|
Re: ليلة سوداء فى الدار البيضاء (Re: ALHALAWI)
|
العزيز/ عامر تيتاوي
سلام يازول يا حزين
و الله يا عامر يا اخوي و ما طالبني حليفة ... اذا ختيت الرحمن في قلبك ما بتحزن لناس الهلال و لسبب بسيط للغاية هو انه الناس ديل حكايتهم مع كرة القدم مثل حكاية الزول البسيط العنده تربيزة خضار في السوق ... يخرج مبكرا الي السوق عشان يشوف رزقه ... فتارة يجيء مبسوط و قفة ملاحو مليانة و شايل ليه بطيخة او شمام و احيانا يجيء وجهه مكفهر و زعلان و بيشاكل ناس البيت من غير سبب لان السوق ضربو في ذلك اليوم و خسر جميع الطماطم و العجور ... الخ ... هذه هي حال كرة القدم في السودان و في الهلال باعتباره فريق (كبير) في السودان و عنده جماهير يقال لها جماهير الصين الشعبية ... الذين سينسون خسارة الهلال حتي بعشرين هدف من فريق كبير مثل الرجاء البيضاوي لو ان الهلال فاز علي المريخ بواحد صفر ... و حتي (الجهاز الفني) و (الاداريين) كل هؤلاء عاوزين يكونوا قاعدين في (القيادة) بس عشان يهزموا المريخ ... و بمعني بسيط يا عامر يا اخوي الشغلانية لا تتعدي كرة رزق اليوم باليوم او رزق المباراة بالمباراة... و كمان اسع (القيادة/الزعامة) في الهلال بقت قبائل ... و عندما تكون رئيس للهلال معناها انت اسهمك في القبيلة ارتفع و اصبحت وجيها في الدنيا و في العالمين ... حتي لو كنت لا تعرف تفرق بين الكورنر و ضربة الجزاء... عشان كده يا عامر هون علي نفسك شويه ... و الجماعة ديل لو فازوا كتر خيرهم و لو خسروا الياها المحرية فيهم ... ما لم تكن هنالك سياسات كروية تنتهجها الدولة مش تجار السوق العربي ... يعني الرياضة بمفهومها العريض تكون مجدولة عند الدولة لها ميزانيتها الكبيرة ... يعني ثورة رياضية بمعني الكلمة ... و الكلام ده مربوط بثورات في المجلات الاخري ... و ده بدوره بيقودنا الي العقليات التي تسيطر علي مراكز القرار في الدولة لازم تكون عقليات لها دراية بمفهوم الدولة نفسه مش واحد يكون مشير في الجيش و رئيس حزب و رئيس جمهورية ... هو ده شنو ... دي بلد ولاه اقوم جاري... يا عامر يا خوي و الله الشغلانية لا تحزن اقصد الهزيمة ... انما المحزن هو ما يجري الان في السودان من فوضي و في جميع مرافق الحياة ... شداد شنو و صلاح ادريس شنو ... الشغلانية اكبر بكتير مما نتصور... قلبي معك اخوك مشجع هلالابي و لكن متيقن شويه و ما عايز منهم الان غير اليقدروا عليه ... يعني كتر خيرهم و بارك الله فيهم ... هذا جهدهم ... الواحد فيهم بياكل في الويكة عشرين سنة و زيادة و بعد ما يسجلوا في الهلال يبقي ياكل المحمر و المجمر و بتكون فاتت فيه الرضعة ... يعني اكلوا تحصيل حاصل ... و الله يجري لمن يصل الكورنة عشان يعكس الكورة لسانو يطلع بره ... و ما تعرف كرعينوا من ايدينوا ... يعني لو شات الكورة بيدوا تقول الزول عمل دبل كيك ... يا عامر ارحم الناس ديل مساكين و الله مساكين و ارقد قفا يا زول الي ان يقضي الله امرا كان مفعولا ... عشان كده ان شاء الله بعد مائه سنة ضوئية الامور بتكون تمام التمام ... انا غايتو متفاءل.
|
|
|
|
|
|
|
العنوان |
الكاتب |
Date |
ليلة سوداء فى الدار البيضاء | عامر تيتاوى | 03-14-06, 01:16 PM |
Re: ليلة سوداء فى الدار البيضاء | Tragie Mustafa | 03-14-06, 01:26 PM |
Re: ليلة سوداء فى الدار البيضاء | عامر تيتاوى | 03-14-06, 01:37 PM |
Re: ليلة سوداء فى الدار البيضاء | Deng | 03-14-06, 01:29 PM |
Re: ليلة سوداء فى الدار البيضاء | عامر تيتاوى | 03-14-06, 01:52 PM |
Re: ليلة سوداء فى الدار البيضاء | khaleel | 03-14-06, 01:55 PM |
Re: ليلة سوداء فى الدار البيضاء | عامر تيتاوى | 03-14-06, 03:06 PM |
Re: ليلة سوداء فى الدار البيضاء | ALHALAWI | 03-15-06, 00:27 AM |
Re: ليلة سوداء فى الدار البيضاء | على محمد على بشير | 03-15-06, 01:00 AM |
Re: ليلة سوداء فى الدار البيضاء | برير اسماعيل يوسف | 03-15-06, 01:13 AM |
Re: ليلة سوداء فى الدار البيضاء | عامر تيتاوى | 03-15-06, 11:02 AM |
Re: ليلة سوداء فى الدار البيضاء | عامر تيتاوى | 03-15-06, 11:40 AM |
Re: ليلة سوداء فى الدار البيضاء | عامر تيتاوى | 03-15-06, 11:53 AM |
Re: ليلة سوداء فى الدار البيضاء | محمد ميرغني حسين | 03-16-06, 04:18 AM |
Re: ليلة سوداء فى الدار البيضاء | عامر تيتاوى | 03-16-06, 09:27 AM |
|
|
|