كتب الكاتب الفاتح جبرا المتوفرة بمعرض الدوحة
|
Re: يوميات مواطن سوداني (Re: محمد على طه الملك)
|
تحياتي يا ملك مقابلة الدكتور العمومي 200/150 ج والاخصائي وانت طالع لي فوق فحص الملاريا في كوستي 30 ج في الخرتوم اكتر حقن الملاريا الاصلية 240 ج آي مع تحرير السوق في حقن ارخص والرخيس بي رخستو بضوقك مغستو . والصيدلي بقا بياع دوا زيو وزيو كنتين الحلة 😆😆 بهمو يربح ويبيع ليك اها بقينا نكبر اللفة من مقابلة الدكتور ... هسة تمشي ليهو يقول ليك احفص الملاريا . تفحص يقول ليك عندك ملاريا ويكتب ليك حقن ولو ما ظهرت برضو بديك الحقن . يعني الحقن ما فايتاك يعني بكون عندك شنو ؟ ام التيمان 😆 اها اختصرنا الدكتور ووفرنا حقو وطوالي تمشي تفحص . وتجيب علاجك وحق الدكتور تشتري يا برتكان ولا نص كيلو ضان شية ولا ام فت فت بقينا دكاترة برانا لو ماشي زاتو بتلقا واحد يكسلك منو دكتور شنو ؟ امشي افحص بس الفحص زاتو جليناهو شنو ليك 😆 .. انت عارف الظاهر عندي ملاريا . من يجيني صداع وابلع بندول وما يروح معناتو ملاريا ... ملاريتي بتجيني بي اسهال .... وجع ضهر وكسير جسم اها بقينا تبع الصيدلية ودي زاتا اختصرناها ... بلعت 24 حبة ما نفعت . رجعت الدكتور كتب لي حقن . اخدت 8 حقن وبرضو شاعر بيها . مشيت ليهو قال لي الا كينين بالدرب جبت عرديب وقرض وكركدي وبليتهم والله هسة زي الحصان اها قاطعنا ليك شارع الدكاترة تجيب كوريتك وتبل وتقرطع والله لقيت ناس بالين حاجات ما تعرفها زاتو تشرب بس ام غليغلة ولا شيح و لا حلبة ولا ولا ف شنو سياسة الفقر
|
|
|
|
|
|
|
العنوان |
الكاتب |
Date |
يوميات مواطن سوداني | عبدالحفيظ ابوسن | 12-05-18, 10:13 AM |
Re: يوميات مواطن سوداني | عبدالحفيظ ابوسن | 12-05-18, 10:22 AM |
Re: يوميات مواطن سوداني | عبدالحفيظ ابوسن | 12-05-18, 10:27 AM |
Re: يوميات مواطن سوداني | زهير عثمان حمد | 12-05-18, 10:29 AM |
Re: يوميات مواطن سوداني | عبدالحفيظ ابوسن | 12-05-18, 12:27 PM |
Re: يوميات مواطن سوداني | زهير عثمان حمد | 12-05-18, 12:43 PM |
Re: يوميات مواطن سوداني | عبدالله عثمان | 12-05-18, 01:06 PM |
Re: يوميات مواطن سوداني | عبدالحفيظ ابوسن | 12-05-18, 01:29 PM |
Re: يوميات مواطن سوداني | عبدالحفيظ ابوسن | 12-05-18, 04:15 PM |
Re: يوميات مواطن سوداني | محمد على طه الملك | 12-05-18, 10:40 PM |
Re: يوميات مواطن سوداني | عبدالحفيظ ابوسن | 12-06-18, 06:08 AM |
Re: يوميات مواطن سوداني | عبدالحفيظ ابوسن | 12-07-18, 05:57 AM |
Re: يوميات مواطن سوداني | عبدالحفيظ ابوسن | 12-07-18, 06:02 AM |
|
|
|