو طاعم ومغري شديد ومرتب تقوم تمرض وتتعالج وتمشي الدكتور ويلحس نص قروشك وتبقي حياتك حبه عند اللزوم وحبه بعد الأكل وحبه بين الوجبه والوجبه. لكين ناس حداشر خاء ديل لأنهم مفلسين ومزعمطين وما عندهم عشان كده لمن يأكلوا بيأكلوا موية فول وفيها موية جبنه غارفنها من صفيحة قاعدة في الدكان ودرجة حرارة الدكان لا تقل عن 40 درجة مئوية والصفيحة مكشوفة وفاتحنها بي سكين والجبنه من المواد سريعة التلف كما تعلم وممكن حاجة زي دي توديك حمد النيل أو أحمد شرفي وفي أحسن الأحوال حمد وخوجلي لكين لأنو ناس حداشر خ ديل ناس ضارباهم الشمس وضاربهم الزمن ودفير المواصلات ونكد البيت وقلة الحيلة وصبر أيوب كان لازم يكونوا بهذه القوة الرهيبة معدة تهضم الزلط عديل كده. مش قبل كده لموا شوية شماشة وأدوهم أكل صحي يعني نضيف شوية قاموا مرضوا كلهم لأنهم إتعودوا على أكل الكرته ومن براميل الزباله عديل ده. نحن أبداً ما ضد التغيير والتطور والرقي لكين كل تطور وليهو آثار جانبية سالبه ، يعني الخلي أب قروش كتيره أب كرشه ده يمارس الرياضه ويدفع عليها قروش ويفشل في معظم الأحيان هو إنو إتعود على الراحة الأكثر من اللزوم أما أب عصيبات مدمن الكداري ويا عم قدام فهو شديد وما عليهو غير الفلس ويعاين ليك في الشمس في رابعة النهار وبدون نظارة شمسية. أنا غايتو لمن قريت موضوعك ده أكتر من مرة عرفت إنو الإنسان لازم يعملوا ليهو شئ ناقص عشان يعرف إنو إنسان وعبد ذليل فقير إلى الله وأن عمره في هذه الحياة الدنيا ما حا يكو زي عمر قوم سيدنا نوح - عليه السلام - ومع ذلك تلقاهو يلفح من هنا ويكتل بي هنا ويأكل حق الغير ويظلم ويحكم وهي في الآخر زي ما بقولوا إبتلاءات - بس ما زي إبتلاءات ناس الإنقاذ التي إبتلانا الله بها - نسأل الله اللطف.
|
|
|
|
|
|
|
العنوان |
الكاتب |
Date |
خ 11 | willeim andrea | 04-19-06, 04:29 AM |
Re: خ 11 | willeim andrea | 04-19-06, 05:13 AM |
Re: خ 11 | luai | 04-19-06, 05:19 AM |
Re: خ 11 | willeim andrea | 04-19-06, 05:20 AM |
Re: خ 11 | willeim andrea | 04-19-06, 05:35 AM |
Re: خ 11 | سفيان بشير نابرى | 04-19-06, 06:06 AM |
Re: خ 11 | willeim andrea | 04-19-06, 06:19 AM |
Re: خ 11 | فيصل محمد خليل | 04-19-06, 07:31 AM |
Re: خ 11 | willeim andrea | 04-19-06, 07:46 AM |
Re: خ 11 | willeim andrea | 04-19-06, 08:05 AM |
Re: خ 11 | almulaomar | 04-19-06, 10:17 AM |
Re: خ 11 | willeim andrea | 04-19-06, 10:52 AM |
Re: خ 11 | willeim andrea | 04-22-06, 10:31 AM |
Re: خ 11 | willeim andrea | 04-26-06, 06:16 AM |
Re: خ 11 | willeim andrea | 05-01-06, 07:18 AM |
Re: خ 11 | فيصل محمد خليل | 05-01-06, 10:37 AM |
Re: خ 11 | willeim andrea | 05-03-06, 06:30 AM |
|
|
|