|
Re: مفاهيم للمعارضة يجب أن تصحح (Re: Kabar)
|
ول ابا حسن العالم..حبابك يا صديقي..
عموما، السؤال ، يا صاحب: ليه نحن ننتظر النظام يسمح او لا يسمح؟
هنا يا صاحب هي (الشقة الكبيرة/هل تذكر مثيولوجيا العطاواة بتاعة شقة الناقة؟).. المشكلة شنو يا حسن؟..بعضنا بيفتكر المشكلة مشكلة نظام: نزحو وبعد داك أي حاجة ، بضربة لازب ، ح تكون كويسة..!! وبعضنا بيفتكر المشكلة بقت مشكلة وجود السودان في عضمو..سواءا في استمرار النظام الحالي او النظام القادم..! كلام منتصر عن الإقتصاد والتنمية وجيه لبعض ما (فقط اعتبارو ان المعارضة مفروض تضع النقطة دي في الإعتبار ، وانما المفروض كل السودان يضع النقطة دي في الإعتبار)..وعمليا يا حسن: ليه ما قاعدين نفكر في راس المال البشري السوداني (مهاجر في الخليج ، او مشرد في بقاع العالم الأخرى)؟..ليه ما قاعدين نفكر بان هذا الراس مال اكتسب خبرات ومال (قروش) ممكن تساهم ايجابيا في بناء السودان؟..ومنو المفروض يفكر نيابة عن هذا الراس مال؟..هل هي النخبة المعارضة؟ أم هو في ذات نفسه؟.. برنامجي الإنتخابي يا حسن ، الذي وعدت بيهو صديقي هاشم الحسن ، للرئاسة في انتخابات السودان 2030..كنت واضع ارجاع ربع مليون من راس المال البشري السوداني المشرد في بقاع العالم..يعني لو كل زول/زولة..رجع شايل ليهو كريدت كارد بي عشرة الف دولار..السودان ح يتبني في رمشة عين..!..لو المشكلة هي مشكلة قروش..!! بس كيف نبني الثقة فيهم؟.. ناس ميلس زيناوي..لمن دخلوا اديس ابابا (من الغابة)..اول حاجة كانوا مندهشين كيف كارتيل الدولة (الموظفين الكبار) بينالوا مرتبات عالية..ومنها فرضوا خصم عشرين في المية من مرتب أي مسئول كبير..!.. اثيوبيا الأن (اقصد اثيوبيا الدياسبورا) مندهشة من افعال دكتور ابي احمد..ولأن الثقة بدت ترجع ، الإثييوبيين والأثيوبيات براهم ومن تلقاء انفسهم في الدياسبورا عملوا صندوق اثيوبيا (كل زول/زولة..يدفع دولار في اليوم او الشهر ما متذكر) عشان يعملوا صندوق مال خاص باثيوبيا غض النظر عن المشارب الإثنية والسياسية والأخلاقية والدينية..!!..ديل عمال/عاملات نضافة ، سيكورتي ، مهندسين ، محاسبين ، ناس ضاربة الوليفر..الخ..! هنا ممكن يحدث تقليد مستحب..فقط نمرق من العنطزة السودانية بتاعة: حبش شنو البنقلدهم..!! مشروع الجزيرة كان بيستوعب عمالة من غرب السودان ، وانتجت ظاهرة المقاومة بتاعة فلسفة الكنابي (الكمبو)..الآن الجنوب استقل بذاته.. ناس الغرب حردوا يشتغلوا في المشروع.. السودانيين الرايحة ليهم عقدة سيادة بيجيبوا عمالة اثيوبية (برضك داخلة في توفير دولار الدياسبورا الإثيوبي) ..عمالة فليبينية ، عمالة ارترية..ياخي حتى دكاكين الناصية في الدلنج فيها مصريين واتراك وشوام..وكلها دولارات بتمشى لأغراض بعيدة عن السودان..! والسودانيين والسودانيات داخلين في ثقافة الإستهلاك (من كريمات برط الوجوه ، مرورا بتوفير حق الرصيد بتاع الموبايل للنقة والشمارات ، لغاية حق الكيف..والحفلات في الصالات المبهرجة..الخ)..وبرضك زعلانين ما في بنزين ومافي رغيف..!..طيب ما تدقوا حجر دغش في البنزين والزراعة والرغيف واللبن..!! النظام المالي في السودان ، خصوصا البنوك ، انهار منذ يناير 2018..بعض الفاسدين استغل المسألة في صناعة خزنة الحديد..كل زول يشتري ليهو خزنة ويخت فيها قروشو (يعني ثقافة البنك كمؤسسة مالية على العليها انهارت تماما لأن الثقة انفقدت)..ناس الحركة الإسلامية شغالين زي تيران الهدبة..كل تور يكر ويطرق قرونو عشان يطعن التور التاني..!! البلد في حالة انهيار تام يا صديقي..والدولة بعد ست شهور ما ح تقدر توفر البند رقم واحد من الخزينة العامة..ونحن شمتانيين..والحركة الإسلامية ح تصل مرحلة انها ترجع مالها الدافناهو في بلاد الأخرين مش عشان تحافظ على السودان ، انما عشان تحافظ على تولة ونظامها المتهالك..! هنا..الضرورة تحتم طريقة تفكير جديدة..طريقة تفكير جديدة يا قريبي..مش عشان النظام الحالي او النظام الجاي (البديل) وانما عشان وجود السودان..!
تحياتي..
كبر
|
|
|
|
|
|
|
العنوان |
الكاتب |
Date |
مفاهيم للمعارضة يجب أن تصحح | منتصر عبد الباسط | 12-02-18, 11:07 AM |
Re: مفاهيم للمعارضة يجب أن تصحح | منتصر عبد الباسط | 12-02-18, 11:15 AM |
Re: مفاهيم للمعارضة يجب أن تصحح | منتصر عبد الباسط | 12-02-18, 11:18 AM |
Re: مفاهيم للمعارضة يجب أن تصحح | منتصر عبد الباسط | 12-02-18, 11:21 AM |
Re: مفاهيم للمعارضة يجب أن تصحح | منتصر عبد الباسط | 12-02-18, 11:23 AM |
Re: مفاهيم للمعارضة يجب أن تصحح | منتصر عبد الباسط | 12-02-18, 11:30 AM |
Re: مفاهيم للمعارضة يجب أن تصحح | Asim Ali | 12-02-18, 11:26 AM |
Re: مفاهيم للمعارضة يجب أن تصحح | منتصر عبد الباسط | 12-02-18, 11:35 AM |
Re: مفاهيم للمعارضة يجب أن تصحح | منتصر عبد الباسط | 12-02-18, 11:42 AM |
Re: مفاهيم للمعارضة يجب أن تصحح | منتصر عبد الباسط | 12-02-18, 12:07 PM |
Re: مفاهيم للمعارضة يجب أن تصحح | علاء سيداحمد | 12-02-18, 11:51 AM |
Re: مفاهيم للمعارضة يجب أن تصحح | علاء سيداحمد | 12-02-18, 11:54 AM |
Re: مفاهيم للمعارضة يجب أن تصحح | منتصر عبد الباسط | 12-02-18, 12:15 PM |
Re: مفاهيم للمعارضة يجب أن تصحح | منتصر عبد الباسط | 12-02-18, 12:17 PM |
Re: مفاهيم للمعارضة يجب أن تصحح | منتصر عبد الباسط | 12-02-18, 12:28 PM |
Re: مفاهيم للمعارضة يجب أن تصحح | منتصر عبد الباسط | 12-02-18, 12:34 PM |
Re: مفاهيم للمعارضة يجب أن تصحح | منتصر عبد الباسط | 12-02-18, 12:40 PM |
Re: مفاهيم للمعارضة يجب أن تصحح | محمد البشرى الخضر | 12-02-18, 12:49 PM |
Re: مفاهيم للمعارضة يجب أن تصحح | منتصر عبد الباسط | 12-02-18, 01:27 PM |
Re: مفاهيم للمعارضة يجب أن تصحح | منتصر عبد الباسط | 12-02-18, 12:54 PM |
Re: مفاهيم للمعارضة يجب أن تصحح | عبدالعظيم عثمان | 12-02-18, 01:35 PM |
Re: مفاهيم للمعارضة يجب أن تصحح | منتصر عبد الباسط | 12-02-18, 01:55 PM |
Re: مفاهيم للمعارضة يجب أن تصحح | منتصر عبد الباسط | 12-02-18, 01:55 PM |
Re: مفاهيم للمعارضة يجب أن تصحح | منتصر عبد الباسط | 12-02-18, 01:46 PM |
Re: مفاهيم للمعارضة يجب أن تصحح | منتصر عبد الباسط | 12-02-18, 02:05 PM |
Re: مفاهيم للمعارضة يجب أن تصحح | منتصر عبد الباسط | 12-02-18, 02:24 PM |
Re: مفاهيم للمعارضة يجب أن تصحح | منتصر عبد الباسط | 12-02-18, 02:33 PM |
Re: مفاهيم للمعارضة يجب أن تصحح | Hasheem Karouri | 12-03-18, 07:02 AM |
Re: مفاهيم للمعارضة يجب أن تصحح | الطيب رحمه قريمان | 12-03-18, 08:55 AM |
Re: مفاهيم للمعارضة يجب أن تصحح | منتصر عبد الباسط | 12-03-18, 02:02 PM |
Re: مفاهيم للمعارضة يجب أن تصحح | منتصر عبد الباسط | 12-03-18, 02:15 PM |
Re: مفاهيم للمعارضة يجب أن تصحح | منتصر عبد الباسط | 12-03-18, 01:54 PM |
Re: مفاهيم للمعارضة يجب أن تصحح | حسن ادم محمد العالم | 12-04-18, 09:02 AM |
Re: مفاهيم للمعارضة يجب أن تصحح | Asim Ali | 12-04-18, 10:15 AM |
Re: مفاهيم للمعارضة يجب أن تصحح | منتصر عبد الباسط | 12-04-18, 11:58 AM |
Re: مفاهيم للمعارضة يجب أن تصحح | حسن ادم محمد العالم | 12-04-18, 08:35 PM |
Re: مفاهيم للمعارضة يجب أن تصحح | هاشم الحسن | 12-04-18, 06:47 PM |
Re: مفاهيم للمعارضة يجب أن تصحح | علاء سيداحمد | 12-04-18, 07:10 PM |
Re: مفاهيم للمعارضة يجب أن تصحح | منتصر عبد الباسط | 12-04-18, 11:46 PM |
Re: مفاهيم للمعارضة يجب أن تصحح | منتصر عبد الباسط | 12-04-18, 11:50 PM |
Re: مفاهيم للمعارضة يجب أن تصحح | علاء سيداحمد | 12-05-18, 06:02 AM |
Re: مفاهيم للمعارضة يجب أن تصحح | Kabar | 12-05-18, 08:40 AM |
Re: مفاهيم للمعارضة يجب أن تصحح | Kabar | 12-05-18, 08:41 AM |
Re: مفاهيم للمعارضة يجب أن تصحح | Kabar | 12-05-18, 08:43 AM |
Re: مفاهيم للمعارضة يجب أن تصحح | Kabar | 12-05-18, 08:44 AM |
Re: مفاهيم للمعارضة يجب أن تصحح | Kabar | 12-05-18, 09:26 AM |
Re: مفاهيم للمعارضة يجب أن تصحح | حسن ادم محمد العالم | 12-05-18, 10:05 AM |
Re: مفاهيم للمعارضة يجب أن تصحح | منتصر عبد الباسط | 12-05-18, 01:36 PM |
Re: مفاهيم للمعارضة يجب أن تصحح | حسن ادم محمد العالم | 12-05-18, 07:12 PM |
Re: مفاهيم للمعارضة يجب أن تصحح | منتصر عبد الباسط | 12-06-18, 03:40 PM |
|
|
|