|
Re: يا أخوانا، حاتم دا زي ترمب (Re: أبوبكر عباس)
|
الصباح وأنا ماشي سيدون وقفت في دوار الشاحنات عطبرة جنب بتاع دكان كردفاني متعود أشيل حاجاتي منو، وبشرب قهوة جنبو مع واحد كردفانية من جبال النوبة كنا التلاتة في الراكوبة بدون مناسبة وقبل القهوة قلت ليهم أحمي ليكم قصّة: حكيت ليهم قصّة يحيي فضل الله بتاعت القافلة بتشويق شديد، قلت في سري لو سلمى الشيخ سلامة التي نفتقدها بشدة في المنبر لو كانت معانا وسمعت طريقة حكيي للقصة كانت بكت وأصرت أمشي أشتغل في الإذاعة
| |
|
|
|
|
|
|
Re: يا أخوانا، حاتم دا زي ترمب (Re: أبوبكر عباس)
|
طبعاً كضاب أنا قلت ليكم حكيت ليهم القصة من غير مناسبة أبداً، أي حدث في الدنيا عندو مناسبة وقولك للناس "من غير مناسبة" نوع من التمويج والتمويج قريب من اللولوة وهو جعلك للحاجة السيدا تبدو مموّجة وهو ما يجعلك تركز على صعود الموجة وهبوطها
اللهم أكفنا شر المجمجة
| |
|
|
|
|
|
|
Re: يا أخوانا، حاتم دا زي ترمب (Re: أبوبكر عباس)
|
ست الشاي ركزت معاي تركيز شديد وبقت شايلة الشرقرق في يدها وغلبها توديهم للكانون، قلت ليها بجملة اعتراضية سريعة: بالمناسبة أنا طلبت قهوة ودّت الشرقرق للكانون وما زال تركيزها شديد جداً واصلت: بعد أتغدى وشرب الشاي؛ أخدتو غفوة في العنقريب وقبل الغفوة غطى عيونو بالطاقية، هي جات من وراهو شالت ليها سبيبة من شعرو
شعرت بورطة الاستمرار في القصّة مع تركيزها وتمنيت أن تحدث شكلة في البوست تحرفو
| |
|
|
|
|
|
|
Re: يا أخوانا، حاتم دا زي ترمب (Re: أبوبكر عباس)
|
Quote: شالت ليها سبيبة من شعرو |
يا مستنير يا داقس سبيبة واحدة دي بتكفي ليوم واحد من أيام الإسبوع عشان كدا بيشيلوهن سبعة وعند الغض بشيلوهن خمسة عشان الويك إند ما محسوب. في كل الأحوال العدد الفردي مطلوب
| |
|
|
|
|
|
|
Re: يا أخوانا، حاتم دا زي ترمب (Re: أبوبكر عباس)
|
شعرت بورطة الاستمرار في القصّة مع تركيزها وتمنيت أن تحدث شكلة في البوست تحرفو ـــــــــــــــــــــــــ ورب المجرات تجي الاول لو اشتركت في البي بي سي للقصة اقصيرة
هنا في عدة شخوص داخل-خارج ومتشابكة
| |
|
|
|
|
|
|
Re: يا أخوانا، حاتم دا زي ترمب (Re: أبوبكر عباس)
|
أبوبكر عباس
سلام دكتور عباس . الحكي عندك طاعم ولذيذ. الذ من دجاج ماكدونالدز. عندك مقدرة وصبر ايوب. في رصك لحروف الكلمات . لكن انا ما قلت كالبنيان المروص. اوعك تهجمني ساكت . اشواقي و احترامي
،،،،
Quote:
ست الشاي ركزت معاي تركيز شديد وبقت شايلة الشرقرق في يدها وغلبها توديهم للكانون، قلت ليها بجملة اعتراضية سريعة: بالمناسبة أنا طلبت قهوة ودّت الشرقرق للكانون وما زال تركيزها شديد جداً واصلت: بعد أتغدى وشرب الشاي؛ أخدتو غفوة في العنقريب وقبل الغفوة غطى عيونو بالطاقية، هي جات من وراهو شالت ليها سبيبة من شعرو
شعرت بورطة الاستمرار في القصّة مع تركيزها وتمنيت أن تحدث شكلة في البوست تحرفو
أبوبكر عباس
،،،،
|
عزالدين عباس الفحل ابوظبي
| |
|
|
|
|
|
|
Re: يا أخوانا، حاتم دا زي ترمب (Re: عزالدين عباس الفحل)
|
تزوجها ورفض يمشي مع أهلو وعاش معاها سبعة وعشرين سنة، جاب فاطمة وعمر يوم حسّت بالنهاية قالت لأختها: لو متّ أدفني البرمة جنب قبري، جا سيل كشف البرمة، غنماية بظفرها كسرت البرمة بعد شهر الزيت نشف وطارت السبيبة، صحى من النوم مخلوع وجرى لمكان مناخ القافلة وسأل الناس كالمجنون: القافلة مشت وين؟
| |
|
|
|
|
|
|
Re: يا أخوانا، حاتم دا زي ترمب (Re: عبدالحفيظ ابوسن)
|
يا دكتورة ليك وحشة.. وعساك بخير.
وخوفي من ف آ رون دا منو دا؟ أوعى يكون فرعون باللغوة البشاشية؟ بالطريقة دي الزول الهاماني دا حيمسك في (السبيبة) دي ويخلي البوست يغني (خوفي منك تنساني وتنسى الليالي)! ==== يا حفيظ؛ (الريحة/ت) تشم وتشيف والــ (أناخ راحلته) كووولها، ما تشيف؟ لازمن تكون رجل مبادئ، وعلى هذا الأساس تقج شركك..هههههها.
ولأنو قيل: موضوع البوست (لو ما انحرف) فعن: الضمير! فطبعا المبدأ الضميري الأول هو: (كما تدين تدان)! ما تتم القصة نجهجها ليك..
| |
|
|
|
|
|
|
Re: يا أخوانا، حاتم دا زي ترمب (Re: عبدالحفيظ ابوسن)
|
حكى لي قال لي: الموفد الجماعة غالطوهو قالوا ليهو الله أبداً ما رسلك قال ليهم: منو فيكم الله عشان يعرف رسلني ولّ ما رسلني؟؟ قلت ليهو: طيب ما ترجع تكتب لينا زي الكلام الطاعم دا وخلينا من كلامك الما مفهوم داك قال لي ما بقدر، وصلت مرحلة السلام وانتو ناس حقيقة والحقيقة الانسان أكبر من الحقيقة
قلت في سري لو ترامب دا قعد ليهو فرد يوم في المسيكتاب شمال مع نبي الله يحيى؛ العالم ينصلح وهواجسو البفكر بيها بصوت عالي دي، لو لاقى مبعوث من الله؛ بتبرد لأنو ناس الحقيقة الناشفة هم أقرب الناس لما وراء الحقيقة (السلام) وبمناسبة مرور لطيف بهنا دايرين لينا تعريف جديد للإله غايتو في واحدة من خلواتي قلت: الله دا هو ضمير الاحتمالات
| |
|
|
|
|
|
|
Re: يا أخوانا، حاتم دا زي ترمب (Re: محمد الأمين موسى)
|
يا محمد الامين وعلي دفع الله لقيت ليهو اسم من دقنو وفتلو هو ك براقش يا هاشم شفناهو شفناهو وحياة الخوة اناخ دي دارجية قحة . من صغار في سوق كوستي في همباتي اسمو ود الرشيد . موسي العجب بعرف نوادرو . كان رجل جنب وضكران بجي السوق بشرب الجبنة مع الوالد . مازي جبنة بكري 😆😆 وكان جهوري الصوت هسة جهوري دي تلقى بكري فتح ليها الغاموس وكان زول حكاي جدا . وحكاويهو ما فايتاهو اول من يجي بكون قايد جملو .. ابوي بناديهو ويعزمو . واصلا هو جاي لابوي . لكن اظن ابوي عارفو الا يحرص علي دعوته والا ذهب اها اتفضل يا ودالرشيد صلي علي النبي والوالد لا يحلف ابدا ابدا علي شخص ولا يقسم في اي موقف يقوم ود الرشيد يقول ليهو ال ننيخ جملي في اللول ومن هنا عرفت انها دارجة ف شنو يا هاشم لسة طالبنو جملة فصيحة بليغة لا تقل عن سبعة كلمات .. وتر 😆😆
| |
|
|
|
|
|
|
Re: يا أخوانا، حاتم دا زي ترمب (Re: عبدالحفيظ ابوسن)
|
لسة طالبنو جملة فصيحة بليغة لا تقل عن سبعة كلمات .. وتر. -----------------------
دي كيف معاك: (بظفرها)؟ وتر برضو.. لا تحسب الضماير فهي موضوع البوست. ـــــــــــــــــــ ثم قفشه البروف.. بظفرها يا حنكوش؟! بضلفها.
| |
|
|
|
|
|
|
Re: يا أخوانا، حاتم دا زي ترمب (Re: عبدالعظيم عثمان)
|
Quote: دي كيف معاك: (بظفرها)؟ وتر برضو.. لا تحسب الضماير فهي موضوع البوست. |
يا جماعة لا تسيؤوا الظن بالرجل فهو بيطار. والبياطرة الغنم عندهم أشكال وأنواع. بعضهن خواجيات: بياكلن بالمواعيد وبتفسّحن بالمواعيد... فقد يكنّ من ذوات الأظافر. أما زي الغنم جارات قريبي الفي مدينة النهود الواحدة منهن تتحين وقوف أتوس بحوار بابه فتقفز في كبوت الأتوس ومن ثم إلى سقفها، ثم تقفز إلى الحيطة ومنها إلى عرش (سقف) الراكوبة (فتعيث فيها فسادا). وكل ذلك من أجل أن تأكل من طرق (أوراق) التبلدية! أها النوع دا عمرها ما سمعت بالأظافر وأرقّ كلمة يمكن أن تقال لها: تك يتكيك ويضبحك!
| |
|
|
|
|
|
|
Re: يا أخوانا، حاتم دا زي ترمب (Re: أبوبكر عباس)
|
Quote: غايتو ما لينا في الطيّب نصيّب ولكم السلام يا معشر الكرام |
وعليكم السلام يا معاوية. كيف ما ليك في الطيب نصيب؟ ات ما شايف سيرة سيدون ودوار الشاحنات؟ نان ديل ما نصيبك.. والكفالة:)!! هي صحي اتبرا فيها دوار ولّ ياها صينية ساي:)
| |
|
|
|
|
|
|
Re: يا أخوانا، حاتم دا زي ترمب (Re: هاشم الحسن)
|
يا هاشم الفرق بين الصينية والدوار.. الصينية بيكون فيها بوليس حركة لابس أبيض الدوار بكون فاضي والأولوية للقادمين من جهة اليسار يعني لازم تحكوها مع بكور دا وتطلعوه حنكوش متسلبط في حكاوي دلنج يحي فضل الله... بطلوا حسادة خلو بكور يكمل، حشيتو أفكاره ياخ
| |
|
|
|
|
|
|
Re: يا أخوانا، حاتم دا زي ترمب (Re: هاشم الحسن)
|
Quote: يا محمد الأمين إنت زول حامض خلي الزول يحكي (آظفار أو أضلاف) الفرق بسيط |
يا عبدالعظيم الزول دا لو سكتنا ليهو بعد شوية حيحول لينا اللحاف ومخدتو لفراش ووسادة... والواحد يتلخبط: هو في دبي ولا في الخوي!
| |
|
|
|
|
|
|
Re: يا أخوانا، حاتم دا زي ترمب (Re: محمد الأمين موسى)
|
ابوبكر وشركاه قافلة يحي والعير التي كان فيها .. اما ابراهيم ناجي كانت قافلته اصغر...قال عنها أقافلة الحياة أريتنيها "**" فلم ترَ مثلها عيني مثالا أجل هي نحن في الدنيا حيارى "**" وما ندري لقافلةٍ مآلا رأيتُ حياتَنا كم من غريب على "**" جنبيه بالإعياء مالا وكم من سائلٍ لم يلقَ ردا وقد "**" سأل الهواجرَ والرماﻻ
| |
|
|
|
|
|
|
Re: يا أخوانا، حاتم دا زي ترمب (Re: أبوبكر عباس)
|
البوست ده من بوستات ابوبكر عباس السمحة لولا مداخلة سيدنا هاشم الحسن ..
الغريبة هاشم صاحب ابوبكر ويفترض يكون فاهم انو الغنا الطاعم لي فنان كبير ما مفروض يتغنى في حفلة فنان اكثر تواضعا ..
هذا يلزمني بالاعتراف بابوبكر كفنان في هذا البوست .. وهو كذلك
| |
|
|
|
|
|
|
Re: يا أخوانا، حاتم دا زي ترمب (Re: أبوبكر عباس)
|
ترمب العنصري جنو لولوة ؤولولة.. قبل يومين سألوه: ات يا ريّس بقيت وايت ناشوناليست ول كيف؟ طوالي حنبك ؤوشو حمر وقال لا انا ناشيوناليست ساي. والسود ديل كلهم اصحابي الروح بالروح وانتو كذابين ؤعدويين الدولة.
أها اليومين ديل شايف حاتم واقف في خط سبعطاشر ونص، واقف والهم عصف. راسو وألف سيف واقف ألف وطنية أحمر! قال للجماعة: كلكم جهوية كشمشا ساكت.. ورافع صور وشعارات وشغال خطب نارية وديماجوجية فوووق تقول يا ليل. حتى قال لي المشرف: يا زول هوي زح مني كدي ول كدي. تر لي غادي عامل لينا جلابيتك المخلقنة دي.
قلت سبحان الله؛ هل يمكن أن يكون وجه الشبه بين حاتم وترمب، هو فرط الوطنية الظاهرة بآخرهما؟ ===== يا مشرف بالله ما تستكثر اغنية وردي على بوست الفكي أبكر؟ الزول دا فنان خلي بالك.. ؤبالأمارة اغنينو المفضلة هي (صدفة يومي اللاقيتك).. لكن انت بس ما ركبت معانا العنافيات بين دبي وام القوين.. كان نم ليك من نم الزمن القبيل والزمن اللسع جاي وكان عرفت حاجة:) ===== يا أبكر، كيف يعني تدعو ترمب البعيد للمسيكتاب شمال، وما تدعو حاتم القريب منها؟ أكان يلاقي الهميم أو نبني له صرحا.
| |
|
|
|
|
|
|
Re: يا أخوانا، حاتم دا زي ترمب (Re: هاشم الحسن)
|
تسلمي يا اخلاص مع انو البوست ليس للفائدة ودخلت بقصد العكننة والمشاغلة والرسايل المشفرة قاصد بكري بس وقليلا هاشم لكن اهو وقت جابت معرفة صحيح الامر من اري للمذكر ر وللمؤنث ري العربي دة صعب ياخ عديل كدة 😆😆
| |
|
|
|
|
|
|
Re: يا أخوانا، حاتم دا زي ترمب (Re: اخلاص عبدالرحمن المشرف)
|
اتي ما حدثوك يا اخلاص ؟ البوست لا يعد ملكية شخصية مشاع نطفشو ليهو ما يعرف يلمو زاتو مش هو بطفش برضو ؟ نخلي هاشم يغلبو يصلحو ليهو شايف هاشم كل ما شرد جابو راجع العربي صعب ياخ كلمة واحدة تديها ضمة ولا فتحة ولا كسرة ولا سكون في حرف تطفشك
| |
|
|
|
|
|
|
Re: يا أخوانا، حاتم دا زي ترمب (Re: اخلاص عبدالرحمن المشرف)
|
Quote: وعليكم السلام يا معاوية. كيف ما ليك في الطيب نصيب؟ ات ما شايف سيرة سيدون ودوار الشاحنات؟ نان ديل ما نصيبك.. والكفالة:)!! هي صحي اتبرا فيها دوار ولّ ياها صينية ساي:) |
أتبرا الجديدة حسب تعريف عبد العظيم فيها دوآر شوّف عيني جنب الفندق بعد تقطع اللتبراوي، والفندق زاتو اكان ما وراني ليهو دليلي لمجاهل اتبرا الجديدة المستنير ما كنت خابرو، أما اتبرا القديمة فيها صينية . خسمتك يا ود الحسن ما تحدِس زول بحكاية الكفيل دي، وأنا سمع أضاني دي ما قالا لي زول، هسّع أنا رسلت السعودية يجيبو لي دستة عُقالآت ؤ مُنشار . كنتُ أنوي أن أمتطي قلوصي وأنيخ معه في بادية السماوة حتي نلتقي ذلك الرجل ونسمع منه عسى أن يكتب الله لنا الهدآية ...
| |
|
|
|
|
|
|
Re: يا أخوانا، حاتم دا زي ترمب (Re: أيمن نواى على)
|
ابكرونا الونسة ما تكون حلوة .. الا لمن تحط من قدر قبائل الناس .. هسى لو كنت دخلت اسم قبيلة تانية عينك ما تشوف الا النور ..والباقين كمان فرحاتين يشجعوا فيك مذيع ناجح بدون خجلة .. ابكر داير تبقى ناجح على حساب السخرية وبث الكراهية والعنصرية .. ابكر شوف ليك قيم ضمنة ولا كوتشنة العبها .. غادى غادى ..تر مننا الفينا مكفينا
| |
|
|
|
|
|
|
Re: يا أخوانا، حاتم دا زي ترمب (Re: أيمن نواى على)
|
بالله يا ابكرونا الدنيا دى كان ما فرندقس تخلى الحريف وتدى الطقش .. ما كنا اتلمينا مع الحنش .. ابكر من يوم الليلة تتف الكلام دا من خشمك .. قال صوفة .. الصوفة التقوم ليك فى محلة كدة ما تخليك تنوم .. اعتزر فورا وسريع بدون مجمجة .
| |
|
|
|
|
|
|
Re: يا أخوانا، حاتم دا زي ترمب (Re: أيمن نواى على)
|
ابكر ما تمثل دور العوير فى كتاب الطيب صالح وترسل الجمرات الخبيثة .. الونسة دى بيتونسوها فى الصوالين المغلقة .. لمن خلاس ماخد راحتك وتتجدع وخلفك كورال مشجع فنان ومبدع ..يعنى خلاس جبت التائة .. ابكر شوف ليك غماية عالجها بدل البتسوى غيهو دا ِ
| |
|
|
|
|
|
|
Re: يا أخوانا، حاتم دا زي ترمب (Re: أيمن نواى على)
|
بدت ترمي في اللقيمات، ريحة احتراق القمح زيها وزي احتراق البن تفعل الافاعيل، أخذتني الريحة لقصته الأخرى عن النوباوي جمعة كافي تيّة وعشقه لريحة الرغيف، ربط دماغي بسرعة تذكرت كافي بجون كوفي في الميل الأخضر كوفي تنطق مثل القهوة ولكنها ترسم بطريقة مختلفة وكافي هو راكوبة القهوة ذاتها قلت في سري يا للهول!! ماذا يحدث؟!! قررت وأنا أتناول صحن لقيمات شهي بعد القهوة أن استمتع بهذا الربط في خيالي ولا أحكيه لهم، عشان ما تقوم البت دي تتحرق بالزيت ساكت. وأيضاً خفت أن يندرع فيني الأغبياء خارج الراكوبة بعباطة العنصرية
قلت يا للهول مرّة ثانية، جمعة كافي تيّة في خيالي هو نفسو جون كوفي ولا أقول ليكم، قررت الانتظار لحدي ما تخلص من اللقيمات وأحكي ليهم الربط
| |
|
|
|
|
|
|
Re: يا أخوانا، حاتم دا زي ترمب (Re: أبوبكر عباس)
|
ابكر العوير والله يا ابكر سنة 98 جيت غشيت هيا وتلجاريب ومسمار والحديقة ودخلت عطبرة ما كان فى شارع زلط فى الزمن داك .. سايق عربية SUV ليها 3 شهور من موديل السنة ..فيها تلاجة بين المقعدين الامامى .. عطبرة كلها وقفت بى فرت رجل. محل ما امشى الناس تتلما فى العربية تتفرج .. امشى اسال ناس شركة سيدون قول ليهم الزول الزول الشال الوقود وما دفع تعريفة .. و مدير بنك السودان اسالهم من صاحب الشيك 4 مليون جنيه كان مبلغ كبير فى الزمن داك .. ولا اسال مدير شركة النقل النهرى .. اسالوا من الزول الوحيد دفع نصف قيمة عبور نقل السيارات والباقين دفعوا القيمة كاملة لمن الناس احتجت المدير قال ليهم الزول غشانا .. يا ابكر عطبرة كان فيها اثنين لكوندا واحدة فى الجديدة وصاحبها قبطى والتانية فى السوق كلها عناقريب ..والمطاعم مافيها غير الفول والشية .. كانوا ناس ساكت نلعب بيهم زى مادايرين .. متين افتحتوا .
| |
|
|
|
|
|
|
Re: يا أخوانا، حاتم دا زي ترمب (Re: أبوبكر عباس)
|
انت صحي يا ود نواي كبيت البنزين وزوغت مالك ما دفعت بفخامتك وجيبك المليان دا.؟
غايتو لو كنت هنا في السعودية كان كسروا ليك القزاز الوراء لانو اي عال طرمبة هنا تتصور خاتي ليهو اربعة خمسة حجار غلاااد للناس البكبو ويكبو الزوغة
ازيكم ياخي
| |
|
|
|
|
|
|
Re: يا أخوانا، حاتم دا زي ترمب (Re: أبوبكر عباس)
|
يابكور انت قاعد تحكى وتدفع فى فنجان البن الشى الفلانى وماعارف البصله امس بى سته جنيه فى بحرى امس. خساره الفلوس الدفعناها فى استنارتك .مواضيع الساعه ظاهره .سالت بتاع الرقشه قال فنجان الجبنه بى ٣ كبايات ابو حمار
| |
|
|
|
|
|
|
Re: يا أخوانا، حاتم دا زي ترمب (Re: عمر دهب)
|
سلام محمد الشيخ والله كبيت من الشركة الام .. ما من الطرمبة .. ودعونى واخر ابتسامة كمان .. الشهرة متاعب .. بس عشان الواحد بطقع معاكم فى المنبر افتكرتوا مجنون .. الناس العاملين شفوت مقددين عطبرة .. اسالهم الحتة قدام عطبرة سامينها الحديقة لى شنو .. اقسم بالله العظيم كنت بسافر بالليل فى الخلاء عطبرة بورسودان بالنجوم .. ناس المستنير كان بيقروا فى الجامعة كيف يحوشوا الغنم. .. الوكت داك كان فى الطريق فى الخلاء تلقى عريشة واقفة برها ..سامينها الكافتريا .. اذا النار مولع توقف عربيتك تنتظر .. بعد شوية يجيك صاحب الكافتريا اذا كنت عايز تشرب شاى ولا جبنة .. لو عندك اكل يعملوا ليك ..تدفع. الفيهو النصيب وتتخارج بليلك دا .
| |
|
|
|
|
|
|
Re: يا أخوانا، حاتم دا زي ترمب (Re: أيمن نواى على)
|
Quote: الونسة ما تكون حلوة .. الا لمن تحط من قدر قبائل الناس |
أبو اليمن ود نواي؛ والله حكاياتك حلوة ومتروسة شفتنة وجنصصة لكن عليك النبي هسع لو المسننير كان قال الونسات دي جرت في دكان الفول بتاع الشايقي ول محل جبنة بتاع الهدندوي ول مع بتاع الكارو الجعلي.. يعني كنتا حتتحسس برضو ول كيف؟ ==== من ناحية تانية؛ اكتر تلاتة بتاعين فتن في المنبر هما: الفكي ابكر وصاحبه قسم الفضيل.
| |
|
|
|
|
|
|
Re: يا أخوانا، حاتم دا زي ترمب (Re: هاشم الحسن)
|
سلام هاشم الحسن والله الشاقى .. الجعلى.. المحسى .. الدنقلاوى .. الحلفاوى .. البطحانى .. الفلاتى .. البرقاوى .. المسيرى .. التعايشى .. الريقى .. الفوراوى .. النويراوى .. الدينكاوى .. الزغاوى بى زغاوة تشاد .. ديل ناس البيت يجوا ويبيتوا و واحدين بالسنين معنا . لكن ناس عطبرة فاكينها فى روحهم شديد خلاس .. مرة كدى مشيت لى صاحبى الطاهرفى الدكان بره عطبرة كدى. ..لقيتو شادى حلة دمعة قدام الدكان .. سالتوا الطاهر عندك ثلاث نساوين تطبخ ليه .. نساوينا ما بعرفوا يطبخوا.. بعملوا الشية والعصيدة بالروب .. ياخى الواحد لمن يجى عطبرة لى اخونا قائد المدفعية يكون مزنوق متين يمرق منها .. السوق المطاعم مافيها غير الشية والفول واذا ما حصلت تلقا الاكل خلص .. فى الزمن د اك هسى امكن اتصلحوا شوية .. ثقافة بتاعة اكل ماعندهم .. امشى خش الغرب اى قرية .. المرأة تعمل اكثر من عشرين صنف من الطعام .. ناس عطبرة ديك فاكينها فى روحهم شديد .
| |
|
|
|
|
|
|
Re: يا أخوانا، حاتم دا زي ترمب (Re: هاشم الحسن)
|
غايتو يا عمر دهب، الما بريدك يحدر ليك في الضلمة. ما عارف، لكن أنا بكون متفاعل مع البؤس الحاصل دا بشكل إيجابي أكتر منك عشرات المرات. متأكد أنك تعيش رفاهية أكثر مني بكثير
لكن لو دايرني أربط روحي في جذع شجرة؛ بعملو
| |
|
|
|
|
|
|
Re: يا أخوانا، حاتم دا زي ترمب (Re: أبوبكر عباس)
|
Quote: بدت ترمي في اللقيمات، ريحة احتراق القمح زيها وزي احتراق البن تفعل الافاعيل |
إنت يا مستنير لقيماتك دي بيحمروها ولا بيشوها؟! "احتراق القمح" الطيب الزيت مشا وين؟
غايتو أنا وراك وراك يا إما أصبحت مشهور بسببك (انطلاقا من مقولة: بجاه الملوك نلوك)، يا إما اشتكيتك للمحاكم!
| |
|
|
|
|
|
|
Re: يا أخوانا، حاتم دا زي ترمب (Re: محمد الأمين موسى)
|
يا بروف* جمعة كافي تيّة إنسان بري، بشم ريحة الطازج من على بعد أميال، كل أفران كادوقلي تعرفه مع أول صينية رغيف تطلع في أول فرن بتكون من نصيب كافي مجاناً كان يلتهم الرغيف بطقوس عجيبة
أتوقف عن الكتابة نهائياً بالمنتدى كما فعل زميلي في الكوزنة ود البارقة، وذلك للمضايقات والتخوين و الحقد الذي أواجهه
| |
|
|
|
|
|
|
Re: يا أخوانا، حاتم دا زي ترمب (Re: السيد المسلمي)
|
أبوبكر عباس
سلام دكتور عباس. . خونة ، مضايقات ، كوزنة. حقد . كلام كبير خلاص. الحمد لله ما قلت نفسيات. قالو المجانين في نعيم . ياخي انت من اعز الناس. القمر الضواي في سودانيزاون لايص. بث. بث بث. ما تتوقف عن الكتابة نهائياً بالمنتدى شواقي.
Quote:
أتوقف عن الكتابة نهائياً بالمنتدى كما فعل زميلي في الكوزنة ود البارقة، وذلك للمضايقات والتخوين و الحقد الذي أواجهه.
أبوبكر عباس
،،،،
|
عزالدين عباس الفحل ابوظبي
| |
|
|
|
|
|
|
Re: يا أخوانا، حاتم دا زي ترمب (Re: osama elkhawad)
|
هي حكاًوي وحكايات نجمل بها جفاف الحياة هاكم ليها ناشفة في ترحال قافلته بين سودري وام در لحظها جميلة رشيقة كغزال اما (الكسرو فيها ف أجادةالطبيخ ) عشرين صنف يا زول شي تقلية شي بالكول و شي مرس شي نعيمة شي جداد وفي قول ناس المدن دجاج لا تجد لة عظمآاما ملاح الروب وفي وشو البصل تدي ربك العجب المفروك اديهو ليها ولما كان صديقة وابن عمه بطيني يضرب به المثل فقد كان يصر علي ان تمر القافلة بمحلهم.. في ذلك اليوم شعر بالنعاس أغمض عينيه علي صورتها ثم غطي عينية بالطاقية البرتقالية ليحلم بها ، شعر بها تأتي خلفه وتأخذ سبيبة لحظها ابن عمه من بعيد وفرح فقد كان يحب بنت عمهما الا ان عمه وجده قد خطباها ل( زول السبيب ) تركه وذهب للقافلة ولم يخبرهم بتأخره. حين السؤال عن سبب عدم رجوع ابن العم حكي لهم الحكاية مع زيادة عدد السبيب ليصرن سبعة سبيبات طوال . كل تزوج بمن أحب وانجب اما اب سبيب فأنجب فاطمة وعمر وبعد وفاة الزوجة شعر بالوحدة واصيب بمرض النسيان (الزهايمر) . فاطمة تزوجت وارتحلت وعمر تخرج من الجامعة واغترب اما اهل زوجته ف الاخت كبرت والجمع قد تفرقت بهم السبل , لم يتذكر في الزمن الغيهب سوي القافلة
وجو ناس كتبوها وصلحوها لنندهش ناشفة مش
| |
|
|
|
|
|
|
Re: يا أخوانا، حاتم دا زي ترمب (Re: محمد جمعه الخير)
|
سلمى الشيخ سلامة!! يا حليلا.. والله يا حليلا.. تحية لها وللسِيَر العطرة. ++++ ------ إذن يا دكتورة إخلاص، النص الأتيت به، يبدو كنص موازي.. وكذا نص يحي فضل الله، المشار إليه "بالقافلة"، فهو أيضا تناص مع أصل لنص فولكلوري ما (من ذاكرتي). لكن اللعب بالزمن وتجميده أو تمييعه حد الزئبقية، فهي اضافة (مستنيرة) من حكاية أبي بكر لحكاية تفاعل فتاة الشرقرق مع حكاية يحي الكاتب التي تناصت معها حكاية إخلاص.. وخلطه لكل ذلك مع زمن المنبر... إذن الباقي هو: ما أصل أصول هذه الحكايات.. وهل من كتاب للأحاجي السودانية في هذا الجوار؟
أما العجب العجاب فهو؛ لو أن الخواض، وقد توفر على كل هذه النصوص "السبيبية" المتناسلة، فأجرى عليها "هامشا" نقديا، كما وعده بأعلاه لقسم الفضيل. فإذن؛ بـ "بصيرة النقد"، قد ينكشف قناعُ "الحكاوي" عن "سبيبة" الامتاع!!
| |
|
|
|
|
|
|
Re: يا أخوانا، حاتم دا زي ترمب (Re: اخلاص عبدالرحمن المشرف)
|
Quote: أما العجب العجاب فهو؛ لو أن الخواض، وقد توفر على كل هذه النصوص "السبيبية" المتناسلة، فأجرى عليها "هامشا" نقديا، كما وعده بأعلاه لقسم الفضيل. فإذن؛ بـ "بصيرة النقد"، قد ينكشف قناعُ "الحكاوي" عن "سبيبة" الامتاع!! |
أنت , وربما الوحيد، الذي تعلم أنني كتبت سلسلة من النصوص النقدية في موضوع "استعمال النص"، و"القراءة" و"التأويل"،
مصرّا ًقدر الإمكان أن تكون الامثلة سودانية.
والانترنت بعكس القراءة التقليدية يعطي أمثلة باهرة في "تلقي النص " و"استعماله"، و ما أسمِّيه "فاتح الشهية" الطفيلي للنص.
وهذا البوست يعطي أمثلة واقعية باهرة عن قضايا "نظرية" في ما أنا بصدده.
ولذا -كما في "المخطط التأويلي"* يعتبر نص "القافلة " ليحيى فضل الله ، هو كما سبق لي أن ذكرت يعتبر "الحلقة المفقودة"..
| |
|
|
|
|
|
|
Re: يا أخوانا، حاتم دا زي ترمب (Re: osama elkhawad)
|
كيف لأديب تقليدي أن ينقد أعمالي، هو لا يستوعب حدودها، هذه مدرسة "كسر أنف" احتكار الكتابة، أنا بمثابة ثورة والخواض كحاكم عسكري يرى في المشي خارج خطى الكتيبة ما يستحق الشنق
في البداية أرى أن ندخل هذا الناقد مدرسة "الكتابة التفاعلية لمدة سنة، بعدها نؤجر له كلكال
| |
|
|
|
|
|
|
Re: يا أخوانا، حاتم دا زي ترمب (Re: معاوية المدير)
|
Quote: في البداية أرى أن ندخل هذا الناقد مدرسة "الكتابة التفاعلية لمدة سنة، |
أهلا
ما هو تعريفك "للكتابة التفاعلية"؟؟؟
ولكي تشرح للمتابعين بطريقة عملية:
ما هوالفرق بين ما تنشره أنت مثلاً وما ينشره عثمان م. صالح في هذا المنبر، منظوراً إليهما من خلال مصطلح "الكتابة التفاعلية"؟؟
| |
|
|
|
|
|
|
Re: يا أخوانا، حاتم دا زي ترمب (Re: osama elkhawad)
|
مثلي لا يُسأل عن التعريف، نحن نبتدع الأشياء، ومن ثمّ يقوم الأكاديمي بمحاولة تأطيرها وهيهات! الفرق بيني وعثمان هنا؛ أنا أكتب بمحبة وتواضع ولغة سهلة جداً باختصار: عثمان كاتب تقليدي جيد وأنا مبدع، مبدع بالمعنى الحقيقي للكلمة أبتدع المدرسة الجديدة
| |
|
|
|
|
|
|
Re: يا أخوانا، حاتم دا زي ترمب (Re: أبوبكر عباس)
|
Quote: الفرق بيني وعثمان هنا؛ أنا أكتب بمحبة وتواضع ولغة سهلة جداً باختصار: عثمان كاتب تقليدي جيد وأنا مبدع، مبدع بالمعنى الحقيقي للكلمة أبتدع المدرسة الجديدة |
سؤالي كان محددا جدا: ما الفرق -ليس من ناحية نوعية الكتابة وقيمتها الإبداعية-
ولكن من ناحية النظر إليهما ضمن مصطلح "الكتابة التفاعلية" حين يتم نشر نص لكل منكما..
ماذا يحدث من اختلاف، ضمن منظور "الكتابة التفاعلية"؟؟؟
وهل أنت أوّل من "صكّ مصطلح الكتابة التفاعلية؟؟؟
وأوّل من زاول "الكتابة التفاعلية"؟؟؟
| |
|
|
|
|
|
|
Re: يا أخوانا، حاتم دا زي ترمب (Re: osama elkhawad)
|
عثمان ليس له علاقة بالكتابة التفاعلية، نصوص عثمان معمولة في بيتو، أنا الصاج بتاعي بجيبو هنا وقاعدين نشتغل الوجبة هنا جماعياً
نعم أنا رائد هذا النوع من الكتابة، لا أنسى دور الأحباب الجميلين الذي يقذفون بالتوابل والعطور علي الفكرة الأولى
| |
|
|
|
|
|
|
Re: يا أخوانا، حاتم دا زي ترمب (Re: عبدالحفيظ ابوسن)
|
Quote: تحياتي استاذ الخواض اظن الكتابة في المنابر ومواقع التواصل كتابة تفاعلية ممكن اعدل سؤالك بإضافة ابداعية فتكون كتابة تفاعلية ابداعية |
هذا أصلا مصطلح موجود ، وقد "لفحه" ابوبكر بدون أن يدري ماهيته...
تفاعل القراء لا يضيف شيئا الى النص ، وانما هو يشير إلى مدى استجابتهم للنص...
يعني "شتيمة" نواي للبيطار هي جزء من كتابة ابوبكر التفاعلية؟ ههههههه
هذا "التفاعل" يحدث في أوضع البوستات ههههه
| |
|
|
|
|
|
|
Re: يا أخوانا، حاتم دا زي ترمب (Re: أبوبكر عباس)
|
Quote: تفاعل القراء لا يضيف شيئا الى النص ، وانما هو يشير إلى مدى استجابتهم للنص... |
على الأقل تصويب بعض الأخطاء - إن وجدت - تضيف شيئا إلى النص. أما إذا كان صاحب النص مبدعا موهوبا فيمكنه أن يستلهم من تفاعلات القراء ما يثري نصه الحالي أو تلهمه التفاعلات إلى إنتاج نصوص جديدة. وأما إذا كان النص ميتا، ففي هذه الحالة الدوام لله وحده.
| |
|
|
|
|
|
|
Re: يا أخوانا، حاتم دا زي ترمب (Re: أبوبكر عباس)
|
حرامي البنزين شتمني فقط لأنو أنا قلت ست الشاي نوباوية، تحداني أن أرجع للبوست، رجعت للبوست ومعي نوباوي آخر إمعاناً في عدم الاستجابة للقهر، المرّة دي نوباوي ولد الطبيعة ثم تداعى جون كوفي ومحسن وسلامه الذي أبحث عنه داخل ترامب وحاتم
أنت وعثمان لا تعرفون شيئا عن الكتابة التفاعلية
| |
|
|
|
|
|
|
Re: يا أخوانا، حاتم دا زي ترمب (Re: أبوبكر عباس)
|
Quote: إذا كان صاحب النص مبدعا موهوبا فيمكنه أن يستلهم من تفاعلات القراء ما يثري نصه الحالي أو تلهمه التفاعلات إلى إنتاج نصوص جديدة. |
شكراً محمد الأمين . إتفق مع هذا الكلام 100%، فالكتابة الجماعية أو المشتركة أو فلنقل كتابة المنتديات فيها برآح أوسع من الكتابة المحصورة الخالية من روح الحوار ...
| |
|
|
|
|
|
|
|