مساهمات سابقة في بوستات سجيمان.. مبادرة ذاتية توثيقية

Quote: العنصري الجديد بشاشا

Quote: ويبدو لي أنه من السهولة بمكان مكافحة مايمثله فرد ما من رؤى لا إنسانية بالصمت أوالنبذ أوالنفي ماديا أومعنويا. وذلك في مقابل صعوبة الارتقاء به وتبصيره سلميا بأشكال قصوره إن رأينا ذلك. أنا لا أعمل عبر هذا البوست (ياأخي العزيز) على تطبيع علاقة من نوع خاص أوإستثنائي مع سجيمان. بل أرى مستحضرا جوانبه المشرقة أن الحوار معه يمكن أن يعمل على تبصير موهبته بآفاق أكثر إنسانية

Quote: سجيمان لا تفوت عليه هذه النظره الراثيه و لكنه يتعامل معها بصوره ذكية و هادئه. فهو لا يريد أن يخسر تعاطف البرنس الذي يخوض لأجله مغامرة كبري يخاطر فيها بصورته كمثقف عضوي ينبغي أن يتجاوز دوره مجرد تشريح أزمات المجتمع و النظر إليها من علِ. إلي الإنخراط و الإسهام في معالجتهابشكل يومي و فاعل مازجا القول بالسلوك، متفاديا المغريات الظرفيه في هذا المنبر، كتقريظ المستفيدين من إحتراب المهمومين بنشر ثقافة الإستناره و العقلانيه. و مهتبلي الفرص.

Quote: هذا بوست ممتع، و أمتع ما فيه أن البرنس يتجاوزكم جميعا في تقييم كتابة سجيمان. و يتناولها كحاله تحتاج إلي تشريح و دراسة و نفاذ إلي ما يصدر عنه سجيمان من ثقافة و رؤي. إنه يتعامل مع سجيمان كحالة يخضعها للتشريح في معامل نظريات علم الإجتماع الفرق الآخر بين نظرته ونظرة الآخرين هو أن البرنس يري أن وراء ركام كتابة سجيمان ما يبرق و ما يمكن توظيفه

Quote: هذا بوست ممتع، و أمتع ما فيه أن البرنس يتجاوزكم جميعا في تقييم كتابة سجيمان

Quote: كل هذا البؤس الذي يسعى في المنتديين أطلقه بخور التيمان !

Quote: شغل كية لي نجاة

Quote: احسد البرنس على طولة باله و احس بكم الانسانية و الرهافة و الحساسية تجاه الآخرين فى كل ما يفعله

Quote: البرنس كل سنة وانت طيب يا اخوي.... قبال كل شي.... الناس البي تنضم معاهم ديل.... سياسين اكتر من انهم ادباء وكتاب ومفكرين ... وبتاعين تنظير.... ممكن جدا زول يكون كاتب مميز وعندو مقدرة علي الكتابة.. لكن زول نضمو وكتابتو عكس التيار بتاعهم... يجوهو ناطين... ويقعدو.... ينططو ويتفلفسو في الفاضي.... بالنسبة لي اللعبة مكشوفة.... واحلف لك بالله ما بتاثر فيني اي تاثير... مهما سكلبو وجعرو... وقعدو يتباكو....وعاملين فيها مثقفين.... يا اخي كيخ..... انا بعتبر الشيخ البرعي اعمق واكثر ثقافة منهم.... انا بعتبر فرح ود تكتوك مدرسة قوية وذات تأثير علي المجتمع السوداني اكتر من مدرسة كارل ماركس وانجلو....ولينين....ناهيك عن ثقافتو الاعمق من ثقافة ناس حمبرة وغناما....الحافضين نضم كتب الخواجات.... ودايرين يطبقوهو علينا... يا اخي تاني كيخ.....يا برنس سبب فشل اليسار في السودان.....العقول النتنة التي تمثل اليسار....المنفصمين.... تربية الحواري وابناء الفقراء.... العايشين في نعيم الراسمالية وقاعدين يشتمو فيها.... يا اخي كيخ تاني....سبب فشل اليسار اصحاب الطموح الراسمالي المتسلط وبياعين الافكار الشيوعية البالية.... اكل عيش يعني يا برنس اخوي...واكل العيش مافيهو مجاملة....فشل اليسار في السودان سببو اليسارين المتفرنجين.... الحافضين مصطلحات فارغة ساكت ويقعدو يتبوبرو بيها قدام المساكين... القاعدين ياكلو عيش بسببهم....اتحداهم لو واحد فيهم يسيب باريس ولاّ لندن ولا واشنطون ... ويمشي يعيش في القلقالة.. ولا... شلعوها الخوالدة.... يعيش مع الناس العامل نفسو بيدافع عنهم ديل..... يا اخي كيخ....اما الجماعة القاعدين يتاجرو ببلاوي ومحن مساكين السودان ديل خليهم ساكت..... ديل عشان يثبتو انو في السودان في عنصرية.... لازم يكون في مثال للعنصرية ...واختارو اكتر كاتب في النت السوداني له قراء.. وهو سجيمان المسيكين دا.... لكن القراء اوعى واقدر واذكى من بلداء اليسار والمتسولين باسم العنصرية.....يا اخي كيخ.... اما عداء المرأة... برضو نفس الحكاية... المتسولات باسم اضطهاد المرأة... برضو قالن امسكو في الزول الماعندو وجيّع دا....للمعلومية يا برنس واحدة من اكبر البيعتبرن انا عدو للمرأة... جابت بنتها الوحيدة السودان قبل خمسة سنوات تقريبا وطهرتها طهارة فرعونية نضم من مصدر اثق فيهو كل الثقة.... يا اخي كخييييييييييييييييييييييين......اما الضكور المدافعين عن المرأة..... برضو من مصدر موثوق..... فيهم واحد لما يسكر يمسك مرتو يدقها دق العيش.. ويوقفها انتباه للصباح او لحدي ما السكرة تفك...... ياخي مليون كيخ......يا برنس يا اخوي ديل بياعين كلام.....و.....السلام