05:55 PM November, 01 2018 سودانيز اون لاين دفع الله ود الأصيل- مكتبتى رابط مختصرالسلام عليكم {اسمع الله نهاركم و مساءگم بكل خير استراحة الخميس من واقعنا الحاضر قصة انسانية بحتة من يقرأها لا يملها ولا أظنهسيتوقف عن التهامها مرة واثنتان وثلاث و رباع}.
{{{{{{1}}}}}
[} صادفت في هذا الصباح عمك ( الخير ) واحد من أعمدة الحلة و ناسا القديمين يترجل الطريق ...بس ما ياهو (الخير ) البعرفو ..جيت عليهو و بعد السلام ...قلتا لي مالك ياعم الخير مشيتك فترانة كدا عاين لي و فِي نظرته حيرة ورجاء و إن كان يبدي بعض التماسك .. قلتا ليه في شنو !؟ قال لي هو ( الفي ) شنو ..قول لي حاجه واحده ( في ) ..أنا يا إبني عشرين سنة ماحصل وصلت بي الحالة إني أقيف عاجز عن توفير حاجات البيت ورمضان داخل علينا ......!! بتصدق ما قادر أجيب ( سكر ) بس .. خليك من أي حاجة تاني ....ولدي ( معاوية ) قاعد في السعودية دا الشهر الخامس بدون شغل و رغم دا كان برسل ليهو مصاريف قال بسوق مرات حاجه زي (ترحال) دي..!! و منعوهم منها .. مسكين هسا لو صرف علي نفسو بكون ماقصر .. قاعد هناك علي أمل وظيفة جديدة ..الله كريم و براك شايف أهو البنات قاعدات في البيت ..و الصغيرة ( إلهام ) دي بعد ما اشتغلت في ( زين ) وقلنا خير ..رجعو قالو ليها ما حنقدر نثبتك تمشي وتجينا تاني .. (وعبد الرحمن) ياهو داك مع الجامعة بتصدق ما عارفو بصرف علي نفسو من وين.. و انا بعد خدمتي دي كلها يشهد الله المعاش(قفة) ملاح ما بجيبا لي!! المابخليني مهموم شنو الحمل تقيل و الصبر قليل ..مع ؤ قلة الحيلة صيق ذات اليد صعبة يا ولدي الله لا يضوقا لحبيب.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
دفع الله ود الأصيل
فيس بوك
تويتر
انستقرام
يوتيوب
بنتيريست