|
Re: فضيحه هزت القصيم بأكمله بالسعــــوديه (Re: albagir altahir)
|
دى ما فضيحة للزوجة دى ، دى فضيحة لمجتمع كامل بحاول بكل جبروتو ان يحجب المراة من التعرف على حريتها وبيدعى الكمال تحت ستار الدين وبفرض على العالم انها تتعامل معاهو على اساس انه مجتمع فاضل
فى الندوة الاتقدمت فى منتزه الرياض لبورداب الخرطوم الشهر الفات، اعجبتنى نقطة اوردها هاشم صديق، وهو ان الخرطوم من الخارج تتراءى طاهرة ونقية بعدد جوامعها وعدد الآيات القرانية المعلقة فيها وبكمية الوعظ الدينى البتقال فى وسائل اعلامها، لكن لو رفعت القشرة دى تلقى مؤسسة الاخلاق دى كلها منهارة، وبنات ورجال اغنياء وكميات من الاعيب والقصص المؤلمة بتدور وكمية من الايدز ما قادرين يعلنوا عنه حتى.
والحال برضو بنطبق على السعودية ، كل ما يزيدوا فى غرورهم الاخلاقى ويضربوا مزيد من علامات التحفظ والمحافظة، كلما انزلق الناس فى اللعب بالضنب، ودة حال الانسان الضعيف، وما فى مالك ليوم الدين غير ربنا، ما يكضبوا عليكم
اتمسكوا باخلاقكم السودانية الجميلة الاتعلمتوها من ابواتكم واماتكم وانسوا المتسلطين ديل ، راس الخيت رايح ليهم
وربنا يحفظ الجميع
|
|
|
|
|
|
|
|
|