|
Re: حنتوب الجميلة (Re: قرشـــو)
|
الاخ قرشو محمد عبدالحليم هو الذى فى اليابان اما ان كنت تقصد الطبيب محمد الكارب فهو يعمل بمدينة الرياض بالسعودية تحياتى و تحيات حنتوب
| |
|
|
|
|
|
|
Re: حنتوب الجميلة (Re: قرشـــو)
|
المحير بوبي يا قرشو انو ليه بس حنتوب هي الوحيدة البتترك بصماتها في وجدان من درسوا فيها .. يعني حتى الجامعات لم تستطع أن تكسب هذا الحب من خريجيها كما كسبت حنتوب .. الحكاية دي فيها سر .. و انا قايل السر جاي من قهوة هباني .. و سرقة التبش من البقر (بضم الباء و فتح القاف) .. و السرب للجوافة في جناين الحكومة
| |
|
|
|
|
|
|
Re: حنتوب الجميلة (Re: قرشـــو)
|
يا عزيزي يا قرشو .. و الله انا قايل الناس كلهم بعرفوا البقر (تاني بضم الباء و فتح القاف) .. و بعدين انا كنت عاوز اسال بعد ما عرفت انو حنتوب قلبوها كلية بتات .. هل مازالوا يحتفظون بـ "جمال أبوللو؟) .. الجمال الكانت بتجي الصباح ديك و شايلة العطور .. و بمناسبة جمال ابوللو دي .. اتذكر مرة استاذ عبد الرحيم الرجوبة "بتاع" التربية الاسلامية بتكلم عن مصعب بن عمير و قال انو كان فتى صبوحاص وسيماً يحب العطر .. و كان اذا مر بمكان تشم رائحة عطره الى مدى اسبوع .. فقام واحد من الطلبة قال "هاها اصلو بقى أبوللو" .. و هنا يا قرشو أنا قلت استاذ عبد الرحيم الرجوبة "بتاع" التربية الاسلامية .. و هنا ينحشر لقب استاذ احمد بابكر ... كجكجكجكجكااااج
ابقى عافية
| |
|
|
|
|
|
|
Re: حنتوب الجميلة (Re: قرشـــو)
|
انا من حنتوب؟ انا حنتوب زاتا يا قرشو يكفى ان اقول لك ان منزل جدى رحمه الله لازال صامدا هناك فى الحلة وان منزل امى و ابى هناك ايضا انا اسامة الخاتم عبدالله وولدتى هى سكينة الخليل الكارب يعنى محمد الكارب هو خالى لزم و الوحيد كمان هل من مزيد تحياتى
| |
|
|
|
|
|
|
حنتوب (Re: قرشـــو)
|
بعدت المسافه بيننا وبين اولئك العملاقه من خرجي حنوب و وادي سيدنا وغيرها من تلكم المؤسسات العملاقه اولئك الذين كانوا ذخيرت حقيقيه لهذا الوطن واصبحنا الان مع اجيال الشهادات العربيه فليت غدا يعود
| |
|
|
|
|
|
|
Re: حنتوب الجميلة (Re: قرشـــو)
|
حنتوب كانت حلم بالنسبه لى لما امتحنت الشهاده والكلام دا كان لما كتلو الولد البرلوم فى الداخليه
بالمناسبه صاحب الاغنيه هو الخير عثمان وليس عبد الدافع وشكرا يا قرشو
| |
|
|
|
|
|
|
Re: حنتوب الجميلة (Re: قرشـــو)
|
الاخ الفاضل قرشو التحايا لك وللكل ابناء حنتوب الجميلة المصادفة الجميلة انني برلوم حتى في البورد فانا لاول مرة ادخل للبورد بعد جهد جهيد فاذا اول موضوع اتفاجا به امامي هوحنتوب فنحن دفعة الشوم على هذا الصرح والحمد الله انو الواحد يفتخر بانه خريج هذه المدرسة واقول بانني برلوم لانيي اخر دفعة امتحنت من حنتوب عام 1993 ولكن من ينسى تلك الايام من ينسى ود عدلان (كلية المعلمات والتي تفاجات بان الكثيرين الذين رد عليك كانوا بداحلية عدلان و التحية لود ضيف الله والمك ،النجومي،الزبير،عنجة،ابولكيلك،دقنة،جماع، والتحية للاستاذ الفاضل ابو شورة والذي يعمل حاليا مديرا للتعليم بولاية شمال كردفان والتحية للاستاذ عوض الكريم اخر مدير للمدرسة للاساذ عصام كباشي و الاستاذ الركز ويوسف بهلة والتحية لابناء دفعتي من اطباء و مهندسين و اساتذة وعلماء في اي مكان من هذا الكون و اقتر ح للاخوة خريجي حنتوب بان تكون رابطة للموجودين بالبورد لابناء وخريجي حنتوب وقد تكون نواة لرابطة اكبر تضم كل الخريجيين وهذا القليل من الكثير الذي قدمته لنا حنتوب ولكم خالص التحايا البرلم العدلاني
| |
|
|
|
|
|
|
Re: حنتوب الجميلة (Re: قرشـــو)
|
العزيز الراقي جدا لأنك حنتوبي قريشو أنا عشت 13 عاما في حنتوب ودرست الابتدائية في مدرسة الأولاد لأن مدرسة البنات كانت بعيدة علينا وكنا كل يوم نمر بأبآءنا في المدرسة الثانوية ونجلس في الأول في النادي بالقرب من داخلية أبولكيلك إلى ان جلدنا أستاذ يوسف ابو الفصل بتاعنا في الابتدائي وقال لي تاني ما تمشي نادي الاولاد ولكني ما اشتغلت بيهو وكنت بمشي لأن اولاد دفعتي كانو يذهبون وما ممكن انا ما أمشي طبعا أخي قريشو أنا بنت الأستاذ عبدالحميد العباسي وكان نفسي أعرف روز بت منو؟ لو عايزني أكتب عن حنتوب فسأبدأ الآن وانتهي بعد 18 عاما فهل انت راضون؟ حنتوب؟؟؟!!! أول يوم جئنا إليها كان ليلا وكنا نركب البنطون ويحملني أبي على كتفه فسألته بصوت خافت: أبوي دي الجنة؟؟؟ حقيقي كنت أظنها الجنة ولما عشت فيها وكبرت عرفت انها الجنة التي خرجنا منها لسبب نجهله جميعا حنتوب؟؟؟؟!!!!! أول مكان علمنا القراءة والتأمل وأن نحيا في عالم جميل جميل جميل
لا... أن ذلك لا يمكن ان تحتمله صفحات، فحبي لحنتوب هو الهواء الذي يملؤني حتى الآن وإذا ما انتهى هذا الهواء فسأموت بلا شك لقد زرتها عام 2001 ودخلت بيوتها بيتا بيتا ووجدت المدرسة أصبحت مسخا من مسوخ الانقاذ بالمناسبة عندي ما سيربطني بحنتوب طول العمر فوالدي رحمة الله عليه مدفون بها.. أفلا يكفي هذا؟؟؟؟
| |
|
|
|
|
|
|
Re: حنتوب الجميلة (Re: قرشـــو)
|
العزيز الراقي جدا لأنك حنتوبي قريشو أنا عشت 13 عاما في حنتوب ودرست الابتدائية في مدرسة الأولاد لأن مدرسة البنات كانت بعيدة علينا وكنا كل يوم نمر بأبآءنا في المدرسة الثانوية ونجلس في الأول في النادي بالقرب من داخلية أبولكيلك إلى ان جلدنا أستاذ يوسف ابو الفصل بتاعنا في الابتدائي وقال لي تاني ما تمشي نادي الاولاد ولكني ما اشتغلت بيهو وكنت بمشي لأن اولاد دفعتي كانو يذهبون وما ممكن انا ما أمشي طبعا أخي قريشو أنا بنت الأستاذ عبدالحميد العباسي وكان نفسي أعرف روز بت منو؟ لو عايزني أكتب عن حنتوب فسأبدأ الآن وانتهي بعد 18 عاما فهل انت راضون؟ حنتوب؟؟؟!!! أول يوم جئنا إليها كان ليلا وكنا نركب البنطون ويحملني أبي على كتفه فسألته بصوت خافت: أبوي دي الجنة؟؟؟ حقيقي كنت أظنها الجنة ولما عشت فيها وكبرت عرفت انها الجنة التي خرجنا منها لسبب نجهله جميعا حنتوب؟؟؟؟!!!!! أول مكان علمنا القراءة والتأمل وأن نحيا في عالم جميل جميل جميل
لا... أن ذلك لا يمكن ان تحتمله صفحات، فحبي لحنتوب هو الهواء الذي يملؤني حتى الآن وإذا ما انتهى هذا الهواء فسأموت بلا شك لقد زرتها عام 2001 ودخلت بيوتها بيتا بيتا ووجدت المدرسة أصبحت مسخا من مسوخ الانقاذ بالمناسبة عندي ما سيربطني بحنتوب طول العمر فوالدي رحمة الله عليه مدفون بها.. أفلا يكفي هذا؟؟؟؟
| |
|
|
|
|
|
|
Re: حنتوب الجميلة (Re: قرشـــو)
|
طبعا سمعت عن البوست لكن لم ابحث عنه اخوكم عباس فداسي خريج 87 داخلية علي دينار بتذكر فصلي في تانية بس ما عارف ليه لانوا ليه ذكريات حلوة نيوتن من دفعتي هنا في البوت دا الحبيب عبدوا ايضا شلاقة ربما اكون بعرفك لانك ذكرت اولادنا ناس حلاوي هو موجود في الطائف الان اما ذكرياتي فهي شي لا يوصف بالنسبة للمدرسة طبعا بعد قابلت العمدة قرشو عرفت من هو والده فحقيقة هذا الشبل من ذاك الاسد فلقد عرفته رجل حكيم وقور محبوب لدي الجميع خاصة عندما جابوا لينا الجنوبيين في حنتوب لقد عطوفا بهم كنت والله اتلقي الحكمة منه والنصائح وايضا ابرنه ابراهيم هو دفعتي ايضا اما المدرسة فهي لا توصف ابدا كانت شقاوتي فيها كثيرة جدا من فيوزات المدرسة ناخدها معانا عشان نمشي السينما وكنت بسرق تمباك الصبابي وببيعوا لناس التخصص رياضيات بحمسة وعشرين قرش السفة واقوم في الفسحة امشي اشتري كيس واختوا للصبابي وعندي كان ذكريات حلوة معه اذكر منها مرة كنا عاوزين نستلف المسجل بتاعوا انا ومعاي برعي بابكر محمود ولقيتوا زهجان زهج شديد ومقلق قال لي البتاعة دي بيسروقها الجماعة وما عارف اعمل ليهم شنو البتاعة خلوها الناس بتعرفها قمت ليهوا لو وريتك مكان تدسها فيهوا والجن ما يعرفها تدينا اذن خروج هذا الخميس قال لي موافق قمت ليهوا الزير بتاعم دا قاعد تشرب منوا قال لا قلت ختها فيهوا واربطها بكيس ومن ديك الجماعة احتاروا وين بختها ومنها سماني ودالحرام وله موقف اذكره جيدا في وفاة صديقنا العزيز عليه رحمة الله عادل عبدالرازق من ابناء العمارات وكنا في طريقنا الي الخرطوم وعند وصول الجثمان قبلها اكن صابر لكن عند تنزيل الحثمان اجهش بالبكاء وكنا فاكرين الصبابي قلبوا حجر لكن طلع زول حنين ودي كانت بداية صداقتنا بالصبابي
طبعا لدي اشياء كثيرة اذكرها لكن نتركها ونعود ليها
اصدقائي من حنتوب الحلة مجدي احمد دفع الله ومجذوب حمد ولي معهم ذكري طريفة كنا عاملين اعتصام عند ما تم اغيتال زميلنا طارق عبدالجليل واصر مجدي ومجذوب يتقاسموا شلتنا عشان ناكل حاجة بسيطة وجزاهم الله كل خير من دفعتي وعاوز اعرف اخباروا طارق سنجة وعبدالله اسحق ودسلفاب تحياتي لكل الحناتيب
| |
|
|
|
|
|
|
Re: حنتوب الجميلة (Re: قرشـــو)
|
العزيز قرشو
تسلم بابا وشكرا على باقة الورد الجميلة
تعرفك عمك هبانى
واهى رباب الكارب كمان معانا
________________ لو كنت تبعد فى زحل
| |
|
|
|
|
|
|
Re: حنتوب الجميلة (Re: زحل)
|
العزيزة زحل
سعيد بتواجدك عزيزتى فى حنتوب الجميلة وسعادتى اكثر عند ورود ذكر عمنا هبانى ولا شك تنداح ذكريات جميلة كجمال حنتوب واهلها الاوفياء ..
تحياتى لكل اهل حنتوب وتحديدا كل اسرة العم هبانى
ولك الود كله
| |
|
|
|
|
|
|
Re: حنتوب الجميلة (Re: قرشـــو)
|
العزيز قرشو طبعا ما كان ممكن أشوف البورد بتاع حنتوب الجميلة وما اتطلع عليهو تاني.. ووجدت ردك على وأنا ايضا اذكر تجمعكم في منزلنا لأن ذلك يعني قضاء وقت جميل كان والدي رحمه الله يسجل كل تلك اللقاءات ونستمع اليها لاحقا.. وتعرفنا على أدباء وفنانين وشباب تمتعوا بالحس والذوق الراقي.. لقد أعدت الي ايام لم ولن تنمحي ابدا، اعدت لي شذى الياسمين والنرجس وموية البحر وشجر الجوافة والمانجو والنيم العتيد.. والدتي ايضا عرفها طلاب حنتوب لأنها كانت تساعد في نقل بعض الحالات المرضية في الليل، وكانت توصل بعض الطلاب غلى مدني بعد سؤالهم عنهم إذن ولا لأ؟ وطبعا الاجابة جاهزة وهي كانت تعرف ذلك أيضا.. تقبل تحياتها فهي تعيش معي هنا في القاهرة وتحياتي لك من رأى حنتوب
| |
|
|
|
|
|
|
Re: حنتوب الجميلة (Re: Raja)
|
الغالية بنت الغالى رجاء العباسى
مبتدأ كان اسم العباسى وحده ينقلنا الى العصر العباسى حيث الادب والشعر وحيث الثراء فى الاداب والعلوم ونهضة العرب التى لم تكرر ثانية ولعل ذكرى العباسى الانسان تعيدنا لشخصية خالدة هى شخصية المتنبى وارجو ان يكون حدثكم عنه كما حدثنا وان تكونى محتفظة بثروته من الكتب عن المتنبى فهو كان حينها عزيزتى يملك كل ما كتب عن المتنبى وما زلت اذكر مكتبتكم العامرة ولعلك ارتويت من شعر وتاريخ المتنبىء كذلك..
عزيزتى ما ان اذكر داركم العامرة الا واذك النرجس والفل والياسمين وعبق الازهار الذى يشرح الصدر ويجعل الذهن حاضرا لك كلمة تقال ولذا ترسخت فى الذهن ذكراكم العطرة الجميلة وبقيت فى الوجدان وستبقى ما بقى العمر..
تحياتى للسيدة والدتك ولاسرتك كلها فردا فردا وارجو ان تواصلى معنا الكتابة بلا انقطاع فانت مكسب لنا حقا ورجائى الخاص ان تتكرمى علينا بكتاباتك الصحفية حيث اننا لا نحصل على تلكم الصحف لا سيما وان الكثيرين مثلى رغم علمى ان لتلك الصحف حق النشر ولكن لك ايضا حق اطلاعنا على ما كتبت
تسلمى عزيزتى وفى الانتظار دوما
| |
|
|
|
|
|
|
Re: حنتوب الجميلة (Re: قرشـــو)
|
الأعزاء قرشو ود. النور حنتوب الجميلة .. جمالها في انها جمعت بين كل تلك الطبيعة الخلابة، والناس الطيبين، والرسالة الفاضلة وهي التعليم.. وحقيقة عند بداية علاقتي بالفلسفة لم استطع ان اميز ما بين المدينة الفاضلة وبين حنتوب.. لم يكن هناك فرق بيننا نحن ابناء المعلمين او العاملين في المدرسة.. دراستنا في مكان واحد، وملبسنا واحد وفي نهاية اليوم نذهب جميعا لآباءنا في المدرسة .. ولا انسى ان زمسلي في الصف كان ابن الرجل الذي يشرف على مكتب والدي، ويم ذهبنا معا للمدرسة الثانوية ودخلنا مكتب والدي وبعد ان سلم علينا قال لي والدي رحمه الله: انتي عارفة انو عمر ده اخوك؟ ولم أسأله كيف؟ ولكن حتى تخرجنا من الابتدائية كنت اعتقد ان عمر هو فعلا اخونا، كيف؟ لا ادري عندي موقف طريف ايضا وهو انه عندما تم قبولي في المدرسة الابتدائية طلب منا مبلغ خمسين قرش. واخبرت والدي بذلك وقال لي انه سيعطيني المبلغ غدا صباحا، وفي الصباح كان والدي قد خرج قبل ان يعطيني الخمسين قرش، وغضبت للغاية، فذهبت اليه في المدرسة ودخلت عليه في الفصل واذكره حتى الآن وكان ثالثة شوقي، ودخلت وسط صفوف الطلبة بشقاوة يتهمني الكثيرين بأنها ما زالت معي، وطالبته وبصوت عالي بالخمسين قرش فضحك كل الطلبة ووجدت كل واحد منهم يمد لي يده بخمسين قرش وانا ما زلت غاضبة من والدي رحمه الله لأنه لم يف بوعده لي في المنزل واخرج لي خمسة جنيهات ليصالحني ويصلح ما فعله سابقا، وانا عند موقفي: اريد خمسين قرشا فقط ومنه، فاضطر لأن يفك الخمسة جنيهات ليعطيني خمسين قرشا الطريف في الأمر ان احد أولئك الطلبة كان مدرسي في مدرسة مدني الثانوية بنات بعد هذه الحادثة بأكثر من إحدى عشر سنة!! وكان يتعامل معي وكأنني الطفلة التي اقتحمت فصل شوقي
| |
|
|
|
|
|
|
|