ناس حلتنا ازييكم الغائبين ديل حبايبنا الليهم مده ما زارو الحله والمتغائبين ديل زي ناس رقم صفر كدا يعني نشوف اساميهم اون لاين لكن مساهماتم غائبه عن البورد
في ناس كتار فعلا انشغلو لظرف او لاخر زي ما حصل معاي لكن هل ممكن انو الشي دا يحصل في نفس الفتره لي الكميه دي ملاحظ انو في اعزاء كتار طولو كتير من المشاركه حتى الزول زاتو ابو لسان بقى يظهر مره مره ابو حراز بلير كلو كم شهر بظهر مره و يختفي رقم صفر اها انت مالك ورينا زي العندك نظريه كدا ام التومات بت الاحفاد ام در
و ناس كتاااااااااار لما جينا البورد كان عامر و مليء بي مساهماتم هل هو الملل؟ما اتمنى ذلك هل هي الدبرسه و حكايه ادمان البورد قلت ولا هي المشغوليات ولا شنو اوكي في ناس قالو مشو يعرسو و ناس عندهم امتحانات وكدا لكن برضو في شي ما مفهوم احتمال عشان العدد بقى ما شاء الله كبير يعني فعلا ممكن الزول حتى ما يلقى وقت يقرا كل هذ1 الابداع و خصوصا انو البورد اصبح فوق ما نتمناه والله يضم فعلا الخيره من المبدعين ما تخافو وانتا بالزات يا بكري والله انا عيني بارده لكن عايز افهم يمكن الواحد لما يغيب شويه و يجي راجع راسويضرب و عايز وقت عشان يعرف و يفهم الجا منوو الفات منو وفات و وين وليه والتغيرات الحصلت شنو والناس وصلت لي وين في شنو
المهم مرحبا بي كل من سكن حلتنا مؤخرا و عايزين نشوف الغائبين منوريننا من جديد كل الود والتحايا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ايهاب
فيس بوك
تويتر
انستقرام
يوتيوب
بنتيريست