|
Re: (و ...خرجت أتسكع مع مهرة غير بغلتي!!) (Re: دفع الله ود الأصيل)
|
Quote: كتب بشير ود تهامي لله درَّك يا ود الحيشان التلاتة فقد جعلتني أبكي.. أكمل ياخ اكمل ... فقد شعللت جمراً كان خبأ وإنطأت ناره ..يا سلام عليك يا سلامنا عاد يا اخوي (ياني المبرك جملي ده هني وهادي قعده)؟؟!!
|
(5) معناتو يا بشة، ما ح تقدر تتحمل نكمل للغريق اللسة جاي يا بو قلبن رهيف . و دا حالي بقيت جاي نازل ليك من من اللون الكحلي الداكن متدرجاً ناحية الوردي( لون فالانتاين)،عشان ندي إحساس بإستايل فرايحي .و ليسجنائزياً. ليبعثنا على النحيب. هذا ، علماً بأنني أشد منك رهافةً و دموعي مباشرتن خلف الرموش مكبوتة بي حسرة وضياع .و رعشة الكف الخضيب مقرونة بي نظرة ودااااااعععع جابو اقدر في سكتي ، فث الليلة ديك
# عمومن يبدو أن الرياح فعلاً لم ، وربما سوف لن تأتيَ أبداً بما تشتهي السفين و هاك بقية المأساة.فعندما رجعنا و أوصلت والدتي إلى دارها و قلت ليها: ليس وداعاً يا أغلى من غالية و لكن خلينا نقول: إلى لقاءٍ موعودٍ في أقرب عطلةٍ ربيعيةٍ وزوغة من( بعلتي) . تبسمت لي و هي تفرد سبابتها و أصبعها الأوسط بعلامة النصر، ثم قالت بلهفةٍ وبشغفٍ: أوافق أن نخرج ، بل نسافر معاً و نتعشى و نتمشى سوياً مرةً و مراتٍ عديــدةً أخرى, و لكن بشرط المرة الجاية دي تكون على حساب أمك حبيبتك، الما ليها في الدنيا غيرك، عايزاك تحسسني بأنك لسةوليدي المحتاج لي أطمعك بي يديني ديل ، و من حر مال أبوك الفات خلاني وأنا يعني قالولك داخراه لمنو ولي متين، ما فضل لي عمرن يقولو عليه زاتو'. بكلماتها تلك التي تقطر حنيناً و تتفق لوعةٍ و تكطع قلب الحجر ، أنحنيتً لأطبع لها قُبْلةً سَكْرَى على جبينها الأغــرِّ و لسحت ليها كلتا يديها، نزولاً إلى قدميها، ثم ودعتها كما أودعتني لأمين الوداعة؛ بعد أن زرفت لها دمعةحزنٍ سخينةٍ انسكبت فوق ذراعه و هرولتُ منها بعيد اً قبال ما ننفجر كلانا بنوبة بكاءٍ ونحيبٍ.
* ود الحيشان التلاتة ،،، مؤذن في جزيرة مالطة،،،
|
|
|
|
|
|
|
العنوان |
الكاتب |
Date |
(و ...خرجت أتسكع مع مهرة غير بغلتي!!) | دفع الله ود الأصيل | 12-02-18, 09:11 PM |
Re: (و ...خرجت أتسكع مع مهرة غير بغلتي!!) | Biraima M Adam | 12-03-18, 01:32 AM |
Re: (و ...خرجت أتسكع مع مهرة غير بغلتي!!) | دفع الله ود الأصيل | 12-03-18, 04:18 AM |
Re: (و ...خرجت أتسكع مع مهرة غير بغلتي!!) | دفع الله ود الأصيل | 12-03-18, 07:10 AM |
Re: (و ...خرجت أتسكع مع مهرة غير بغلتي!!) | دفع الله ود الأصيل | 12-03-18, 11:52 AM |
Re: (و ...خرجت أتسكع مع مهرة غير بغلتي!!) | دفع الله ود الأصيل | 12-03-18, 07:14 PM |
Re: (و ...خرجت أتسكع مع مهرة غير بغلتي!!) | دفع الله ود الأصيل | 12-04-18, 08:06 AM |
Re: (و ...خرجت أتسكع مع مهرة غير بغلتي!!) | دفع الله ود الأصيل | 12-05-18, 09:59 AM |
Re: (و ...خرجت أتسكع مع مهرة غير بغلتي!!) | دفع الله ود الأصيل | 12-05-18, 10:30 AM |
Re: (و ...خرجت أتسكع مع مهرة غير بغلتي!!) | دفع الله ود الأصيل | 12-08-18, 07:10 PM |
Re: (و ...خرجت أتسكع مع مهرة غير بغلتي!!) | دفع الله ود الأصيل | 12-09-18, 11:40 AM |
|
|
|